عليك الله؟

بقيت موزع لصكوك الإيمان والاسلام من ورا الواحد, بس عشان وقف كم يوم؟

بقيت كمان تعرف ماتنطوى عليه نفسى؟

أصبحت عالمآ للغيوب؟

تعال,
أنا بديك النجيضة,
شوفتا ياكيشو, كل الأئمة بتاعنك ديل من أجعص واحد فيهم لحدى حنيفة وحنبل أو اى واحد فيهم والله انا أنا مابخسر فيهم دقيقة بتاعت قراية بعد الخسرتو,

كل شيوخك الجداد بتاعين الحرمين البشبهو عسوم ديل من أكبر واحد فيهم لحدى أصغرهم مابشتغل بيهم الشغلة, ولايعنون لى شئ..

كل شيوخكم الحايمين فى الارض دى أنا ماشغال بيهم ..

بستنبط من القرآن
وبعمل المقارنة بعقلى الذى وهبه لى الله,
وبقرا كلام الادينين, والكفار, والمشركين, والوثنيين, وحتى اليهود والنصارى..

وعلاقتى بالله شئ يخصنى ويخصه,
وليس لأحد منكم ياكيشو من دخل بها.

ثم أن سورة مريم, من أحب السور لدى..
وأرجع للمداخلة المعنية لتدرك سبب إيرادها..
____________

انتهى,

لحين مطالعة بقية الآراء

تحية يا الجيلي
ياخي بصدق شديد أنا بعتذر ليك عن أي إشارة سالبة وصلت ليك من رفع البوست في غيابك، وبصدق شديد توقعت إنك انت بالذات يا الجيلي تتفهم الأسباب الدفعتني لرفع البوست، يعني ممكن تقول إني اعتمدت عليك في الحتة دي، بل اتوقعتك تضحك من الأسباب التي ذكرتها للأخ الرشبد عندما سأل عن سبب رفع البوست في غيابك، ياخي ما عارف دي فاتت عليك كيف؟ قبل يومين لقيت دكتور حسن كتب لي: يا كيشو انت الغافل؛ والله ضحكت جدا لأني ما أخدت كلمة غافل باعتبارا شتيمة أو تقليل لشخصي رغم اختلافي مع دكتور حسن حول الموضوع
معليش الاعتذار دا طويل لأني بصراحة ما قصدت للمعنى الوصلك؛ بل على العكس أنا أصلا ما رفعت البوست عشان ترد عليهو؛ لأني كتبت مداخلتي وانت ما رديت عليها فاعتبرت إنو داك رأيك النهائي، ولكني رفعت البوست عشان الناس ما يطالبو بي رفع العقوبة عنك قبل نهاية مدتها، عشان كدا ما كان ممكن أنتظرك لامن تداوم
يا الجيلي ياخ نحنا عارفين نفسنا مختلفين ومتصالحين مع القصة دي لينا سنين، أنا ازعل من حاجة تكتبا وانت نفس الشي، دا شي طبيعي
طبعا حأناقشك في الموضوع دا وحأجتهد في توضيح وجهة نظري، وأنا عارف إني بحاور في الجيلي أحمد
تاني باعتذر للمعنى الوصل ليك، ودا طبعا ما بخليني أحرد من اعتمادي علي انك تتفهم حاجة زي دي مستقبلا
هسي يا رأفت ميلاد في داعي تنزل إجازة في الظروف دي:)

تحياتى ياكيشو,

وخلينى أكون انانى شوية..

أكتر حاجة احزنتنى فى الموضوع دا هو انت,
تمنيت ان يكون شخص آخر غيرك..

فياخى فى ناس كتار اخدتم غمرة العاطفة بسببك

وقالوا فى حق ماكتبته أقوال , وتبسملوا
وكمان تحوقلو ..
وللحق أقول بأن تلك العاصفة كلها كانت بسبب الحرباء عادل عسوم

كما أقول لعسوم

فلقد وضع حطبآ وأشعل نارآ


وياعسوم

كن انسانآ ..
كن رجلآ

الاعتذار النص, نص دا مابنفع,

أعتذر عديل ياكيشو,
ولو حتى بكلام مباشر لى أنا العنانى كلامك.
أما الكلام بتاع (اشارة سالبة)
فدا مابقسم معاى ..
وفى كل كل الأحوال أنا عفيت ليك ...

طالما تفوت مثل كلماتك هذه على الادارة فاقول لك ياالجيلي:
عادل عسوم ارجل منك ومن امثالك
...

قال خالد غالي بان سبب ايقافك هو شتيمتك لعادل عسوم ولا اعلم ماذا قلت ورب الكعبة...
لولكن طالما كان الايقاف اسبوعا او اسبوعين على الاكثر واحسانا في الظن بالامين العام فاني ساحسب ان (شتيمتك) لي قد كانت بسيطة تتناسب مع مدة الايقاف البسيطة...
هنا...
ارجو ان تبين للناس كنه الرجولة التي تعنيها وتجيرها لنفسك ولاتراها لي؟!
...

:D:D

يازول رجالتك بتاعت الحلايف دى جربناها فى المنتدى,
أجيب ليك حلايفك وحنثك؟
أجيب ليك حلايفك فى حقى أنا بس؟:D

ياعسوم أنت أكبر منافق وكاذب مر فى أسافير الله..

وبعدين الدور الوسخان العملتو انتا فى البوست دا لسه جااى عليهو,
لووك الصبر كلو حايجى بالدور,
وباقى حلايفك لمها عليك,
أكيد بتحتاج ليها

نطط لى عيونك كويس,

دا أنا حااجيب ليك بلاوى,

حاأجيب ليك المراية عشان تشوف روحك,
وعشان تانى ماتسل لى زول ضنبك:D

وكلو دون مخالفة لللوائح:D

تمتع معنا بالعروض المجانية:D

قبل المواصلة فى فضح أدوار عسوم المتثعلبة,
أقول للأخ كيشو

العفو والعافية
فلقد كان أعتذارك واضحآ
وعذرآ على تأخر ردى عليك فى حينها
فلقد كان الظرف لايسمح, ولا أزيل عن نفسى اللوم
فلقد شاهدت اسمك فى البوست ولكنى تكاسلت عن فتحه لرؤية مداخلتك

انت يازول الحليفة عندك زى شراب الموية, وتفة التمباك,
ودا جزء من تركيبة شخصيتك الأسفيرية..

تحلف دون أى شئ مهما كان تافهآ وصغيرآ او كبيرآ, كله سيان..

ومشروع الانسان الحلاف:D
هو مشروع الكاذب الذى يحاول أن يعطى لنفسه مصداقية معطوبة,
وهو ماسبقك عليه الرئيس الحلاف المسمى البشير وماهو ببشير,
فهو يحلف بأى شئ, من الله, وانتهاء بالطلاق, فقط ليعطى لنفسه مسببآ جيدآ لمواصلة الكذب,
وتلك هى سايكولوجية الانسان المريض كثير الحلايف ومدمن الأكاذيب والدجل

نجى للحلايف بتاعت عسوم

التعليقان أعلاه لزميلتى المنبر سارة, و مها عبد المنعم..
وهما تحسان بكثير من الذنب, لان الكلام حسب ماتم تاويله عن طريق كيشو, بدعم من عسوم, قد جعلهما يحسان بالتقصير لأنهما لم يتصديا لهذا الذى تعدى على دينهما وذلك حسب حالة التغييب التى تمت لهما..
وهذا شئ من المهم جدآ مناقشته فهو من الخطورة بمكان , ويبدو أنه يمكن بتلك الطريقة استنفار مشاعر دينية عنيفة وتأجيجها ومن ثم تأليب الناس على كاتب الحديث دون أن يكون له حق الرد!
الادهى هو أن تصبح إمكانية تمرير هذه التفاسير لاحاديث الآخرين مقرونة بمقدرة تاويل البعض(كيشو+عسوم) فى هذا البوست, ومن ثم وضع آراء قاطعة وجازمة حول ديانة الآخرين, والتشكيك فيها, ومن ثم تأليب الناس عليهم مستقلين غيابهم فى انتهازية لاتمت لأى دين او اخلاق بصلة, هى البوصلة التى قد تحرك عاطفة البعض, دون اعمال للعقل, ودون أن يكون لهم مطالعتهم المتروية التى تخصهم..

ثم الأعجب
هو حالة توافقهم مع حالة كيشو, دون أن يعملوا اى اداة تحليل تخصهم فى الامر المطروح
ك:
- تحليل المداخلة
- انتظار حتى يعود الشخص الموجه إليه الحديث ليدلو بدلوه
- عدم الانجراف العاطفى بشكل يحدث تغييب كلى للعقل, الشئ الذى أنتج (حوقلة و حسبنة) وهى معانى استنكار مطلقة, فى موضع يحتم أن تسمع وجهة نظر كاتب الحديث الذى كان موقوفآ بعلم مثير النقاش, الاخ كيشو.

هذه أشياء كارثية, وهى تتبدى فى الشارع السودانى وفى السايبر بكثرة,
وتتبعها كمنهج معظم الجماعات الاسلامية المنظمة, وعدد أقل من الافراد..
إذ ان جوهر الفكرة يقوم على وضع خط أوحد للدين ومن ثم ربطه مباشرة بمنظومة الاخلاق, وهو نهج القدامى الذين ابتلعهم دون الارض ولم يوفر فيهم أحدآ, وكلها اجتهادات تخص زمانهم, فيها المنقول زورآ, والموضوع, وكم كثيف من الاحاديث فاقدة المصداقية.. وايضآ كم أكبر من الاشياء على شاكلة (كافر من لم يؤمن بذلك)
وجلهم من علماء السلاطين.

ماحدث أمر فى حوجة لتوقف, ولى منه

موقف سأبينه أكثر فى باقى المداخلات

أى نعم ياود موسى
لكنه ليس طويلآ حين يتم تغبيش الوعى, ومحاولة استنساخ الناس ومنحهم صكوك الغفران عبر الروايات القديمة لارث الامبراطوريات المتخلفة, والتى تم دس كم من البلاوى فى السير والاحاديث وفيها مافيها من اهانة للمرأة وللرجل وللانسان تحت مسمى الدين, والدين الحنيف برئ من هذا