ترشيــح الأمــانة العامــة (دورة 2013 - 2014)
الأخوة والأخوات الأفاضل،
سلام الله عليكم . . بسم الله نبدأ عملية إنتخاب الأمانة العامة لدورة 2013 - 2014. ستستمر الدورة لمدة عامين تنتهي في 31/12/2014 إن شاء الله، وسيكون الأمين العام ونائبه عضوي مجلس الإدارة الّذي يتكوّن من ستّة أعضاء. سيستمر التصويت لمدّة عشرة أيّام تنتهي في 15/12/2012، حينها سيغلق باب التصويت ويتم إعلان تشكيلة الأمانة العامة (أمين عام، نائب، إحتياطي) حسب الترتيب التنازلي للأصوات الحاصل عليها كل عضو، على التوالي. لم يكن إختيار المرشّحين سهلاً، فهناك العديد من الأعضاء المؤهّلين لأداء المهمّة على الوجه الأكمل، لكن لا بدّ من من الإستشارة والإستخارة والإختيار. ترشيحات هذه الدورة هم: الزوول خال فاطنة، و مهنّد الخطيب (الترتيب حسب الأبجديّة) تعرفون ثلاثتهم مثل ما أعرفهم، فاقوا دائماً التوقّعات المرجوّة، بقلم رصين، فكر ثاقب، حكمة تنضح وفطنة ترشح. علينا إختيار إثنين من المرشحين لشغل مقعدي الأمين العام ونائبه. رغم أن السستم لا يحد التصويت لإسمين، ويسمح بترشيح الثلاثة؛ لكن التصويت للثلاثة أسماء يُفقد الإختيار قيمته. بالتوفيق إن شاء الله |
الأخ الحبيب الحبوب جمل الشيل
عكود تحياتي واحترامي ،،، شكراً لإهتمامك وصونك لهذا البيت ولتجربته الديمقراطية الفريدة دخلنا وصوتنا ،،، وإلي الأمام ،،، سنتين كتيرة عليهم وإني لأشفق عليهم مني يا رجل ،، |
اختيار يستحق التهنئة يا عكود، فأي واحد من الثلاثة سيكون على قدر التكليف، عرفت اثنين منهما، ولسوء حظي لم أتشرف بمقابلة الثالث رغم رغبتي الصادقة في ذلك
أتعبت الناس في الاختيار يا عكود تمنياتي لهم جميعاً بالتوفيق |
اقتباس:
كل منهم اقدر على تحمل المسؤولية الجسيمة وتبعاتها ، اختيار موفق جهجهتنا ياعمدة ... شكرا مقدما لهم التلاتة ... شكرا ياعمدة وماشين في السكة نمد |
شكرا ياعمدتنا وهأنتم ترتقون بسلوكنا لمساحات ارحب حتى نحقق تطابق السلوك الحياتى مع قناعاتنا..
كما قال السابقون (جهجهتنا) في الاختيارات، أمنيات بالتوفيق لمن يفوز حظ أوفر للآخر. |
انها (أمانة)... وانها يوم العرض على الله حسرة وندامة... أسال الله لمن (تم ترشيحهم) أن يتقوا الله ما استطاعوا ... اذ العدل يحتاج الى استصحابٍ لمعيّة من سمى نفسه بالأمين جل في علاه... والنصر والتوفيق دوما قرين العدل... ليس لدي اعتراض على المرشحين لكني كم وددت أن يكون الزميل حسين أحمد حسن أحدهم. بالتوفيق السداد بحول الله ياممثل المالك |
سلامات ممثل المالك عكود..
اقتباس:
- الاستخارة اعلمة،ومافيها نقاش! - الإستشارة دى جات كيف؟ - الإختيار دا جا كيف والمعاير شنو لهذا الاختيار؟ اقتباس:
ولكن اعتقد بان العاطفة تتطفو فوق حديثك! نعم لا يختلف اثنان فى هؤلاء المرشحين الثلاثة اعلاه، نعم الاخوة واثروا المنتدى باحرفهم فى شتى المجالات، ولكن تنقصهم "كاريزما" القيادة! انا شخصياً ساعلق (ترشيحى المامهم هنا) كمثل نقطة فى محيط! ولكن لابد ان اقول مافى حلقى، اتنين من المرشحيين اعلاه ليس لديهم ادنى فكرة عن الحكمة والفكر الثاقب عن القيادة هذا مارايته من خلال احرفهم وردودهم فى الاختلافات التى تنشا هنا، اذا كانوا اطراف نزاع ام مشاهديين بحياد! (ومستعد اتيك بعشرات الاقتباسات لهم! بانهم ليس لهم علاقة بالحكمة والفكر الثاقب! لدرجة تولى القيادة!!) اما ثالثهم، فطيب لدرجة يصعب ان يصبح ربان قيادة! لكم التوفيق والسلام. |
اقتباس:
نفهم من كده النور منسحب .. لكن ما أظن نحن بعيدين منو بالترشيح ده يا البديرى معلومة بدون وصايا اللائحة بتعطى عكود الحق المطلق فى أختيار المرشحين .. يمكن الطعن فى المرشحين بموضوعية وليس فى ترشيح ممثل المالك .. الفكرة بتتخللا أيضاً ضمانات (تقنية) تهدد المنتدى ككل .. وذلك يرجع لصلاحيات المكلف التقنية داخل (الكنترول بانل) لذا أصبح أختيار المالك حق مطلق .. وهذه النقطة سبق ووضحها المرحوم خالد للحصول على هذا الحق |
اقتباس:
كلامك دا كلو متناقض وماوقع لى! اعطيك وصايا من غير ادنى معلومة: اتمنى ان يكون نظام سودانيات كمثل :سودانيزاونلاين الادارى وكما فعل الاخ بكرى، فهو الوزير والغفير..عشان مايجى زول يقول دا ملائمنى ولا لا! اقتباس:
سلام |
اقتباس:
أشكرك أخى الكريم على إيلائك الثقة لشخصى الضعيف لهذا الأمر الجلل. غير أنَّى أرى كثيراُ من النَّاس هنا أحق منى بهذا الأمر. كما أنَّ لى ظروف كثيرة خاصة تمنعنى من القيام بالمهمة. خالص التقدير والتجلة. |
اقتباس:
المادة أعلاه من اللائحة، كما ذكر رأفت، هي ما استندت عليه في ترشيحي للثلاثة أسماء. ما يخص رأيك فيهم، متروك لتقديرك. |
اقتباس:
غايتو زى ما قلت ليك القصة ونسة وما شغلتى |
اقتباس:
طلعتنى أستخارة برضو :p |
خاتينك للتقيلة يا كبيرنا ...
اقتباس:
:D:D:D ـ |
غياب النور عن الامانة العامة
غياب للنور عن الامانة العامة ماقصرت ابدا ياسعادتك يديك العافية |
اقتباس:
انتو البلد دي ما فيها ميدان تحرير؟ كأن مشيتك في بعض حارتنا ----- |
اقتباس:
بس اللأمانة كانت أفضل ياخ .. زى الجيلى داك توقفوا الصباح الصباح :p |
اقتباس:
عشان البي الاحمر دي حقو عكود يعمل ملحق:D |
سلامات ياعكود وكل سنة وانتو طيبين
شكرا جزيلا ياخي على التجربة الجميلة دي واتمنى ليها التوفيق من كل قلبي بالجد تجربة تستحق الدعم من الجميع ... واتمنى يتعامل معاها جميع اعضاء المنتدى بالجدية اللازمة لانجاحها .. فهي حقا تجربة رائدة وفريدة من نوعها تحياتي |
اقتباس:
غايتو عندهم حظ صوت عشان الترشيح عجبنا .. ونمت قفا :D:D |
الأفاضل،
ناصر، كيشو، عبدالمنعم، عادل، رأفت، حسين، آمال، خالد غالي، آمال، أحمد زين، ماجد تاج، حسين؛ كل الشكر وأنتم تزيّنون سرادق الإحتفال، بمصابيح حرفكم البهي. |
اقتباس:
الأستاذ الفآضل عكود كنت اتمنى أشارككم مع كل اسفي لا اعرف احد فيهم لكم مني اجمل التحايا ..>> وبالتوفيق للجميع انشاء الله |
اختيار موفق
كلهم أمناء .. ... |
اقتباس:
نتوقّع مشاركتك في الدورة القادمة إن شاء الله. كل الشكر. اقتباس:
صدقت، أي منهم جدير بالأختيار. ولا خاسر. |
يعني الواحد ينشغل شوية بي مشكلة مرسي وصلاح قوش
يلقى فرصة الترشيح تفوته خلاث، السنة الجآية إن الله مدآ في العمر يا ني المترشح بالله هي فاتت عليا كيييييف وهو كل سنة في الوكت دآ بنرشح مش بداية الشتآ "الرشح والنزلات بالكوم" موسم يا صيدليات.. مبروك على النفد من المهمة الصعبة وكفارة للإتنين الحاذو على رضآ الاغلبية :cool::cool::cool::cool: |
اقتباس:
بالله يا "كوكي" رشه :cool: |
وحاة سيدي الحسن على قولة بابكر عباس
عصرت علينا شديييييييييييييييييد يا عمده |
:L
|
سلام شباب
دخلت لاصوت ولكن وجدت الاسماء محصور مما يضيق فرصة الاختيارمهما كانت الاسباب الوصايه مرفوضه عندى واحترم كل القائمين على المنتدى المسأله عندى مبدأ وليس اشخاص بعينهم ومع احترمى الشديد للائحة لذلك امتنع عن التصويت مع رجاء الاحتفاظ بحقى فى الاعتراض وسوف اظل عضوا بينكم عصام بابكر شكرى لكم |
ظهيرة هانئة ياأحباب
بصراحة انا عندي كمين أنطباع عن بعض المرشحين :D لكني كارهة لكتابة انطباعاتي هنا...وشكلو ح اموت بيها :D خال فاطنة يصلح يكون قوي أمين ويصلح يقود أمة (تلج قاسي) بس واللهي ياعكود مايزت الصفوف وده شغل ماحميد منك ليه تنزل لي مهند وخال فاطنة سوا؟؟؟ :D صوتي لمهند لأنه رأس الحكمة هنا ......وده ما انطباع :D ------- صحي ليييه رأفت ما في الترشيح؟؟؟ ------ انتو ليه مافي حملات انتخابية وكشوفات مرشحين وطعون؟ خلي بالك الانتخابات دي موش ولابد ....:D مشتاقة لاصحابي هنا جدا وراجعين يابلد وكل سنتين وانتو طيبين |
اقتباس:
مداخلتك دي برغم حشدها بالكتير جدا من الوجوه ... إلا أنها تبدو جادة جدا ... ومخالفة لأصول لعبة الانتخابات وفيها تأثير بدرجة ما على سير العملية |
اقتباس:
اهلين يا اسامة اسامة وين المخالفة ؟؟؟ لمن عرفت كده طوالي كان تتبع اجراءات لائحية وتخاطب الجهات المعنية لو هي مامراقبة شغلا... ثم تبدو دي الأنت كاتبا فيها شغل نوايا يا أُسامة ياتقطع وتجزم وتبدو واثق أو تجنبني الاحساس بأنك بتنجم... بعدين اديتني احساس تربص كده ....عيد قراية البوست وشوف البيسوق للتأثير منو وبعد كده لو ثبت لي انه في تأثير ح اسحبو من نفسي يازول أتمناك بخير وتسلم |
اقتباس:
اقتباس:
مع ملاحظة انو النفرين ديل ما مرشحين براهم !!! |
اقتباس:
|
طيب يا أُسامة لو صح نحن نتجادل في بوست زي ده ح افيدك بالآتي :-
1/ في زملاء ليك هنا ياباشا قالو مابيعرفو اي زول من المرشحين واعتذروا عن المشاركة وده بينطبق علي انا في أحد المرشحين....مابعرفو يا أُسامة عشان اصوت ليهو او اقول اسمو ونحن اصلاً هنا مامصوتين على برامج ياصديق مصوتين على اشخاص وقدرتهم على شغل منصب....تتخيل؟؟ 2/ صوتي لمهند القلتها دي كانت رد على اتهام عضو هنا بأنه اثنين من المرشحين تنقصهم الحكمة والتالت طيب لدرجة لاتمكنه من القيادة...وده شكل احتجاجي عامل كده على حقوق زملاء واصدقاء اعزاء قدمناهم لعمل طوعي فما بيجوز يتأذو ويتقيمو في معرض تطوعهم أها انت شكلك نسيت تقول للعضو داك انت بتأثر على العملية الانتخابية واستضعفت العبد الأصلاً ضعيف لرحمة مولاه اللي هو حضرتنا العدل واحد والمعيار الواحد يفترض يسود ع الكل ياعزيزي بعدين خال فاطنة ده انا معتذرة ليهو وحاسة انه بيستحق ودي عبر عنها كم زول انه التصويت صعب والاختيار صعب 3/ لو عندك شي واضح ولائحي عن التاثير وطريقة ممارستو هاتو هنا ياخوي عشان نستفيد كلنا ومانخطئ تاني أتمنى انه اكون قدرت ارد عليك بس أنت ماجاوبت على أي استغراب في مداخلتي السابقة بعدين انا متهماك بي تمييز وتربص يا اسامة ياخوي فشن قولك ؟؟ |
اقتباس:
انا ما قريت كلام زولك دا ... ولو قالو زي ما قتيهو انت يبقى هو ماعندو أي فرق منك ... غير انو هو غلط - ربما بغير قصد - لكن انت غلطتي بقصد (باعتبار توظيفك لمداخلتو) عن التمييز اعتقد اني بكون جاوبت عن التربص ماقدرت افهم اتربص بيك لي شنو ؟ وعشان شنو ؟ الكلام الكتير ما حبابو ... في موقفين الآن وفي ناس قاعدة تقرا وبتفهم بالمناسبة |
اقتباس:
طعن في التلاتة مرشحين وقام هو بدءً بالتأثير بقصد كان الأولى مادام انت حريص على عدم التأثير كان تعترض على التاثيرالاول ماعلى رد الفعل عليهو ..وكونك ماقريت كلام الزول داك فأنا قريتو واحتجيت عليهو بطريقة لطيفة وفيها دبلوماسية كمان ثم انه زول يطعن في تلاتة مرشحين ويجيب حيثيات لي طعنو فده قاصد وربما بتاعتك دي مابتشتغل هنا لانه قاصد وجمد بناء على قصدو مشاركتو ومؤسس موقف كاااااامل المدهش انت بتقول وبتبرر ليهو (ربما بغير قصد) !! فيما يختص بالتربص فالتدليل عليهو بسيط انت ماقاري البوست كويس وجيت مسكتني انا في النص البيكون عايز يحتج يقرا البوست عشان مايظلم البيقوم بردة الفعل لانه الفعل الاصلي هو الأجدر بالاحتجاج وكنت ح احترم موقفك ودفاعك عن فكرة عدم التأثير بعدين حكاية انه في موقفين والناس بتقرا كان تقنع بكده من الاول وماتدخلني في جدل دائري الكلام الكتير لمن يوضح المواقف حبابو الف وماتحدد لي اكتب كم سطر وكلمة كل زول بيوصل بطريقتو وكل زول ومزاجو وقدراتو ده فضاء مفتوح بعدين انا ماغلطانة وماتثبت غلط لسه داير حولو كلام ودفوعات انا ماوظفت....انا احتجيييييييييييييييت ولمن الكلام الكتير ماحبابو من الاول كان تختصر تحايا |
اقتباس:
لنا جعفر ... طريقتك دي معاي ما بتنفع انا قت موقفي ... ومابعرف أركب الدايرة المعتادة تركبيها دي !!! |
انا صوت للزووول ..لقناعاتي بشخصه ...
وكامل تقديري واحترامي للبقيه ... وانا سعيد جدا بالمشاركه في العمليه الانتخابيه .. |
للبديري سلام وتحية ،،،
تعرف يا صاحب ،،، لو كلنا بنرجع نقرأ لوائح المنبر ده مره مره كده ،،، ما كان ( جَلَّطتنا) طتير هنا ،،، وكدي يا اللخو سيبك من النفخي الحاااااااار ده وما تمسك ليك في درباً عوج ،،،، كلامك عوج ومافي محلو تب يعلم الله ،،، الترشيح من حق المااالك ،،، والمالك ربنا يرحمو ويغفر ليه وأهو هنا بيمثلو عكود أخوي وأخوك ،،، الشال الأمانة دي في رقبتو بكامل الصدق ،،، أما رأيك في المرشحين التلاته ،،، مالو ،،، ده رأيك إنتَ بإنك ضد ترشيحهم ،،، وأنا ضد رأيك تماااااااماً زي زي معظم المتداخلين هنا ده ،،، وشايفهم التلاته أكفاء بالمنصب ده ،،، لو كان مهند الخطيب ولو كان خال فاطنة ولا إن كان الزوول ،،، وهو تكليف وليس تشريف ،،، وحقيقي أنا بشفق علي الحيفوز فيهم في نهاية مطاف مرحلة التصويت ،،، وخوفي علي الأمين العام القادم ،،، ياهو من جِنس كلامك الما مُحفز دي يا الحبيب تجربة سودانيات الديمقراطية دي تجربة حاسدنكم عليها ناس كتااااااااااااار يعلم الله ،،، فشنو يا الحبيب ،،، حقو تصونوها بدل ما تلقفوا من جلدها حبة حبة كدي |
| الساعة الآن 07:44 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.