اقتباس:
سلام يا أشتر، وقد بلغ البوست فطِامه! بمداخلتك ذات الأحرف القليلة الحمراء. |
اقتباس:
وواحد من الحلبة الفي شبا اسمه عبد الوهاب والله ديل اجعص مرة ما ترقص رقيصهم وهسي عندي ود عمتي اسمه امام مكاوي دة اصلو مبدع عدييييييييييل داير انزل ليك فيديو لي لطفي اخوي يرقص ما عرفت ود الحاج ساط الدنيي هني ههههههههه |
سلام يا طارق،
كلامك صاح ولغاية هسّع ما لاقي تفسير! أعرف مبدعين كُثُر في الرقيص وعادة ما يلفتوا النظر و يسخّنوا الدارة أكثر. كان يُعتبر عيب في البدايات، ثمّ صار البعض منهم يتبلّم قبل دخول الدارة، لكنّهم لا يُقاومون التعبير الراقص عن طربهم. والآن صار الأمر عاديّاً وفي البال "الرحيمة" و "وليد" أعضاء كورس أغلب فنّاني الطنبور. بيني وبينك بس ما تكلّم زول، العبد لله يُجيد بعضه! :D |
آمنته غايتو بغتاتة الشوايقة فيك ياعكود ...!!
ياخ ده بوست بررفع نسبة القاوت والكلوسترول فى الدم ... عشان كده " بنكد" منو شوى شوى :D ونبقى مارقين ... عكود النصيحه جابنى البوست السمح ده .... علا " حربنا " فى محلو ;) |
[media]http://sudanyat.org/Khalid/lotfi.avi[/media] |
اقتباس:
دي الايكونة بتاعة رفع الملفات يا طارق تلقاها ضمن أيكونات الصندوق الماسي في السطر التالت إلي اليسار |
يعلم الله ياعكود وخالد جهجهتونا ورقدنا كاويك
بس دا احلى بوست واحلى كلام غايتو لو ما مبر كان المغسة كتلتنى هاك دى لمن اجى راجع: [youtube]http://www.youtube.com/watch?v=KKvKUb3zNWo[/youtube] |
الاستاذ عكود
سلامات عارف لاحظت ان الناس في الحلة تكون فرحانة قبل العرس بيوم وتبلغ قمة نشوتها في الفرح الجماعي الحفلة ياخ زي الربة دي الوصفتها وصفا كاني كنت هناك وعبدالواحد دا سبقني بلحظات وركز والا لكنت فعلتها له الرحمة لك الشكر |
اقتباس:
يعلم الله غتاتة ماها في والشايقيّة مبهوتينبها . . و عجبني تعبير "نكد شويي شويي" و ليك اللحم ولينا العضم! تُشكري على السماحة والمرور رغم حربنا الما في محلّو. تسلمي يا ستّي. |
اقتباس:
الراجل إجتهد والله ما أرادلو . . بحسبها ليهو مواجبة والله :D |
اقتباس:
و عقلي يتوه مع نوره لمن تكمّل الرقصة تجدع توبا فوق راسا وتقول كدي تجري تتدسّا و ده ياهو الكر والفر بتاع الرقصة ذااااتا. عندما تختم نوره رقصتها وتتّجه نحو "السباتة" القاعدات عليها البنات . . يعرف الصفّاقين أن نوره تنوي المغادره . . يتابعونها والصف يزيد من صفقتو و هي تُسرع الخُطى، فيتسارع رِتم الصفقة وضرب الأرجل على الأرض . ثمّ، عندما "تجدع توبا فوق راسا" يقنع الصفّاقين فيخفت تسارع الرتم (الدلّوكة والصفقة) ويتراجعوا إلى مكانهم في إنتظار وزّينة أخرى. قلت لي رقدت "كاويك" :D ياخي ده من أبلغ التعابير والله، فالكاويك يكون ناشف مصفرِن وخفيف وجفّت منه ماء الحياة. تسلم ياخي ويسلم مُبر. |
اقتباس:
أنا سعيد بمداخلتك المعبّرة . . وسعيد أكتر بقولك ما تحته خط، فتلك شهادة حيوية لما كتبته. الناس هناك يا عبد المنعم، بيكونوا فرحانين من بداية البوش . . الزغاريد وصوت رصاص الفرح لا يرتبطان بوقت معيّن، فعندما تسمع صوت البص يعقبه صوت الرصاص، تعرف أنّ أخو العريس أو أخته قد وصل، وقد يجيك "شافعنا البيجيب ليك البشارة يقول وصل" كما قال السر عثمان. تسلم على المرور والمداخلة اللطيفة. وبرضك ياخي أعفيني من قولة "أستاذ" دي الله يرضى عليك. |
اقتباس:
الشكية لله ... الشي ما لقيتولكم ;) شيتن تشموغير العجاجة القايمة دي ... الكتراااااابة :D لا كبَريت .. لا دلكة ... ولا حتى سرتية وكان عدمانة الحبة دي قولو فليردمور ... احيانا في بعض الكُتاب بتمو (النص) موية وفي رواية أخرى (إكسرو :D)... ودي من نوع الأنصاص البتطشم بالواحد ... أها في واحدين تانين ما بدوك فرقة كلو كلو تشطح بعيد وإن اتلقت ما تاباها ... عكود قوّم لينا عجاجتو في السما وديل يحمدو سيدم ما قصرو ... الربو يا جماعة هوي الربو :D عيبو لي الترترة عليكم الله ... النسوان البمشن ويجن حفايا ديل زي موج المراكب باقيلكم ممسحات بى زيت فرامل !!!! حامدينو وشاكرين فضلو اللا قطعن دلكتن من كبيرتن لى سغيرتن شينتن وسمحتن مميّزاااات ومتـّمراااااات ... عينكم في البجبوج تشمشمو في العلالة القايمة :D وهنا أشتر أخد ليو تكية وقال ... ترا (المبلّمين) ديل بى سنـّتم إتو مالكم ؟؟؟ غايتو أنا غير عبق المكان ما شامي شيتن يعكّر صفاي ... بس لو لقيت لي زول مطرّف كدا وصاري بوزو ياني البشمو :D شن فيها ياخ ... معليش يا عكود على المقص بس قتا نوريهم ري آكشناتنا حلوة أد أيه |
اقتباس:
الترترة دي يا أشتر لرقيص السباتة، والرقيص في الدارة بتكون أرضيته مرشوشة، بس مع "بَرْدَبة" الصفّاقين . . الفرناغة بتقوم. والبترقص، وهي حفيانة طبعاً، بتلبس شُرّاب من التراب الناعم خاصّة لو كانت ممسّحة ومتمّرة . . وده ما كان بينقص من إكتمال جيهتها شي، بل بالعكس . . يزيدا فوق سماحا سماح، و حسن الدابي ما غنّالِن من قليل! تسلم ياخي و المبلّمين أختاهم!:D |
اقتباس:
وغبار عن غبار يفرق .. يفرق كتير ...(واخد بال حضرتك) :D الشكية لله يا أشتر عشان نهلة بتي تلعب في التراب إشتريت ليها شوال رملة ب 10 يرو :( الباقي أجارك الله إما ظلط -اسفلت- وإما زراعة .... أما الكبريت والفلوردمور وغيره من العطور بأنواعه ما شمّ منه وما تنسم.. فيمكن الحصول عليه حتى في المنازل ..والله أعلم .gooodloooolgoood |
| الساعة الآن 04:03 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.