اقتباس:
ناقش فى متن المطروح لو عندك نقاش ___________ أركز للحوار والمنطق وبطل الهيافة البتسوى فيها دى.. (كلامك دا ببقى ليك حار, وانت عارف أنا مابخلى لى حق مجدوع, بس كلو فى محلو ووقتو) |
اقتباس:
لكن ياأخونا شنو حبيبتى دى؟ انتو مابتقدرو تناقشو النساء الا تحاولو تبتزو وتتباجحو؟ |
اقتباس:
إنت يا لنا إسلوبك مع لجنة تعديل اللائحة برضو كان بإسلوب السخرية دا ولّ كنت مرنة شوية ؟؟! غايتو لو ما شاعره بطريقة كلامك إبقى المثل الفوق دا صحي 100 المية.. ونحن بنقول ليه اللجنه تأخرت كدا؟؟! |
اقتباس:
وانت برضو يا جيلي ياخ بطل اللغة الجانحة دي واتكلم مع الاخر باحترام قدر البيبذله ليك الايات رد على سؤال طرحه عبدالله ، انا ما قلت انها مرتبطة بالبوست .. كلامي فيما يتعلق بالبوست قدامك ما وقفت الا هنا ليه ؟ ـ |
اقتباس:
مافى أى نوع بتاع علاقة انسانية بيننا بتخليك تسألنى سؤالك دا! عندك حاجة داير تقولا تعال قولا بالدرب وأصلب ليها طولك وأبقى راجل زى رجال الأرض.. هسه مافاتت حاجة.. أصلب طولك وقول كلامك بالدرب لو عندك كلام |
معليش ياشباب وشابات,
فى حاجات لازم تتحسم فاستحملو شوية.. ___________ ياماجد أنا راجي منك رد |
اقتباس:
مهند لو انت هنا حقو مداخلة لنا دي تلحقا مداخلة عسوم المحذوفة والله .. بالعدم يا لنا حقو براك تشيليها .. ما تنقضي غزلك بيديك ياخ .. وبالمناسبة .. أنا متضايق فعلاً من مسألة رئاستك .. ومن مسألة شيوعيتك .. وحتى من مجرد قراية مداخلة ليك !! لكن مش من باب المشاعر .. من باب تاني دا ما محله في البوست دا ، برجع ليه في البوست المفتوح عن الاديان والعلمانية داك .. ولو كان الامر بيدي كنت منعتك من شغل أي منصب .. بلا جدال لكن السلطة هنا للعملية الانتخابية مش لرغباتي .. وما أعمله الان ما موجه لشخصك .. موجه لصالح منع تكرار المأساه مرة أخرى ـ |
اقتباس:
يا حبيبي يا الجيلي إنت معقولة كلام لنا وهي بتخاطب ماجد وتسخر من كلامه وانو طالبان ما عملت زيك ولا داعش الخ ... وعاوزني أنا خالد محجوب أرجع بكلامي جوة بطني* بتشوفو كلام لنا موزون وكلامنا وف بوينت ؟؟ يا أخ لي شِنو ؟؟؟ * حبوبتنا عبرت النيل في زياره عائليه ..في الشرق لمت فيها زوله كلامها كتير سايقاها من ساعة وصولها لما رجعت المساء للغرب ..أها بتاع المركب سألها :كيف ناس الشرق ؟؟قالت ليه بِس ! كلامي المشيتبو جيتبو راجعابو في بطني !! فدحين يا حبيب ساعدها بشوية صبر ... |
اقتباس:
شوف يا عمك .. ما في داعي تبوظ البوست بدون سبب .. أنا ما فارق معاي أقول ليك أي حاجة في أي وقت كيفما أشاء .. لا بخاف من تهجمك ، ولا بحذر من سلاطة كيبوردك .. ما أنا البغطغط كلامي بكلام .. دا سؤالي بمنتهى البساطة والوضوح عجبك رد عليه ، ما عجبك جليه باب الادب الانا اتعلمت منه بيقول ( كُن ودوداً مع من تخاطبه ) .. وغلظتك دي ما ح تغير اسلوبي دا أبداً .. المهم لو عندي حاجة عايز أقولها ليك ما بحتاج اختها تحت الكلام .. تاكد بقولها ليك في وشك ، ومحل رهيفة التنقد ـ |
معليش ياشباب على الخرمجة..
واصلو فى النقاش المثمر.. ماجد تاج كلامى وردى عليك بتلقاهو فى بوستك الجايب فيهو اسمى.. نخلى الناس تواصل فى المفيد والبقدم لى قدام |
اقتباس:
عشان كدا بتلقانا مرات بنرازي في المخرمجين ! ما لشي الا خوف على هذا المكان !! فأخد الموضوع كدا وكي؟ |
سلام،
- حرية الاعتقاد يا ماجد، تختلف عن احترام عقائد الآخرين. - الأيام الفاتن كنت بقرأ في الدستور الأمريكي، الدستور يقر حرية الاعتقاد والتعبير وانتقاد اديان الآخرين بالكلام. لو متذكر القس الحاول حرق المصحف، ما وقفوهو بالقانون، حنسوهو وقالوا ليهو القصة دي، بتعمل لينا مشاكل مع المجانين ديل. - قلتوا هنا احترام الذات الإلاهية؟؟؟ الذات دي وفق تعريف ياتو دين؟ لو المسيحي فتح بوست عن الله، بالضرورة يسي لإله المسلمين ولو فتح بوست عن الانبياء بالضرورة يكذب محمد (ص) ورسالته... - أنا طلبت إلغاء المادة دون الإتيان ببديل، لانو البديل بالنسبة لي موجود في مواد أخرى تتحدث عن عدم الإساءة للأفراد |
اقتباس:
تعرف يا بابكر أنت هبشت وتر حساس شديد .. نص المادة دى واضح جداً وما فيه ألتباس .. ولكنه مغلوط فى فهم المسلميين الأقصائيين http://sudanyat.org/vb/images/icons/icon10.gif المادة لا تنفى حرية الأعتقاد والنقد والتحليل والمجادلة .. بصراحة تعبير (الذات الإلهية) ومدلوله وفهم الناس ليهو بذكرنى بـ محب لامن قال ناس سودانيات كيزان http://sudanyat.org/vb/images/icons/icon10.gif أعتقد الحلل شطب ماجد تاج وأعلان البورد علمانى .. وتبديل المادة بـ(أحترام عقائد الآخريين وتوخى (الأدب) فى نقاش الآخر أو بهذا المعنى طبعاً ده تنظير ساكت من المستحيل تحقيقو وماشين نلف وندور على مافيش |
اقتباس:
مقترحك يا ماجد ؟ ما دايما تنقد و بس . البديل ... للنص .. عشان نمشى لى قدام |
اقتباس:
ياحبيبتي؟؟؟ ده تلويح بشنو ياود الخير؟؟؟؟ ليه ونحن في معرض نقاش لائحة انت مافتح الله عليك فيهو بكلمة او راي او مقترح جاي تخت لي كلمة زي دي؟؟ لقيت انه ماعندك منطق قلت تحاول تكسرني باستعمل لغة خادشة زي دي؟؟ ماتعمل فيها ذكي ولمن جيلي سألك منها قلتها ليهو انا لابعرفك ولاشفتك ولا عايزة يبقى المسوغ شنو انك تستعمل كلمة زي دي معاي؟؟ الفكرة تحرش؟؟؟ ولا الفكرة كرفسة في زوايا الجندر؟؟ ولا فتونة وتلويح بي انك ح تستعمل معاي اساليب الذئاب الاسفيريين؟؟ الواحدة اصلا ما ممكن تكون آمنة بسبب نوعها؟؟؟ عايز توصل الرسالة دي وتصنفني كزولة مطلوقة يعني؟؟ متصور انه ده مخيف لي وبيثنيني ؟؟؟ متخيلني ح اخجل وانزوي وارتبك؟؟ انا طالعة للعام وعارفة ممكن ادفع ضريبة لياتو حد بس الأولى تحترم الناس الهنا وقانون المكان وكونك ما لقيت فرقة عشان تثبت نفسك هنا ده ما بيعطيك الحق في انك تحاول تمارس صعلكة اسفيرية عيب كده لانه كل الناس عندها حرمات وبيوت وكرامات وما انا البضيع حقي ياود الخير بس شد حيلك وتحرشك ده ابقى قدرو ويبدو لي ما صعب الناس تقيف وتقول آراء في ممارسات زي دي بيحاول فيها ناس زي الود الخير النيل من كل كرامات الناس واستقرارها وامنها ---- انت يازول هوي تعرف حجمك وتقعد دونو ومافي اي منطق ولا معرفة ولا غيرو يخلوك تخاطبني كده ولا تخاطبني من اصلو طالما انت ما بتعرف حدودك او بتحاول تلعب دور المتحرش ووسط الناس وفي وضح النهاركده وبيصلك برضو ردي |
خلاصة مناقشاتنا حتي الآن : مازال عندنا 3 موضوعات خلافية رئيسية فقط (رغم أنو أنسحبت مادة خلافية سابقة حول من يحق له التصويت من الاعضاء القدماء , وذلك بالتوافق علي مقترح سر الختم الموضح أدناه , و أضيفت بدلا منها مادة خلافية أخري - من الأخت لنا - حول تحديد سقف زمني للأستئناف) المواضيع الخلافية التي مازلت أعتقد جازما بأنه يجب : 1- حذفها مؤقتا . 2- مواصلة النقاش فيها لمدة زمنية محددة , بعدها نحصر أكثر من نسخة (فيرشن لها) و نصوت عليه منفصلا . يعني نصوت أولا بأسرع فرصة علي ال 95% التي أتفقنا عليها (قبل أن تغرق في مناقشات لانهائية حول 5% من اللأئحة) المواضيع الخلافية ال 3 هي : 1- كيف نعالج مسالة تعديل المداخلات بعد 24 ساعة . 2- الادانة في السرقة الادبية هل تحرم المدان من الترشح لمجلس الادارة ( بما فيه الأمين العام) 3- تحديد المدد الزمنية للأستئناف . ___________________________________________ الصياغة المقبولة للغالبية والتي أقترح أن تضمن في التصويت الاول (تصويت علي 95% من اللأئحة) يعتبر مخالفة اذا قام العضو بأى من الأفعال التالية 1-1 سب عقيدة عضو آخر أو التعرض بالسب أو الاساءة أو الكتابة السالبة للذات الإلهيّة و الرُسُل والأنبياء والمقدّسَات أو التعرّض بصورة سلبية للتنوع الدينى والعرقى والإثنى والثقافى . أو جلب أو نقل مادة تشير لكل ذلك دون نقده. - يُحظر نشر أي مواد أو مقالات قد يستتبع نشرها ملاحقة الموقع، أو مالكه أو هيئته الإدارية، قانونياً. يشمل ذلك، على سبيل المثال وليس الحصر، أي مواد تشكّل خرقاً لحقوق الملكية الفكرية أو حقوق النشر أو العلامات التجارية أو براءات الإختراع أو أية أسرار تجارية، أو نشر المعلومات بغرض التشهير والقذف وإشانة السمعة، حتّى لو كانت صحيحة، عن شخص لا يملك حساباً في سودانيات (ولا يعتبر شخصية عامة أو شغلت أو تشغل منصبا عاما)، ويتحمل كل عضو كافة التبعات القانونية منفرداً عن جميع ما ينشره، ويُعرّض ذلك العضو لعقوبة الإيقاف لفترة تصل إلى ستّة أشهر. مادة من يحق له التصويت: دمجت المادة الحالية بخصوص العضو الجديد وهي 2- للعضو الجديد الحق في التصويت فقط، بعد مضي ثلاثة أشهرعلى أول مشاركة له. مع تعديل سرالختم لتقرأ كمادة واحدة وهي : "يمنع من التصويت في الانتخابات العضو(القديم) الذي تقل مشاركاته عن 30 مشاركة خلال العام الذي يسبق الانتخابات كما و يمنع من التصويت العضو (الجديد) الذي لم يكمل ثلاثة أشهر علي أول مشاركة له) . مازلت أناشد الجميع وخاصة من يهمه الامرمن المسئولين ( من يهمه الامر ,دي كيف يالنا ؟ :grin:) : 1- بالاسراع في التصويت علي ماأتفقنا عليه 2- ومواصلة النقاش والتصويت لاحقا في ال 3 مواد الخلافية . ان لم نفعل ذلك أخشي أن ينهار كل شيئ و نواصل الجدال اللأنهائي حول ال 5% أو أو أزيد أذا سيطالب بعض الاعضاء بالنظر من جديد في صلاحية الامين العام ( مقترح نبيل) وماجد تاج عنده مقترحات و عادل أيضا ذكر في موضع ما هنا بأن عنده مقترحات وآخرون عندهم مقترحات لايعلم عددهم الا الله . . |
اقتباس:
إستعمالي لهذه العباره في عدة مداخلات وهذا مثال إستعملتها مع الأخ النور (مرفق المداخلة) ومع كثيرين .. إذا أزعجتك ...حا أسحبها ولو بتزعجك على مستوى كل إستعمالاتي أيضاً حا ألغيها ! ودا كلو ولا تضعيني في محل إني أريد التحرش بك ! لأني وكما ترين أحاول ومع غيري أن نقول لكم نحن هنا بحبنا للسودان وسودانيات نحن هنا .... بحبنا لديننا الإسلام نحن هنا ...دفاعاً عن حدود وشرع الله نحن هنا .... رداً للظلم والتلفيق والإفتراء نحن هنا ... لا يمنعنا من إسماع صوتنا لا شلليات ولا( مافيا) ذاتوو مداخلة موجهه للأخ النور ------------------ حبيبنا النور هو قدرنا وحظنا الشؤم هو الخلانا نكون حاضرين كيف كان إخراج الإنتخابات !!وجنود الليل الصحوهم وقالوا نعم وحتلوا الحتلة الي دربي ودربك ... ومن يومها ونحن نتذوق طعم الحنظل والان فصلت المواد تفصيل ...ومعاها عجلة !!! هي ياأخ كلو عرفناه!! العجلة في شنو ؟؟؟ ------------------- إذاً حبيب دي أنا بستعملها ليك ولسواك ما عجبتك ؟ ما تدي الموضوع أكبر من حجمو ! |
اقتباس:
I second! قرض على كدة يا مولانا حسين. |
اقتباس:
ممكن تقول أعتذر اذا فهمتيها خطأ فهي مفردة استخدمها عادى فكلنا نستخدم مفردات تمس البعض .. صديقتى د. منى كانت تقول " معتصم صاحبي" و البعض تصدمه كلمة صاحب و صاحبة لأن البعض استخدمها بسوء و لمنها أصرت عليها و ما زالتتستخدمها لكل اصحابها أنا شخصيا استخدم مفردات عامية كثيرة .. و فى يوم استخدمك كلمة أريدك لأخت فى هذا المنتدى.. و هي كلمة من كلمات كثيرة .. خدشتها الكلمة لأن يمكن قرأءتها " أُريدك" .. و لكن استعدل الحال بعد أن رأت الفتحة على الألف ف الأخت لنا .. انتو اخواتنا و بناتنا خلونا أريحين و نستعمل مفردات عادية معاكم .. يعنى أحسنوا فينا الظن .. حتى يثبت العكس .. الأخ ودالخير أتوقع اعتذار مباشر . |
اقتباس:
إذ لا تتناسب ومعرفتي بيك ... وكان يجب أن أراعي ذلك. -------------- مداخلة أخرى أستعمل فيها حبيبنا ! صباح الخير حبيبنا قرقاش أولاً على المستوى الشخصي أطمئنك وأقول ليك (إبنك مناضل خالد) ماسك قوي في وصيتك التي وهبتها لنا في بوست من قلب باريس للكمر.. بخصوص الزراعة ونقل التقنيات للسودان... وبقت وصيتك جزء من الدستور الدائم في البيت.. :) نشكرك عليها وربنا يقدره ويقدرنا ... بخصوص السلسلة ما خلت شي ما تضمنته بس ربنا يسهل ويدينا الوقت.. والهمة ! ويكون لينا أجر المناولة... |
سفسطة على هامش اللائحة:
هل استطاعت البشرية تجاوز معضلة الكاتب بعد ؟ حتى نجزم أن من تثبت عليه السرقة الأدبية غير جدير بادرة شؤون منتدى عام ؟ Ronald Barthels - موت الكاتب Michel Foucault - من هو الكاتب حسب الكلام دة الأتية اسماءهم من العظماء لا يستطيعون الترشح لأنتخابات في سودانيات: - Martin Luther King - Stephen Ambrose - T. S. Eliot - الجاحظ - إبن خلدون - Dr. Richard Owen - Albert Einstein - Guglielmo Marconi - Alexander Graham Bell - Helen Keller -Joe Biden و تطووول القائمة :yes4: |
اقتباس:
أتفق مع الأخ فيصل سعد كثيرا ما نتكتب على عجل بدون مراجعة وعندما ننتبه لا نستطيع التعديل وإذا كان الحل أن نكتب للمسئول الفنى فأعتقد أنه تضيع للوقت ووضع أعباء إضافية علىه رجاء مراجعة هذا النص أو البند |
ثم أثني ..
و أوافق .. |
رد في نقاط أوجبتها مشاغل الحياة والمزاج :
- ماجد تاج أضحى عداؤك سافراً حتى نضح بالقرف ، وما زال النهج الذي جعلك ترى في مادة المالك والورثة طريقاً للاستيلاء على المنبر من قبل لنا جعفر مسنمراً ... - خالد محجوب كنت قبلا قد نبهتك حين خاطبتني بـ (الود مهند) الى أن لغتك حمقاء وانك تعمد الى استخدام لغة معيبة لمحاورك نظرا لخواء حجتك وغباء غزلك ,,,,الا أن الكوز يظل كوزاً .... - مهند الخطيب ليس رقيباً تحت امرتك يا جنابو ماجد لتوجه له أمراً بحذف مداخلة أو ابقاء أخرى ... ان كان لك من شكوى فعليك بارسالها داخليا الى الأمين العام ، أما محاولتك لتصغير مهند في مداخلتك بعاليه ما أسهل أن يرد عليها مهند احتقاراً باحتقار ما دام الاحترام لديك فعلا عصياً... قليل من الاحترام لن يضيرك ياماجد فهو احترام لنفسك قبلا...! |
اقتباس:
فهل يؤتمن جانبك وجانب نقدك ؟؟ هل يحسب لك ما تكتب أنه لوجه العام دون الخاص؟؟ وأنت الذي لو كان الأمر بيدك لفضلت بعض العضوية على بعض؟؟! هل تأمن أنت شخصياً من ينطلق من منطلقات ذاتية ومن لو كان الأمر بيده لمنح صكوكاً لأناس دون أناس؟!! |
اقتباس:
آي يا حنين أنا ممكن أكون كوز مع إني ليس كذلك ! وممكن يكون في جمل إستخدمتها ما في محلها المناسب ، لكن أبداً أبداً لايمكن ومستحيل أفكر في الأشياء الذكرتها رئيسة المجلس ..لا من شيمنا ولا لا يمكن أن تكون ! بل العكس هو الصحيح أنا بحاول أجعل سودانيات هي إمتداد لبيتي وأسرتي لذلك من الشرف إني أحافظ عليها لتكون واحة ظليلة وأكثر . |
اقتباس:
ما في شك يا دكتور .. لكن كمان حماية الحق في احترام المعتقد الاخر ضرورة من ضرورات النقاش .. وتأثيرها عليه بالغ .. ممكن تعاد الصياغة بالشكل اللازم لكن المهم أن ينص عليها صراحة ً والا يترك الباب مفتوحاً باحالته الى نص مادة تانية طالما أن التوافق قديم وقايم حول المادة .. المهم في الملون أعلاه : حرية المعتقد مكفولة في المطروح مش الممارس من قبل العلمانيين زيها زي الحق في احترام المعتقد والحزب الشيوعي مع أنه فلق في فصل من فصوله وداوى في فصل تاني لتخبط القائم بصياغته .. لكنه نص كذلك على احترام العقائد .. دا وجه ما عرضته . ـ |
اقتباس:
أنا محترم اكتر من اللازم يا مهند .. والقرف ينضح به فهمك المقلبن والمنحاز دا .. كل الكتبته السيدة لنا ما بتشوف فيه قرف وجايي تتنمر على ماجد .. قليل من الاحترام لن يضيرك انت برضو ياخ ـ |
اقتباس:
ما انتقدته هو ما قدمته لنا جعفر .. ودا ما محتاج لبديل لأنو ما زال منجور طري يا خال ـ |
اقتباس:
لأننا فعلا نحتاج لما اقترحت " لنا" .. و عليكم الصياغة "القانونية .." |
اقتباس:
تجدنى أشاركك الخوف ،، الخوف من الفشل الذى ظل يلازمنا كالخل الوفى ،، المتأمل فى هذا البوست لا يعدم أن يرى الواقع السودانى بكل بؤسه ،، تحيات يا حسين والأمل فيك كبير ياخ ،، |
اقتباس:
بتسمح ليهو يستعمل كلمة زي دي معاهو وهنا ؟؟؟؟ انت فاهم بتقول في شنو؟؟؟ انت ما بتستخدم الكلمة دي معاي لانها ما من حقك ولاني ما بسمح ليك ولاني ما مشاع ياكوز فاهم كده؟؟؟تقيف في حدودك وتعرف حجم المسموح ليك بييهو وتقعد دونو ....واياك ترفع الكلفة بينا والبساط ما احمدي معاك هنا وسف ترابك مردود عليك وما لازمني وبرضو بيصلك ردي |
اقتباس:
وعندك هواية بتاعت صرف عربي على الفاضي وكلامك دا خير مثال ( للمتحيل بتبكيه الريشة) ! ولو ما شاعره بي نفسك أنت إسلوب وخروج الكلمات من كيبوردك كافية إنو الزول يكبرها منك ! من غير كلماتك بتاعت إنت وأنا و و و انا في انتظار ردك بس عليك الله أخْتِي لي الهواء دا ما تحبسيه ! |
اقتباس:
لامتقصي مصلحة عامة ولا همه المكان ولا النقد الموضوعي ولا اي شي تاني الراجل حاكمه ضيقه وهواجسه المعتملة في صدره ناحية العبد الضعيف والرجل ما جرؤ في البوست ده وضع نص مغاير او صيغة بالمطلق مقابل اي اجتهاد لي ....وأي مداخلة اكتبها بيدخل يقتبسها عشان يعارضها تماشياً مع رغباته الدفينة ولم يمن الله عليه بمداخلة منفصلة عن اقتباساتي يعضد فيها من جهد حسين في البوست او تعب البشرية اللي ضحت من اجل تنقيح اللائحة... معتصم الطاهر نبهه لأكتر من مرة انه مايرفض من غير الأتيان ببديل لما يرفضه ....هو يرفض فقط من اجل الرفض ويرفض لأن لنا جعفر هي المبادرة رفض مادة الاستئناف المقترحة ووقع في مغالطات مضحكة مبكية ولم يتطوع لتصويب ما يراه غير مصيب.... ماجد تاج ما بيقتبس غير مداخلات لنا جعفر...:lol::lol: لابيعلق على كلام عبد الله ولا حسين ولا معتصم ولا نبيل ولا فيصل ولا النور وبيتفق مع كل الناس بس مشكلتو لنا جعفر واي مداخلة لي لنا جعفر بتشتغل فيها وتقترح وتجتهد ينط فيها يقتبسا وينزل ليك بكلام لا في السما ولا في الارض زي بتاع الاستئناف واللوائح الادارية الماكان عارف الفرق بينها وبين القوانين الجنائية واتكلم قال عن الادانة والبراءة مابيقدر ماجد تاج يكون متداخل في البوست ده بغير كده... ماعندو ملكات بتاعت ابتداء ومبادرة وبينتظر الفعل من الناس عشان ينتج ردات الفعل او يشكل نفسو عليها عايز يعارض الريس عشان يظهر ويقولو الزول خطر مع الريس راس او هو ما بيغامر مع الآخرين ومستهين بي لنا او بالغ بيهو الكره فعلا مبلغ ما بيطيق يشوف لي مداخلة زي ما هو كتب وبيتلبش وبيدخل ينفث كراهيتو وبغضو وبدون موضوعية ويطلع انا لو كنت مكانك خااالص ما بكتب الكلام ده ياماجد تاج ووحياة اي شي ومخلصة حنيت عليك في زول يعمل في روحو كده؟؟؟ تاني ح تقدر بعد كلامك ده تدعي الموضوعية والحكمة والعدالة؟؟ --- ماجد تاج ياخ رئاستي ماثلة وباقية لحين انتهاء الدورة ومين عارف يمكن دورات جاية وجاية وجاية ...فحاول تستحمل وتمسك اعصابك وشيوعيتي ماشأنك الشخصي لترفضها ولا هي داخلة ضمن ما يعنيك او ماهو متاح ليك معارضتو.... ومداخلاتي ح تشوفا وح تكون موجودة وانا باقية ببقاء المكان ولو ماعاجباك القراية لي تغمض طوالي زي ما انت مغمض هسا وتزيد عليها الغميض المادي ياجنابو..... وما من حقك خياراتي الشخصية تقول ماعاجباك ولا من اي باب قال ما من باب المشاعر قال...... تتدخل في خياراتي وتحدد الابواب البيجوز ليك تتدخل بيها فيها؟؟؟ كويس انك عارف انه في مابيدك اي شي هنا وانه الدنيا ما انت وانك صوت معزول بيغني منفرد وبيجيب لنفسو الوبال بكلامو واخطأوا ومغالطاتو وتسرعو وعدم معرفتو اصلا لابجديات البيتقال وبيتم الافصاح عنو واللي لي اغراض تكتيكية بينسكت عنو وفعلاً المرء مخبوء تحت لسانه يللا شوف تناقضك هنا برضو.... تقول ماعايز تقرا لي مداخلة وتتكلم عن خصوصيتي وتجي تقدل بي انه ما موجه لي شخصي؟؟؟؟؟؟؟؟ ليه انت انتقدت ادائي كرئيس مجلس؟؟؟؟ انتقدت اقتراحاتي للمواد بشكل موضوعي هنا وجيت بي بدائل زي ما وصاك خالك الخائف عليك وشايف البتنسج فيهو لنفسك؟؟؟ قيَمت ؟؟؟ ناقشن ؟؟؟ اقترحت؟؟؟ ولا عملتو كلو رغباتي ولو بيدي وما اقرا مداخلاتك وشيوعيتك ورئاستك ..... شخصي طيب هو شنو ؟؟؟؟ :lol: ياخ اهدا حبة وفكر في البتكتبو.... البتعمل فيهو ده متناقض وبضحك فيك الخلوق.... قال وما أعمله الان ما موجه لشخصك .. موجه لصالح منع تكرار المأساه مرة أخرى :lol: يعني انت لو بتقدر موش كنت منعت المأساة من المرة الاولى؟؟؟ طيب لو بيدك ليهجريت على حزب البحبني تبعك تجرع المرارات ؟؟ كان تشوتنا بالقاضية من سنة وتخلص .... ثم طالما المسألة انتخابية زي ما قلتا انت ساعي تمنع تكرار شنو بالضبط؟؟ وعملت شنو انت هسا عشان تمنع؟؟؟ ماياهو جيبك لي اقتباسات كلامي ده ؟؟؟ انا ماشفت زول عدو لروحو زيك كده ياماجد تاج تعال ياخ اكتب رؤية شيل اقتباس زول غيري علق عليهو اسند قفا الناس التعبانة هنا بدل لاي مكان تمشيهو تحولو لي ساحة معركة وتخرب جهود الناس وتسئ لمجهودا البوست ده انت عبء عليهو بشكل ما طبيعي .... ما استفادو منك بشي مثمر وفتلتو بصراعاتك الدونكيشوتية والما منتهية هنا .... داعية ليك من كل قلبي ربنا يريح بالك وحاول تتصرف لانه انا بكل موصفاتي دي باقية وقاعدة فيا تتعايش ياتستمر كده مع قدرك |
اقتباس:
ما ممكن يتم تصويت مرتين يا حسين واللائحة لو في اي مادة ما متوفقة معاك بتصوت بي لأ وغير ممكن الناس كلها تكون موافقة... وبعد كده ح تحسم كيف مسألة المواد المختلف عليها؟؟ وريني الآلية ياحسين.... نحن الليلة يوم الاتنين عندي بحسب فوارق التوقيت الدنيا صباح وفي بقية الانحاء الدنيا مسا ح نخلص كيف ومتين؟؟؟ تحايا غير محدودة لجهدك وصبرك وكياستك واستحملني حبة ياحسين .... حقو الناس تتفاكر في حكاية المواعيد والكيفية ولمن اجي راجعة ح اشوفكم وصلتو لشنو |
.
حسين يا لنا لا يقصد التصويت .. بمعنى من فاز يعنى خطوة لى قدام ركزوا كلامكم و مداخلاتكم فى المقترحات الوصلنا ليها .. بلاش انصرافية .. يعنى " و خاصة انت يا لنا " مداخلاتك تصب فى هذا الشأن .. ندخل نقرأ لمقارعاتك .. وانت مفروض من توجهينا و قد وجهتينا للتلخيص الآن البوست وصل لمرحلة تلخيص المقترحات .. التثنية على المقترحات دى للأغلبية البتناقش هنا .. و بهذا ممكن تهتدى الإدارة التى عليها أن تعيد اللائحة للتصويت مرة تانية لأن الأول فشل لأسباب تقنية ( الهكر) و اسباب لائحية ( المدة) .. |
أرجو أن تنصب المداخلات القادمة فى ملخص مقترحات الأخ حسين |
اقتباس:
معيار النجاح هنا هو , عدم الرجوع للخلف أو الثبات في مكان واحد لمدة طويلة .أعني الحركة و التقدم للأمام, و وهو المعيار في كل شيئ في الدنيا . حتي الأيمان لايثبت في موقع واحد , كما قال رب العزة: " لمن شاء منكم أن يتقدم أو يتأخر ". واصل معنا الدفر لقدام . دفرة ياشباب ! |
اقتباس:
بل أرجو أن تنصب المداخلات القادمة في قول رأينا في النقاط الخلافية الثلاث، كما حدّدها حسين، وهي: اقتباس:
عن نفسي، رأيي كالتالي بناءً على ما استخلصته من المناقشات فيها وإستئناساً بالدفوعات التي وردت: 1- كيف نعالج مسالة تعديل المداخلات بعد 24 ساعة . تفتح خاصية التعديل دون تحديد سقف زمني. 2- الادانة في السرقة الادبية هل تحرم المدان من الترشح لمجلس الادارة ( بما فيه الأمين العام). تحذف هذه الفقرة. 3- تحديد المدد الزمنية للأستئناف . يظل الإستئناف دون تحديد سقف زمني. |
[=عكــود;569651]سلام معتصم والجميع،
بل أرجو أن تنصب المداخلات القادمة في قول رأينا في النقاط الخلافية الثلاث، كما حدّدها حسين، وهي: وذلك بأن يقول كل متداخل رأيه فيها على ضوء ما ذكر سابقاً، دون داعٍ لتدعيم رأيه بمسوّغاته، فذلك ما تمّ قتله نقاشاً. عن نفسي، رأيي كالتالي بناءً على ما استخلصته من المناقشات فيها وإستئناساً بالدفوعات التي وردت: 1- كيف نعالج مسالة تعديل المداخلات بعد 24 ساعة . تفتح خاصية التعديل دون تحديد سقف زمني. -اوافق ويبقي الالتزام الاخلاقي للعضو بان لايعدل مداخلاته بمايضر او يؤثر او يغير مجري الحوار 2- الادانة في السرقة الادبية هل تحرم المدان من الترشح لمجلس الادارة ( بما فيه الأمين العام). تحذف هذه الفقرة. - ثقتي كبيرة في ان العضوية لن تختار شخصا بهذه الصفة ليمثلها لذلك لا اري جدوي للتمسك بهذا النص 3- تحديد المدد الزمنية للأستئناف . يظل الإستئناف دون تحديد سقف زمني. - اري ضرورة لتحديد قيد زمني للاستئناف واتفق مع رؤية لنا لي قدام ورجاء سبق والتزمنا بان لايتم الرد الا علي المتعلق بموضوع البوست فتجاوزوا يرحمكم الله |
| الساعة الآن 08:41 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.