سودانيات .. تواصل ومحبة - ثمن الصداقة (رسائل خاصة جدا ً)

اقتباس:

المشاركة الأصلية كتبت بواسطة Osman Hamad (المشاركة 78097)

طيب ياخى وبدون مقدمات، ماممكن نتلاقى فى الاولى دى ونبقى أصحاب. بتجى وين ومتين;)؟

عثمان حمد ( المطوفش )

الجابك يجيب عقابك يا زول يا حلو ..

تعرف لو قريت لى أحمد ده بى مهلة إنت بالذات يا عثمان حتحس زى كأنك بتقرأ لى نفسك , في كتابتو شبه كبير بى كتاباتك , هرطقاتك اللطيفة وحوامتك الجريئة والممتعة فى الخاص والعام .. البساطة الممتنعة , والعمق .. قصة الكتابة فى أبعاد ثلاثة ,السواقة بعبارات مألوفة للنص .. إشراك القارئ بخيالات خصبة حميمة وشائعة , مواصلة الإدهاش حتى النهاية , يا خى ما لكم علينا ..أنا ما عارف غايتو يمكن براى الشايف كده .. لكن إنت و الزول المجنون ده يوم بتودونا فى داهية بعواستكم الطاعمة دى .. الواحد يخش فى طبيخكم لى إضنيه لا من يجيهو (وجع روح) ..

تخريمة :

إنت يا أخوى الوداك لى النازيين ديل شنو ..؟
:cool:

أحمد أمين :

يا أخى إنت واحد من الناس الأنا لو ما لا قيتم بيجينى ( وجع شنب ) .. وزى ما عثمان حمد مدا ( قرعتو) .. أنا ذاتى يا أخوى بمدها ..

اقتباس:

لأنني ما أزال متنقلا ً بين ألمانيا – دبي – أمريكا ..

ممكن نتلاقى فى ( التانية دى) ونبقى أى حاجة إنت عايزها .. ؟؟

مودة كبيرة ..

ومتابعييييييييييين ..