[align=justify]العزيز بابكر،
كل عام وأنت بخير والقابلة على أمانيك أنت والأسرة الكريمة. يا خوي مافي سؤال غلط وللا ما في محلو، والإجابة لنوع الأسئلة دي مهم، مش ليك إنت و بس، بل للكل. اقتباس:
ذكرت عدّة أسماء، من بينهم سيدتان (ممكونة وأم راشد) وقد اعتذرتا لأسباب منطقية. تمّ ترشيح 3 أسماء (الوليد عمر، رباطابي، عكود)، إعتذر الوليد وكان التصويت على رباطابي وشخصي. تمّ كل ذلك على صفحات المنتدى بوضوح تام وأخذ الأمر حقّه من التداول والنقاش. اقتباس:
كان الإقتراح الأولي (من معتصم) "على أن يكون نصف أعضاء مجلس الإدارة من النساء"، اقترحت أنا تعديله إلى "يفضّل" دون إلزام، ولا يخفى عليك السبب (ماذا إذا لم توافق أيّ سيدة/رجل على الترشيح؟). ولعلّ العزيز رأفت ذكر بعض الأسباب في مداخلته السابقة: اقتباس:
أقول هذا ولا أدّعي بأن ما اتّبعناه هو الأفضل أو الأصوب. ما زلنا نحتاج لكثير من التمحيص والمراجعة التي تتطلّبها طبيعة المتغيّرات. الآن، الجمعية العمومية (كل/أغلبية الأعضاء) لها الحق في تعديل أي فقرة في الميثاق إذا رأت الحوجة لذلك. دحين يا بابكر يا خوي، خلّينا النمشي في الأول، بعدين بنجري في درب المؤسسية. كل التقدير.[/align] |
عزيزنا عكود0 أها كيف أصبحت بعد اللحم000هل هناك تخمة؟:D:D
عندي سؤال ممكن يكون عجيب شوية لكن بالنسبة لي أنا مهم شوية الاجابة عليهو/ كيف ممكن لمدة يوم كامل وهو أول أيام العيد أن تكون نتيجة التصويت ثابتة ودا شي طبيعي فعدد الذين صوتوا كانوا 30 عضو00علشان أكيد الناس معيدين وما صوتوا0 كيف النهاردة بعد ما العدد زاد واحد يعني صوتوا 31 عضو النتيجة اتغيرت بالنسبة لعضوين اتنين فقط أما الباقيين فزي ما هم0:confused:أها دي كيف ياكعود 0أنا عارف روحي بليد في الحساب لكن ما أفتكر لدرجة اني ما أقدر أحل اللغز دا0 الأنسان بيدي صوتو لي 4 مرشحين وغير كدا صوتو بيتلغي0تمام0 لو صوت للأربعة الأوائل النسب بتفضل زي ما هي ولو صوت لي اتنين منهم برضو بيزيدوا الاتنين التانيين الأداهم صوتو لكن تزيد نسبة واحد أو اتنين فدي بصراحة ما فاهمها:confused::confused::D |
[align=justify]سلام يا فتحي،
التخمة ما حصلت . . والبركة في الشربوت المبزبز :D بالنسبة لسؤالك، يمكن الشخص الـ 31 ده صوّت لأتنين فقط والباقين ما صوّت لأي واحد/ة فيهم/ن. السستم بيقبل إذا صوّتَ من شخص واحد إلى 6. مافي صوت بتلغي، وبالنسبة لتعبير خالد هنا: اقتباس:
أمّ من ناحية السستم، فهو يقبل أيّ عدد تقوم بالتصويت ليهو. وإنت حاشاك البلادة في الحساب، دحين سؤالك ده براااهو ما بينفي عنّك بلادة الحساب؟ دمت بألف خير.[/align] |
اقتباس:
وبسمتك ما العنوان بس دي الصفحات الف الكتاب كلو شكرن وليك تعظيم سلام وقع ليا وإن ما وقع ليا من بسمتك أنا ذاتي وقعت لك المحبة وكل عام والجميع بخير |
اقتباس:
|
اقتباس:
|
اقتباس:
|
اقتباس:
|
الأحباء فاء في 2
الغريبة في هذه الدنيا، ان كل شخص يحصل أكبر كمية من الأعداد يكون في المقدمة، يعني المليونير عندو أرقام كبيرة من المال، الأول في الفصل مجموعة أكبر أرقام من الفحوصات (الإمتحانات) والي آخره. وعكس ذلك بالنسبة للشخص الذي أمامه عدد كبير من البشر في الترتيب، يعني الفصل فيهو 30 وهو يكون الأخر آي أكبر عدد من الطلبة أمامه في الترتيب وبيقولو ليهو الطيش :mad: ،،،،،،،، بس الفرحة هو التجاوب المخفف معه ويقال: الطيش عند ربو يعيش :D دحن أتنمى لكم عيشة هنية خالية من المسئولية. اليوم قطع شك الناس الكانت دعت لي (من الأفضل يكون 2 من كل جنس) كانت على حق ما هو النتيجة الحتمية والمنطقية بتقول السيدتين العزيزيتين والحبيب الجيلي وواحد من العند ربهم يعيش. ويسعدني أكون أول المهنيئين للرباعي الأول وأتمنى منهم أن يكونو كعهدنا بهم، سندا وعضدا للأمين ونايبة والله الموفق ويا حلبي السيف إن وقع كترت البتابت عيب |
السيف إن وقع كترت البتابت عيب
الصقر يابابكر السيوف دي عندكم انتو الأنصار انت وين شفت ليك سيف بيبتبت ولا بس انتو بتلفحو الكلام ساكت وتقولو علينا حلب ما سودانيين |
الأخ خالد
الأخ عكود اقتراح أقترح وضع المرشحين حسب ترتيب الحروف الهجائية، أو حسب نتيجة التصويت معى تحياتي |
اقتباس:
|
اقتباس:
|
اقتباس:
و بث.. |
يا فتحي حكاية السيف دي عندها قصة وحصلت، تعرف يازول.
كنت جبت سيف كان حق جدي بابكر حارب بيهو في المهدية وشلتو معاي براتسلافا، وفي يوم كدا يا صاحبي وأنا مزنوق في الإمتحانات وضارب ليك الذي منو (الدكسي) يعني بس تقول تاكل الكتب، العيون منططة والنونو بتاع العين مفنجل وبس تقول كورة باسكت، الخشم مقفول والشلاليف مضمومة التقول ملصقنها بي سلسيون، وحاسة السمع متقدة يعني لو إترمت إبرة في براغ هنا تسمعها وتشد أعصابك والحكاية دي كلها ناتجة من حبة الدكسي (مادة منشطة إستعملناها للمساعدة في الدراسة، ما أخوك مجبور على القراية المابريدها). وأنا في حالتي دي:eek: يا زول أسمع ليك ناسنا السودانيين من بعيد راجعيين من الكفيارن (الهوسبدا)ويغنو في (الندامة، ما طبعن هي المدامة لكن السودانيين والإحباط ملازمهم ذي باسبورتاتهم في الغربة وشاعرين دايمن بالندامة على فراق البلد) يا صاحبي أخر أيامي حبانا اليساريين كانو شامني أكتر من ما هم كالعادة وأجهزة التسنط بتاعتي أستشعرت ريحة معركة (هي طبعن كلاميية، لأنو لو شنو وشنو داك أخوك حكاية المضاربة دي بس التقول إتا، خوووووووووووووواف) شعرت جلدي كلبت وقلبي داك لو متين وخمستاشر ضربة في الثانية أقول ليك شوية. ما خيبو ظني الحبان وبس قدام الأوضة، التقول مظاهرة في أبو جنزير، هتافات ضد الرجعية (يا أخي هو أنا ود المهدي؟؟؟؟؟) مع الشدة بتاعت الدكسي وإستليت ليك الحسام من غمده ومرقتا، الحمد لله عندهم معلومة سابقة من الزميل الجعلي أني حفيد أنصار وعليه آثرو الفرار. شفتا السيف أنا شلتو وما شفتو ساكت. الحبيب فيصل واحد : ما تسبق الحوادث و الاحداث؟ * يا تو حوادث الخرطوم ولا التجاني الماحي، ما هناك فتحو فرع للمحبطيين، حجزت ليك فيهو مع الحلبي ;) اتنين : بطل الشمشرة و التشمشر لانها ما قدرك؟ و ما لايقة عليك و ما مقاسك. * هي الحقيقة بقت شمشرة والسقط يبقى شنو دفو وحر يازول إتا معزور ما كندا سقط ومنها إتا أخدت سياسة السقوط :D:D تلاتة : بطل استهتار و تهاتر و مهاترة؟ كلنا عند ربنا نعيش و لا نرسل ليك في الخاص و نخليك تجقلب و الشكر للباش * قال ليك ضرب الذبيب (ما تمشي تقراها حبيب، ما إتو ناس سودانيات بتلخبتو الحروف = ما شفت شوقي قلب ليا الذبيب لي دبيب) والباش بالخاص رسل ليا مودة وبادلني المحبة وهو عارف لو رسل ليا بالبوست إتو ناس الشمارات بتقوم تلخبتو وعشان تعرف البنا صافي يا لبن وحليب يا قشطة، بعيد عليهو هنا قدامكم يا" كل عام وإتا بخير يا باش وليك المودة الصادقة والخوة البتستاهلها) اربعة : انت بفصاحتك دي ما كان تجي تخش جوة المعمعة بدل ما تطقع حجارتك و درابك دا من بعيد لبعيد، و اعمل حسابك لانو بطبيزك دا يوم بتعوق ليك زول صحي صحي * ما دخلت المعمة لأني ما عندي القدرة عليها ولو كنت بقدر كان تلاقاني أول المترشحين وأول الناس العند ربهم يعيشو. شفتا الهندي عاوز يدخل بيناتنا، لكن ما إتا الغمته حجرا وأنا الحجارة دي لسا عليا منها ، ما راجي حجارة رمي الجمرات،،، ربنا يوعدنا جميعا بحجة. الحبيب كيشو والله مش لوناس خلود وعكود عملوها بالحروف الأبجدية، الجوز ديل لو بالإشارة برضهم عند ربهم بيعيشو [grade="FFA500 FF6347 008000 4B0082"]بي جد!!!! الحبان ما أكون جد أثقلتا [/grade]:confused: :confused: :confused: :confused: |
| الساعة الآن 06:50 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.