اقتباس:
لكنى أحب السلطة بالمعلقة إلا الجرجير والوِروِر فالصفقة الكاملة أحلى ... اقتباس:
الكورية الصغيرة .. و كُمشة القدوقدو .. و فى قول آخر أن حُتربها يشرب من القرعة مباشرة .. خاصة بعد أن أضيف اليها الطحنية ( حداثة) اقتباس:
"ما عاب رسول الله طعاماً قط، إذا أعجبه أكله وإن لم يعجبه ....." فردّت .. وضعه فى التلاّجة .. |
اقتباس:
ما تتخيل انى مستمتع بالبوست الجميل دا قدر كيف !!! والله قمة المتعة وانا كزول متمرس فى موية السلطات متعتى ذات طعم لايوصف وبالنسبة للكبسة واخوانا القاعد معاهم ديل انا كتير بقول ليهم لحم الضان لا يجد من يعطيه حقه فى العالم مثلنا اى والله لحم الضان هنا لايكرم ويهان اشد اهانة ومرد هذه الاهانة هذه ما يسمى (بالكبسة ) بالمناسبة كلمة كبسة كنا نستخدمها لوصف شخص ثقيل الدم و جالب نحس نعود ( للكبسة ) ولحم الضان المهان فى بلاد العربان اول شى الخروف دا كله بيتقسم لاربعة اجزاء فى اقل الظروف يعنى اربعة صوانى ( كبسة ) من النوع العادى وهناك صوانى اكبر قليل يوضع فيها نصف خروف بحاله اما الحجم الفاخر فهى التى تستطيع ان تتحمل خروفا كاملا ( تصدق يا الطيب عندهم صينية تشيل جمل حاشى كاملا :eek: ) اعود الى طريقة تناول ( الكبسة ) فما سمعته صحيحا 100% وازيد من ( الكبسة ) لقمة وهى ان صينية ( الكبسة ) والتى يسمونها صحن بعد ينهى الفريق الاول تناول ما استطاع من رز ولحوم ياتى فريق اخر ويجلس ويبدا فى تناول الطعام من اول وجديد اى والله يعنى لا يكفى القرف الاول حتى تبداء دورة جديدة من حالة من القرف اشد من الاولى وبما انى انسان محب للحوم وتحديدا الضان وكل ما يوجد فى هذا الكائن الجميل من خصائص و( منتجات ) تبدا من الراس وتنتهى بالضنبية وكما اننى تخصص كوارع وراس نيفة اكلا وطبخا فا اكثر ما سانى من هولا الاعراب عدم احترامهم وتقديرهم لهذا الراس فتخيل ان تكون جالس على صينية ( كبسة ) وتنزل يدك فى الرز وفجاءة قد تجد ان يدك قد لامست اذن الخروف :eek: نعم اذن الخروف ، صدق او لاتصدق !! الراس يطهى مع اللحم كاملا دون سلخ جلده :eek: :eek: اارائت مسئين للنعم كهولاء قال عنطزة قال فوق ام كم !!!!!؟:mad: |
اقتباس:
:D :D :D يا باش دى نكتة لاتوصف ياخى ربنا يخليها وصدقت والله انحنا ما بنرمى الاكل التلاجة راس :D :D |
اقتباس:
الاخت اكيلة بمزاج والله والله دى الذ منها مافى :D :D |
اقتباس:
قلت لي نهزرت الحاجة جارتكم؟ ;) الرد بتاعك فيهو ريحة عرق رباطاب بعيييييد كدة..موش؟؟ اقتباس:
أنا لمن يكون الغداء مافيهو سلطة بتوقع تبرير و تفسير لازمين من شاكلة: الشافع دة يبكي من طلعت لي هسع ما سكت! و في الواقع بتكون هي بتتونس مع أحتي في شيكاغو ساعتين بالتلفون! اقتباس:
معزومين كمان في أمواج شفت كيف؟ و بعد الشية و السلطة..عصيرهم الما خمج داك...لوووول شكرآ ليك يا أمورة . |
.
وضعه فى التلاّجة معتصم الطاهر و الله يا هندسة ياها بتك!! بتعرفو للمحن كلكم :D قول ليها عمك قال ليك لا تثريب عليك . |
.
اقتباس:
لكن شكلك زغت مني بحكاية مستمتع دي! ;) حبابك يا طارق الحسن ياخي في كل الاوقات اقتباس:
المرس و المريسة و المراس..كلو بيخليك متمرس و موية السلطة أهم واحدة في ما تقدم ذكره اقتباس:
و الكبسة هو (كما تفضلت) الزول الدمو تقيل و الكبسة هي الامتلاء غير الحميد :p (كبس الجبة)..أحد فتوات بانت زمان اقتباس:
و غالبآ يكون البيقعدوا في الأول هم الوجهاء و كبار السن و سادة القوم و بعد داك بيجوا الناس الأقل أهمية لمن يصلونا نحن...يكون كمية اللعاب تنافس كمية الحساء المذاب في الرز!! اقتباس:
و الله أنا هنا في الجامعة مكرهم و باقي ليهم في حلقهم :( يحكوا نكتة عن كسل سوداني..أحكي نكتة عن وسخ سعودي..و ريحتو..;) قالوا يا طارق (البيهبش دمورك...تهبش حريرو) ..:) ينتهي النقاش معي دائمآ بمقولة غبية مكررة..(كل الأزوال طيبييييييين...ترا انت صاير أمريكاني)!! و أقول لهم دائمآ: الأزوال طيبين مع البيستاهل..خليكم حلوين زي المغاربة و الخلايجة التانيين ديل..أشيلكم في راسي...تتلكلكوا بتلكلك..و بقوا حافظينها مني ..تتلكلكوا بتلكلك..:D شكرآ ليك يا حبوب . |
* البوست دا جوٌعني جنس جوعة.. * من دربي دا - و في نصاصي الليالي دي - ماشة أجيب باقي طبيخ القرع .. * أعجنو بالكسرة.. * و أرش في وشو عَقَاب السلطة و مويتها.. * و أديها كمان اتنين تلاتة قرون شطة خضرا... لكن...:( * يا ربي فَضَل من ال TUMS الرسلوا لينا ناس أمريكا :rolleyes: ؟؟؟ -------------- دي خواطري أثناء قراءة البوست :p !!!! |
اقتباس:
. العزيزة ممكونة.. مرحبتين حبابك .. و القرع بالكسرة لا يؤكل بلا سلطة كاربة..الله يخليك و يعليك بالنسبة للجرعة اياها..موش قالوا المحريب و الشيح و اليانسون برضو كويسين لووول.. تحياتي.. . |
سلام يا الطيب
بوست ملئ بالأطايب ذكرتني بمناسبة موية السلطة واحدة معرفة للوالدة هي من أصل مصري صعيدي مية المية ...من قنا لما تجينا زيارة من مدينة ما بالسودان للخرطوم بنكون عارفين إنها بتحب السلطة الخضراء ناشفة من غير ليمون و ملح و نعمل ليها حقتها براها تعرف يوم جات تشتكي من زوجة ولدها شكية شديدة قالت للوالدة... تعرفي فلانة زوجة ولدي مخصوص عشان تغيظني و عشان ما آكل السلطة بتقوم تعصر فيها الليمون وحياتك يا الطيب أخوي..الزولة نقَّت في ولدها لامن عرَّس فيها و السبب.. موية السلَطة:eek: أحكي ليك عن بابكر مخير لو شفت الصور. أديت أسعد البرير أول ما ختينا الضلع سكينة تقطيع اللحم Carving knife و معاها شوكة كبيرة قلنا نسهل مزِّيع اللحم عمك بابكر..طوالي إحتج و قال لي.. إنتي يا زولة بخيلة؟ لحم شنو الدايرين تقطعوهو دة ما تخربي الضَلِع دة بيمزعو لحمو بالإيدين :D :D بعد داك خلينا كل زول على راحتو أما عن إيتيكيت الأكل فوالله الزول في صحنه يسوي الدايره ما دام لا تتعدى حريته حرية غيره لكن كان الناس بتتقاسم اللقمة في صحن واحد مفروض يراعو لي كدة حكاية موية سلطة سايلة من الكيعان دي بصراحة مقرفة :rolleyes: :rolleyes: يا زول شهيتني السلَطة و ما شابهها |
مرحبتين يا الحنينة
و الله زي ما كتبت في بداية البوست..عزومتكم هي الأثارت شهية الكتابة و الضلع (المجني عليه) كان منظره متلفآ لغير الآكلين به و هنيئآ للدكتور مخير (خوة الكاب:D ) و للجميع اقتباس:
السيدة دي أكيد عندها طرف قرابة في طابت ;) فاهمة و راقية و بتحب موية السلطة لدرجة (تقرير المصير)!:) لكني أختلف معها..ليس في تطليق العروسة فهي تستاهل (الضبح) لعدم اهتمامها بتفاصيل موية سلطة نسيبتها ..تلك جريمة لا تغتفر:mad: ..لكن المزعلني أنا هو الخلاف التقني بتاع السلطة الناشفة دة...ياخي بدون ليمون و ملح تبقى سلطة كيف؟؟:confused: لكن برضو متضامن مع الحاجة و أحييكم على مراعاة مزاجها. اقتباس:
الباقي من فروض الولاء و الاتيكيت أظنو في اطار الذوق العام. اقتباس:
و أنا هنا لا ألومهم بقدر ما أرفق بطريقة أكلهم..لأن الشعور الدائم بأنها أكلة قد لا تعقبها أخرى في القريب المنظور..هو شعور باعث على الهلع و الزلع..و تسيل موية السلطة لما فوق الكيعان بقليل:eek: ..لكن باقي الناس المطمئنين ما لقيت عندهم منظر زي دة..و بعدين السلطة المويتها كتيرة قدر دة لو بيسمعوا كلامي و يجغموها ما كانت سالت بالكيعان موش؟؟:cool: :rolleyes: شكرآ بتنا . |
الطيب بشير
يا اقتباس:
دى ما فوقا كلام :eek: بس ياخوى انا كزول من شايقية الديم والله المرس ما بعرفو وكذلك الكول فياريت تتطوع وتدينى فكرة بما انك رجل من قلب المحنة وعلى ذكر ارض الجزيرة والسلطة صديقى دكتور صلاح الزين او صلاح العربى كما نحب ان نناديه رجل نباتى من الطراز الاول دينه وايمانه سلطات مرة عزمته غدا وجبنا صينينة الغداء خالية من اى صحن ولو صغير من السلطة والله لايمكن تتخيل كمية الحزن التى اعترته وكاد ان يغمى عليه فسالنى مافى سلطة ولاشنو يا طارق قلت ليه والله ياصلاح مافى فقالى ولا ربطة جرجير قلت ليهو مافى طيب حبة طماطماية برضو مافى ؟؟ والله مافى يا صلاح بعد ذلك كنت مستعد لاسمع منه شتيمة وسب معقولة لكن فاجانى بان سب .... الا مريكان وطبق شنطته دائر يتخارج وهو يقول د...... ود ...... اليتغدا عندكم تانى :D :D :D فبسرعة خرافية احضرت له صينية سلطة وليس صحن سلطة لانى عارفه كلمت ناس البيت يعمل قدر هائل من السلطة والله لم يجدو اى صحن يناسب الكمية سوى صينية شاى ذات ايادى ولما شاف السلطة العظيمة دى برضو سب ال .... والامريكان :eek: وحاله انقلب 180 درجة وقال من الله خلقه ماشاف سلطة بالكم الهائل دا والله يالطيب زولك رعى رعى فى السلطة وجاب اجل صينية سلطة :eek: صينية سلطة كاملة قضى عليها ولم ياكل سواها اقتباس:
اقتباس:
و اقتباس:
|
اقتباس:
والله انا رجعت بذاكرتى لسنين طويلة يا عماد وتذكرتك وانت تقلد خالك رحمه الله فى كذا امسية من الامسيات الجميلة التى كانت تجمعنا ياخى كان زمن جميل وحنيين مودتى |
اقتباس:
أنا (بمدغ) صينية السلطة دي برضو! ;) جارتنا في شيكاغو دخلت على أم بشير بلا ميعاد..و أثناء السلام و الكلام رأت الكمية المهولة من السلطة..جرت على الباب طوالي و هي تردد (عندي ملاح مفروك عاجبني دقيقة أجيبو لي ضيوفكم الجايين ديل) :( ..قامت سوما قالت ليها: هرشك .. دي سلطة (أبونا) و نحن معاهو اتعلمنا ناكل السلطة برضو..:D أها..جارتنا لي زمن طويييييل مفتكرة انو سوما (عافت) مفروكتها و ما عايزاها لضيوفها! بعد فترة اتغادينا و عرفنا بعض بشكل أفضل ..و جارتنا (فهمت حاجة);) . انعل د....الأمريكان من هنا لي سياتل. . |
اقتباس:
الحمد لله يا لطيب يا بشير يا اخوى الكلام بتاعى الفوقا اللى بالازرق داك الليلة لقيت ما يوكده بالصورة وما يزيد عليه وهو ان الصورة التحت دى تاكد انه فى صوانى بالحجم القلتو وتزيد دحين الصينية دى قصدى الحاجة دى اللى هى مجازا تعال نسميها صينية تشيل كم جمل بالله يا الطيب ؟؟؟؟؟؟ :eek: :eek: :eek: :eek: لاحظ لعدد الناس البتاكل من الصينية بالله ؟؟ عليك الله دى ما بتاكل الطالباب كلها وتفضل ؟؟:D :D مودتى وشوقى لك يا جميل http://img5.glowfoto.com/images/2007...133363639L.jpg |
. دة يا طارق حوض سباحة كاااامل..فيهو مخزن أرز..و سلخانة لحمة!!:D دة شنو هو دة؟؟!! لاحظ الصينيتين البعيدات في طرف الصورة..أهو دي ممكن تكون صواني..لكن ملعب الطائرة دة..دخلوهو جوة الصالون كيف؟؟..و هل ملوهو بالأكل باستخدام رافعة آلية؟ أم بشر؟؟..و الله لا أتخيل نفسي آكلآ من هذه الكبسة أبدآ!! جمل مين و حاشي إيه..دي تشيل زريبة بي حالها.. يا حليل حاج الطالب خفير مدرستنا..صرف الماهية و مشى يشتري لعيالو كيلو لحمة ضان..لقى سيدتين فقيرتين تحاولان إقناع الجزار أن يبيع لهما ربع كيلو و يقسمه بالميزان لكي (يطعما) به الملاح!! و الجزار زعلان ع شان (بيضيعوا) زمنو..قام عمك الخفير إشترى نص كيلو لكل واحدة ..و رجع لعيالو بي نص كيلو!! قاتل الله المتخمين الفارغين.. محنتنا يا طارق الحسن شكرآ للصورة المحنة.. . |
[align=center]http://www.9m.com/upload/9-04-2007/0...1176145634.jpg[/align]
|
[align=justify]والله يا الطيب أخوي الاتيكيت دة بكرهو من يوم الموقف الحصل لصاحبتي (والله صاحبتي ما انا)
البت قاشرة وظريفة ومجكسة جديد .... معزومة في الهلتون على حس العلاقة الجديدة أها جابو العشاء ... وصاحبتي الله يجازي محنها عاملة فيها البت ظريفة ووناسة ... تدغدغ في الأكل بالشوكة وهي بتتونس دة كلو عشان شنو ؟؟ عشان تداري جهلها باستخدام الشوكة ودة ما عيب ما كلنا في الهوى سوا ... المهم وهي بتتونس وتدغدغ قومي يا الشوكة الشقية اقعي ليك في زيتونة ... وهب الزيتونة طاااااااااااااااااااارت وما تقع ليك الا في كباية عصير بتاعة واحد قاعد على بعد كام طربيزة منهم خلتو يتلفت زي الضهبان وما كان من صاحبتي الا ان عملت نايمة... أها أنا من يوم حكت لي تاني الاتيكيت دة كرهتو بالله واحد ووالله أنا ضده للطيش وأسأل الخال لما كنت مسافرة ليهم ختيت ليهو الكلام صرييييييييييييح ومباشر أكان بتاكلو بالشوكة والسكين ماني جااااااااااية وما سافرت لما أكد لي انهم ناس جغمصة وأكل بمزااااااااااااج إلا هناك اتورطت لقيت ليك المفعوصة الصغيرووووووونة بختو ليها اكلها ومعاهو الملعقة والشوكة ان اقتضى الامر أها بقدر على جنس دة غايتو نحمد الله اكلنا بيهن حرارة قلب سااااااااااي عاد افضح القبيلة في بلاد الفرنجة افووو اختك يا الطيب ووحاتك لما رجعت لا طيرت زيتونة ولا دفقت شوربة إلا ما بقدر أقول ليك الخال بشرب موية السلطة ولا دي أسرار موائد ;) ;) وفيما يخص السلطة فإني من هذا المنبر أعلن لكل محبي السلطة الذين ظهرو من خلال هذا البوست الحادق لو جايين يتغدو معانا ما يعشمو لا في السلطة ولا مويتها لأني بصراحة بعز السلطة أوي أوي ومسافة أخلص من تحضير الاكل بكون قضيت عليها وشربت مويتها بلا خجلة الطيب أخوي أنا ااووووو [/align] |
الكجور ندى..و الله مرحبتين..
عندي اتجاه قوي لتصديق إنو الزولة الطفشت الزيتونة دي ما إنتي ;) .. مجرد اتجاه..عاوز تطوير..أعدك بدعمه..لكن أعجبني أنها طنشت الموضوع! و نجي بعد الإتيكيت لموية السلطة.. قلت لي خالد الحاج مالو؟؟..أسرار مين ياخ قولي ساي..لا تصفي ما يعلق بالشنب الكبير من قطرات السائل الأحمر..و بعض حبيبات الطماطم..لكن الخبر أدي.. أسوأ مافي الأمر أننا لو تغدينا بداركم العامرة لن نجد موية سلطة!!يعني نجيب معانا سلطتنا و نخليها تنز مويتها من بدري؟ هنا يا ندى الجرجير عزييييييييز جدآ..غاااالي و ما متوافر في كل المحلات..أنا لمن أجيبو في غدا الرحلة ..كتير من السودانيين بيشهقوا..ما عارفين انو موجود..لكن أخوك ماااا تخصص سلطة..فتشتو في النت و عرفت تفاصيل تفاصيلو..أها من الحاجات العشقتها هنا و خايف ما ألقاها في زنكي الخدار في طابت أو الخرتوم..هي (البروكلين)..يا إلهي يا إلهي..أحب (التفّـة) التي ينتهي بها رأس البروكليناية..و الموية التي تقيم أود ساقه الأخضر..لا يعجبني المشروم (ود الواطة) ..لكن لمن ألقاهو في السلطة بجاملو..الفجل (لووول) هنا ضخم جدآ لكنه (مسالم)..و طعمو مااااا زي بتاع أم دقرسي..داك زي البمبان يا ندوية أخيتي..:D :D تحياتي ليك و أنت تجغمين، بالهناء، مويةالسلطة و أنت ترفضين واسطة بين أصابعك و فمك و زي ما قال أبو مناهل نقلآ عن ود أب سـن في وصف الملعقة: الله يلعنك يا الما بتــدّي خبر.. . |
ودالبشير
التحايا والاشواق غايتو نحن من أهل العوض وعرب جزيرهـ وما يهم غرب ولا شرق الكنار شرب موية السلطة ما بنخليه كان طلع فيه قرار من الامم المتحده شيخ الطيب دحين بسألك سؤال أنت أكلت الموليته؟؟؟؟؟ وتسلم يا حبيبنا |
. زولنا طب عبدالرحيم ابراهيم العبيد و الله حبابك بالكتير .. و يا دوووب البوست جاتو (آحسن سلطة) ..موليتا.. يا سلااااام ياخ ..بالدكوة و البصل الدقااااق؟ ..:rolleyes: و بالليمون أم تراك تفضلها بالأتي؟ (ألتي..عتي)..و هو للحناكيش مادة بلون زينب تفرزها الحويصلة الصفراء (المرارة)..راجعوا دكتور قنات فهو طبيب و أهل عوض .. يعرف التداوي بعشب الموليتا أكثر من الفارماكولوجي :D .. عبدالرحيم .. قاعد تعمل ليها توم خفيف؟:p ..لو جاك مشوار بعدها لازم تاكل لبان.. حاااادقة كيف..بعدين لازم الزول يكون بيعرفها .. لأ هنالك عشب يشبهها طعمو حنضل القيزان بس:( .. عبدالرحيم يا صاحب ..ناس ممكونة و حنينة و إشراق بيكونوا اتصلوا999 فاكريننا بنخلط مواد Weapons of Mass destruction;) ذكرتني جدي أمحمد ود اللمين في القلمونا ..ريفي غريقانة ..في طريق أب عدارة ..و جميع أهل تلك القرى تعتمد بص سرحان (أخو صديق سرحان) كوسيلة وحيدة للوصول للمراكز الحضرية في طابت/الحصيحصة/مدني...كنت أمدغ الموليتا كثيرآ بداره يرحمه الله .. و في طابت تجيدها بخيتة منصور مناع ..خالة زوجتي ...يوهوووو.. الليلة يا قريبي أنا البيسكتني شنو؟ :) . |
هلا هلا هيع
اهلك زمان قالو جني الجن ابقرننا شوكة ايدو في الاكل و عينو في الدوكة دحين اتا آالطيب جربت موية السلطة مع عجنة القرع بالكسرة؟ خمج:p :D |
اقتباس:
و الله ضحّـكـتني ضحك شديد..جنى الجن دة ما سمعت بيهو قبال دة عيلا بالحـيـــل حفظتو..بالغ عديل كدة أيدو في الأكل و عينو في الدوكة...زلعة ما عادية لكن لو أنا باكل لي في صينية منتظمة و زول تاني جاب ليهو (حرف) حاااار م الدوكة و رمى فيهو القرع و موية السلطة..باقي ليك ما بتاوق ليهو؟؟.. القرع دة ما كنت بطيقو ..زي القريب فروت.. لكن حكمة الله عجنو لي كسرة بالقرع ..بي موية السلطة..ما أديت الجنبي.. لكن الكسرة بالرجلة بموية السلطة..مااااا هينة برضها تسلم يا زول يا إكّـيــل . |
اقتباس:
|
اقتباس:
مجاملة..و تحب موية السلطة . |
اقتباس:
المُشرقة إشراق.. و.. سلامٌ عليها.. وعليك.. |
.
و عليك السلام يا رشيد يا صديق أهي محاولة للتحايل على الحزن . |
اقتباس:
التحااااايُل علي الأحزان .. وارِد يا ود الشيخ عِلا هذا الصديق الــ ( موت ) .. فخليه لا تهبشه .. فأنا صديقه وبعرِفُو ياخ ياخي أقول ليك قولة ... ربنا يرحم الغالية إشراق ضرار بواسع رحمته أللهم آمين |
.
أهلين يا ناصر هل هو صديق؟ أنا أقبل التعامل معه بالرضا لكن دبارة صحوبية ليهو مافي :D و يرحم الله إشراق . |
اقتباس:
أنا بقيت متصاااالح مع المدعو الموت |
.
أهلين يا ناصر يا متصالحآ مع فكرة الموت.. أتمنى أن أتقدّم أنا خطوة فوق الرضا لأصبح متصالح و يرحم الله إشراق . |
| الساعة الآن 07:06 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.