سودانيات .. تواصل ومحبة - مقترح لائحة سودانيات الجديدة : أسئلة و أجوبة .

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - مقترح لائحة سودانيات الجديدة : أسئلة و أجوبة . (http://www.sudanyat.org/vb/showthread.php?t=29214)

اقتباس:

المشاركة الأصلية كتبت بواسطة عبدالله علي موسى (المشاركة 568948)

جزاك الله ألف خير يا عمدة,

---

يا شباب الحروب الدونكيشوتية دي لكم ألحق في الإحتفاظ بها و تصريفها في بوستات أخرى إن شئتم.

خلونا موضوعيين شوية يا اخوانه

إذا كان على أن اللائحة تستقصد أشخاص ببند عدم السماح لمن تثبت عليه السرقة الأدبية للترشح قالوا ليكم عفا الله عما سلف مافي محاسبة بتاريخ رجعي! تاني في شنو ؟ الهيجة دي بتتدي إحساس سالب بأنه الشخص المدعى "بفتح العاء" سيسرق مرة تانية و ده ظلم ؟ غير كدة الفقرة ما شايف عليها وجه إعتراض منطقي.

إذا كان في ظلم وقع على السيد عادل عسوم في حذف مداخلته أهو الناس حاضرة و إذا في حق بظهر، الآن فرصة مناقشة الائحة والإستفادة من فرصة "الخطوة التصحيحية" هو الأهم.

أنا شخصياً عندي بند في اللائحة أريد أن أناقشه" و جاييو محزم"، ما تحرمونا فرصنا بهتر دونكيشوتي ليس لنا فيه لا ناقه ولا جمل, الله يرضى عليكم.

تحياتي للجميع

تحياتي أخ عبدالله :

دائما أسعد بمداخلاتك الذكية وقراءتك الحصيفة للأشياء .

أنتظر بفارغ الصبر , ومعي آخرون ما أنت بصدد طرحه هنا , والمعذرة في تأخري في الرد عليك .

العزيزة لنا جعفر
كيفك؟

القصة ماقصة تصرف سليم من ناحية لوائح واظنك عارفة كده، المثال الواضح لانضباط النفس والمثالية ياهو ضربو ليكم النور في البوست ده
فاذا ماقادرين تبقوا زي النور، انا اقترح تبقوا اعضاء خشبيين زيي كده :lol:

اقتباس:

المشاركة الأصلية كتبت بواسطة خالد غالي (المشاركة 568982)

هل انت غاضب ياعسوم؟ هل انت مغبون؟ هل تشعر بالظلم؟ هل تشعر بالخذلان من عدم وقوف الناس معك ونصرتك؟

حسنا ياعسوم حا ارد عليك، ماعشان ازيل عنك احساس الغبن ولا اخفيك انه يسرني جدا ان تشعر اخيرا بهذا الاحساس الفتّاك، سأرد عليك ربما لانني لازلت تحت تأثير مداخلة النور الوضيئة وماتدفعه داخل المرء من احساس بالسلام والمسامحة
تقول انني ادعو ان لايتم اعتبارك انسان ولك حقوق مكتملة، نعم صحيح وقد اوضحت هذا الامر في حينه وسأوضحه لك الآن بشكل اوضح
انا لمن قلت الكلام ده ماكنت قاصدك انت شخصيا، انا لا اعرفك ياعادل ربما تكون فعلا كما تقول زول (كويس) وعندك سياقات وتكتب كتابة جزلة ولك الكثير من (الايجاب) والخ من بطيخ، وللحق انا ماشفتك بتشتم زول وبتكتب بي لغة عالية فعلا، ولكنني لا استطيع ان ارى ذلك كله! انا مغبون وغاضب يا عادل، والمغبون كالذي نفسه بغير جمال لا يرى في الوجود شيئا جميلا (او كما قال بابكر عباس في لحظة تجلي) انا اتخذتك كمثال للكوز عديم الاحساس وبقيت اطرح كلامي متخذك مثال ولا اعنيك انت شخصيا كده كعادل عسوم وانما اعني الكوز فيك، اي كوز!
طيب.. اختصارا للوقت والنقة خليني اقول الكلام عديل... انا (كخالد غالي) اعتقد انك فعلا مورس معاك هنا نفس القاعدة تمارسو حكومتك والبتدافع عنها، الادارة هنا بيستندو على اللوائح ويطبقو عليك عقوبات قاسية، نفس ده بيحصل في السودان للناس مع فارق انك هنا بيوقفوك من الكتابة شهر وهناك بيدخلوهم معتقلات ويعذبوهم وينتهكوا آدميتهم شهر
في جزء كبير من الناس هنا بيشوفو ده بيحصل ليك ومابيدافعوا عنك، كمثال الاغلبية الصامتة في السودان البتشوف الناس بيتم حرقهم يوميا في جبال النوبة ومابيقولو شي، في واحدين بيشكروا ناس الجيلي والنور وبيقولو جيلي القوم ونور الله البيضوي، كمثال زي نوعك ده البيجي يشكر صلاح قوش ويقول ده ابن المنطقة وحايفتتح الفضائية المروية، ولمن الناس يجو يقولو ليك الزول ده بيعذب الناس في المعتقلات ويظلمهم ويجيبو ليك شواهد، بتجي انت تبتسم وتقول العندو مظلمة اليمشي القضاء، وهل يعقل ان رئيس جهاز الامن يمشي بنفسو ويعتقل زول من المطار.. هل يعقل؟ وتمضي مبتسما مقتنعا بكلامك!!
اها ياعادل زي نوع كلامك ده ياهو البيجيب الغبينة والغضب المابخلينا نشوف سياقاتك وايجابك وبطيخك! والغبينة المتولدة عندك لمن تسمع عكود بيقول للجيلي ياجيلي القوم ياها البتخليك مابتشوف طيبة وظرافة وانسانية الجيلي!! هل تستطيع ياعسوم ان ترى بهاء وضياء النور يوسف؟؟ هذا الضياء الذي يراه الجميع الّاك .. هل تستطيع؟؟ لا والف لا فانت مغبون والمغبون اعمى!
مع الفرق الكبييييييييير طبعا في مقدار الاذي الناتج من الناس البتدافع عنهم انت وتقول الخروج على الحاكم المسلم حرام ومن الاذى البتتعرض ليهو انت من شتايم واهدار انسانية وتوقيف في منتدى اسفيري!! ياعزيزي الكاس الشربت منو انت وحرقك شديييد ده، دي قطرة صغييييرة ومخففة الاف المرات من الكاسات المركزة القاعدين يتجرعوها الناس يوميا بسبب الحكومة القاعد تتصور انت مع صلاح قوشها وتجي تشكرو هنا، صدقني ياعادل زي صورتك مع قوش وزي صورة الصادق المهدي وهو واقف زي الحرباء بالظبط عشان عمر البشير يكرموا، زي الصور دي بالظبط هي التي خلقت من اجلها الشتايم والالفاظ النابية، الناس بتشتم ياعادل عشان مايطق ليها عرق، وبتنزع عنك انسانيتك ومابتشوف ليك ايجاب عشان ماتموت كمدا وحسرة
من الجيد انك جربت الاحساس ده ياعادل، احساس الظلم واحساس انو مافي زول حاسي بي ظلمك، احساس انو الناس طبيعيين خاااالص وعلاقتهم حميمة ولطيفة جدا مع الناس البتظلم وتشتم فيك، بس ياهو ده الاحساس الانت قاعد تجرعوا للناس مضاعف اضعاف كثيرة كثيرة جدا لمن تجي تقعد تشكر في زي صلاح قوش وتبتسم!!
هل انت مغبون ياعسوم؟؟ هل تشعر بان لنا جعفر ومهند ظلموك؟ مافي مشكلة امشي اركب انتنوف وامشي اقصف المساكين في جبال النوبة وصدقني الفعل ده حايتسبب في آلام مهند ولنا عسى ان تتفش غبينتك!
امشي امسك زول فاض بيهو وطلع مظاهرة وعذبو في بيوت الاشباح واشتموا لي سنسفيل اجدادوا وتعال قول الكلام ده هنا، حاتلقى الجيلي متألم وبينزف من جوة الجوة وبي كده تكون فشيت غبينتك منو!
طبعا ما اظنك محتاج اقول ليك اني ماقاصد انك تمشي انت شخصيا تقصف الناس في جبال النوبة او تعذب في بيوت الاشباح، يكفي فقط ان تعرض صورتك مع صلاح قوش او ان تقول الخروج على الحاكم المسلم حرام ليصيبنا جميعا الغبن والالم اضعاف مضاعفة مماتشعر به الآن!
ياعادل ان كنت فعلا كما تقول (زول كويس) فربما اراد الله بك خير في انو يوريك بي ام عينك مقدار الاحساس السالب وتهشم الدواخل الممكن يصيب زول مظلوم من جراء دفاعك عن الحكومة في السودان، ربما سلط الله لك هؤلا القوم ليظلمك بعضهم ويتجاهل مظالمك البقية حتى تشعر في داخلك بمقدار الالم الذي يسببه تجاهلك لمظالم الآخرين!
خذها مني ياعادل واعتبرها نصيحة من الاخ الاصغر او الابن خالد غالي... اقعد مع نفسك براك وشوف انت واقف وين، راجع مواقفك وشوف مقدار عدم الانسانية لمن بس تقول كلمة موجبة في حق زول زي صلاح قوش، شوف مقدار الاحساس السالب الهدام والمؤلم للغاية الجربتو انت براك الممكن يتولد في دواخل زول اتعرض للتعذيب وما اكثرهم على يد صلاح قوش وامثاله، شوف دموع وحسرات الامهات البيموتوا اطفالهن يوميا في مناطق الحروب المختلفة نتيجة سياسات الحاكم المسلم البتقول الخروج عليهو حرام! يا اخي شوف اهلك في الشمال والضنك والعوز العايشين فيهو من سوء توزيع ثروات هذه البلاد المعطاء، شوف كميات المظالم والظلامات البتتولد كل يوم من خمسة وعشرين سنة! عاين لي ده كلو وعاين لكمية الغباين الممكن تتولد والاحاسيس السالبة والهدامة والنفوس الممكن تسقط في وهدة جب الغضب والغبن والالم ومايترتب على ذلك من ضياع... قارن بس باحساسك انت من الجرعة المخففة ملايين المرات الاتعرضت ليها واستصحب الفارق الكبير في المقدار بين الحياة وبين منتدى اسفيري ممكن تقفل اللاب توب بس وتنسى كل شيء.
فكر في ذلك كله بعدل ياعادل وراجع مكان قدميك
واعلم انك لاتهمني في شي وموقفك معي او ضدي لن يضيف او يخصم مني شي، فان تراجعت فانما لنفسك وان مضيت فيما انت فيه فلنفسك فما انت الا رجل واحد لن يقدم ولن يؤخر، وسوف نلتقي جميعا عند من لايظلم عنده احد، وعندها سنرى من يقول فزت ورب الكعبة

تحياتي أخ خالد :

أنا قلت لابأس من فتل للبوست لكن ماللدرجة دي .

وجه المقارنة منعدم فيما فصلته أنت أعلاه , فعادل هنا عضو له كل حقوق العضو وعليه كل واجباته , و ظلمه أو ظلم أي عضو مرفوض بتاتا . مافي لائحة سودانيات منجورة لعادل و للكيزان ولائحة للأخرين . مافي أنتو شعب و نحن شعب في سودانيات كما في سيسي مصر .

اللهم الا أن يقوم هكر سيسي يستولي علي سودانيات, يعلن حالة الطوارئ , يلغي اللأئحة , يسجن ناس لنا و مهند ويطبق لك الفي مرادك .

حسع أنت رجعت ولا لسع ؟

اسف ياحسين على فتل البوست، اعتذر كما اعتذر الذين من قبلي :)
لكن ممكن تاخد مداخلتي دي كآخر مداخلة هنا

اذا عادل مقتنع انو عضو كامل العضوية وعندو حقوق مكتملة والناس قاعدة تدافع ليهو عنها، انا ماعندي اي مشكلة
اهم حاجة هو يكون مبسوط بس، انا شن عاصرني

اقتباس:

المشاركة الأصلية كتبت بواسطة خالد غالي (المشاركة 568986)

تحياتي أخ خالد :

ليس هنالك مايستوجب الاعتذار بخصوص فتل البوست , فالبوست بالنسبة لي أدي غرضه و أنا كنت أمزح معك فاين روح دعابتك ياشاب .

أقول لك الذي قلته لعادل وهو أن تبقي هنا . لانو وجودك مهم, فهو مكمل لقوس قزح السوداني .

لعقود قادمة وبغض النظر عن الحكومات التي ستأتي و تذهب , فسيبقي هنالك سودانيون جبهجية و شيوعيين وأنصار سنة و ملاحدة و مسيحيين و مسلمين و بعثيين ...الخ . كيف سنتعايش في ذلك الوطن الديمقراطي الواقعي اذ نحن فشلنا في فعل ذلك في وطن أفتراضي سايبري اسمو سودانيات ؟

لهذا السبب بالضبط ياخالد أنا أؤمن بأهمية نجاح تجربة سودانيات الديمقراطية الرائدة .

اقتباس:

المشاركة الأصلية كتبت بواسطة حسين عبدالجليل (المشاركة 568979)

تحياتي للأخوين عادل و النور .

شكرا علي ثقتكما الغالية بي . أنا أقدر ذلك جدا ولكن أعتذر بشدة عن القيام بهذه المهمة . و سبب أعتذاري هو أني أؤمن ( و أمارس ذلك في كتاباتي لأن ذلك ممادرسته في الجامعة ) بأن من يريد أن ينقل شيئا من مقال أو كتاب يجب أن يُضَمِن ماينقله بين قوسين (.......) أو بين 2 quotes " ........" وذلك مباشرة بعد ذكره لأسم الكاتب والكتاب المنقول منه .

حسب ماأتذكر الاخ عادل لم يلتزم بهذه المعايير التي أعتبرها ضرورية , هو بالفعل أشار للكتاب واسم الكاتب في مداخلة وبعد ذلك بعشرات السطور أورد ماأورده , من الكتاب, دون وضعه بين أقواس .

اقتباس:

تحياتي أخ عادل :

تصحيح: أنا ماعضو بمجلس الادارة . نزلت الانتخابات الأخيرة و سقطت . وتلك غلطة لن أكررها أبدا أنشاء الله (أقصد غلطة النزول وليس السقوط) .

أنا والله ياعادل زول الله ساي .لست بأستاذ ولست بقانوني (كما قال الاخ ماجد تاج في مداخلة سابقة)

و ستعرف أنو أنا زول غلبان لمن تقابلني أن شاء الله بواشنطون . رغم ذلك, فأنا سيد نفسي ولم يؤثر أحد علي أو يستغفلني في خلال عملي بلجنة اللأئحة ( طبعا سيد نفسي دي - تعني سودانيات ولا تعني المنزل حيث الزوجة و العيال .)

تحياتي ياحسين
على كل حال فاني أحملك (عنت) صيام أيام ثلاث لن يزيله الاّ وعد ب(قراريص) أهلك وان أتيتني بها من آرلنقتون...

اقتباس:

الجن عالم مستقل:
الجن عالم غير عالم الإنسان وعالم الملائكة، بينهم. وبين الإنسان قدر مشترك من حيث الاتصاف بصفة العقل والإدراك، ومن حيث القدرة على اختيار طريق الخير والشر، ويخالفون الإنسان في أمور أهمها أن أصل الجان مخالف لأصل الإنسان.
لماذا سموا جنا:
وسموا جنا لاجتنانهم: أي استتارهم عن العيون، قال ابن عقيل: "إنما سمي الجن جنا لاجتنانهم واستتارهم عن العيون، ومنه سمي الجنين جنينا، وسمي المجن مجنا لستره للمقاتل في الحرب " .
وجاء في محكم التنزيل: (إنه يراكم هو وقبيلة من حيث لا ترونهم)(سورة الأعراف 27)
وقد خلقوا من نار قال تعالى : ( والجآن خلقناه من قبل من نار السموم )(سورة الحجر 27) وقال تعالى : ( وخلق الجآن من مارج من نار) (سورة الرحمن 15) وقد خلقهم الله تعالى قبل خلق الإنسان .
أسماء الجن عند العرب
1- اذا ذكروا الجن خالصا قالوا : جني .
2- وإذا ارادوا أنه مما يسكن مع الناس قالوا : عامر .
3- فإن كان ممن يعرض للصبيان قالوا : أرواح .
4- فإن خبث وتعرض قالوا : شيطان .
5- فإن زاد على ذلك فهو مارد .
6- فإن زاد على ذلك وقوي أمره قالوا : عفريت والجمع : عفاريت .
وقد أخبرنا النبي صلى الله عليه وسلم أن الجن ثلاثة أصناف فصنف يطير في الهواء وصنف حيات وكلاب ، وصنف يحلون ويظعنون ) .
طعام الجن وشرابهم
الجن- والشيطان منهم- يأكلون ويشربون، ففي صحيح البخاري.
عن أبي هريرة- رضي الله عنه- أن النبي صلى الله عليه وسلم أمره أن يأتيه بأحجار يستجمر بها وقال له: (ولا تأتيني بعظم ولا روثة)، ولما . سأل أبو هريرة الرسول- صلى الله عليه وسلم - بعد ذلك عن سر نهيه عن العظم والروثة، قال: (هما من طعام الجن، وإنه أتاني وفد جن نصيبين- ونعم الجن- فسألوني الزاد، فدعوت الله لهم: أن لا يمروا بعظم ولا بروثة إلا وجدوا عليها طعما) رواه البخاري.
وفي سنن الترمذي بإسناد صحيح عن عبدالله بن مسعود قال: قال رسول الله صلى الله عليه وسلم: لا تستنجوا بالروث، ولا بالعظام، فإنه زاد إخوانكم من الجن) .
وفي صحيح مسلم عن ابن مسعود: أن رسول الله صلى الله عليه وسلم قال: (أتاني داعي الجن، فذهبت معه، فقرأت عليهم القرآن)، قال: فانطلق بنا فأرانا آثارهم وآثار نيرانهم، وسألوه الزاد فقال: ( لكم كل عظم ذكر اسم الله عليه يقع في أيديكم، أوفر ما يكون لحما، وكل بعرة علف لدوابكم). فقال رسول الله: (فلا تستنجوا بهما فإنهما طعام إخوانكم) .
وكون الروث طعاما للجن أو لدوابهم ليس العلة الوحيدة للنهي عن الاستنجاء بالروث، فقد ذكر الرسول صلى الله عليه وسلم علة أخرى، فقد صرح بأن الروث رجس .
وقد أخبرنا الرسول صلى الله عليه وسلم أن الشيطان يأكل بشماله، وأمرنا بمخالفته في ذلك، روى مسلم في صحيحه عن ابن عمر رضي الله عنهما: أن النبي صلى الله عليه وسلم قال: (إذا أكل أحدكم فليأكل بيمينه، وإذا شرب فليشرب بيمينه، فإن الشيطان يأكل بشماله، ويشرب بشماله) .
وفي صحيح مسلم: (إذا دخل الرجل بيته فذكر الله عند دخوله وعند طعامه، قال الشيطان: لا مبيت لكم ولا عشاء، وإذا دخل فلم يذكر الله عند دخوله، قال الشيطان: أدركتم المبيت، واذا لم يذكر الله عند طعامه، قال: أدركتم المبيت والعشاء) . ففي هذه النصوص دلالة قاطعة على أن الشياطين تأكل وتشرب.
وكما أن الإنس منهيون عن أكل ما لم يذكر اسم الله عليه من اللحوم، فكذلك الجن المؤمنون جعل لهم الرسول صلى الله عليه وسلم طعامآ كل عظم ذكر اسم الله عليه، فلم يبح لهم متروك التسمية، ويبقى متروك التسمية للشياطين كفرة الجن، فإن الشياطين يستحلون الطعام إذا لم يذكر عليه اسم الله، ولأجل ذلك ذهب بعض العلماء إلى أن الميتة طعام الشياطين؛ لأنه لم يذكر اسم الله عليها.
واستنتج ابن القيم من قوله تعالى: (إنما الخمر والميسر والأنصاب والأزلام رجس من عمل الشيطان) (سورة المائدة 90 )أن المسكر شراب الشيطان، فهو يشرب من الشراب الذي عمله أولياؤه بأمره ، وشاركهم في عمله ، فيشاركهم في شربه ، وإثمه وعقوبته .
ـــــــــــــــــ
من كتاب عالم الجن والشياطين للدكتور عمر الأشقر

هذه هي المداخلة رقم 2 في بوست الشيطان والجن يساكنونا هذه الأرض...
ولك وللنور وكل الأحباب أن يتبينوا ايرادي لاسم صاحب الكتاب في ذيل المداخلة في دلالة واضحة بأنني لست بسارق جهده...
واليك ردي على الأخ قرقاش في المداخلة رقم 9 الذي أتبعته (مباشرة بايراد أجزاء من الكتاب في المداخلات 10 و11 و12 التي ذيلتها بالآتي:

اقتباس:

هذا ماارتأيت -من الكتاب-أنه يجيب على شئ مما ورد من تساؤلات في مداخلتك الكريمة أخي قرقاش

فهل بعد دا أكون سارق ياحسين؟!
غايتو ما فاضل لي الاّ أجيب ليك أغنية شرحبيل (قول قول الحقيقة)...
مودتي

هذا ردي على الأخ قرقاش في المداخلة 9 وبعدها (مباشرة) أوردت أجزاء من الكتاب في المداخلات 10 و11 و12 حيث ذيلت المداخلة 12 بما أبنته في المداخلة أعلاه...

اقتباس:

استاذنا الجميل قرقاش
مرحبا بالطلة البهية ياعزيزي
مداخلة تحتشد بالكثير الذي يُثري ياقرقاش
وقد كنت أرغب في البداية بالتفصيل الذي وددته أنت لكني آثرت عدم التطويل في المقدمة مخافة أن يزهد القارئ في مابعدها مما أود أيصاله...
لكنك بمداخلتك الكريمة هذه تشجعني الى أن أحيلك والأحباب الى كتاب أجده من أفضل وأشمل و(أدق) ما كُتب في هذه العوالم...
ميزة هذا الكتاب أن كاتبه أستاذ للعقيدة الاسلامية وهو من الحرص بمكان في أمر تخريج وتأصيل الأحاديث التي وردت فيه...
وبالطبع يحسن بنا أن تكون مرجعيتنا في مثل هذه الأمور (الغيبية) التي لاتدرك بالحواس أو حتى بوسائط العلم حديثه وقديمه مايصح من أقوال وآثار وعقيدة...
أسمح لي بايراد شئ من متن هذا الكتاب الذي أجده يجيب على بعض من أسئلتك ثم نعود معا من بعده الى تناول أمر المخلوقات التي تساكننا وتنأى عن مدى رؤيتنا البصرية وتقصر عن ادراكها حواسنا من غير مقصودنا في هذا الخيط...
أسم الكتاب:عالم الجن والشياطين
للدكتور عمر سليمان الأشقر
أهم الموضوعات الرئيسة التي تعرض لها هي:
-التعريف بعالم الجن والشياطين
- إثبات وجود الجن
-طعام الجن وشرابهم ونكاحهم
-مساكن الجن ومجالسهم وأماكنهم وموتهم
-قدرات الجن وعجزهم....
-دواب الجن ومراكبهم
-تكليف الجن....
-العداء بين الإنسان والشيطان وأسبابها
-أسلحة المؤمن في حربه مع الشيطان
(يتبع)

يعني ياحسين ذكري للمصدر قد كان في المبتدر والمنتهى!
وهذا رابط البوست:
http://sudanyat.org/vb/showthread.php?t=24090
تسلم

اقتباس:

المشاركة الأصلية كتبت بواسطة خالد غالي (المشاركة 568982)

هل انت غاضب ياعسوم؟ هل انت مغبون؟ هل تشعر بالظلم؟ هل تشعر بالخذلان من عدم وقوف الناس معك ونصرتك؟

حسنا ياعسوم حا ارد عليك، ماعشان ازيل عنك احساس الغبن ولا اخفيك انه يسرني جدا ان تشعر اخيرا بهذا الاحساس الفتّاك، سأرد عليك ربما لانني لازلت تحت تأثير مداخلة النور الوضيئة وماتدفعه داخل المرء من احساس بالسلام والمسامحة
تقول انني ادعو ان لايتم اعتبارك انسان ولك حقوق مكتملة، نعم صحيح وقد اوضحت هذا الامر في حينه وسأوضحه لك الآن بشكل اوضح
انا لمن قلت الكلام ده ماكنت قاصدك انت شخصيا، انا لا اعرفك ياعادل ربما تكون فعلا كما تقول زول (كويس) وعندك سياقات وتكتب كتابة جزلة ولك الكثير من (الايجاب) والخ من بطيخ، وللحق انا ماشفتك بتشتم زول وبتكتب بي لغة عالية فعلا، ولكنني لا استطيع ان ارى ذلك كله! انا مغبون وغاضب يا عادل، والمغبون كالذي نفسه بغير جمال لا يرى في الوجود شيئا جميلا (او كما قال بابكر عباس في لحظة تجلي) انا اتخذتك كمثال للكوز عديم الاحساس وبقيت اطرح كلامي متخذك مثال ولا اعنيك انت شخصيا كده كعادل عسوم وانما اعني الكوز فيك، اي كوز!
طيب.. اختصارا للوقت والنقة خليني اقول الكلام عديل... انا (كخالد غالي) اعتقد انك فعلا مورس معاك هنا نفس القاعدة تمارسو حكومتك والبتدافع عنها، الادارة هنا بيستندو على اللوائح ويطبقو عليك عقوبات قاسية، نفس ده بيحصل في السودان للناس مع فارق انك هنا بيوقفوك من الكتابة شهر وهناك بيدخلوهم معتقلات ويعذبوهم وينتهكوا آدميتهم شهر
في جزء كبير من الناس هنا بيشوفو ده بيحصل ليك ومابيدافعوا عنك، كمثال الاغلبية الصامتة في السودان البتشوف الناس بيتم حرقهم يوميا في جبال النوبة ومابيقولو شي، في واحدين بيشكروا ناس الجيلي والنور وبيقولو جيلي القوم ونور الله البيضوي، كمثال زي نوعك ده البيجي يشكر صلاح قوش ويقول ده ابن المنطقة وحايفتتح الفضائية المروية، ولمن الناس يجو يقولو ليك الزول ده بيعذب الناس في المعتقلات ويظلمهم ويجيبو ليك شواهد، بتجي انت تبتسم وتقول العندو مظلمة اليمشي القضاء، وهل يعقل ان رئيس جهاز الامن يمشي بنفسو ويعتقل زول من المطار.. هل يعقل؟ وتمضي مبتسما مقتنعا بكلامك!!
اها ياعادل زي نوع كلامك ده ياهو البيجيب الغبينة والغضب المابخلينا نشوف سياقاتك وايجابك وبطيخك! والغبينة المتولدة عندك لمن تسمع عكود بيقول للجيلي ياجيلي القوم ياها البتخليك مابتشوف طيبة وظرافة وانسانية الجيلي!! هل تستطيع ياعسوم ان ترى بهاء وضياء النور يوسف؟؟ هذا الضياء الذي يراه الجميع الّاك .. هل تستطيع؟؟ لا والف لا فانت مغبون والمغبون اعمى!
مع الفرق الكبييييييييير طبعا في مقدار الاذي الناتج من الناس البتدافع عنهم انت وتقول الخروج على الحاكم المسلم حرام ومن الاذى البتتعرض ليهو انت من شتايم واهدار انسانية وتوقيف في منتدى اسفيري!! ياعزيزي الكاس الشربت منو انت وحرقك شديييد ده، دي قطرة صغييييرة ومخففة الاف المرات من الكاسات المركزة القاعدين يتجرعوها الناس يوميا بسبب الحكومة القاعد تتصور انت مع صلاح قوشها وتجي تشكرو هنا، صدقني ياعادل زي صورتك مع قوش وزي صورة الصادق المهدي وهو واقف زي الحرباء بالظبط عشان عمر البشير يكرموا، زي الصور دي بالظبط هي التي خلقت من اجلها الشتايم والالفاظ النابية، الناس بتشتم ياعادل عشان مايطق ليها عرق، وبتنزع عنك انسانيتك ومابتشوف ليك ايجاب عشان ماتموت كمدا وحسرة
من الجيد انك جربت الاحساس ده ياعادل، احساس الظلم واحساس انو مافي زول حاسي بي ظلمك، احساس انو الناس طبيعيين خاااالص وعلاقتهم حميمة ولطيفة جدا مع الناس البتظلم وتشتم فيك، بس ياهو ده الاحساس الانت قاعد تجرعوا للناس مضاعف اضعاف كثيرة كثيرة جدا لمن تجي تقعد تشكر في زي صلاح قوش وتبتسم!!
هل انت مغبون ياعسوم؟؟ هل تشعر بان لنا جعفر ومهند ظلموك؟ مافي مشكلة امشي اركب انتنوف وامشي اقصف المساكين في جبال النوبة وصدقني الفعل ده حايتسبب في آلام مهند ولنا عسى ان تتفش غبينتك!
امشي امسك زول فاض بيهو وطلع مظاهرة وعذبو في بيوت الاشباح واشتموا لي سنسفيل اجدادوا وتعال قول الكلام ده هنا، حاتلقى الجيلي متألم وبينزف من جوة الجوة وبي كده تكون فشيت غبينتك منو!
طبعا ما اظنك محتاج اقول ليك اني ماقاصد انك تمشي انت شخصيا تقصف الناس في جبال النوبة او تعذب في بيوت الاشباح، يكفي فقط ان تعرض صورتك مع صلاح قوش او ان تقول الخروج على الحاكم المسلم حرام ليصيبنا جميعا الغبن والالم اضعاف مضاعفة مماتشعر به الآن!
ياعادل ان كنت فعلا كما تقول (زول كويس) فربما اراد الله بك خير في انو يوريك بي ام عينك مقدار الاحساس السالب وتهشم الدواخل الممكن يصيب زول مظلوم من جراء دفاعك عن الحكومة في السودان، ربما سلط الله لك هؤلا القوم ليظلمك بعضهم ويتجاهل مظالمك البقية حتى تشعر في داخلك بمقدار الالم الذي يسببه تجاهلك لمظالم الآخرين!
خذها مني ياعادل واعتبرها نصيحة من الاخ الاصغر او الابن خالد غالي... اقعد مع نفسك براك وشوف انت واقف وين، راجع مواقفك وشوف مقدار عدم الانسانية لمن بس تقول كلمة موجبة في حق زول زي صلاح قوش، شوف مقدار الاحساس السالب الهدام والمؤلم للغاية الجربتو انت براك الممكن يتولد في دواخل زول اتعرض للتعذيب وما اكثرهم على يد صلاح قوش وامثاله، شوف دموع وحسرات الامهات البيموتوا اطفالهن يوميا في مناطق الحروب المختلفة نتيجة سياسات الحاكم المسلم البتقول الخروج عليهو حرام! يا اخي شوف اهلك في الشمال والضنك والعوز العايشين فيهو من سوء توزيع ثروات هذه البلاد المعطاء، شوف كميات المظالم والظلامات البتتولد كل يوم من خمسة وعشرين سنة! عاين لي ده كلو وعاين لكمية الغباين الممكن تتولد والاحاسيس السالبة والهدامة والنفوس الممكن تسقط في وهدة جب الغضب والغبن والالم ومايترتب على ذلك من ضياع... قارن بس باحساسك انت من الجرعة المخففة ملايين المرات الاتعرضت ليها واستصحب الفارق الكبير في المقدار بين الحياة وبي:ن منتدى اسفيري ممكن تقفل اللاب توب بس وتنسى كل شيء.
فكر في ذلك كله بعدل ياعادل وراجع مكان قدميك
واعلم انك لاتهمني في شي وموقفك معي او ضدي لن يالظ بدورك في اضيف او يخصم مني شي، فان تراجعت فانما لنفسك وان مضيت فيما انت فيه فلنفسك فما انت الا رجل واحد لن يقدم ولن يؤخر، وسوف نلتقي جميعا عند من لايظلم عنده احد، وعندها سنرى من يقول فزت ورب الكعبة

محبطة هذه المداخلة
كسابقتها تماما يا اخي خالد

الاخ عادل
الشهادة لله انك لست بسارق ولا يمكن ان تكون
هذه شهادة لوجه الله لاني كنت شاهدة على مسيرة البوست منذ بدايته

يا أنتيمة يا أنتيمة :russian_roulette:

يبدو ان الرئيسة وطاقم الاشراف قد استجابوا للضغط
ورضخوا فكل مداخلة من الفوق ديل
تستدعي الازالة زيها وزي اي طوابق مخالفة في عمارة
وبنص اللائحة برضو
فهذا البوست المعنون ب -مقترح لائحة سودانيات الجديدة : أسئلة و أجوبة -
تحول لحائط مبكي وظلموني الناس واكلوني البراغيث
وتقليب الدفاتر القديمة
والطعن في نزاهة الامين العام السابق
واصبح مكانا وساحة للتخاصم-فجأة -
وتحول لمحكمة استئناف علي الهواء مباشرة
ابسط اسس العدالة تقتضي بان هناك سقفا ونهاية وحد لاي دعوي
طالما وصلته فزات ايز ات
يعني مامكن تكون مرفوعة ليوم الدين
بامر المتقاضي الذي لم يصدر الحكم لصالحه
ومؤكد انو مافي متقاضي يقبل بحكم ليس في صالحه
لذلك تقفل القضايا عند حد استئنافي معين
فزنبنا شنو نحن نتقد بسيرة البحر دي

الاف القبعات نرفعها تحية واجلال لامينا العام السابق
سعادتو النور

شهادتنا فيه مجروحة للاسف

اقتباس:

المشاركة الأصلية كتبت بواسطة رأفت ميلاد (المشاركة 569008)

يا أنتيمة يا أنتيمة :russian_roulette:

يا انتيمو يا انتيميو:to_take_umbrage:

اقتباس:

المشاركة الأصلية كتبت بواسطة عادل عسوم (المشاركة 569000)

هذا ردي على الأخ قرقاش في المداخلة 9 وبعدها (مباشرة) أوردت أجزاء من الكتاب في المداخلات 10 و11 و12 حيث ذيلت المداخلة 12 بما أبنته في المداخلة أعلاه...

يعني ياحسين ذكري للمصدر قد كان في المبتدر والمنتهى!
وهذا رابط البوست:
http://sudanyat.org/vb/showthread.php?t=24090
تسلم

تحياتي أخ عادل :

رجعت للبوست الآن و فعلا وجدت أنك أشرت بوضوح شديد للكتاب كمصدر .

1- أذن أنا علي قناعة تامة الآن بأنك لم تسرق من الكتاب طالما كان ما أوردته هو نقلا مباشرا من الكتاب .

2- أما أن كان ماأوردته هو تلخيص للكتاب, و وافق تلخيصك تلخيص شخص آخر كلمة بكلمة (يعني أنتو الاثنين لخصتوا من الكتاب ولكن تطابق تلخيصكما تطابق تام) فهنا ستكون الاشكالية .

فهل ماحدث هو 1 أم 2 أعلاه ؟

اقتباس:

المشاركة الأصلية كتبت بواسطة حسين عبدالجليل (المشاركة 569014)

مافي اي اشكالية يا استاذ حسين
في حاجة في اللغة اسمها اقتباس وتضمين
لو الناس ماعارفنها يبقى دي مشكلتهم هم

اقتباس:

المشاركة الأصلية كتبت بواسطة حسين عبدالجليل (المشاركة 569014)

مرحب حسين
لم ألخص شئ ياحسين...انما سألت القوقل عن الكتاب واقتبست ما وجدته فيه دون أن أحذف أو أضيف شيئا (يعني الأجابة 1)
وأحسب ان ذلك يكفي لكي أثبت للرجل حقوقه وجهده دونما (ادعاء) بأنني الكاتب*
ــــــــــــــــ
*للعلم لقد أوشكت على الانتهاء من (مسودة) كتاب عن موضوع الشيطان والجن (ذكرت في متنه تفاصيل رحلتي الى جواتيمالا مضافا الى ذلك خلاصاتي وتوصيات جدي ود حاجنور رحمه لله للشفاء من مس الجان)...
ولا بأس من أن أذكر منها أحداها (وهي من الأهمية بمكان):
من يشك بأنه به مس أو له شخص به مس فليذهب أو يذهب به الى مكان فيه مطر فيستر عورته فقط ويجعله (يستحم) في المطر ويقرأ على نفسه أو عليه فاتحة الكتاب والمعوذات الثلاث بالأضافة للآية الكريمة التالية والتي يرددها لمرات ثلاث:
أعوذ بالله من الشيطان الرجيم
(إِذْ يُغَشِّيكُمُ النُّعَاسَ أَمَنَةً مِنْهُ وَيُنَزِّلُ عَلَيْكُمْ مِنَ السَّمَاءِ مَاءً لِيُطَهِّرَكُمْ بِهِ وَيُذْهِبَ عَنْكُمْ رِجْزَ الشَّيْطَانِ وَلِيَرْبِطَ عَلَى قُلُوبِكُمْ وَيُثَبِّتَ بِهِ الْأَقْدَامَ)الأنفال11
تسلم