اقتباس:
|
اقتباس:
وعبرك للأحباب شقليني، أبو جعفر وكل من لديه تحفظ (مشروع) على نقطة التعديل. فقط أود أن أضيف حالة رقم 3 على الحالتين القالهم حسين في مداخلتو: هناك من يغضب لأي سبب من الأسباب ويقنع من سودانيات ويقوم بمسح كل بوستاتو ومداخلاتو الموجودة، وده بيكون أثرو مدمر جداً على البوستات الافترعها، أو شارك فيها، خاصة لو كان عضو نشط. المسألة دي موجودة، وقابلتني تلاتة حالات مشابهة والتلاتة من الأعضاء النشطين (جداً)؛ والحمد لله اتنين قدرنا نقنعهم، والتالت طلب مسح بوستاتو بعد قفل خاصية التعديل، وبرضو اقنعناهو. أتفهّم تماماً سبب المطالبة بفتح خاصية التعديل، لكنّا من جانب آخر نريد حماية الحالتين المذكورات في رقم 2 من مداخلة حسين، ورقم 3 الأضفتها أنا. لذا رأينا أن الحل يكمن في مكاتبة المشرفين وارسال التعديل المطلوب لهم ليقوموا به نيابة عن صاحب المداخلة، هذا في حالة مرور ال 24 ساعة. مع تحياتي. |
المثالية والرومانسية عندها استحقاقات وثمن لازم تدفعو كاش داون حتى بعد داك تتشدق بيها وتقشر بيها
اعزائي مهند ولنا جعفر، ياتبقو زي النور ده كده تقارعو المسيح في التسامح والاخلاق، يا ابقوا زينا كده بتاعين فش غباين!! عسوم طرح مظلمته كاحسن مايكون الطرح، يا تجيبوها هنا وتنظروا فيها بالعدل، يا كمان تسمعوا كلامنا لمن قلنا ليكم زمااان امثال عسوم لايجب اعتبارهم اعضاء مكتملين الحقوق كانهم ناس صحي صحي |
اقتباس:
|
للعلم ..
تم اجازة التعديلات وفق اللائحة والاعلان .. و التصويت مقفول .. المشاركون " 18 الموافقون .. 14 النسبة 77.78% حسب اللائحة .. و شروط الاستطلاع .. تم اجازة اللائحة. رفعت الأقلام و جفت الصحف .. |
اقتباس:
البوست لا عني ولا بيعنى بي , البوست لنقاش اللائحة.. يبقى اعترافك بالشخصنة ده هو الدليل الواقف ضدك... لاناقشت هنا نقاش موضوعي ولا اشرت لنقاط بموضوعية ولا اسهمت في رفع الحوار...انت بتنحرف بالحوار لي غايات شخصية ومعترف بيها؟؟ ده مكانها بوست حسين ده؟؟؟ عموما وزي ما اشار عكود انت بتعاني من لبس فظيع ومافاهم اصلا المواد وما مستوعبا وسايقك غرض الهجوم بس وواضحة عدم موضوعيتك.. حنعيدو للناس ياماجد تاج اللائحة ممثلين فيها ناس من مختلف المشارب وآمال ممثلة وجهة نظر وفي ناس تانيين ممثلين لوجهات نظر غير ورفضو التكليف وآمال اتصدت بجسارة ... وجودي انا كان بتكليف من مجلس الادارة لانه المجلس صاحب التكليف وصاحب الحق الفعلي في اجراء التعديل على اللائحة يعني المجلس كان يفترض يعد اللائحة هو بنفسه ياماجد تاج وتوسيعا لقاعدة الشاركة شال الحق واداهو للجنة عشان تدرس وتعدل وتنفح واوفد رئيسو ليكون عضوا باللجنة دي وين المشكلة هنا؟؟؟؟؟ ليه جميع وجهات النظر تتمثل داخل الللجنة وآمال تستبعد؟؟؟ طيب اللجنة لو بيها لنا وآمال بتقدر تفرض رؤيتها على حسين عبد الجليل و وهاد وعكود وطارق؟؟؟؟ لو بنقدر انا وآمال نعمل كده فحقو تهنئنا موش تهاجمنا ... بنكون خارقين يا المجافين المنطق... فكرة رفض وجود آمال ضيق بالآخر وعدم اعتراف بيهو وتضييق ماليهو مبرر على الاطلاق وماكان ح يتم يايتمثل الكل ي المجلس ينزع استحقاقو ويمارسو براهو طالما الشكوك والشبهات ملاحقاهو في كل الاحوال... وتم تمثيل جميع وجهات النظر واللجنة اخدت جميع قراراتها بالتصويت الحر والمباشر.... يبقى الخوف من وجود آمال حسد شخصي وما امر موضوعي والخوف من وجودنا انا وآمال بيعني انه الناس الضد رافضة وجود وجهة النظر الاخرى من منطلق شخصي وبس ووجودنا أنا وآمال مختلف جدا ...آمال لتمثيلها وجهة نظر مختلفة داخل اللجنة وانا كنت موفد المجلس للجنة... عايزين تحرمو المجلس يوفد زول واحد لتمثيلو في شي كان يفترض يعملو هو بالكامل؟؟؟؟؟ طيب كان موقفكم شنو لو اللائحة دي طلعت بالكامل من المجلس؟؟ ماجد تاج انت بتمارس هلوسة علنية واضطراب شديد وارتباك مزمن وبتتكلم وانت ماعارف بتقول في شنو انا وجهت ليك اسئلة موضوعية وتركتها وقعدت تردح في امور شخصية وجانبية اكلمك في قراءات موضوعية وانت تتكلم عن أزيار وعواسات اقول ليك قدم رؤية نقدية تحترمك كمعارض موضوعي شغال لي ملي ازيار..... حتو تانية انت ماواقعة ليك خاااالص اللائحة دي ما وديناها البحر غسلناها وجينا عملنا لائحة تانية اللائحة دي اتعددددددلت.....انت واضح ليك ياجنابو الفرق بين تعديل واستحداث من عدم؟؟؟؟؟؟؟ يللا المادة الجبتا فيها سيرة عكود دي ماكانت تبعنا..... لاعدلناها ولا لمسناها.....قاااااعدة من زمان خالد وكانت قدام عيونو... وشغال كلام مضحك من بداية البوست انا اقراك واضحك....واقراك واتحير شغال اعيدو صياغة البتاع وركاكة الشنو ماعارف وانت ماعارف وماتاعب نفسك عشان تعرف وجاي تقوض ما تصلح ولا تناقش ولا انت عارف القديم وين ولا المستحدث وين ولا اللي اتعدل زاتو..... معارضة من اجل العارضة ومزاج تخريب جهود الناس وعدم خوف من الله وتجني ... امشي اقرا واجهز للائحة ياماجد وعدم العرفة بيتعالج بالسؤال....لكن انت بتقطع وانت ماعارف ورافض السؤال وقافل اي حتة تفهم.. * قصة الزير ياجنابو حسين راعي البوست فهما زيي وفي ناس فاهمين فهمنا انا وحسين ولاتجتمع امتي على ضلالة لكن بحسب تاريخك هنا انت اسهل شي بتعملو التنصل ....والتنكر حتى لغرس يديك بعدين حكاية العواسة وفي حتتا انا رديت عليك رد يونسك في قبرك اها تاني ناكش الاستوري ليه؟؟؟؟ الفهم شنو؟؟؟ انت العبقري بتاع المرادات وانا تعيسة لا بفهم ازيارك ولا عواساتك واني محتاجة لدكشنري مكين لفهم ماجد تاج الثمين؟؟؟ * ياماجد تاج فواصل الكوميديا بتاعتك دي واللهي فاقت قدرة الضحك العندي كيف اموجب باللائحة ؟؟؟ المكان ده ماعندو اسياد وارادات ؟؟؟ انا زول جاي بس يقعد سنتين تقوم تصنع مني الجبار الدائم؟؟؟ ياخ في ممثل مالك عاقل ومخو راجح وراجل ملمات وعمدة وانا وهو ما متفقين على طول الخط لكن بينا حدود احترام ومحبة وتعقل ومشتركات اهمها الحفاظ على المكان واعلاء شأنو وفي امين عام بنختلف انا وهو في امور كتيرة وبنتفق على حب الحتة والحرص عليها ومعالجة خلافاتنا بالحكمة وفي مجلس إدارة من ستة افراد ياخ وفي مشرفين كتاااااار ديل كلهم انا خاتاهم في جيبي؟؟؟؟ ياخ اخجلت تواضع مقدراتي واللهي وصنعت مني سوبر مان ورجل الخوارق ورقم صفر ..... باللهي انا مهنضبة ديل كلهم ولاغياهم وممشية ارادتي عليهم؟؟؟ حلاااااااتي وحاة النبي وجيت لي:sarcastic_hand: شوفتا عدم الموضوعية وحب الهتر بيوديك لوين؟؟؟ استولى على المنتدى والاقي البيوافقني ؟؟؟؟ كوميديا ماحصلت ياجنابو..... انت مصدق نفسك ؟؟؟ * انت تكتب مابدالك ياماجد تاج واصلا كتبت وح تكتب اها مفتكر انه بيخوفني انك تكتب؟؟؟ واللهي لو معارض بجدية وموضوعي انا مابيخوفني الدواس ولا وجهات النظر خليك انت ماجد تاج القايل اني مستولية على المنتدى ومهنضبة الناس... وخليك انت ماجد تاج البسألك اسئلة موجعة وتهرب منها بي انك بتتكلمي كتير وما بتجاوب وتنطط من زير لي عواسة لمن تهلوس من زول قاعد تصنع منو بطل خارق عادة؟؟؟؟ الحاجة دي بتجيك من شنو ياماجد؟؟؟؟ واللهي هي حاجة كويسة وانا رفعت معنوياتي شديد وعندي قراية كانت غالباني هسا بي كلامك ده شجعتني عليها وقويت ثقتي في روحي ....انا كل ده؟؟؟؟ شكرا ياخ واللهي ....شكرا بحق :dance: * نجي لي حتة الحق ما بيحتاج لكلام كتير لتوضيحه... وانه انا كلامي كتير..... ماجد انت جادي ...صاح؟؟؟؟؟ ياخ انت بتعمل بوستات بتمشي لصفحة مليار وبتصرف عليها احمر واخضر ونقط وحواشي وكلام كلام كلام ومابتقول في النهاية شي ويحاصروك الناس ويهاجموك ويزنقوك وتحرد وتمشي وتجي راجع وتتكلم وتتكلم وتتكلم والبوست يصل هنااااك من كلامك المافيهو كلام وتجي تتكلم عن مداخلات لي انا المسكينة دي في بوستات ناس؟؟؟؟؟؟؟ ياماجد استهدى بالله ياخ... حيروني انا في الوش الاخضر البضحك... تتهمني انت ؟؟؟ *شلة البحبني عندك زيها ياماجد وانت منتمي ومتعامل معانا بخصومة منبعها انك رافض مخرجات الديمقراطية اللائحية الجابتنا وعليه ح ترفض اللائحة وح ترفض تطبيقنا ليها وح تتدخل حتى في دينا وخصوصياتنا وكلو بلا مسوغ ولا موضوعية كلو اتباعاً لي شلة البحبني اللي تبعك من الجانب التاني واللي حرصت انك تصنعها وتشق بيها وحدة الناس والمكان وتجي تتكلم عن شلة البحبني؟؟؟؟ انت قايل المكان ماعندو ذاكرة؟؟؟ولا مابيعرف يشوف؟؟ ---- ماجد تاج امشي اقرا اللائحة كويس وركز وبطل كوجان وتعال قول كلام موضوعي والمادة الفلانية والحتة الفلانية بدل ازيارك دي... انت لغاية هسا هلوستا ورغيت وأزبدت من غير تقول شي امشي ذاكر واعرف المستحدث والمعدل وين واعرف الفرق بين التعديل والمواد الجديدة وبطل جغمسة ياخ ولمن اسألك جاوب لو متحري نقاش ومالزيزة الزول يفط السؤالات قدام الناس ---- سودانيات لابتعقر ولا بتشحد ولابتنتهي بيمشو الناس ويجو وبتفضل سودانيات ده رغم تمنينا انه ماف زول يمشي ----- حسين أنا آسفة انه البوست يؤول لي كده لكن دي طبيعة العضوية العندنا عاملة كده....وانا مقدرة حجم دهشتك عايزة بس اخت الناس قدام انها تناقش بموضوعية حتى لو اللائحة اترفضت ويفترض الناس تبعد الشخصي والشخصنة وتتكلم عن اللائحة واي تشتيت جهد عن نقاش اللائحة بيضر بالناس كتير لانه في فرصة لسه انه الناس تتفق |
سلام يا معتصم،
التصويت اتفتح لمدة أسبوع واحد، والمفروض أسبوعين حسب اللائحة. خلال الإسبوع الإتفتح فيهو، كان فيها تلاتة يوم سودانيات متوقفة. مجلس الإدارة يدرك ذلك وسيقوم بالخطوة التصحيحية. بس برضو كويس، انو التأخير يدي الناس فرصة تتناقش. |
اقتباس:
نور العيون الضاوي ده ماعندو اي علاقة بمؤسسة العسكر :happy: المستثنى بإلاَ ابدياً واللهي رغم اختلافي مع مسيحيتو عسوم للأسف ياغالي ماعمل كده انا لمن قريت كلامو لقيتو منتهك اللائحة في ثلاث مواضع على الاقل زي ما قلتا ...ولأنه المكان محروس بسوابق ولائحة واعراف قمت بسحب المداخلة مؤقتاً تلافيا لضرر اكبر وأرفقتها للأمين العام لانه هو المختص بالتكييف اللائحي ووضع قرار نهائي في المداخلة والانتهاكات الفيها ان وجدت وما بينفع ياغالي ولا جرى العمل بمحاسبة عضو او النظر في طلباته على الملأ كل الاجراءات تتم داخلياً ده ماعملي أنا ومشيئة الأمين العام نافذة... المشكلة مافي عسوم وكلامه المعاد ملايين المرات الفوق ده... ولا في كلامو المحذوف المشكلة في الناس البتجي وهي معترفة بي جهلها باللائحة وتنافح عن حق عادل وتدافع عنه لا لسبب سوى انه الرئيس هو لنا جعفر ديل هم المدهشين بحق ...... متناسين حقوق الآخرين التي نالها عادل وابسط مبادئ العدالة كأنما الرسالة المراد ايصالها انكم لاتشتغلو باللائحة لمن يكون زول من معارضيكم مخالف... مجرد وجود العضو في خانة المعارض تجنح الادارة والامانة وتمنعهم من مزاولة اعمالهم.... المخالف خاضع لامحالة للائحة ان وجدت مخالفات والمكان سيسير وفق المعتاد من الخضوع للائحة والنظام وعدم الموضوعية مرتد لنحر المغرض ---- يارفيق الضيق انا مقدرة مسانداتك وشوفك الصافي ومقدرة اشفاقك .... وتعيش ياخالد |
اقتباس:
اقتباس:
سيّد عكود كيف أحوالك يا أخي .. أعتذر بشدة لوقوعي في اللبس واستعجالي في الكتابة على ضوءه .. ولا عذر أرتكن عليه .. لك العتبى يا سيدي حتى ترضى .. من جانب تاني كتر خيرك على الدرس القيّم ال قدمته لي من خلال ردك المهذب والمؤدب والرفيع والمتوقع فعلاً ممن هو مثلك .. الشكر الجزيل يا أخي ، وسأتولى محاسبة نفسي على الهنة الكبيرة ... ـ |
كويس دي أربطيها مع مداخلتي السابقة .. ما تفهميها بطريقتك دي .
ـ
لنا جعفر : كويس !! ـ |
اقتباس:
ياخي كويس إنك سألت، عشان التوضيح يستفيد منو الجميع وده هدف البوست (شكراً لحسين). مافي هنّة ولا عتبى ولا حاجة، فليس هناك سؤال غبي، ولكن هناك إجابة غبيّة. أبقى طيب. |
اقتباس:
1- اللجنة انهت مهمتها و سلمت المقترح للادارة 2 - من خلال النقاش تبين أ- ان هناك بعض النقاط يمكن تعديلها 2-ب- بعض إعادة الصياغة ضرورى .. 3- النواقص يفترض تضاف ولو كانت من المسلم بها . ماذكره أمير الامين حل للمشكلة " النص ما زال ساريا" " يمكن أن تتم إعادة صياغة التعديل ثم طرحه للمرة الثانية فإذا لم يجاز بالأغلبية المطلقة يعتبر ساقطاً" اقترح .. ما دام للمجلس الحق أرجو ادخال التعديلات اللازمة و الاستفتاء على المختلف فيه " لو اصرت الادارة على ايراد النصوص" للتصويت عليه ولو فى بوستات مختلفة. المسألة هي " سودانيات" .. |
اقتباس:
اقول للسيدة لنا رئيسة اللجنة الموقرة باني انتظر مناقشة مداخلتي ثم بيان مافيها مافيها مما قمت بايراه هنا مع اعادة عرضها طالما انك قد قمت بتكييف وصياغة الاتهامات وتحبيرها للقراء اذ لايعقل ان يقرا الناس ذلك دون ان يطلعوا على متن المداخلة لتكتمل الصورة للمشاهد وما ذلك الا لاني قد اعدت قراءة المداخلة مرات واستطيع الاثبات بان المحاور التي تناولتها قد كتب في منتدى الحوار الكثير من السياقات التي تماثلها واكثر... واوجه حديثي بكل الصدق لكل العضوية واقول: لان اثبتت السيدة لنا بانني قد شتمت او خرجت عن سياق اللياقة او استخدمت لفظا نابيا في حق ايما زميل او اداري فاني امتلك الشجاعة بان اتوقف عن الكتابة الى الابد في منتدى سودانيات... فالذي اتوقعه بعد سحب المداخلة ان تصدر الاحكام التي انهت السيدة لنا تكييف حيثياتها وحبرتها هنا للناس وتكون الخاتمة ايقاف اخر لشخصي وتختفي المداخلة في اضابير ارشيف الادارة دون ان يقراها الاعضاء فيتبينوا الامور على حقيقتها... ليعلم كل حادب على القيم وكل حريص على الديمقراطية والعدل في هذا المنتدى بان السبب في سرعة سحب السيدة لنا لهذه المداخلة هو لانها اشتملت على تفاصيل الظلامات التي شاركت فيها بنفسها مما سيسبب لها الاحراج عندما تخلق في الناس رايا عاما ينتصر للحق والعدل ولكم ان تقراوا رؤية الزميل قيس الذي افاد بانه قد اطلع عليها قبيل سحبها ولا اخال الزميل قيس ممن تغمط قدرته على الفه والتمحيص والابانة واحسب كذلك بانه قد قراها اخرون واقول لهم يجدر بكم ان تشهدوا اما لها او عليها ان كنتم قد قراتموها وذلك لعمري هو ابسط حق لزميل يتعرض لكل هذا التدبير بليل... بالله عليكم اقراوا ولو لمرة ايرادي لجزئية من كتاب الدكتور الاشقر في بوست الشيطان والجن وانظروا ان لم اكن قد بينت المصدر وانه منقول وفي مكانين وهما بين يدي ايراده وبعد الفراغ ولتشهدوا كما شهد كل من الزملاء سارة وبابكر عباس ان كنت سارقا؟! وبعد ان تقراوا وتحكموا عودوا مرة اخرى مشكورين لتقراوا مداخلة الامين العام السابق النور الذي حكم على شخصي بالسرقة الادبية لكتاب الدكتور الاشقر اتكاء على ذات البوست الذي رجوتكم بقراءته ولدي رسالته التي يتهمني فيها بالسرقة بعد كتب الاعضاء وهم الجيلي وحافظ ولنا وامال بانهم ينتظرون حكم الامين العام قالوها بثقة جعلتني-والله-احار ! وقد كان ذلك بعد ان كتبت لهم سارة بان عليكم الاعتذار لان اباننتي للمصدر ينفي السرقة.. وقد جاءني حكم الامين العام النور موافقا لهم ولكم ان تقراوا رسالته لي لتحكموا على قوله اعلاه وقولي بين يدي حكمكم ان كنت سارقا ام لا...واقول للزميل النور بان اللائحة تسمح بنشر الرسائل الداخلية ان كان ذلك برضى الطرفين فلتوافق على نشرها وسافعل ذلك اذ هي بحوذتي ولا احسب ان تكييفه الذكي بان الرسائل لم تعد ملكه حجة! اذ ليس في اللائحة بند يقول ذلك ثم ايقافي الاول الذي تم الامين العام الحالي قد تم تكييفه منه بانني قد نشرت رسالة داخلية وهي رسالته لي عندما انذر زميلا قد شكوته له! وبذلك فاني الفت نظرك يااخ حسين طالما انت مهموم باللائحة واعلم يقينا صدقك في ذلك بان مظلة السرية لرسائل الامين العام واعتبارها رسائل داخلية لايحق نشرها لهو مدخل كبير لتمرير الكثير من الظلامات اذ لايمكنتا تزكية النفوس والله حسيبها وبين يديكم مثالان الاول هو ايرادي ونشري لرسالة الامين الحالي وقد كان يحسب انها لايمكن ترى النور فما كان من ا انه احرج فكسبت ذلك اضطراره لايقاف غريمي وان كنت قد تعرضت للايقاف لمدة شهر بحاله بحجة نشري لرسالة داخلية... اختم واقول بانني احتاج لنشر رسالة الامين السابق النور كي تعلم كل العضوية الصادق فينا ولكي تتبين الحقيقة للزميل خالد غالي انتظر ردك ياسيد النور موافقك بان انشرالرسال ( الداخلية ) ابتي بطرفي ليستصحبها اعضاء سودانيات بعد قراءتهم لجزئية سرقتي في بوست الجن والشيطان ليحكموا بيني وبينك وكذلك بيني وبين من يستميتون لجعل هذا الامر مناطا لمادة ضمن التعديلات التي اقول عنها بانها ( دفن الليل اب كراعا برة ). وعذرا للاخطاء اذ اني اكتب من الجوال تحياتي اخ حسين |
اقتباس:
مش وعدتنا ماحتحرد مهما شفت من محن :rtfm: متخيلاك زي المهندس الصيني الجابوه كبري حنتوب ولما كتر عليه تأخير العمال السودانيين وسحركتم قعد في الواطة وبقي يجعر :lol: الطريقة السودانية في نقاش اي موضوع ما الموضوعية ولا جوهر القضية او لبها انما الشخصنة ومصدر الكلام ولي عنق الحقيقة وكسر رقبتا وفش المغايس وبقج الغباين وصرر الكراهية العمياء كراهية كدا ساي لله تخليك تحدر للزول في الضلمة |
الاخ حسين عبدالجليل
يهمني -جدا-رايك في مداخلتي المحذوفة متنا ومرادات اذ ( قد ) تكون هذه اخر احرفي هنا... احترامي |
| الساعة الآن 12:26 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.