اقتباس:
المقدس ده ما تكون مهاتفتك ليه بعد مشوارو لبازل الالمانية ياخ :tongue::tongue: |
شيتن إجتمعتوا هنانا الحبان
بدور أقول شئ.. زمن كنا لساتنا فينا صحة وعافية، كنا ننط للقاصي والدآني في حلقه، إن كان صغير عدم عرفة وتجربة أو كان كبير شأن وفهم وزخم تجارب.. جانا الزمن الفيهو في نص الدرب، بقينا شوية نوازن الأمور، نفكر بي عقلنا ودون هوجة شباب،، نسمع ونرى حتن نقول... حسي بقينا في آرزله، الكلام قليل والفهم ما تقيل لكن متريس، بشيييييييييييش كل وحرف، قصد ومعنى ذي ما في الأكل،، تلوكه وتلوكه عشان ينهضم... بقينا ذي الحفير،، الإتملآ. برآهو ما بيمرق الموية حال العين ومنابع الأنهر.. إلا بيحتاج لي دلو وحبل وقدرة عشان تنجرآ منه الموية،،، تزقي العطشان وتروي الزرع... إحنا ولمن أقولها،، بقصد إخيي الأكبر شوقي،، دعكته الحياة ودافرها،، عرف ناس وإلتقاهم، خلق حلو العلاقات ومرير الكراهات، إلا دآ كله ما بيحجب منه حق أنه كبير وأنه حفير وأنه وللما بيعرفه!! أبيض ضمير... كلامي دآ والله وعلى ما أقول شهيد وهو خير شاهد كله حق ويا الحبيب "صديق" ربنا ما يريمك في محنة أو حوجة وإلا تلقى "شوقي" أولهم في الصفوف وأمامهم دون خوف. سند يقويك وضهر بيحميك وبطن تصادم ليك "بيقولوا ما تدي الناس ضهرك، قابلهم بي بطنك".. دحن يا العيدروس،، إن لي الليلة ما مريت بي شيتن من المرينا بيهو،، أبق تعال قرب ودلدل دلوك في الحفير... تنزقي وتروي حياتك،، تجارب وخبرة ومعرفة وعلم.. تبقآ ليك ذخيرة في القادم من سنين... :cool: |
اقتباس:
يا سلالالالالالالالالام أشهد بأنك بحر عديل موش حفير ياخ ما تديني شوية معاك ....المصيبة يا كمندان أنو وصلنا معاك لمرحلة الخريف دي بس ما عاوزين نقتنع لسة بنهوش زي الشباب شوقي أنا ما قابلتو إلا عبر كلماته المكتوبة أحسست فعلاً أنه ذلك الرجل الذي قلته تحياتي |
اقتباس:
عبدالمنعم صباحتكم بالخير انت وودعمتى مدينة... قلت لى لقيتو بحر... ياخى بحر بس دا المحيط الهادى بى حالو...دا المسمنوا على جدو حلالى بلالى ليك وليهو التحية والتقدير.... |
اقتباس:
تسلم يا بروف |
اقتباس:
جدي الأمير يعقوب "جراب الرآي" جدك بابكر كان عندهو ليهو مكانه خاصة.. بس تعرف حسب التفسير من وجهة نظر روباطابية.. ريديت جدك للأمير لأنه جد إيراهيم قاسم، صديق يوسف ولده وزوج مدينة بته .. :011::wink: |
|
اقتباس:
ياخي انا ما اسأت للاستاذ شوقي فهو محل تقدير واحترام دائما ،، ولكنه في نفس الوقت يعتبر من الكتاب المعروفين ومن الشخصيات العامة التي يمكن توجيه بعض الملاحظات او حتى الانتقادات إذا تطايبت النفوس ،، ولكن الظاهر اننا وفي زماننا هذا اصبح نفسنا قصير شوية في تقبل واحتمال الرأي المخالف ،، ولا استثني نفسي انا كنت اتكلم عن المنهج الانتقائي الذي يمارسة كتاب المعارضة ومنهم الاستاذ شوقي ،، واظن ان هذا حق مشروع ،، ولا اخفيك القول اني بحثت في كل كتابات الاستاذ شوقي في الراكوبة وسودانيز اون لاين وفي سودانيات وغيرها ،، وكنت امني نفسي ان اجد له اي رأي او انتقاد لسلوك الحركات المسلحة ،، ولكن بكل اسف لم اجد ،، لا استطيع ان اقول غير موجود ،، ولكني لم اجد ،، وفي المقابل تجد العين الفاحصة والناقدة لكل صغيرة وكبيرة ودائما وفي كل الاوقات ،، وفي اتجاه واحد فقط ولتوجه واحد ثم ان الراجل من زمان ختاني في قائمة التجاهل :smile: على كل حال جزاك الله خير ،، واعتذر لك وله وللجميع إذا ورد في مداخلاتي مايسئ وهو غير مقصود بكل تاكيد |
اقتباس:
لم تقل أنت شياءا مكروها ولم أقراء قبيحا،،، لكني بس حبيت أن أدلو بدلوي. كما أنه؛ بين الكاتب والقارئ، صلة وثيقة... إن لم يكتب هذا، لما قراء ذاك وإن لم يقراء هذا فلا كاتب أصلا... دمت وحفظك الله بأدبك وخلقك.. أنها سودانيات التواصل والمحبة فليدمها العزيز، الحبيب القدير |
| الساعة الآن 11:04 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.