حد يصحي الجيلي احمد(يوجد حوت)
 

واشماتة ابلة ظاظا فيك
معليش ياشاب بنشغلك عن مهامك العظيمة :D
http://farm6.staticflickr.com/5441/6...d78162b4_c.jpg

ملطوشة من هنا
http://www.sudaneseonline.com/cgi-bi...msg=1334784852

ياخي الانقاذ دي عجيبة
ماكفاهم جلدوهو وبشعبوا بيه
كمان مودنو هجليلج
انا لله
اها يالجيلي الدبارة كيف:D

وهجليج بقت هجيج:D
[youtube]http://www.youtube.com/watch?v=CwvV9Hc3x0A&feature=player_embedded[/youtube]

اه يالاهيف
الجيلي بكون غمر:p

غاايتو يا امال دى سيك و فى القبول كماان....:eek:

دا كلام زى الورد

محمود عبد العزيز مواطن عادى, فقير ,
ومبدع ,

ولم يصبر على مساوى الجبهة الاسلامية حبآ فيها,
لقد أرهقت الرجل الانتكاسات ...
كل التواريخ والأشياء تمر أمامه ,
لو كان ضعيفآ لجعل الشارع غارقآ فى تيه
العبارات غير الكريمة التى تفوه بها صبية الانقاذ ..
كل مافعله الرجل انه كان هناك
فى قلب المعركة
يتأرجح ,ويقاتل كل الريح وحيدآ
يحفظ للناس تاريخهم
ويغنى اغنياته ويبدع..
يمزج ألحانه بنبض الشارع ...
http://www.youtube.com/watch?v=-pn7pBQ9DJ0
ولو سألتك الآن ياعزيزتى عن اغنيات
محمود التى غناها , لتاهت بك الذكرة
لأنها كثيرة وغير ملحوظة لكثر...
ان ماغناه محمود عبد العزيز غنى ويستحق الاستماع

ياأخى الواحد بفتش ليهو لى فرقة عشان يتناول أزمة(المبدع وخطاب السلطة)

فتأتينى صديقتى آمال فى الآتو .

الآن يضغط عل بقوة حديث الشقلينى :

من هنا يبدأ العالم الجميل

الجيلي

رأيك شنو في الكلام دا (ومن مصادر موثوقة)

أن محمود عبد العزيز تم منحه رتبة ضابط في جهاز الأمن...
وأن بيته محروس برجال الاستخبارات.. ولا يمكنك مقابلته إلا بعد المرور عليهم..

واشماتة كل الظاظات فينا ياخ...

تعرفى ياصديقتى
انو محمود عبد العزيز عندو أغانى بتاعتو أكتر بى كتير من الغناها للحقيبة !!!!

محمود دا ياعمك كان بقى الله,
ياهو الحوت ..


ياأخى يبقى بتاع امن ويعذبكم ؟
انتو فاقدين عذاب؟:D

تكسرو أى حاجة حايمة

انسان يمنح الشارع بعض من ذوق رفيع,
ويبقى هناك ,
حيث تفتل حبال الموت بليل..
انسان يبقى هناك (وأشار بيده بعيدآ)

الشغل الجبتيهو مدبلج ياآمال
(تفنى على جليد آمال)

الأخت أمال
محمود عبد العزيز فنان إنتهازى وأنا لا أحترمه بظهر عندما جلد أكثر من مره خاف .
اللذيذ ولع البشير بالرقص رغم الضحايا والهزيمة المخزية والنكسه فى هجليج
لك المودة

اقتباس:
المشاركة الأصلية كتبت بواسطة نبيل عبد الرحيم http://sudanyat.org/vb/images/buttons/viewpost.gif
الأخت أمال
محمود عبد العزيز فنان إنتهازى وأنا لا أحترمه بظهر عندما جلد أكثر من مره خاف .
اللذيذ ولع البشير بالرقص رغم الضحايا والهزيمة المخزية والنكسه فى هجليج
لك المودة



محمود عبد العزيز

بيكون ركب الفيل و الشبه كبير يا جماعة بين الفيل و الفيل الواقف جنبو و شايل عصاية

القصة عادي ممكن يمشي كده

الحوت لا نختلف في فنه الراقي


و بنغني ليك يا الحوت

ضيعوك ودروك أنت ما بتعرف عدوك من صليحك

علي فكرة ده ذكاء عالي من الكيزان
زمان الحور العين و الجنة والخطاب المملس بأسم الدين

هسع دايرين يستهدفو الشباب عبر الحوت و عادي بكره نسمع طه و احمد الصادق في الخطوط الامامية مع حمادة نافع

والله هجليج واطاتا قامت ;);)

الحوت
زول صاحب مزاج
ومزاجو سيدو
محل يوديهو ما بعترضو
زول ساهي وساهل
عارضوهوا في مزاجو
بقى محل سجن وجلد دائمين
هادنوهوا بقى ماشي معاهم
يعني مسعلة الحوت دي مفروغ منها
يعني ممكن بعد شوية تلقاهو بغني في أغنية ضد أبو أي حاجة تابعة للناس ديل
الزول مزاجججججججججججججججججججججججي بامتياز
لكنه
ويا للأسف
مؤثر في أدمغة الناس بشكل يحق له
وعشمي ألا يكون في ركوبه لمزاجه الماحق هذا
ما يجر الناس إلى مهازل الإنقاص وهرجلتها
....

كلام زي الدهب بس بطل شماتات يا اخي:D

زمااان
ياسيدتى
تحدث الرجل الفريد عبد الخالق محجوب عن اصلاح الخطأ وسط الجماهير,
هو انت قايلة الجماهير دى وينا ؟
ماياها دى..
ناس محمود وزول الله , وكل زول قلبو محرقو على البلد دى , وبخرج فهمو للوطن وشوفو عبر تراكمو الذتى, أكتر من تراكمو المعرفى ..

شماتة أبلة ظاظا فىَ؟

وفى ماذا تشمت هذه الظاظا الأبلة

ازيك يالجيلي
زول الله زميلنا الفي المنبر دا والاّ زول الله سااااهي؟
:D
يالجيلي (محمودك) دا مادام معجب بيهو شديييييد كدا حقو تبراهو وتكون انقاذي زيو
:D:D

تخريجات الوطنية تتفاوت ياسيدتى
بحسب المعرفة , وبحسب الفلك اليومى الذى يسحق عظام الفعل عظمة عظمة ,
تتناقص وتقل بحسب حوجة الانسان لرغبته فى تحقيق ذاته وتفجير طاقة الموهبة داخله وسوقها نحو الفضاء الأرحب,
منو القال لى الناس انو محمود دا دهب مجمَر وزول مكرَب..
انتو يناس أبلة ظاظا ديل
سويتو شنو لى محمود دا عشان يقعد يصلح فى فهمو للوطن ويجابه آلة التشريخ الفوضوية المدورة ليها قرابة ربع قرن ..

أبلة ظاظا؟

دا فهم برجوازى عنيد
ومنيع أمام التبصر ومطالعة شأن هذا الوطن وانسانه المسحوق فى رحى الجبهة الاسلامية ..

جيلي القوم
بالله عليك ما تجي بالساطور
ود عسوم جابو كُتر
عارف
بس خليك متسامح يا اخي



looool

غايتو بعد تكمل ليه المراقات كلها بنجيك:p

حليييل بلة :D
ولا كُتُر ولاحاجة يابلة
ياخ ان المحب لمن يحب مطيع
:D:D

لمن حصل امتحان هجليج دا,
أغلب الناس سقطت فيهو ..
والناس دى أغلبا لبست الكاكى وقعدت تكاكى..

وبقى الفرق بين فهم البعض وفهم عادل عسوم الا تشوفو بى بطارية,

جات على محمود؟

هسا القياس كيفنو يا عادل
ولا نجيب البطارية
ولا البطانية أخير:D

يمشى وين ؟
يطير ؟

دقوهو دق العيش ولسه قاعد يبدع, ويحافظ على آخر نبض من الانسانية بداخله ,
الناس القاعدا ورا القزاز وتتمطق فى الفن والابداع حقو يمدو يدهم جوا النار البتلوى دى ويحاولو يعرفو لييه الزول دا اتدقا؟
وطن كامل قاعد ينجلد سوط ورا سوط, وضهرو مليان دم , وبعد دا كلو واقف نص وقفة ومستحمل الفهم الجايط عن الوطنية , ورزالة الكيزان
بقت على محمود؟

ناس عادل عسوم ديل شايلين الموس وبشلَخو فى البلد من قفاها ووشها

بقت على محمود؟

والله حقو الناس تقعد وتشوف تفكيك علاقة المبدع بالسلطة ,
وتمسكا خطوة خطوة من بداية الانقاذ لحدى الوكت الحالى, عشان الصورة دى ماتبقى ناقصة .. وفى تلك المطالعة من المهم أن نستصحب دور المثقف فى التأثير على قطاع المبدعين وعموم أهل الفن بما يخدم حوجة الوطن للارتقاء فى سلم الانسانية ..

تحياتى ياجيجى

الخط البفرق بين المبدع وبين تأثرو بالخطاب الحايم الباخاهو الجبهة فى سقف وأمانى الوطن, بالعمى بشوفو ..
الغمران ياسيدتى هو التخلى عن هموم الناس وحوجتهم لمن يأخذ بيدهم فى حلكة هذه المعمعة الممتدة لقرابة ربع قرن ..

وتبقى (الأهيف) وكل ماأخرجته حنجرة محمود , أشياء ملكها الخالص يعود للانسانية , وبمعزل عن ذلك سننتقد محمود ويقف كل منا موقف يخصه فى تقييم تراتيب فعله اليومى

:D:D

صدقت يا صاحب
صوتو خرافي

ياخي لما يغني الأهيف بتجيني الحالة 714 :rolleyes::rolleyes:

يا صديقي الجميل
الموضوع مامحتاج كل هذا المنطق
نحن متفهمين ما يحصل مثلك تماما
لكنه تعليقنا كان يحمل في طياته الكثير من الدعابة
وما الاهيف الا لانها محبوبتك
فهون عليك
وعلينا فلست بشامتين على وطن
ولا احد افراده مادام الظلم يرفع رايات البؤس والازلال وازهاق النفوس والاجسد

حباب الزول الفنان ود عثمان
زمان ياصاحبى لمن كان (الجوز أربعة , والدستة تلاتين , والسيرة البحر والعريس قدام) كان لمن الشباب ياخدو سيك بنكتبا ونعلقا ليهم فى حيط الداخلية , وتبقى ليهم محنة لى كم اسبوع , يعنى الواحد يكون قاعد فى أمانة الله نقوم نشبكو ليك (قوم سوى الحلة , انت زول مسيَك البقعدك وسط المعلمين الكبار شنو؟):D

ياأخى والله أنا مسيكانى البلد أم همآ عريض..

هسه ياصاحبى نداول المسألة دى كيف؟

_______________

ياأخى والله لى أكتر من عشرة سنين مشتهى لى قيم وست goood

:D:D

تحياتى ياأشرف,

ضابط فى الأمن عشان يسوى شنو ؟

ياأشرف
ياأخى بيتو بتقول عليهو محروس برجال الاستخبارات, طيب ياأخى ياتو جهاز أمن الشغال فيهو دا؟
ناس الأمن ديل بجمعو معلومات ياصديقنا ,
ولاتتم حراستهم كما تقول..

ليس كل مايتبادر الى الأذن حقيق بالترديد

تمام يانبيل
ولك التحايا من قبل

انت كدا جيتنى تمام فى محل الغربلة..

كتبت:

محمود دا يانبيل من ماقام ماعندو غير حنجرتو دى,
يقوم بيها ويقع بيها,
البعرفو أنا انو التكتحو من متاع الدنيا دى ماعندو فيهو كتير رغبة,
يعنى زول قاعد يدور فى مفهوم الفن بتاعو دا حسب فهمو ..
أها يازول لمن تجى ترمى ليك توصيفة قدر الضربة
وتقول عليهو انتهازى ,
تقوم تجى تشرح توصيفة انتهازى دى! وماتبقى شايلا وحايم بيها ساكت ..
أوعا بس تكون فاكر انو محمود بينتهز فى الفرصة عشان يشتهر؟؟
كان كدا الرماد كال الانتهاز

غايتو كلامك دا عايز الواحد يتفرغ ليهو عديل كدا,
انت يامعلم عايز ليك مسيح يتصلب ..

انت اذآ فى حوجة لمن يحمل عنك خطاياك وييمم صوب النبؤة..
يانبيل
كونو انو الانسان يتجلد ..دى فى حد ذاتا مسألة غير انسانية
وعنى بها أن تحيق بانسان عصور ماضية موغلة فى سحقها وهدرها لقيمة الكرامة
وازلالها لجسد الانسان ,
فى عصر الحقوق هذا لايليق بك أن تحترم الذى يرفع عصاة الدين ويضرب بها ,
بل الأوجب أن تكاتف حق الانسان فى أن لايتم ازلاله واهانته وتمريغ أنفه فى التراب..
ان زهد الناس فيما هو قادم ليس تخوفآ منه فقط,
بل توجسآ من عدم احتماله لما يدعو له من ديمقراطية وحرية وعدالة..

أنت لاتحترمه لأنك تظن بأن الجلد قد أدمى خاطره وأثر عليه فخاف ,
ففيما العجب اذآ ؟
هذا انسان وليس قطعة فولاذ..

تعليقى هذا بأى حال لايصب فى مجرى حديثك عن تخويفآ ألَم بمحمود
بل هو محاولة نفاذ الى مضمون خطابك .
فمن يجد فى نفسه مسوغآ لعدم احترام المواطن الذى يجلد ويهان ويمرغ أنفه بالتراب , عليه أن ينظر حوله جيدآ , ليدرك أين يقف.

اقتباس:
المشاركة الأصلية كتبت بواسطة شهاب http://sudanyat.org/vb/images/buttons/viewpost.gif
اقتباس:
المشاركة الأصلية كتبت بواسطة نبيل عبد الرحيم http://sudanyat.org/vb/images/buttons/viewpost.gif
الأخت أمال
محمود عبد العزيز فنان إنتهازى وأنا لا أحترمه بظهر عندما جلد أكثر من مره خاف .
اللذيذ ولع البشير بالرقص رغم الضحايا والهزيمة المخزية والنكسه فى هجليج
لك المودة



محمود عبد العزيز

بيكون ركب الفيل و الشبه كبير يا جماعة بين الفيل و الفيل الواقف جنبو و شايل عصاية

القصة عادي ممكن يمشي كده

الحوت لا نختلف في فنه الراقي


و بنغني ليك يا الحوت

ضيعوك ودروك أنت ما بتعرف عدوك من صليحك

علي فكرة ده ذكاء عالي من الكيزان
زمان الحور العين و الجنة والخطاب المملس بأسم الدين

هسع دايرين يستهدفو الشباب عبر الحوت و عادي بكره نسمع طه و احمد الصادق في الخطوط الامامية مع حمادة نافع

والله هجليج واطاتا قامت ;);)

غايتو يافردة , عندى ليك تعليق (قطعتو فى حنانى)
لو كتبتو حار ولو سكت بيهو حار:D:D:D دايرا ليها شدة سلك ;)

يأخى السواهو محمود شين بالحيل وماحلو فى حقو كزول مبدع, ولا فى حقو كمحمود
قبل أى شئ تانى ..ودى مسألة ماأظن نختلف عليها كتير..
حديثى عن الدبلجة أقدم عليه نقد ذاتى وأسحبه دون كثير تبريرات تورد دهشتى وصعقتى لرؤية نافع يتمايل على أنغام صوت محمود الذى بدا مزبوحآ أكثر منه مغنيآ..

شكرآ على التنبيه القوى , وأعتذر للجميع عن هذا الخطأ الفادح

حباب الزول الماهل
عصرة محمود هينة , لكن الفيك اتعرفت :D:D

مداخلتك دى امبارح قريتا فى بيت ناس راشد والتومات, ومكيفانى لى هسه ,
ولكن رغم كل شئ ياصاحبى(بس ربو يهون)..

عمك دكتور حيدر كزول تفكيكى بامتياز
عندو مقال عن محمود داير شغل بتاع اعادة تدور,

منذ مطالعتى لذلك المقال وقبله أسائل نفسى عن دور المثقف فى التأثير على الغناء والمغنيين كجزء أساسى فى تكوين خاطرة الشارع ووجدان الناس.
عمنا حيدر كغيره من المشتغلين على مطالعة جوهر الاشارات, عمد الى بذل كتابة نقدية رصينة,
ولكن فى كامل سبره لغور الاشكال, تناسى معضلة العلاقة القائمة بين المثقف المتفرج
والنقدى وبين مايحدث حوله ,
بمعنى أدق ,
لقد وضع دكتور حيدر يديه فى جيب بنطاله ووقف يتفرج, ونثر نقدآ مرهقآ دون بخل وكاش داون ..حين خلصت من تلك المقالة طَوف بخاطرى ذلك السؤال البديهى عن دور المثقف المحلل والناقد فى التأثير على مجرى فن جيل الشباب..!!
محمود عبدالعزيز
أحمد الصادق
طه سليمان
جمال فرفور
وغيرهم من المغنيين والمغنيات
فى مطالعتى هذه أود أن أستصحب دور (عركى) (وردى) و(مصطفى سيد أحمد) , وتفتيت هذه التجارب على مائدة الحوار..
هل وجودهم كاطلالة عميقة داخل حياة الانسان السودانى كانت بحكم العامل الزمنى والتاريخى, أم بحكم تجارب شخصية , أم هى تأثير من تيارات الفكر والتثاقف ؟

تأكيد لكلامك يا عمر ... عندنا صديقنا بتاع انثربولوجي عمل دراسة عن إمكانية التعايش بين الشمال و الجنوب .. الكلام دا قبل الإنفصال... في أطار دراسته دي كان ببحث عن الرموز المشتركة بين الشمال و الجنوب ... للأسف وجد رمزين فقط:
الأول: كان فريق المريخ و بدلل علي الحاجة دي ان المريخ لعب كورتين في كمبالا شباب جنوب السودان بسيروا بصات بعونهم الذاتي عشان يحضروا الكورة و يجوا راجعين
الثاني: كان محمود عبدالعزيز .. في الدراسة الباحث دا لقي عدد كبير جداً كم بنات و أبناء جنوب السودان بحبوا محمود ... حافظين أغانيه ... شرايطه معروضة في السوق ... في القهاوي دايماً بكون شغال....