اقتباس:
لحدي ما تتصالح مع التكنلوجيا هاك فلم الرعب دا:p |
اقتباس:
حوشنا جاري سايقاهو الكديسة دي:D:D:D |
[align=center][media]http://sudaniyat.net/wadosman/uploading/ya_hala.wma[/media][/align]
|
اقتباس:
اما حكاية القطة المغمضة دي فأبشرك يا بيان انو النيو فيرشن من الرجال الان يحبون من تؤذيهم، فلا تكوني قطة ولا تبكي امامه ابدن.. طبعن من الاوفر ثيرتي ييرز العشتهم في الحياة دي والاوفر عدد شعر راسي من الرجال الاتعرفت عليهم (ما كلهم جكس طبعن، عشان ما تشيلو حالي وكدا :D:D) وصلت لقناعة واااااحدة، انو البراءة والطيبة والسذاجة ما بتنفع نوهااائي مع هذا الصنف، الحب دا حاجة مشوهة في قاموسهم، كونك تحبي واحد وتتعاملي معاهو من قلبك وبطبيعتك من غير ما تزيفي او تتلوني او تضعي خطط حربية فطواااالي بفتكر انو هو امتلكك ويبدا يبيع ويشتري ويفتري ويعمل حركات ما عندها اي مبررات سوى الجهل والتخلف الورثو اكييييد من المجتمع الحوالينو، وهنا ما قاصدة المجتمع السوداني فقط، لأنو شكلها المرضة دي عااامة كدا، وعلي قول واحدة صاحبتي "اصلو احنا والرجال ديل زي الكديس والفار، ربنا خلقهم عشان يسكونا ولما يقبضوا الواحدة يفضلوا يلعبوا بيها كدا من غير ما ياكلوها، ياكلوا السم :D:D اها عشان كدا يا بنات الحريفة هي البتخلي لعبة السك سك دي ما تنتهي نوهاااائي. وبالتالي موضوع قلبي وبحبو وما بقدر استغنى عنو وبموت فيو دا تنسوهو من حياتكم الى الابد لإنو مقابله من الجانب الاخر مزيد من العنطزة والطنقعة والمقدرة والكي كي والمغس الحي. (تحت شعار، موش هنسلم موش هنبيع، موش هنوافق ع التطبيع:D:D ) |
اقتباس:
تعرفي زوجى وصديقو نابشننا اننا( انا وزوجته) ما عارفين النعمة الفيها بانو عرسناهم .. الفلهمة كلها وطولة اللسان دي معرسين بلاش لا شيلة لا دهب لا يحزنون باقي خالتك الزمن داك كانت ثورنجية بتفتكر المرأة لا تباع..والجماعة ديل استغلو الحاجة دي...وغشونا عرسونا مجانا..بالله زمن المغتربين بيجبو الشيلة بالبوكس ويسلمو المفتاح لابو العروس نحنا قلنا لالالالا المرأة شنو وما عارف لاخر كلام الجنادر الجناتر واسع تحت تحت رافعين شعار الرخيص برخصتو يضوقك مغصتو..looool وكل يوم شغالين من واذى نحنا القريناكم ونحنا الخليناكم تمشو المؤتمرات ونحنا ونحنا.. قلنا ليهم نحنا نساء منتجات قالو وين اسع هدومكم دي الاشتراها ليكم منو؟ البيت القاعدات فوقو دا البدفع الايجار منو؟ اها حنك سنين ساكت سكتونا.... اقري الحركة الفي شكل شوربة دي ياريتنا وقفنا عليها الحب الاول.. وشوربة الجندرة وحقوق المرأة الوان من الحب وللحب الوان الحب الاول (علينا البدء بفقدان الذاكرة, لكي ندرك أن هذه الذاكرة هى التى تشكل حياتنا)**** هناك في تلك الشوارع التى زرعناها غدوا ورواحا.. في ذلكم الزمن الجميل تلك الأيام الرائعة.. عندما كنا نحاول أن ننقذ العالم..مشيت في تلك الشوارع عشرات السنوات مرت بشرها وخيرها..سرت في الطريق ببطء استنطق الحوائط والأحجار و الأشجار والرمال..أبحث عن آثار قد تكون هناك تشهد على مرورنا..كم كن متوثبين مفعمين بالعافية والحياة .. كنا عصبة من الشباب ندرس الفنون بعضنا يدرس المسرح والموسيقى والبعض الآخر يدرس الفن التشكيلي.. كنا لا نسير بل نتواثب باحزية( تسمى تموت تخليه)نلبس الجينز المتسخ ونصفف شعورنا بأفرو نصف قطره قدم بصعوبة تميز النوع كلنا نرتدي قمصان مزركشة… توقفت أتنسم الهواء نظرت إلى الشارع الطويل إلي كان يوما يردد أصوات جلبتنا و ضجيجنا.. كلنا نتحدث من يسمع ؟لا أحد يعرف.. تفرست في جزع شجرة اللبخ الضخمة اقتربت منها تحسست جزعها.. بصعوبة ميزت ذلك القلب الذي رسمه أحد الأصدقاء قاطعه بسهم زين ذيل السهم بحرفه ثم رأسه بحرف الفتاة التي كان متيما بها… بقى الأثر وتلاشت تلك العلاقة ربما مازالت قابعة في الذاكرة.. ولكن لم تتوج علاقتهما بالزواج.. ثم اقتربت من تلك العتبات التي يوما استخدمتها كمنصة لاعلن أنني من اليوم حرة لن اسلم قلبي لأي رجل كائن كان..اذكر كان في ذلك اليوم فى طريقنا الى السكن بعد حضورنا ندوة شعرية لنزار قباني.. قدمه أحد المتحذلقين انه شاعر المرأة.. وعندما فتح باب النقاش أخبرته يا سيدي انك حولت المرأة إلي نهد وشفة وبضعتها وسلعتها ولم تلامس أبدا مشاكل المرأة الحقيقية وقضاياها حتى تسمى بلسان حال المرأة…كان نقاشا حادا انتفت فيه الموضوعية و ارتفع فيها صوت العاطفة.. انتهت تلك الندوة ومشينا في الطريق ووجدت هذه المدرجات التي تفضي إلي بيت جميل ومهيب فاعتليتها وخطبت خطبة عصماء معلنة أنني من اليوم سوف لن احب أحد ولن اسلم قلبي لاحد لان الحب هو مصيدة الرجال التي ينصبونها للمرأة ليتم إخضاعها ووضعها تحت سيطرتهم منتهزين طبيعتها العاطفية وتعلقها بهم.. بهذا أعلن انه منذ اليوم أنني سوف لن اسقط في تلك المصيدة الماكرة.. إلي أن يخرج الرجل من جلباب جده ويعاملني كأنسان ولا يسلعنى وينظر فقط لجسدي..وسط تهليل الصديقات و نباح الكلاب في ذلك القصر ووجوم الأصدقاء تابعت خطبتي معددة المصائب التي تنجم عن الاستسلام باسم الحب.. و انتهيت من خطبتي وقفزت في وسطهم.. وتابعنا السير وأنا أحس أن في قدمي أجنحة خفيفة و قلبي مفعم بالرضى و السكينة..بعد اتخاذ هذا القرار.. نمت كالطفل الغرير..وفى الصباح ذهبت لمقابلة الرجل الذي أحبه..وأخبرته أن ما بيننا قد أنتهى.. ونظر إلي غير مصدق حاول أن يحيل الأمر إلي مزحة ولكنني كنت له بالمرصاد رفضت تماما التحدث في هذا الأمر بتهكم أو سخرية..وتركته جالسا في مكانه .. ومشيت وأنا أحس أنني قد ملكت العالم..ولسان حالي يقول لن اترك أي رجل أن يسيطر على باسم العاطفة أو لن امنح لأي أحد القدرة لسلبي إنسانيتي.. وصرخت بأعلى صوتي أنا حرة… (هذه القصة محض خيال) *هذه العبارة اعجبتنى ولا ادرى من قائلها**** |
اقتباس:
المشكلة لو كانوا بيفهموا انه الحب دا ليس سوى مشاعر انسانية مجردة، تذوب عندها الفوارق والطبقات والاجناس، فلا سلطان سوى سلطانه ولا امر سوى امره كنا هسي نكون عايشين في تبات ونبات من غير مشاكل وخلافات. لكن الفهم قسم بس، الواحد طوالي ياخد ليك الموضوع عنترية ورجالة وانا اعمل وانتي ما تعملي زيي وانتي ما من حقك وانا من حقة صعودي :D:D كرهونا البلي زااااتو.. يا زولة خلاس من يوم الليلة علي قول المرة في دعاية اولويز (عيشي حياتك وقولي.. لا تنازل) :D:D |
اقتباس:
لانه حتعملي شوربة الجندرة يلا تتحول لشوربة مشروم looool تعرفي الراجل السوداني حبو عبارة عن نصب فخاخ وشراك.. بس الفريسة تقع خلاص بيفتكر الحب قضى الغرض والشرك قبض البلومة. بعداك يقبض البلومة يختها في القفص.. ربما يكون ذهبي او حديدي اها يجي البيت يعمل يوتيرن فيه.. ايام الجكيس تبقى انتي بابا وانت ماما وانت كل صحابي وكل حاجة.. اها بعد داك خلاص تبقي انت في الرصة دي وبرجع الى سيرته الاولى يسف الصعوط جنبك ويلبس عراقي وسخان (يرفض تغيره) واخته طيبة جدا ونهائي ما بتخطى على زول وامو احسن مرة في العالم.. وانت كان ممكن يدفع اكثر ويعرس احسن منك..:D |
[align=center]غايتو القطب الشماالى يقصّر...!!!
[media]http://sudaniyat.net/wadosman/uploading/ala_niatna.wma[/media] [/align] |
اقتباس:
المشكلة يا بيان في الخطط البقى مفروض علينا احنا نقوم بيها للحفاظ على من نحب.. يعني تولعي اصابعيك العشرة شمع وترقدي ليهو رز وتتمني ليهو الرضا يرضى.. تلقي بالمقابل بدل ما يكون زي البشر ويجزي الاحسان بالاحسان ويشيلك في عيونو حصل العكس.. يفتري ويركب ليك وش ككو ويعمل فيها عشرة بقرش في محاولة لتوصيل رسائل مبهمة من تحت الماء :D:D وانتي تقعدي تنحتي في مخك يا ربي تكون عضتو ياتو انثى انوفليس الطلعت ليو الحمى في راسو دي :D المهم يا ستي انا في النهاية ومن عصارة تجارب ممخمخة طلعت بالاتي: امام النساء تلاتة حلول فقط: 1- تنسى وهم اسمو الرجال والحب وملحقاتو وتسد دي بطينة ودي بعجينة وتعيش حياتها اسعد زولة في الدنيا. لكن طبعن الحل دا عاوزة ليو قوة شكيمة وعزيمة لا يستهان بها، غايتو لو انجبرنا عليو في النهاية بنخش ليو دورات تدريبية :D 2- تنسي موضوع الحب وتخلي الراجل يجري حفيان وراها.. قولو لي كيف؟؟ المرأة بطبيعتها عاطفية، واللحظة البتحب ليها راجل، عقلها بيقيف تمامن عن التفكير، وبيكون هو محور حياتها، تتمنى ليهو الرضا يرضى وتسعدو علي حساب سعادتا وممكن تديو روحا وتقعد تتلفت الغبيانة :D.. اها في الحالة دي بيحصل الهجوم المضاد من الرجل البيخليو يشد ويركب ويذيقها من اصناف العذاب في الحب الوانا.. فلو نست قلبها دا تمامن بتقدر تمرق نفسها من دائرة الحب المسيطر عليها وتبدا هي تسيطر علي الامور.. وهنا على الباغي تدور الدوائر.. وبتكون قلبت التربيزة في وش الرجل وشاتت ليو الكورة في ملعبو وتبدا بقى بمزاااااج تمخمخ ليهو اقوان تخلي راسو يلف. بس يا حرااام هنا حتكون خسرت قلبها بس دفعت الكان السبب التمن :( حاجة زي الانتقام كدا.. انا لسة ما جربتها غايتو (لكن شكلي بديت افكر فيها :D)، بس الجربوها كلهم بيتلذذوا بيها بدرجة خيالية وبيقولوا انها اكثر متعة من الحب نفسه.. والعهدة على الرواة :D) 3- تفضل في تقديسها للحب وبالتالي تقديسها للرجل البتحبو وتستعين بعد داك بالصبر والصلاة وتشتري ليها جهاز قياس الضغط والسكري مع كمية من المناديل من النوع السوفت عشان الزليط وكدا :D |
بيان ورشا
رشا وبيان ختو الكورة واطة وما تسودوا الدنيا في وش البنيات معانا شابات مادخلو دنيا الرجال ديل يااخوانا طيبيين:o ومساكييين;) ناكل وننقش في طرفم مش قال ليك داخل كل رجل طفل كبير الغريبة هم البجيبو القوالات دي براهم:p |
اقتباس:
انا غايتو تاوقت سااااي بس :D:D |
اقتباس:
|
اقتباس:
هاك اسمعى انا فاكه و جعتى مع مجدى النور من الصباح شابكة تقولى شنو اختك بقت انهزامية :( محتاجة دوزنة :p:p [flash=http://www.youtube.com/v/1uGU6-8ftwo&hl=en&fs=1]WIDTH=400 HEIGHT=350[/flash] |
رشا ومنال
منال ورشا الزواج دا قالو برميل زفت,, ابو الزفت زاتو ,,وفوقو طبقة رقيقة من العسل في ناس من حظهم الحلو:mad: بفتحو البرميل بالقلبة:D:D:D مجدي النورالله يرحمو يا منال فاجانا بالنهار وبي موتو المفجع كتري منو عليك الله |
اقتباس:
[flash=http://www.youtube.com/v/BVE9eDTqioI&hl=en&fs=1]WIDTH=400 HEIGHT=350[/flash] امال شفتى اريج و عائشة الفلاتية عملو فينى شنو ودورنى عديل و حردت شغلى غنا و صفقة الجنبى ديل قالو منال مالها ... اشرت بيدى على عقلى اها الجنترا [flash=http://www.youtube.com/v/2nQanMYMqes&hl=en&fs=1]WIDTH=400 HEIGHT=350[/flash] |
| الساعة الآن 05:55 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.