الإحـــتفاء بالجـســــد
 

لم تزل بداخلي تلك النظرة القديمة
التي تتفق تماماً
مع شيخنا (طارق جبريل) {ما يقوم يصدق}:D


إليكِ هذا الرابط لمزيد من الدعم:

http://www.sudaneseonline.com/cgi-bi...msg=1302422148

محبتي واحترامي

يعنى يابلة مازلت مستمسك بشكل معاييرنا القديمة فى شكل المرأة التى تحدث عنها معظم شعراء العرب !
كنت اتوقع منك مزيد من التفصيل ...ولكنك عصرت كل ذلك واختزلته فى معايير طارق الكارثة :D

اعجبتنى الجزئية دى لى خالدة سعيد

بل هي: جمانة حداد

وهي للعلم لديها موقع أو مجلة عن هذا المدعو (جسد)
أمشي لسيدنا قوقل عليه رضوان أهل الكتابة أجمعين
وأبحثي عنها
ستثري موضوعك هذا عن جد


محبتي الأكيدة

بوست دسم
أوريكي الانوثة وين?
دقيقة

جمانة قريت ليها كتير فى الحتة دى ، وبالجد اتفق معاها الا حد ما فى منظورة ..
لانها بتربط دائما شكل النظرة العامة للرجل من خلال ربط سلوكيات وتصنيفات
مصنوعه للمراءة وثقافتها وجسدها ..

بدور ياصديقة
اها الانوثة وين ؟

انتظرك

هنا
http://sudanyat.org/vb/picture.php?a...&pictureid=149

اكثر شىء يلفت نظري في المرأة أو الرجل. هو الجسد وتناسقه

هههه
وش خجلاان يا. سمرا
نزلت صورة غير
:o

زاحم كتفو كفلو ماج ديسو الوفر
عمعم ديسو درعو وفى بعضه انضفر
حاكى الغيم تنقل ياغالى النفر
وقول للوزه غورى وفى عينيك ضفر

وقصيدة تانية للشاعر ابو صلاح

ديسو وافر كامل الغزر ..صيد عيونو الرماش فزر
واللحاظ ما بتقبل عــذر ..في قلوبنا تحاكى الجزر

وكتير من الشعراء احتفو بالجسد من خلال معايير تخصهم ...
السؤال :
هل تغيرت تلك المعايير ؟
ولماذا ؟

[IMG]http://www9.0zz0.com/thumbs/2011/04/...484625267.jpeg[/IMG]

يازولة ماعندك مشكلة ، البروش راقدة نجيب برش جديد :cool:

طيب انتى يابدور معاييرك شنو بالنسبة لى جسد الرجل ؟
اى تصنيف تعتقدى بانو ممكن يكون " جاذب " ولية ؟

يعني شنو الاحراج دا
بخحل:o

شوف عناقد ديسا ... تقول عنب بكروم
شوف وريدا الماثل ... زي زجاجة روم
القوام اللادن ... و الحشا المبروم
و الصدير الطامح ... زي خليج الروم

خلي جات متبوعة ... الصافية كالدينار
في القوام مربوعة ... شوفا عالية منار
موضة آخر موضة ... هيبة غير زنار
روضة داخل روضة ... غنى فيها كنار

شوف جبين الهل ... ضو فوقو فنار
منو هل الشارع ... منو بق و نار
طالعة ما بتتقابل ... زي لهيب النار
تحرق البتهابل ... و البعيد بي نار

ليه ؟؟
من حقك ياستى !
اى انسان عندو نظرتو ومعايير الجمال بداخلو للطرف التانى
انا شخصيا عندى تفاصيل فى الرجل بالجد قاعدة اتعصب ليها جدا فى الخيارات

بعدبن ياخ ماشفتى اعمامك ناس الحقيبة ديل بفصلو كيف ؟:D

انا سؤالى المعايير دى بتخضع لى شنو ؟

وهل بتختلف بداخل الانسان وفق مرور الزمن ؟؟

سمورة الجميلة..
مساءاتكم خير..
بوستك دخلت ومرقت منو كم مرة..عشان أدي نفسي فرصة أمخمخ الموضوع..

ياسمرة..الجسد والروح بيتكاملو بصورة عجيبة..
انا مثلا ممكن يعجبني الرجل النحيف الهادئ..والضخم خفيف الظل..القصير الذكي ..والطويل اللبق..الأسمر الحالم..وال(حلبي) الأنيق..وممكن العكس..وكذا الحال في الإناث..

نحنا غصبا عننا بنحتفي بالروح..وأنا عن نفسي لا أستطيع تسمية مواصفات وسامة وجمال.. وإن كان بالطبع المجتمع بيفترض صور نموذجية للجسد في الجنسين..

بوستك جميل..لكن شكلي حاكون متفرج جيد..ونتابع معاك

دمتي بخير

كلام خديجة الفوق داك أنا بتفق وما بتفق معاه..

العين ..عليها بما تراه...(أنا مثلا أى زول بشوفنى بقول إمرأة قويّـــــــة :D)..

--
المعايير ...ثقافة المنطقة


بالنسبة لمقاييس الجسد..اتخيل لى ممكن نتفق أن المرأة الأفريقية، والسودانية ضمنياً يشترط فى انوثتها الإمتلاء بصورة عامة

فى جنوب أفريقيا بسموها
meaty
:D

بالذات امتلاء الردفين والساقين...وعلو الصدر طبعاً

أما المرأة فى العالم الأول ...فغالباً جمالها فى رشاقتها مع تناسق قوامها...





أما فى رأيى الشخصى...فأشجّع الرشاقة مع امتلأ بسيـــــــط ...أو كما اسميه (الجسد الرويان)...لا أحب الردفين والمؤخرة...ولكن أحب الصدر العالى (ما عالى شديد :D)

هذا فيما يخص المرأة (بصورة عامة)

:D

سموح مساء الجمال
عارفة كلامك ده ممكن يكون موضوع اعجاب بالروح ...وذى ماقلتى معاايرة ممكن تكون مختلفه بحسب الشخصية او مانحبو نحنا فى الاخرين .

بس بالنسبة لى معايير الجسد فاعتقد غصبا عننا بتكون فى معايير مطبوعه فى دواخلنا بنحبها فى الاخرين ..
بمعنى انا بصرف النظر عن الروح ، ممكن يعجنى الراجل المتوسط الطول ، متوسط الحجم ، ....الخ من صفات احب احتفظ بيها عشان ماتشوش كتير :D

ايضا بالنسبة لى معايير جمال الجسد بتكون فى حاجات ثابتة الواحدة مننا بتتمناها بدليل انو معظم البنات بنلقى انهم بسعو لايجاده بشتى الصور ..

والعكس تماما ممكن تكون الاشياء دى منقصة لى ناس تانين ..

[QUOTE][QUOTE=ميسون مطر;357948

العين ..عليها بما تراه...(أنا مثلا أى زول بشوفنى بقول إمرأة قويّـــــــة :D)..
-المعايير ...ثقافة المنطقة[/QUOTE]

ده مامنطق ياكنكلوشة !! يعنى انا بقيم نفسى من خلال نظرة الاخرين ؟
اها انا اسع وكت شفتك قلت عليك ( انثى رومانسية جدا :D) اها !!


با
اتفق معاك ..طيب ليه تفتكرى ؟؟
يعنى المرجعية التاريخية للفهم ده بكون راجع لى شنو ؟


ده تفتكرى برجعنا لى ايقاع الحياة واختلافو بين البيئات المختلفة !!؟
يعنى الواقع الاجتماعى والاقتصادى بكون عندو دور فى صنع المعايير وشروطة ؟!


[QUOTE]أما فى رأيى الشخصى...فأشجّع الرشاقة مع امتلأ بسيـــــــط ...أو كما اسميه (الجسد الرويان)...لا أحب الردفين والمؤخرة...ولكن أحب الصدر العالى (ما عالى شديد :D)

هذا فيما يخص المرأة (بصورة عامة)[QUOTE]

كده مابكون فى توازن ياحبة ;) بكون الشكل مختل

طم طم ياكشب ..
احسن ليك ترمى بياضك :D

غايتو
أنا في رأيي
أحلى لغة هي لغة الجسد

http://www.youtube.com/watch?v=EP3K6...e_gdata_player

ياصديقتي كيف الاحتفاء به وهويرزخ في القيود؟لغة الجسد عندنا خرساء ومتأذية
فقط سميه حلم الاحتفاء بالجسد

كدي بالله دي فسرها لينا كيف؟

اجمل ما في المرأة
تلك المرأة التي تمتلك يدين وكراعين عشان تقدر تتحرك وتطبخ
لا احبذ المرأة التي تمتلك حداشر اصبع في يديها وتلاتشر اصبع في ارجلها
ح تاكل حنة كتييرة ياخ
يجب عليها ان يكون طولها متناسق مع ارتفاعها من الارض
وأن لا تكون عريضة فتقفل الباب ولا نحيفة فتضيع مني في زحمة السوق
لا هي بالشعواء في تراكلها ولا هي ابالشقاقة في تفاردها
شوالة حين تكون راجلة فتشهد لها بذلك
و متوار حين تجلس حتى اذا ما رأيتها حسبتها انثى جالسة

:D:D

اها ان الرجال ديل كلهم شايفاهم مكعوجين
وبالرعم من كدا محتفين بجسدهم

غايتو لكن جيجي دي الوجه الانثوي لبابكر عباس
أو بالاحرى جيجي هي بابكر عباس ضل طريقه إلى الجنس الناعم

:confused:

حقيقة للجسد لغة
ولغة جميلة جدا تكفى عن كبير المقالات
بس
مااى انسان بفهمة يابدور...

والله يا اشتر العبارة الاولى مافهمته النصيحه !!

بس التانية احتمال جاية من " طبيعة البشر"
بس النصيحه ...ما مؤكدة شديد

فنحن عندنا الصارنو وعاجبنا :D

شوالة !! ومتوار !! شقاقة !!

هوووى اتا قاعد تنضم عن شنو ياشليق :confused:

وجدى انت كضاب :D

ماصاح والله ياريكس ...

ياجماعه عليكم الله خليكم موضوعيين شوية عشان نصل لى فهم
يعنى اسع داير تقول شاكيرا وكوندليزا رايس ديل واحد فى الضلمة :eek:

ده كلام زعل ساى ياجيجى :D:D

بس مابمنع انو يكون فيهو نسبة صحة

تحياتي يا سمراء
لقراءة تصورات الرجل السوداني عن الجسد الأنثوي المثالي أنصحك بعدم الإكتراث كثيراً لما كتبه شعراء الحقيبة وشعراء الاغنية السودانية اللاحقين، فلن تجدي فيه ما يفيدك بصورة دقيقة .. فأغلب تصوراتهم الجمالية لجسد المراة، مستلبة، وغارقة في التماهي وفقاً للنموذج الأوربي، ذلك النموذج المُسيطر - بالقوّه - علي كل الذوق الجمالي لسكان الأرض ..

خذي مثلاً قصيدة زهرة روما، فهي من عنوانها يتضح إنها لا تمثل الجسد الأنثوي السوداني، فقد كتبت القصيدة في فتاة إيطاليه تختلف جسدياً إختلافاً تاماً عن كل النساء السودانيات، وخذي أيضاً علي سبيل المثال أغنية "سال من شعرها الذهب" لابوامنة حامد، وبعد الأستماع والطرب لها، أبحثي عن فتاة سودانية واحدة صاحبة شعر أشقر، ولن تجدي!
فكل القصة أن ابو امنة كتبها في خواجية"عينها خدرا وشعرها ذهبي"

المهم..
في رائي إن قراءة تصورات الرجل السوداني للجسد الأنثوي المثالي ممكنة، فقط لو تتبعناها داخل مواعين ثقافية محددة، وأقترح لكِ، الأشعار المناطقية، وأغنيات الأعراس (غُنا الدلوكة والربّابة)

طبعاً سأتيك ببعض النماذج