اقتباس:
ودى ليك من ديوان (حكاية السمحة بت اأربعين ) جاييك جاييك يا احسن زول يا مسكون بى حب الحرف النابض يا مرسوم فى فجر الكلمة الجد تمتم اسمك صداك مكتوب فى لوح أيامنا غنى يا ميلاد البسمة الزادت فينا مسارب الضو يا فجراوى معدى ورايح وكايس أحلامك بينا مدد كل الزمن العشتو عشان تلقانا وسد منافذ الفشل البارك لينا ويا إنسان افرش سنواتك فى صحوات الضل وافرد كل جنحاتك شم الفل ضوى معانا الزمن الجاى وايدك فى ايدين الكل وخلى الضحكة تترعرع بينا وتهزم كل عناصر الذل لو بيستاهل عدى ضفاف البهزم ليل البعد البينك وبينها وخت فى بالك انو الجالك فالك |
شكرا عبد الرحيم
ألف شكر يا حبوب... منال والله من غيركم يا متفائليين الدنيا ما تسوي.. جميلة القصيدة ويا ريت تديني فكرة عن "حكاية السمحة بت أربعين" يمكن نلقي لينا ونسة :) |
الأستاذ خالد
كل سنه وإنت طيب وعقبال الشمعه ال 99 " رقم مميز " |
[align=justify]قالوا خال أخوك خالك ....تعود عليك الأيام بالصحة والسلامة والعافية ...وعمر مديد إن شاء الله يا خال...ويخليك لوليداتك وأمهم [/align]
|
[align=center]الاحبة الكرام :
شكرا لحضوركم الباهي ... لا زالت الشموع توقد :D و الطبول تقرع :D و الزغاريد تنطلق :D:D في هذا المهرجان الحميم .. و الكرنفال الدافي .. و الحفلة مستمرة مع حبيبنا المحتفى به الخال ود الحاج " ضواي ظلام الهم " ، حادي ركبنا و زعيم و قائد مسيرة الخير و الحق و الحب و الجمال ، و ابقوا معنا ...[/align] [align=center][flash=http://www.youtube.com/v/fZmxGiiHhQY&autoplay=1]WIDTH=400 HEIGHT=350[/flash][/align] |
الزعيم خالد
لك التحايا والامنيات وكل سنة وانت طيب دينا زاكينك من البركل لهنا قلنا ما دام ابيت تجي ماشي بشارع بيتنا نجي لاحقينك لعند بيتك انشاء الله مفرش صالونك الحمد لله ما اتخرت يوم واحد في الدنيا وجيت يوم 29 فبراير ووقعت في السنة الكبيسة |
ود الحاج العزيز
كل سنه وكل الاماني المستحيله تصبح حقيقه وممكنه عيد سعيد وعمر مديد ان شاء الله عظيم مودتي |
كل سنة وانت طيب
وما يزعجك نهاية العقد الخامس just numbers الشباب شباب الروح والأعمار بيد الله أكيد هذه السنوات لم تذهب سدى |
من جاي لي جاي
أفتش كلام أبحبت حروف أكوس، أدور وليدي دا الكبر زيادا وهو أصلن كبير أبارك ليهو عيد ميلادو كيفن وبي شنو؟ إن قلتا أهاديهو، ما بلقى لأنو هو الهدية والهِيدايا والبيهدي والمهدي وأهاديهو بي شني،،، بالدهب؟؟؟ وهو العسجد المصقول بالكلام؟؟؟ وهو الأدب بي كلو،،، الشعر، النثر، السجع، والدوبيت وغنا الشايقية وحلاوة رقيصهم وإحترتا لكن هو بيعرف وبيقدر سبب فشلي في الطلوع بي حاجة تتناسب والمناسبة ما صعب تلقى الشي البناسبو هو فيصل أدانا وكت كفاية عشان نلقط ونلملم لكن،، غايتو للوكت دا يا زول ربنا يزيدك ويحفظك ويخليك للبحبوك ولأم عيالك ووليداتك وللسودان وسودانياتو |
حبابك في سودانيات يا نهي
وتشكري علي ال 99 لكن ما كتيرة يا بت أختي ؟ |
حباب شبارقة
يا زول أبشر بالخير خالك ونص وخمسة كمان |
اقتباس:
يا زول أنا هنا ما زعيم هنا في قوانين ودساتير وأخوك هنا "درويش ساكت " :D تشكر للطلة يا ابن عمي |
معا نحتفل و نبتهج و نطرب .. و لا زال الليل طفلا يحبو ...
|
بابكر ، عبد المنعم و نوفل :
مروركم و حضوركم الباهي يسعدنا و يطربنا و يشجينا و قطع شك الخال جايكم جايكم :D:D اعذروه من الفرحة نساكم و كدة :D:D |
الخال ...
كل سنة انت والاسرة بالف خير... وربنا يحقق الامنيات الكبيرات... |
| الساعة الآن 08:33 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.