اقتباس:
مداخلتك دي برغم حشدها بالكتير جدا من الوجوه ... إلا أنها تبدو جادة جدا ... ومخالفة لأصول لعبة الانتخابات وفيها تأثير بدرجة ما على سير العملية |
اقتباس:
اهلين يا اسامة اسامة وين المخالفة ؟؟؟ لمن عرفت كده طوالي كان تتبع اجراءات لائحية وتخاطب الجهات المعنية لو هي مامراقبة شغلا... ثم تبدو دي الأنت كاتبا فيها شغل نوايا يا أُسامة ياتقطع وتجزم وتبدو واثق أو تجنبني الاحساس بأنك بتنجم... بعدين اديتني احساس تربص كده ....عيد قراية البوست وشوف البيسوق للتأثير منو وبعد كده لو ثبت لي انه في تأثير ح اسحبو من نفسي يازول أتمناك بخير وتسلم |
اقتباس:
اقتباس:
مع ملاحظة انو النفرين ديل ما مرشحين براهم !!! |
اقتباس:
|
طيب يا أُسامة لو صح نحن نتجادل في بوست زي ده ح افيدك بالآتي :-
1/ في زملاء ليك هنا ياباشا قالو مابيعرفو اي زول من المرشحين واعتذروا عن المشاركة وده بينطبق علي انا في أحد المرشحين....مابعرفو يا أُسامة عشان اصوت ليهو او اقول اسمو ونحن اصلاً هنا مامصوتين على برامج ياصديق مصوتين على اشخاص وقدرتهم على شغل منصب....تتخيل؟؟ 2/ صوتي لمهند القلتها دي كانت رد على اتهام عضو هنا بأنه اثنين من المرشحين تنقصهم الحكمة والتالت طيب لدرجة لاتمكنه من القيادة...وده شكل احتجاجي عامل كده على حقوق زملاء واصدقاء اعزاء قدمناهم لعمل طوعي فما بيجوز يتأذو ويتقيمو في معرض تطوعهم أها انت شكلك نسيت تقول للعضو داك انت بتأثر على العملية الانتخابية واستضعفت العبد الأصلاً ضعيف لرحمة مولاه اللي هو حضرتنا العدل واحد والمعيار الواحد يفترض يسود ع الكل ياعزيزي بعدين خال فاطنة ده انا معتذرة ليهو وحاسة انه بيستحق ودي عبر عنها كم زول انه التصويت صعب والاختيار صعب 3/ لو عندك شي واضح ولائحي عن التاثير وطريقة ممارستو هاتو هنا ياخوي عشان نستفيد كلنا ومانخطئ تاني أتمنى انه اكون قدرت ارد عليك بس أنت ماجاوبت على أي استغراب في مداخلتي السابقة بعدين انا متهماك بي تمييز وتربص يا اسامة ياخوي فشن قولك ؟؟ |
اقتباس:
انا ما قريت كلام زولك دا ... ولو قالو زي ما قتيهو انت يبقى هو ماعندو أي فرق منك ... غير انو هو غلط - ربما بغير قصد - لكن انت غلطتي بقصد (باعتبار توظيفك لمداخلتو) عن التمييز اعتقد اني بكون جاوبت عن التربص ماقدرت افهم اتربص بيك لي شنو ؟ وعشان شنو ؟ الكلام الكتير ما حبابو ... في موقفين الآن وفي ناس قاعدة تقرا وبتفهم بالمناسبة |
اقتباس:
طعن في التلاتة مرشحين وقام هو بدءً بالتأثير بقصد كان الأولى مادام انت حريص على عدم التأثير كان تعترض على التاثيرالاول ماعلى رد الفعل عليهو ..وكونك ماقريت كلام الزول داك فأنا قريتو واحتجيت عليهو بطريقة لطيفة وفيها دبلوماسية كمان ثم انه زول يطعن في تلاتة مرشحين ويجيب حيثيات لي طعنو فده قاصد وربما بتاعتك دي مابتشتغل هنا لانه قاصد وجمد بناء على قصدو مشاركتو ومؤسس موقف كاااااامل المدهش انت بتقول وبتبرر ليهو (ربما بغير قصد) !! فيما يختص بالتربص فالتدليل عليهو بسيط انت ماقاري البوست كويس وجيت مسكتني انا في النص البيكون عايز يحتج يقرا البوست عشان مايظلم البيقوم بردة الفعل لانه الفعل الاصلي هو الأجدر بالاحتجاج وكنت ح احترم موقفك ودفاعك عن فكرة عدم التأثير بعدين حكاية انه في موقفين والناس بتقرا كان تقنع بكده من الاول وماتدخلني في جدل دائري الكلام الكتير لمن يوضح المواقف حبابو الف وماتحدد لي اكتب كم سطر وكلمة كل زول بيوصل بطريقتو وكل زول ومزاجو وقدراتو ده فضاء مفتوح بعدين انا ماغلطانة وماتثبت غلط لسه داير حولو كلام ودفوعات انا ماوظفت....انا احتجيييييييييييييييت ولمن الكلام الكتير ماحبابو من الاول كان تختصر تحايا |
اقتباس:
لنا جعفر ... طريقتك دي معاي ما بتنفع انا قت موقفي ... ومابعرف أركب الدايرة المعتادة تركبيها دي !!! |
انا صوت للزووول ..لقناعاتي بشخصه ...
وكامل تقديري واحترامي للبقيه ... وانا سعيد جدا بالمشاركه في العمليه الانتخابيه .. |
للبديري سلام وتحية ،،،
تعرف يا صاحب ،،، لو كلنا بنرجع نقرأ لوائح المنبر ده مره مره كده ،،، ما كان ( جَلَّطتنا) طتير هنا ،،، وكدي يا اللخو سيبك من النفخي الحاااااااار ده وما تمسك ليك في درباً عوج ،،،، كلامك عوج ومافي محلو تب يعلم الله ،،، الترشيح من حق المااالك ،،، والمالك ربنا يرحمو ويغفر ليه وأهو هنا بيمثلو عكود أخوي وأخوك ،،، الشال الأمانة دي في رقبتو بكامل الصدق ،،، أما رأيك في المرشحين التلاته ،،، مالو ،،، ده رأيك إنتَ بإنك ضد ترشيحهم ،،، وأنا ضد رأيك تماااااااماً زي زي معظم المتداخلين هنا ده ،،، وشايفهم التلاته أكفاء بالمنصب ده ،،، لو كان مهند الخطيب ولو كان خال فاطنة ولا إن كان الزوول ،،، وهو تكليف وليس تشريف ،،، وحقيقي أنا بشفق علي الحيفوز فيهم في نهاية مطاف مرحلة التصويت ،،، وخوفي علي الأمين العام القادم ،،، ياهو من جِنس كلامك الما مُحفز دي يا الحبيب تجربة سودانيات الديمقراطية دي تجربة حاسدنكم عليها ناس كتااااااااااااار يعلم الله ،،، فشنو يا الحبيب ،،، حقو تصونوها بدل ما تلقفوا من جلدها حبة حبة كدي |
اقتباس:
بس خلاص تب وصلت..... من ماقلت الدايرة المعتادة تركبيها وضحت لي تربصك انت جاي وشايل بسطونة وعايز تعمل لي ام سعد الله عشان بس طريقتي مابتعجبك فخليني النسألك كخبير مختص في طريقتي وكده انت لمن مابتاع دواير بتهبش مالك؟؟؟:D بعدين انا ماحنستك لطريقتي ولافاتحة بيها مزادات اعجاب أنا.. انت جيتني بي احقاد شكلك مراكما وبي افكار مسبقة زي ماظهر من سم كلامك وعارف طريقتي وماعاجباك ومصنفني وجاي تصفي معاي عدم اعجابك خساااااارة ياخ المعجبين نقصو واحد :( واسفاااي شي محزن تكون طريقتي مابتعجبك عليك النبي وانا في عرضك خليها تعجبك محتااااجة معجبين انا . أها لو جاي لي الطرق والمناهج تعال النوريك انت الطريقتك بتاعت خالف تُعرف والمعارضة من اجل المعارضة وجر المشاكل هي المكشوفة ومعروفة ومارايقة لي لكن مالي ومالك لو مسكت دربك... بس تجي لغاية عندي وتتحرش بمداخلتي فيجب انك تشوف ردي على حكمتك العرجا والمدعاة وتربصك هو المكشوف لي لانه الكل دخل هنا وقال كلامو وفي ناس قالت صوتت لمنو وفي ناس طعنت في مرشحين وسبت الكل ومتخيل انك نصبت لي فخ عشان تجي تقول تحفتينك القلتهم ديل يازول هوووي انا لابعرفك ولابتداخل معاك ولا انت بتنفع معاي خلي طريقتك فشنوووووو انا مابخاف واللهي فأرخي فكرة الطرزنة دي معاي وماتفتح جبهات تجي تقول مابعرف ليها ثم انك ما اكتشفت مجرة جديدة ياخ طريقتي معروفة جداً انا وعاملة كده وكلهم هنا عارفين بس انت الجاي متأخر شوية :D |
اقتباس:
|
اسامة ولنا
مالقيتو ليكم حتة تتشاكلو فيها احسن من دي ؟ |
شبااااب
اعتقد اصلا الغلطة انو البوست دا مفروض يكون للتصويت وبس لنا ياخ ماصدقنا مديتي رأسك اهدي ياحبيبة واهدينا طلتك المتمنينها اسامة صوب نحو الكلام بلييس وماتخلي سهمك يطيش |
للادارة
ياخ لو سمحتوا اغلقوا البوست علي التصويت بس اعتقد في اكتر من مكان الناس ممكن تقول رأيها رجاءً |
| الساعة الآن 08:57 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.