اقتباس:
المادة دى فيها إشكالية تتعلق بالصياغة ولايمكن أن يتم مسحها بشكل كامل.. بالمناسبة هى مادة تقوم عليها بقية المواد الأخرى بحساب أن غالبية سكان المنتدى من الدينيين.. أقترح إعادة صياغتها وساكون عملى فى الدفع بوجهة نظرى حولها فى ترتيب صياغتها (التزام الاحترام تجاه أديان ومعتقدات الآخرين) دى صيغة يمكن تكون مناسبة شوية وبتختصر مشوار جدل كتير |
اقتباس:
هل كلمة احترام تشمل عدم نقد أديان ومعتقدات الآخرين؟ تعديلك دا، بحتاج لدباجة لشرح معنى كلمة احترام والشرح ح يرجعك للصياغة القديمة |
اقتباس:
البيرفض شي يابابكر بيكون عليهو الزام اخلاقي بالاتيان ببديل تعال نجتهد ومن ثم نعرضها..... |
اقتباس:
اقتباس:
اقتباس:
اذا جلبت نص يحق لك نقده .. لكن لا تسيء .. ما تقول فلان قال نكتة دى عن الشايقية و تضحك .. لا ممنوع .. نعم ممنوع .. |
اقتباس:
ابعدونا من حتات تفسير النوايا...نقول كلام محدد ما بيعطي مجالات لتفاسير او اعمال اجتهاد كلمة احترام قابلة للتأويل وبرضو كلمة ازدراء لانهم بيعبرو عن وجهات نظر قائلهم....وكلمتي احترام وازدراء مثال انا رأيي ننص فقط على السب المباشر بأدلة مادية ما بتقبل الجدل ونستثنى مسائل الآراء والإنتقاد البناء او المبني على اسس عقلية يعني ممكن نقول التعدي بسب الذات الإلهية او العقائد او الرسل ولا يُعد سبأً نقل وجهات النظر او تداول مانقله الآخرين الإبقاء على تعبير الكتابة السالبة بيجنح المنتدى وبيمنع الآراء وبيوقعنا كلنا ظلما تحت طائلته وخير مثال مثل معتصم داك ونسمع آراء الناس في صياغات تانية برضو |
اقتباس:
يا سيدي نحن اخضعنا اللائحة لنقاش هنا رغم انها اجيزت من العضوية ومن مجلس الادارة عشان ننجز مزيد من التجويد النور ضي العيون كان اتكلم عن حوجة لبعض التفصيل في موضوع لجنة الانتخابات وما من العدالة نغفل راي زول ده غير حوجتنا الفعلية لتقديم لائحة اقرب للكمال ثم انه موضوع لجنة الانتخابات مافيهو اي خلاف نص جديد ومحتاج شغل شوية فما الضير؟؟ ايضل سريان فترة الاستئناف وبدايتها ونهايتها ده مهم جدا وصادفتنا صعوبات عملية في شغل المجلس بشقيه في تحديدها وبنشتغل بي اجتهاد فالمانع شنو من اقتراحهم ونقاشهم؟؟ بعدين هم مامواد آراء وجدل لكن مواد بتنظم العمل بالمجلس وبتساعد كتير حسب تجربتي ما ممكن تصدر لائحة عقوبات ويكون مافيها تحديد الفترة الاستئنافية وكلامي ده عندي عليهو شواهد..... |
اقتباس:
مداخلة سر الختم دي فيها اشكال تجاهل زمن التسجيل والمسجلين الجدد يعني لو زول سجل قبل شهرين او شهر من الانتخابات وعمل تلاتين مداخلة يكون مستحق للتصويت اكتر من زول مسجل قبل سنتين ومداخلاتو 19؟؟؟؟ في اي عدالة هنا؟؟؟؟؟؟؟ بعدين العام الذي يسبق الانتخابات دي مقصود بيها سنتين ولا ياها السنة البتجرى فيها الانتخابات زاتا؟؟؟؟؟ مقترح التعديل ده فيهو اكتر من هنة...... مقترح اللجنة فيهو عدالة اكتر ومقترح جيلي فيهو تضييق واسع لكن ممكن اقترح مزاوجة بين مقترح سر الختم ومقترح اللجنة تكون مضت فترة ثلاثة اشهر على تسجيل العضو وشارك بما لايقل عن عشرين او تلاتين مداخلة حسبما يتفق الناس ... |
اقتباس:
ياخ مرحب بكل مقترحاتكم بالداخلي والجواني والمكاتبات انا عن نفسي ما بحبذ مخاطبة الادارة في العلن غايتو:smile3: لكن بشكل عام نقول الاتنين آخر موعد لرفع اللائحة بتعديلتها المقترحة لمجلس الادارة لكن ليه انت بتقرر حذف التعديلات والنقاش لساهو مستمر؟؟ خلونا نخلص نقاشنا والمجلس بيتصرف تحياتي لجهدك المقدر ومسئوليتك ياحسين في تسيير البوست |
يا شباب يللا انا جاية لمناقشة نقطة هامة جدا
حتة السرقة الأدبية...... ياجماعة هل من المنطق اننا ما نستفيد من تجاربنا العملية؟؟ اللائحة زي الدستور والقانون...العمل فيهم لاينقطع لتلبية الحوجات الحياتية المتجددة انا مادة السرقة الأدبية دي اضفت انه البترشح للمجلس ما يكون مرتكب جريمة تخل بالشرف والأمانة ودي متطلبات عادية وجرى العمل عليها وفي اي مكان كون انه تصادف انه هنا في عضو قام بعمل زي ده ده ما بيعطي الناس حق انها تحاول تبعدا..... وهل بيشرف سودانيات انه رئيسها يكون متهم تهم زي دي؟؟ الناس تسيب خطورة الضرر الواقع على سودانيات وما يلومو الزول البتحدثو نفسو بارتكاب جريرة زي دي ويقعدو لاهواء واغراض يوجهو السهام لناس بتحاول تحافظ على جمال صورة المكان؟؟؟؟؟ انتو جادين ؟؟؟العيب الجريرة ولا العيب النص عليها؟؟؟؟ العيب يكون ريسكم ثابتة عليهو ادانات زي دي ولا العيب في فعل ناس بتسد في الثغرات؟؟؟؟؟ تفتكرو لمن الناس اتكلمت عن حوجة ملحة لتعديل اللائحة عشان تضبط شغل الانتخابات مجلس الادارة او مؤيدوهو ماكان عندهم حق التصدي ورفض مقترح زي ده؟؟؟ ليه ماقلتو ماتتعدل اللائحة؟؟؟ موش في قصور لائحي حسب وجهات النظر ديك؟؟ طيب كونك تشوف شي غلط بيتم قدامك وماتنص عليهو كقصور وعشان مخافة الالسنة ده بيكون شنو؟؟؟؟ انا الزول الجبااان ده البقبل الانتقائية وعشان ما الفريق بائ يزعل يقوم جاري وكافي خيرو شرو؟؟؟ ليه دي رجل وديك كراع؟؟؟؟؟؟ هووووي الصح صح والغلط غلط تتعمل لائحة للمجلس عشان عضويتو دي فازت والحاجات الغلط بموجب القانون واللوائح والعُرف معارضو المجلس يتصدو ليها وتلاقي كمان رواج من العُقال او يترددو في الحق؟؟؟ انا اي سابقة تحصل في سودانيات ح اكون حريصة انها تتضمن في اللوائح وده الشغل البيطور اللوائح ويخليها مواكبة وبتلبي حاجات الناس..... ح تعملو شنو لو جاكم ريس بمواصفات زي دي وانتو عندكم عجز لائحي؟؟؟ وليه اصلا يكون في عجز والناس قاعدة؟؟؟وحصلت ليها تجربة ؟؟ يعني عشان ارضي فريق من الناس اتحول لي نعامة؟؟؟ سودانيات اولى بالارضاء ومافي مطاعن موضوعية طالما الفعل بتأباهو الأخلاق والأعراف والقوانين وغيرها.... اي استهداف والفعل اصلاً مُجرم داخل وخارج الأسفير؟؟؟ أي استهداف وفي مواد كتيرة اتعدلت غير دي؟؟؟ المتصور منو انه لجنة اللائحة فاضية وقاعدة مقاصدة زول؟؟؟ المتخيل لجنة اللائحة لنا وآمال منو وهم من نصوا على المادة دي؟؟ القاعد يلغي في اربعة أعضاء عدول غير لن وآمال منو؟؟؟ الناس البتلغي في عكود وحسين القدامكم وشايفنو ده ووهاد وطارق كانديك ده منو المتخيل لنا جعفر ممشية الشعب ده كلو؟؟؟؟ سوبرمان انا ياخ؟؟؟؟؟ الكلام ده عيب مالكم كيف تحكمون؟؟؟ |
يا لنا السرقة سرقة
واى انسان سرق او أدين بحكم خيانة الششرف و الامانة من محكمة عدلة لا يجب ان يكون بيننا دعك من مجلس ادارة .. |
اقتباس:
|
اقتباس:
وكأني بالمُقتبس أعلاه اعترافٌ صريح. وانا عارفة باب جهنم حيتفتح بالجملة دي |
اقتباس:
وافهميني قاصدة شنو |
اقتباس:
اتفق معك على التعديل الاخيرة بان تكون مضت تلاتة اشهرعل تسجيله وان يكون شارك ب ثلاثين مداخلة وبزلك نضمن ان االعضو قد شارك على االاقل طوال مدة الدورة_24شهر_ بمعدل واحد وربع مرة شهريا وهو وضع يبدو مناسبا اكثر من نص اللائحة الزي يعطي حق التصويت لشخص كانت مشاركاته 1./24 مشاركة في الشهر وانا بفتكر اي حد لاتصل نسبة مشاركاته واحد صحيح في الشهر هو شخص غير فعال في المنتدى وليس له الحق في اختيار ادارته شكرا لكم ان اتحتم لنا المساهمة في اللاءحة ودمتم |
وبزلك يكون للعضو الزي ساهم بمعدل واحد او اكثرمشاركة في الشهر مهما كان توزيعهاخلال الاربعة وعشرون شهر حق التصويت
معليش الكلام الفوق دا كان اضافة لمداخلتي الفوق بس عندي مشكلة في خاصية التعديل |
اقتباس:
اقتباس:
بخصوص طرح مقترح مواد جديدة للنقاش، أنا مع راي حسين؛ رغم وجاهة نظرك فيما يخص الإستئناف. لأنو بنفس القدر، في بعض اللوائح بتضع سقف زمني ل: - تقديم الشكاوي وربطه بوقت وقوع الحادثة - البت في الشكوى المقدمة وربطه بوقت تقديمها - جواز توقيع عقوبة على مخالفة وربطه بوقت وقوع المخالفة - استلام رد من الجهة المخولة بالنظر في الشكوى / الإستئناف وربطه بوقت تقديم الشكوى / الإستئناف ووقت توقيع العقوبة - وقت توقيع عقوبة وربطه بوقت النظر في الشكوى ده كلو ممكن نشوفو مزيد من التجويد، لكن هل هي نقاط جوهرية تبرّر وقت وعناء مناقشتها وتضمينها في اللائحة القدّامنا دي؟ لا أرى ذلك. -- ما يخص مادة (سب عقيدة ...) أتفق تماماً مع مقترح التعديل الذكرو حسين في المقتبس اعلاه، وبرضو بتفق معاهو في مقترح الإضافة على مادة القذف وإشانة السمعة. خلاصة رأيي، أعتقد إنو لو تبنينا ما جاء في مداخلة حسين المقتبسة (المثّناة من معتصم)، لوفّرت علينا الكثير من الوقت. مع تحياتي. |
اقتباس:
اقتباس:
اقتباس:
إقتراح جيد ومسبّب وأويّد أن يكون الحد الأدنى للمشاركات، 30 مشاركة ىليس 20. شكراً لكما. أما ما يخص العضوية القديمة الغير نشطة، فاتفق مع ما جاء في مقترح اللائحة بشأنها؛ مع احترامي لراي الأخ عماد سلمان وتحياتي له. |
اقتباس:
انتي سوبرمان ما في كلام .. بكمية الكلمات البتطليقها في الدقيقة الواحدة دي أي زول ممكن يمرر ليك أي حاجة شان يخلص من النقة .. المهم لو كان المقصود فعلاً من التعديل الشأن العام وليس الخاص فما اكثر السوابق التي يجب أن تضمن اللائحة .. كمثال بوست ناصر بعد عودته * كان ممكن يؤخذ في الحسبان عند اعداد التعديلات فقد ناقش حالات سقوط أخلاقي أخرى مفروض زولها يحرم برضو من التمثيل داخل المجلس .. وعندك حالتين مثلن هنا وممكن يعدوا من قبيل السوابق برضو .. حالتي الخلاف الأخلاقي القبيح الوقعن خارج اطار المنتدى وانتقلن الى ساحاته كان أولى أنهن يضمنن في اللائحة ويمنع المتورط فيهن من الدخول للمجلس .. دا طبعاً ما حصل لأنو عسوم ما واحد منهم .. يبقى لما تخلي الاقبح وتمسكي فقط في القبيح لازم نقول ليك البغلة في الابريق .. ولازم نقول ليك اتجردي في العمل العام وابعدي هواجسك الشخصية منه .. لما تكلفي بعمل عام أبعدي خلافاتك الخاصة منه .. مش لأنه انتي على خلاف مع عادل عسوم تقومي تنجري مادة السرقة الادبية وتقعدي تضغطي على عصب أخلاق العضوية ( من باب أنو السرقة حرام والله والبيدافع عن السارق ح يدخلوه النار ) شان تقنعيهم يجيزوا التعديل ( المخصص للغاية هنا ) وتحاولي توصمي معارضينك بأنهم بيحموا السارق .. عادل عسوم بوضوح تام اتكالبتو عليه انتو كجماعة وشكلتو حملة راي عام قوية ادت لإدانته .. وقاري البوست المعني بيشوف بوضوح لا يقبل الجدل أن الرجل لم يسرق مجهود غيره كما تحاولو اقناع الاخرين بذلك خطأه الوحيد أنه لم يشير الى الكاتب الذي تحدث عن الكتاب الذي نقل هو عنه .. ودا فعل لايمكن بأي حال يرقى لحتة السرقة لأنه تحدث عن الكتاب نفسه وعن كاتبه وأنه ينقل عنه .. طيب غض النظر عن امر عادل عسوم الخاص دا ، وبما أنه أخد دورته التحاكمية وأنا لا أشك أو أشكك مطلقاً في عدالة النور لكن مؤمن ببشريته وقابليته للوقوع في الخطأ .. في أحداث مرت على سودانيات كانت أكبر وأشد جسامة من مسألة عدم اشارة عسوم للاقتباس دي كان الاولى أنها تضمن في اللائحة المعدلة لو كان القصد شريف زي ما بتقولي .. يبقى والحال كدا البغلة في الابريق واللا ما في الابريق ؟ ـ |
اقتباس:
واتاحة الفرصة واجب وحق ياجيجي |
ـ
-1 سب عقيدة عضو آخر أو التعرض بالسب أو الاساءة أو الكتابة السالبة للذات الإلهيّة و الرُسُل والأنبياء والمقدّسَات أو التعرّض بصورة سلبية للتنوع الديني والعرقي والاثني والثقافي. أو جلب أو نقل مادة تشير لكل ذلك دون نقده. ـ اقتباس:
اقتباس:
اقتباس:
حماية العقيدة ( مش الدين الاسلامي لوحده ) من التعدي فرض عين يحتم حتى اهدار الدم مش مجرد تقييد عاجز بالتوقيف أو الانذار وما الى ذلك .. كما أن عدم تجريمه يفضي بالضروة الى تحويل المنتدى أو الحياة ككل الى كم من الصراعات الخطيرة للغاية .. ولا يمكن بحال من الاحوال حماية حوار يقوم أحد اطرافه بالتعدي بالسب أو الاذدراء أو ابداء عدم احترام عقيدة الطرف الاخر .. مبدأ حماية الاديان ( بما فيها الدين الاسلامي ) من التعدي عليها يحمي الكافر في الاساس قبل المؤمن الواقع يقول أنه لا يوجد صراع واحد في الحياة ( بكل أشكالها ) بعيد عن الصراع حول العقيدة والدين .. ـ الغريب أن مبدأ حماية العقائد من التعدي والسب ومبدأ احترام الاديان من أساسيات ما يرد عن العلمانيين واللا دينيين .. الحزب الشيوعي أفرد فصل كامل في برنامجه تحدث عن احترام العقائد .. وحمايتها من الاذدراء .. ومبدأ فصل الدين من الدولة بيقوم في واحد من أركانه على مبدأ صيانه العقيدة من التعدي ( على قولهم ) .. حيرتونا غايتو !! يعني يا لنا ما عايزه زول بيسرق نص أدبي يرأس المنتدى وفي نفس الوقت ما عندك مانع أنو زول يسب الدين والذات الالهية يرأس المنتدى ؟!!! انتي ذاتك في نصك اللي قوم تعليقي عليه الدنيا داك .. ما اتعديتي على الذات الالهية * ومع ذلك أهو انتي الريّس هنا ؟!! يبقى محتاجة زيادة مساحة لي شنو .. ما تخليها أهي قاعدة زي عدمها ! ـ * ممكن أجيب ليك اقتباس لو كان بيدعم توجه البوست ـ |
اقتباس:
وفي سؤال مهم ياعمدة....طالما في امكانية تجويد بيه نقدم عمل اقل وفي امكاننا الأفضل؟؟ وانت مقدم المداخلة بوجاهة مقترح الإستئناف فما الضير بنظرها؟؟ عشان نمشي لقدام ح اقترح مادة تعنى بتاريخ بتقديم الشكاوى والناس تقول رأيها في المدة المتفق عليها وممكن تسقط عادي بس ما نكون قدمنا شي ناقص * مواعيد تقديم الشكاوى والاستئنافات 1/ يسقط حق التقدم بشكاوى في المواد التي تشكل انتهاكاً للائحة بعد مرور فترة ثلاثة اشهر من الواقعة التي شكلت ذلك الإنتهاك 2/ يشمل البند الأول المواد التي تتطلب تقديم شكوى للجهة صاحبة الأختصاص وتلك التي تتم بشكل تلقائي 3/ يسقط الحق في التقدم باستئناف على أي عقوبة تصدر من الجهة المختصة وذلك بعد انقضاء فترة العقوبة 4/ يُقدم الإستئناف لمجلس إدارة سودانيات عن طريق البريد الاليكتروني للسيد رئيس المجلس وذلك قبل إنقضاء فترة العقوبة ويكون المجلس ملزماً بنظرها واصدار قرار فيها في مدة لاتتجاوز الأسبوع 5/ للمجلس الحق وحسب مايتوفر له من أدلة الإبقاء على العقوبة موضوع الإستئناف او تخفيضها او الغائها ويعتبر قراره نهائياً بشأنها --- فيما يختص بموضوع مقترحات حسين بتعديل المواد انا لحظت انه جيلي وبابكر عادوا لها بعد طرحها مما عنى لي عدم حسمها ياعمدة |
اقتباس:
أثاروا أسئلة .. أرى أن النص " بتاع حسين الأخير" هو الأفضل .. موضوع الاستئنافات فى جوهره صحيح فى صياغته يحتاج الى إعادة و كما قال لك عضو تبدأ الجملة بصيغة المضارع . |
اقتباس:
اقتباس:
اقتباس:
اقتباس:
اقتباس:
لو الأخ حسين يصيغه .. |
اقتباس:
الهدف من التعديل المقترح هو ربط العضو( القديم) بالمنتدى وحثه على المشاركة التي تكفل له حقه الانتخابي، حقيقة أن المادة التي سبقت هذه المادة وخاصة بالعضو الجديد المسجل قبل 3 شهور من الانتخابات أيضاً فيها إجحاف بحق العضوية القديمة، 3 شهور تساوي واحد على ثمانية من عمر الدورة الانتخابية واحد يحضر ثمن الدورة ويحق له الانتخاب ، فترة قصيرة جداً لا تمكن من تكوين فكرة متكاملة عن المنتدى ، على العموم لن أقترح أي تعديل بالنسبة للعضو الجديد والذي عرف على أنه المسجل قبل ثلاثة شهور من بداية الانتخابات التالية، وأثني الجمع بين المدة وعدد المشاركات. |
اقتباس:
" يمكن أن تتم إعادة صياغة التعديل ثم طرحه للمرة الثانية فإذا لم يجاز بالأغلبية المطلقة يعتبر ساقطاً"... |
اقتباس:
بس بالبساطة دي .... انت موقفك عدم المنطق وعدم القدرة على الموضوعية وهلوستك بي الناس الموضوعية....وقفزك على الأسئلة الحارقة وعدم الإجابة عليها وكل مايتقال ليك منطق بتتغاضى النظر وتهرول للهتر وتلجأ للمغالطات وفش الغباين وده البوقعك في الغلط والبوست ده شاهد لو انت ناسي ثم انه اهو انت بتكتب باسهاب شديد وشاغل الباندويث شغلة شديدة لكن مشكلتك انك مابتقول شي مفيد والناس بتدخل ليك وبتحاصرك وبوستاتك تمشي من هنا لي سيبيريا وتكون ماقلت فيها شي... وهسا انت كاتب وشغال نقة لكن انت بتشتغل نقة مامفيدة وكلها بتتناول ناس ما افكار عشان كده كلامك بيقعد بيك ياجنابو. بوست ناصر جاء بعد تجميع البوستات وترتيبها بواسطة عضو لجنة لائحة هو ما لنا جعفر لعلمك ...وبعد اللجنة قطعت شوط ووضعت تصورا فما تتكلم عن الما عارفو اتحرى وبعدين اتكلم بعدين شي مضحك كلامك عن لنا جعفر براها كلجنة... لنا جعفر فرد من ستة افراد ... بعدين واضح انه معلوماتك عن الإدارة زي معلوماتي عن اسماء كل سكان دولة الصين بالضبط كده اشكالاتك مع لنا حلها بعيد عن ضرورة المعرفة ياماجد تاج عشان ما يكون شكلك مضحك ونت بتتخبط وتقول كلام غلط ويكون شكلك بايخ جدا زي ما عملتا في حتة المالك والورثة كمثال,,, الشي التاني ... كلامك عن تضمين الحوادث القبيحة حسب وصفك فيهو كم من المغالطات كبير جداً وده ماموضوع البوست لكن ياخ ماتجي انت ده لمن اتفتحت الفرص عشان تناقش وتقترح وتضع نصوص ورؤى موش تقعد الناس تشتغل وانت تكسر عشان ترضي الغل الجواك ياماجد تاج... لك ان تعلم انه أجمل ماحصل لي في سودانيات اني ماحضرت القبح والقيح اللي تم....ولو كان في نقص وحوجة لي نصوص تغطي الحوادث المشار اليها ففي الأفضل مني والعاش والعاصر والشاف هي اللجنة دي بس لنا جعفر ؟؟؟؟:biggrin: حركة بتؤذيك جدا انك تعطي خصمك حجم مهول زي ده وبتخليك قاعد بلا حول ولاقوة واللهي يللا كلمة تنجري البتقول فيها دي مجافية الواقع لانه اللائحة وتعديلا ماكانو عمل فردي ...ليه انت مصر تهمش دور خمسة اعضاء من خيرة ابناء سودانيات؟؟ قاصد انهم كانو قاعدين ساي في اللجنة دي بيشربو في شاي وقهوة وسامحين لي انجر براي؟؟؟؟ موش عيب لمن تتهم عكود وطارق ووهاد وحسين عبد الجليل بي انهم سامحين لي انجر ؟؟؟ الافتئات على ناس بالحجم ده كلو مريحة لي شكلك القدام الناس ؟؟؟ بيعميك غلك البيعتمل في صدرك ضدي من انك تشوف انك بتكلم رجال وعضوات بقامة الشموس ؟؟؟ عادي تلغي الناس دي كلها واراداتها عشان عايز توصل انه لنا جعفر بتنجر ومتسلطة وشغالة براها تضاير الناس يمين وشمال؟؟؟؟ انت جادي عليك الله؟؟؟ ولمن تقول اتكالبتو على عضو انت مسميهو وشكلتو حملة راي عام هنا انت ما اتهمت الأمين العام السابق بي انه بيقع تحت ضغوط وبيمشي كلام الناس لانهم ضغطوهو؟؟؟؟ده كلام لائق بي ضي العيون ؟؟ ولا بي اي عضو تاني هنا؟؟؟؟ بتقدح عادي في ارادات الناس وقدراتا وشوفا عشان تحقق خطأ لنا جعفر؟؟؟؟ متهم الامين العام السابق بي انه اخطأ وانه بيمشيهو تيار ؟؟؟ ده كلو عشان تنال من لنا جعفر؟؟؟؟ ياخ البصيرة ام حمد ماعملت كده ياجنابو..... ياماجد تاج بدل البتعمل فيهو وبدل تدخل البوست عشان تهاجم لنا جعفر تعال ناقش بتجرد واقترح واكتب بمنطق عشان تخدم المكان وتخدم قضيتك وسيب الفوبيا المخلياك مرتبك دي والبيرفض نص يجيب طوالي بديلو بدل يرفض من اجل الرفض ويعارض من اجل المعارضة....تعال اقترح حل |
اقتباس:
اقتباس:
اقتباس:
مقترح المادة المتعلقة بالاستئنافات المقدماه لنا دا مليئ بالثقوب يا خال وإن دعى الحال لصياغة مادة مفروض تراعي ما أشار اليه عكود عند النظر في اعادة الصياغة .. كمثال لنا ربطت في تاريخ الواقعة مش تاريخ العلم بالواقعة .. ودا ما معتد بيه قانوناً في الواقع وبرضو لا رابط بين الاستئناف والعقوبة فالمستأنف يستحق حال تقرير سلطة الاستئناف إلغاء الادانة الغاء العقوبة ، والغاء الاثار المترتبة عليها إن كانت قد انقضت مدة عقوبته .. دا حق أصيل مرتبط بمسألة الادانة والبراءة في الاساس .. لنا تركت مسألة الاستئناف تتعلق بالعقوبة فقط ونست أنها تعالج الاساس أولاً .. هل قرار الادانة صحيح أم لا .. فالنظر في العقوبة أمر لاحق ، وتخفيفها أو الغاءها أمر لاحق كذلك .. الاستئناف سلطته تقرر أولاً سلامة الحكم الابتدائي ومن ثم تنتقل للعقوبة .. مسألة الزمن في الاستئناف والمعارضة مربوطة بظروف وملابسات مختلفة اختزالها هنا بربط التاريخ بحالة معينة صعب للغاية .. كذلك تحديد فواصل زمن في لائحة تحكم منتدى بيبقى مجرد تحصيل حاصل .. فالغرض من النصوص ومن اعادة صياغتها تحقيق قدر أعلى من العدالة ومن المساواة امام جهات التقاضي .. وبالنظر الى طبيعة المنتدى ونوعية الخلافات والعلائق البتنشأ داخله .. نجد أنو تحرير يد الامين العام والمجلس في تقدير الفواصل الزمنية أجدى واكثر تناسباً مع طبيعة الخلافات والعلائق دي .. وحالة عادل عسوم التي تلقي بظلال كثيفة هنا تمثل دليل واضح على أنه لا حاجة الى فاصل زمني طالما أن ذلك قد يحول دون تحقيق المأمول من لائحة تحكم منتدى زي دا وهو ( تحقيق مقدار عدالة أكبر ، وازالة العوالق التي يمكن أن تفسد أجواء الانتداء وتوفير بيئة صحية وصحيحة للكتابة والابداع ، وبالتالي تحقيق فعالية أكبر في اثراء المجتمع ) .. * كذلك الدارج هو مخاطبة المقرر أو السكرتارية مش رئيس المجلس لأنها الجهة الوحيدة المناط بيها التحضير للاجتماعات ووضع وضبط أجنداتها .. تكريس السلطات بيد جهة واحدة ( الريّس ) فعل ديكتاتوري بحت باقي لي ـ |
اقتباس:
تكليف المجلس صادر بتعديل وتنقيح لائحة سودانيات والتعديل يافاضل بيتم بالحذف والاضافة واعادة الصياغات ولمن عملنا خطابنا كان خطاب مصطلحو منضبط جدا ودار نقاش حول كلمة تعديل وموجود في أضابير منتدى الإدارة |
اقتباس:
كلامي كان رد عل محاولاتك المستميتة لابراز الاخر كأنه بيدافع عن السرقة .. وثبتت من قبل أن المادة دي عبارة عن ( كلمة حق أُريد بها باطل ) .. إن كان في حاجة لتحديد مواصفات لمن يحق له ومن لا يحق له دخول المجلس يبقى انتي محتاجة لتفصيل أكبر وأوسع من أنه يحرم واحد فقط من الحق دا .. دا إن كان القصد عام بالفعل .. دا مخلص كلامي .. وانتي الجبتي المادة مش أنا شان اقترح بديل ليها .. أنا بشوف أنها تلغى تماماً ، والحكم في المسألة دي يترك للعضو .. يااااا لنا : احنا بنتكلم عن ادارة منتدى مش دولة زي ما انتي متصورة .. يا لنا ياخ انتي عايزة المرشح يجيب ليك شهادة حسن سير وسلوك .. وعايزة زول يمشي يبصمه ليك شان يثبت عدم ادانته في جريمة مخلة بالشرف والامانة .. دي الآلية الطبيعية لتنفيذ مقترحك بتاع جريمة مخلة بالشرف والامانة داك والا تكوني عايزة تعتمدي في حتة خطيرة زي دي على بينات سماعية ( شمارات يعني ) انتي جادة ؟ !! يا لنا : دا منتدى حوار ( فاعل جداً وبدأ يثبت جذوره في زمن المنتديات فيه بتموت ) وبيحاول يقدم تجربة حية لما سيكون عليه شكل الديموقراطية في الواقع .. اعتراضنا وكلامنا ليك منصب حول انك ما تجهضي التجربة بالخلط والخطل المريع دا .. خلينا نتقدم بدون ما ترسمي أو ترسمو لمنع فئة أو شخص بعينه من أخد حقه من الديموقراطية الافتراضية دي .. فهمتي !! ـ ـ |
اقتباس:
من قال الكلام دة ؟ إذا دة كلام بتاعك قول دة كلامي و نحسبك إرهابي..إذا في عقيدة في الأرض دي سمحت بإهدار دم من يسبها أدينا إسمه نتعرف ينالك ثواب! |
اقتباس:
ماكلامي انا....لانه القوانين الأجرائية محددة فترة الاستئناف بشهر وشوف ليك اقرب كود اجراءات بتلاقي فيهو النص على الفترة الاستئنافية ومدتها شهر وده اللي جاري العمل بيهو في المحاكم ثم انه في مغالطة خطيرة انت واقع فيها الأمين العام ما بيعد لسريان العقوبة الا من تاريخ ايداعه خطاب العقوبة للمخالف وهنا العلم زيو وزي النشر في الجرائد الرسمية رغم اننا هنا بنشتغل على لوائح ادارية ياجنابو كلامي ما اجتهاد يادارس القانون .... بعدين دي يابااشا مخالفات لائحية يعني ماجرائم جنائية وباقي لي واضح ليك الفرق بين الاتنين ومابتحتاج شرحي ... ماجد تاج انت واقع ليك الفرق بين القانون الجنائي واللوائح الادارية؟؟ والاستئناف ياسيد ما بيتعلق اصلا بي وقائع الاستئناف بيتعلق برقابة قانونية ودي اخدناها في سنة اولى يعني الجهة الأعلى قابتها رقابة قانونية وهل تم تطبيق القانون تطبيق صحيح عشان كده محاكم الاستئناف بيقال انها ما محاكم موضوعية بل هي محاكم بتمارس رقابة قانونية ده جدل ما مفيد كلو لو عرفنا انه نحن عندنا لوائح ادارية وعندنا فترة استئناف مقترحة تلاتة شهور وتاريخ العلم بيكون من تاريخ الابلاغ والبيفرط في حقو تلاتة شهور بيكون ماحريص عليهو علما بأنه الاستئناف الفي المحاكم مدته شهر واحد من تاريخ صدور الحكم بس الثغرات دي جات لانه لنا جعفر هي اللي اقترحت كلامك عبارة عن مغالطات بس وتشويش والفيصل اقرب كود اجراءات والناس هنا تتكلم بحسها الفطري وين الظلم لمن نقول الاستئناف مدته تلاتة شهور؟؟؟؟ |
اقتباس:
ذلك ...طبعا تعديل عمل اللجنة امر مفروق منه...! |
اقتباس:
ومال الايات دي نزلت للتسلية والتعارف ؟ " أذن للذين يقاتلون بأنهم ظلموا وإن الله على نصرهم لقدير " " ذلك ولو يشاء اللّه لانتصر منهم ولكن ليبلو بعضكم ببعض، والذين قتلوا في سبيل اللّه فلن يضل أعمالهم " " قاتلوهم يعذبهم اللّه بأيديكم ويخزهم وينصركم عليهم ويشف صدور قوم مؤمنين " " أم حسبتم أن تدخلوا الجنة ولما يعلم اللّه الذين جاهدوا منكم ويعلم الصابرين " " ولنبلوكم حتى نعلم المجاهدين منكم والصابرين ونبلو أخباركم " " وما نقموا منهم إلا أن يؤمنوا باللّه العزيز الحميد " " ولينصرن اللّه من ينصره " ما بتشوف ظلم لما زول يسب المولى عز وجل دون أن ترمش عينه يا سيد عبد الله ؟ على كل قال الحق عزّ وجل " كتب اللّه لأغلبن أنا ورسلي إن اللّه لقوي عزيز " ـ |
اقتباس:
كمان لوي لايات العزيز الحكيم يا ماجد ؟ مبدئياً هل حضرتك بتدعي إنو الأيات الكريمة دي نزلت لترسيخ مبداء أن من يسب العقيدة الإسلامية يهدر دمه؟ أنصحك تبدأ من قراءة أسباب نزول الأيات دي قبلي ما نجيب معول البحث السليم. دة بالنسبة للعقيدة الإسلامية باقي العقائد جيب لينا ليها برضه ايات و أسفار تثبت كلامك. عجباً عجبا |
اقتباس:
كلامك الفوق دا مختلف وما ح أدخل معاك في جدل ما منتج .. دي الفقرة الاولى من النص بتاعك يا ستنا : 1/ يسقط حق التقدم بشكاوى في المواد التي تشكل انتهاكاً للائحة بعد مرور فترة ثلاثة اشهر من الواقعة التي شكلت ذلك الإنتهاك انتي سمعتي بالاحكام الغيابية صاح ؟ وأنه ما عندها أثر منتج الا في حالات ضيقة للغاية ؟ وفاهمة أنو النظر في تقيد المحكمة الابتدائية بالقانون يعني بالضرورة النظر في صحة حكمها اللي وصلت ليه .. هل قرارها بإدانة المتهم أو براءته صحيح من عدمه .. صاح ؟ وأنه ممكن يلغيه في حالة فساده .. يا باشمهندسة صاح ؟ دا كله هنا ما في حوجة ليه لأنه المعيار هو تحقيق جو معافى للكتابة والابداع والانتداء التقييد بضوابط صارمة ممكن يهدر الحقوق دي .. يا لنا الحق المفروض تعمل اللائحة على حمايته أكثر هنا هو حق الكتابة بدون تعكير صفو .. والابداع يحتاج لجو زي دا .. مش الجو بتاع المشاكل والكلام الكتير الواقعين فيه دا ـ |
اقتباس:
ياخ عاين سب العقيدة ده مادة منصوص عليها في كود العقوبات الجنائية بتاع 1992 والقبلو والقبلو عارف عقوبتو شنو؟؟؟؟ تعزيرية ومرات بتكون غرامة وين اهدرو دم البسب عقيدة؟؟؟ طالبان ماعملت دي غايتو ياخ انت بتفتي ليه وانت ماعارف؟؟؟ بتتصدى لي حاجات زي دي ليه؟؟ بتحيب لي روحك الهوا بالسهولة دي كيف؟؟؟ ماجد تاج افهم...... انا ممكن اسب عقيدة وعااادي اكون رئيس دولة لانه شروط المترشح للرئاسة بتقول يكون عمرو اربعين سنة فما فوق مثلا ويكون سوداني وما ادين بجريمة تخل بالشرف والامانة وين سب العقيدة هنا؟؟؟؟ ولاقاك وين انه البسيب عقيدة بيهدرو دمو؟؟؟ يعني مثلا دي مادة سرية وداسنها مننا؟؟؟ مادرسونا ليها في القانون ولا نصو عليها في قوانين العقوبات؟؟؟ شفتا الكوميديا بتاعتك بتودي لوين؟؟؟ غايتو ناس داعش وطالبان ماقالو بيها... تعال شوف الخلط بتاعك... لمن مايقولو البسب عقيدة مايكون رئيس دولة يبقى بالضرورة ده ومع اختلافي معاهو الكبير ما مدعاة لحرمانك من رئاسة منتدى.... ولا عشان داك عمر البشير وفي المنتدى في لنا جعفر؟؟؟؟ ياراااااااااااجل واللهي وعليم الله بي نقطة الاستئناف واهدار الدم وعدم ترؤس المنتدى يو ميد ماي داي ياجنابو... وبصراحة ضحكت حتى بانت نواجزي... النبي قول انا كنت بهزر...خصمممممتك اها يللا السرقة بتمنعك تكون رئيس دولة حسب الدستور والقانون وسب العقيدة ما من الشروط دي... اكون انا اللي نجرت دستور السودان كمان؟؟؟ ماجد استهدى بالله....انعل ابليسك واستغفر البتعمل فيهو ده مضحك وبينم عن ربكة كبيرة... الكلام ده ماصح منك واللهي ..... ناس الشرطة قاعد يدرسو قانون على حد علمي واللهي ودي ماعايزة قانوني زاتو...عشان يعرفا لكن مامتوقعاها تجي من زول قال هو مر بالقانون ---- بخصوص نصي....... ياخ انت قلت نص ...معناها بيحتمل مليار قراية وحتى لو ما احتمل انت جاي تحاكم بي نص ومطلق سراح العمل كبيرة؟؟؟ غايتو مسألة رئاستي دي مساهرة بيك شديد وبقيت في مراحل هستيريا واللهي وكده ماكويس عشان صحتك ومستقبلك بصراحة... اقول ليك ياماجد؟؟؟ تعال هسا اقترح ليهم انه مايكون الريس إمرأة ومايكون شيوعي ومايكون قانوني ومايكون حاجاج ولاجاج ومايكون اسمو لنا جعفر... أعمل الحركة دي عشان ينصو ليك عليها ويزورك النوم انت ليك سنة مانمتا.... |
اقتباس:
شوف ليك شغلة نافعة أمشى أقضاها بدل كلامك المجوبك دا.. لييه ياأخى انت انسان أبدآ مامفيد؟ ناقش يااخى فى متن المطروح وبطل اللخبطة البتسوى فيها دى.. هسه عليك الله دى آيات عندها علاقة بموضوع النقاش؟ |
اقتباس:
اقتباس:
http://www.sudanyat.org/vb/images/icons/icon10.gif بختكم .. عبد الله مسكم ضنب ككو جديد بدل القديمات ديلك .. http://www.sudanyat.org/vb/images/icons/icon10.gifhttp://www.sudanyat.org/vb/images/icons/icon10.gifhttp://www.sudanyat.org/vb/images/icons/icon10.gif يا ستنا الحديث عن أن مبدأ احترام الاديان منصوص عليه حتى في دستور حزبك الهالك دا .. ما تنططي منه ساي .. الجيلي كيف أحوالك ياخي .. مالك صحيت بدري الليلة ... ـ |
اقتباس:
وكتبو منو؟؟؟ في ياتو لائحة وياتو ديباجة؟؟؟ والاتفاق كان بين منو ومنو؟؟؟ الفكرة ماتكون عشان زول معين قدم اقتراح الفكرة تكون عشان نطلع بعمل كامل وماتحتاج اللائحة تاني تعديل قريب اللجنة رفعت اللائحة المعدلة للمجلس والمجلس قبل وبعد بيحق ليهو يضع تصورو واللائحة بعد اجازتها وعشان تحظى بقبول الكافة رأينا ان تخضع لنقاش ويتم الامر في النور.... |
اقتباس:
معقولة دا كلو عشان تبرري إنو سب الدين ما بيمس شرف المؤمن غايتو ما عارف إتذكرت النكته بتاعة المرحوم الزبير قالوا مشى حلفا لقاء جماهيري..اثناء الخطاب حاضرنوا تقريباً كل قرى حلفا القديمة قال ليهم : تكبيييييييير ، الناس ساكته ، تكبيييييييير الناس ساكته ! جاء واحد حلفاوي شال المايك من الزبير وقال ايهم سب ديييييين ! وعينك ما تشوف الا ... فيا حبيبتي ما عاوزين نقول ليك مقولة الشعب التونسي لبن علي في موضوع الدين دا سعيك مشكور يا لنا. سعيكم مشكور والله قرضوا علي كدا ههههه |
| الساعة الآن 07:32 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.