مين زي يا أحباب .. أمبارح جعفر والليلة حباب ..
بسم الله الرحمن الرحيم ..
(وَإِنْ تَعُدُّوا نِعْمَةَ اللَّهِ لَا تُحْصُوهَا). أمس أفرحني جعفر بنتيجة مشرفة ... اليوم رن جرس التلفون وأنا في المكتب : ألو ... : إزيك يا بابا .. مبروك لي جعفر .. كنت عارف أن نتيجة إمتحان الشهادة الثانوية ستظهر اليوم لكن ما قدرت أسألها عملتي شنو ... خاصة وأني كنت أتحدث مع والدتها أمس ناقلا لها خبر نجاح جعفر وسألت عن حباب فقالت لي والدتها : (قاعدة تبكي) .. خايفة من النتيجة ... واصلت حباب : يا بابا أفرحك ؟ أيوة يا حباب يا أخي فرحيني عليك الله .. : يا بابا أنا نجحت ... يا سلام يا حباب يا أخي ألف مبروك ... أها جبت شنو ؟ : جبت 70 فاصل تسعة . فاصل تسعة دي شنو يا حباب .. تضحك ... : يعني ممكن تعتبرها 71 يا بابا .. يا سلام يا أخي .. أها ودي بتدخلك الجامعة ... : أيوة يا بابا يا أخي ... أها مش فرحتك ؟ بتجيب لي اللاب توب ؟ عيوني ليك يا حباب ... وجرت دموعي ... لم ينساك الله يا ود الحاج ... الحمد لله .. الحمد لله ... الحمد لله كثيرا ... [align=center]http://www.sudanyat.org/upload/uploa...abelhassan.jpg[/align] شكرا يا حباب ... شكرا يا إيمان (والدتها) .. هذا نجاح لا أملك فيه إلا التمني وهو جهدك وتعبك .. بارك الله فيك. |
ما شاء الله يا خال
ربنا يحفظهم و الف الف مبروك و ربنا يفرحك بيهم كمان و كمان عقبال الشهادات العليا صدق يا خال امس كنت متضايقة دخلت فرحت بنجاح جعفر و اليوم نفس الشيء يعني ما فرحوك براك ان شاء الله الفرح ليكم جميع نعلات تحيات خالصه للاخت ايمان وقول ليها دا حصاد ما زرعتي |
اقتباس:
مبرووووووووووووووووووك ياخالد الحاج مبروووووووووووووووووووووك للجميله حباب مبروووووووووووووووووك لوالدة ايمان وماشاء الله وتبارك الله ربنا يحفظهم ومزيدا من النجاح يارب وقنب يملؤك الفرح دوما |
Mabroooooooooooooook alf mabrok
wa alabtop alina ya abu Habab |
الاخ ود الحاج
البخور البخور بيسحروهم غايتو انا قريت البوست وقت مااشاء الله تبارك الله والله حاسة بمدى فرحتك ما احلى طعم نجاح الابناء مبروووك لحباب مبروك لجعفر ولمن انجباهما اكيد هم اشبال لذاك الاسد ولتلك الام الصامدة الف تحية لهما ولكما ودمتم ودام الفرح مغرداً على نافذة عشكما ودا بخور عشان الناجحين بس ما تخمنا في الحلاوة والبارد [align=center]http://www.almedan.net/Uploaded/1110097385_2.jpg[/align] |
وجرت دموعي ...
لم ينساك الله يا ود الحاج ... الحمد لله .. الحمد لله ... الحمد لله كثيرا ... لعل الله اراد ان يذكرك بنعمــه عليك .. وتذكرنا دموعك بنعم الله على عبادهـ .. ما اجمل الاء الله ونعمــه .. الاف التبريكات للوالدة لام حباب ثم لحباب .. ومن قبلهما انت ربان هذا العش الذى توشــح بالنجاح ... _______ عندنــا طوالى بنعمل عضــة كاربــه يتداعــى اليها الناس دون دعوة ... علا فى غربتكم دى كيف ما عارف ( الطقوس شنو ) |
ركعتين شكر لله .. |
نبراس
وجيدة سارة مرافي نوارات فريقنا .. الله يديكم العافية .. النصيحة لله فرحااااان .. لدرجة أني حاسي أنو مافي شي ممكن يزعلني أبدا ... اللهم أدمها نعمة ... بدر الدين "يا زميل" :D ألف شكر يا صاحب .. نعم نحمد الله بكرة وأصيلة ... والله يا بدر الدين المسألة تستحق الضبيحة ... أو بليلة علي الأقل .. لكن لو شلت لي بليلة ومرقت علي شارع الله ده صدقني ياني البايت في مستشفي المجانين :D حليل السودان يا أخي وحليلي أنا ... معتصم وله الحمد والشكر .. شكرا يا حبيب ... |
الحمدلله الحمدلله الحمدلله
الف مليون مبروك ياخال وعقبال بقية اخوانهم يارب وربنا يفرحكم انت ووالدتهم دائما بنجاحاتهم وتفوقهم حقيقه مافى احلى من فرحة نجاح الابناء بتديك احساس بانو تعبك ماراح هدر ويارب عقبال ماتنجح بالدكتوراة والماجستير |
مبروك يا خالــــد
ربنا يفرحك بيهم كمان وكمان وتشوفهم من أعلام المستقبل مبروك يا جعفر ومزيداً من الإجتهاد الأبواب مشرعه لتصل الى كل ما تتمناه.. مبروك حباب وعقبال ما نشوفك تحملين البكلاريوس وتلحقينها بالماستر والدكتوراه.. مبروك ياخالد .. قال رب العرش العظيم في منزل تحكيمه إن بعد العسر يسرا.. أفرح أخي ما تخبئه لك الأيام أجمل وأزهى ربنا يفرحك بيهم وبأخواتهم ساره ونهلة كل أمنياتى بتواصل النجاحات والأفراح ياخالـــ د والتهاني موصولة للأخت أم حباب وجعفر |
يا اباجعفر.. الالاف التبريكات. وهذا انجاز عظيم وفاخر. بالامس جعفر.واليوم حباب... الف مبروك وديل الاحباب .يا خالد ود الحاج وربنا يزيدالنجاحات ويدوم الافراح ويسعدكم |
[align=justify]ألف مبروك يا خالد ويا أم جعفر وحباب
أسأل الله أن يزيدك من نعمه وأن يلهمك الشكر "لئن شكرتم لأزيدنكم"[/align] |
يا خالد ياخي الدنيا دي جميلة بشكل،
وربّنا كريم كريم لطيف بعباده! ألف مبروك يا حباب ومزيد من النجاحات. |
خلود
كدي خلينا من المسلمات "إبن الوز عوام" قول لينا أبو المنصور غمز بي عينهو ليها "هي منهو".. ولا حبيبتنا شكشتهو "هو منهو".. :D قولت، مبروك شويييييية لكنها ياها العندنا حسي، بنشيلها، نقلعها من قلوبنا صااااادقة وبنسلمك ليها أمانة توصلها ليهم ولي أمهم العظيمة |
اقتباس:
دكتور كبييييير لكن الصورة ما خمج عدييييييل كدي:p |
العزيزة سمراء..
ود أختي العايش عزيز الحبيب عصمت أبوزينب كيشو الحبوب العمدة بابو ربنا ما يحرمكم من لحظات فرح مدهشة زي دي .. يديكم العافية ومتشكر بالجد إكتير إكتير .. :D ممنون يا شباب .. |
[align=center]ابن عمى
الف الف مبروك لحباب وللجميع وجعفر يا خى انت مفرح وتستحق ان تفرح دائما ربنا يقر بيهم عيونك وعيون امهم تخريمة : امبارح الليل كله ادقدق فى موبايلك مالك ما بترد ؟ ؟ ؟ ؟ [/align] |
اقتباس:
شوق والله .. ألف شكر يا صاحب .. تلفوني : 0031613000678 يبدو أنك بتتصل في رقم خطأ .. يسعدني سماع صوتك يا طارق يا أخي ... |
اقتباس:
وطبعا بعديك طوالى دقيت لخالد الطاهر وكالعادة وجدته شهيد طيار فى عاشر نومة طبعا من الدرش الله كان فى عونه وعونكم جميعا |
الف مبرووووك
و عقبال الشهاده الكبيره.. ربنا يحفظهم و يخليهم ليكم اخ خالد... |
الف مبروك
ربنا يجعل ايامكم كلها سعادة وفرح وعقبال عليا الشهادات |
اقتباس:
|
هذا نبأ مبهج و سعيد ، لك صادق التهاني ، و نسأل الله لهما مزيداً من النجاح و التقدم |
ولئن
مبروك
ولئن شكرتم لأزيدنكم الشكر من دوام النعمة انعم الله عليكم وعلينا بكل الخير |
الف مبروك يا صاحبي و رفيقي
تفوق الابنة حباب خالد الحاج، و نجاحها الجميل، و ستواصل سارة و نهلة المشوار باذنه تعالى، و اخيرا هلت عليك بشائر البهجة و الفرحة و نغمات السعادة، الم اقل لك بان الفرج قادم، و اجمل الايام بانتظارك، تدثر بالعافية و الامل و التفاؤل يا صديقي، و طب نفسا و بالا ما يغشاك شر. يديكم العافية .. |
مين زي يا أحباب .. أمبارح جعفر والليلة حباب ..
الف الف مبروك ياخالد
وان شاءالله ربنا يديك طولة العمر وتفرح بي ولادم وولاد ولادم . |
العزيز خالد الحاج .. ألف مبروك نجاح الإبنة حباب ..!!
ربنا يديم الأفراح .. تحياتي |
الف الف الف الف مبرووووك نجاح حباب وجعفر
وهو نجاح يضاف الى سجل والدتهم وسجلك ياودالحاج نتيجة مشرفة لسهر وتعب ورعاية ونضال وتضحيات ربنا يزيدهم نجاحات كمان وكمان ويفرحكم بالباقيين ان شاءلله يديك العافية ياكبير اقول قولي هذا واستغفر الله لي .............. |
الف الف الف الف حمدا وتكبيرا ( مبرووووك نجاح حباب وجعفر) بس خايف من راشد
[align=center] الله أكبر .. الله أكبر
هنيئا لمن حمد الله بارك الله في الذرية الصالحة الشكر ترويح و الذكر الله تروح مبروك ولكم كل الدعاء و الترويح [/align] [flash=http://www.youtube.com/v/N-JuJ44U5AM&hl=en_US&fs=1]WIDTH=400 HEIGHT=350[/flash] |
[align=center].......[/align]
[align=right] ما شاء الله تبارك الله ، نعم الإله على العباد كثيرة و أجلهن نجابة الأبناء . ألف ألف مبروك يا خال النجاح ، مبروك لى جعفر و مبروك لى حباب و ربنا يسعدك بى نجاحاتهم كمان و كمان ويخليك ليهم و تفرح بى جديدهم إنشاء الله أسعدتنا و الله ، أسعد الله صباحك .[/align] [align=center].......[/align] |
يا سلام يا أخي علي الناس البهجة ...
اتخيلوا معاي تكون مبسوط وما عارف تعبير عن انبساطك كيف ... لو كنت في الخرطوم كنت ضبحت وهاك يا ونسات وكتشينات ولمة حبايب ... :( أتاري المنتدي ده مرات سمح خلاص :D ألف شكر ليكم ... ود عثمان زينب طارق الحسن (يا ابن عمي تلفونك ده مالو بقي إشاعة يا أخي ) :rolleyes: أحمد طه... ابن العم حافظ فيصل سعد مجدي مسعد طارق كانديك زول الله أحمد الوليد ألف شكر ليكم ... مرات اللغة بتبقي فقيرة لما تعجز عن ايصال إحساس بالامتنان .. أنا عاجز عن الشكر يا شباب .. للطفكم .. لدعواتكم "محتاج ليها والله :o " يديكم العافية ... |
اييييييييييييييييييييييييييوي
ماشاء الله تبارك الله الف مبروك يا خال ربنا يحفظهم ويغطيهم ليك الفرح ياخ جد فرحت ليهم بالله البليلة دي لمن توزعها عندك ناس في بطن البيت ده (مجانين جد) ما تنساهم وما بقول ليك منو |
طارق الحسن
طارق كانديك رقم تلفوني فعلا مكتوب غلط الكبر حصل وكده ... وموضوع حباب بقت طالبة جامعية ده داخل علي خالكم شديد :o الفرحة وفرحنا كعب الكبر :mad: التلفون الصحيح : 0031613000678 |
الف مبروك لابناء ود الحاج
جعفر و حباب و مزيد من الافراح |
مبروك لى حباب ومبروك لجميع افراد الاسرة الكريمة ودامت الافراح يا خالد
بعت ليك رسالة فى الخاص -- |
اقتباس:
أحبها جداً |
جانيت... شكرا يا غالية .. خالك ممنون ..
طارق كانديك .. أسعدني سماع صوتك يا زول يا حبوب... أبوخليفة .. سعدت بحق بمكالمتك .. تسلم يا جميل .. أبو علي.. ما وصلتني رسالة منك يا أخي .. كدي رسل تاني ما جاتك راحة :D ألف شكر يا صاحب ... |
اقتباس:
عقبال تفرحي بيهم إن شاء الله وبي نجاحاتهم |
[align=center][media]http://sudaniyat.net/wadosman/uploading/la_tanga3.wma[/media][/align]
|
أخي خالد الحاج
ألف مبروك نجاح حباب خالد، وإن شاء الله نفرح بالشهادات الجامعية، وبعرسها كمان. التهنئة موصولة لأسرتك الكريمة. |
| الساعة الآن 02:43 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.