إزيّكم ,, ورمضان كريم
سلام للجميع ,,رمضان كريم وأتمنى تكونوا وناسكم بخير ,
مبروك لمن فرح مؤخرا ,,وتعازيي لمن فقد حبيبا ,,ولمن أصابه مكروه ,, خالص التعازي لمعظمكم يا أهل بلادي كونو طلعتوا سودانيين تحكم بلادكم الإنقاذ ويعلو كراسيها اللصوص والفاسدون . ثم التحيّات الزاكيات لخالد الحاج وهو يرفل في نعيم الجنان بإذن ربّه ,, __ كونوا بخير دايماً .. |
يا ربي توقيعي كان مكتوب فيهو شنو ؟ الواحد ما يغيب وللا شنو ؟ ديل شنو سرّاق الثورات ديل ؟:(
|
يا سلام ياخي .. ياسلام عليك
رمضانك كريم وكنت كالعهد بك وفاءً لهذا المكان. الآن يحلو معك وبك الحديث تحياتي |
هلا والله ياكانديك ,,حبابك بي جاي ,,
تقريبا كدة - والله أعلم - انا بقيت طيرة الله في بلد الله ,,روحة شديدة ياكافي البلا ,,:) الحمد لله غايتو |
يازول الزيك ده مابروح بالساهل:)
كدي أختف كراعك ياقول العمدة وايدك ما بتجي فاضية وزي ماقال صديقنا الذي بلكسمبورج : الواحد يفتح خشموا يلقا عثمان قدامو :D |
صديقنا د.طيبـــان
الله أكرم وتصوموا وتفطروا على خير منوّر بيتك سعيدة بطلتك أبقى متمدد من جديد.. |
هلا والله،
شوفتك تفرح والله يا طيبان! بس عليك الله القعدة الفي طرف العنقريب دي خليها ... إتوهّط ياخ. |
هلا ياكانديك تاني ,, واضح انّك داير تلعبني راس :)
وأين هو صديقنا منقو الذي بلكسمبورج ؟ واضح انو مشغول بتغيير صورتو الرمزيّة بالفيسبوك ,,كل مرّة بجيب وشّو لا برّة ,,لامن ألقاهو قاعد جنبي في قرّيات ,,غايتو حالة سعبة :D ثم مشتاقين ياخي ,, |
الصديقة سماح محمد ,,رمضانك كريم انت دي ,
أتمدّد كيف انا مع طارق كانديك الشمولي دا ؟ ماشايفاهو شاملني كيف بي عطفو وردودو ؟؟ تقول مشتاق لي بالصح :) تسلمي يا ستّي الدار منوّرة بوجودك ,,كوني بخير . |
ازيك ياعكود ,,ويشهد الله مشتاقين شوق شديد ,,الناس ياخي يمرقوا من جنبك وانت عامل فيها مشغول وعندك ضيوف ومابعرف شنو .. انت بقيت أمير بي جاي برضو وللا كيف ؟
انا العنقريب ماشايفو في عضمو ,,تقول لي قاعد في طرفو ؟ خلاص بديتو تتبلّوا علينا من أوّلا كدة ؟ :) اسمع ياخي ,, قول لي ربى مشتاقين ,,وعازمكم جيّة بي جاي ,,العيد تراهو قدّامنا ,,عشان تكون عارف من بدري ,, تحياتي يا زول يا جميل . |
كنيولوك جديد وكدة ,,قرّرت ما أقتبس أي كلام ,,عشان الداير يغيّر كلامو يغيروا بي راحتو ,,:)
|
فعلا رمضان شهر الخير
حبابك وحباب جيتك ليك وحشه يادكتره ينعاد عليك رمضان بالعافيه و الخير |
أهلا بالعروس ,,زارتنا البركة والملائكة مجتمعين .
رمضان كريم وربنا يهنّيكم ,تحياتي لك وللأسرة , كوني بخير ,, |
تصدق ياطيبان الليلة انا حاسي زي الزول الرايحة ليهو حاجة ولقاها..
يازول البركة في شوفتك والاطمئنان عليك..كل عام وانت والأسرة بخير وعافية وعليك الله ما تقطع تاني من سودانيات.. |
ياعم فتحي ازيّك شديد والله ,, وكتر خيرك ياخي على الكلام السمح ,,كيفنك وكيف أولادك ,,رمضان كريم عليكم تصوموا وتفطروا علي خير ,, لسّة مشلهت بين الخرطوم والقاهرة وتكاتل في كل الجبهات ؟ الله يعينك ويدّيك العافية يا زول يا جميل ,,
التحية عبرك للأستاذ هاشم طه ,,ياخي بس من ديك وعيك ,,أنا ودّرت خيطو ,,ان شاء يكون بخير ,تحياتي له أينما كان ,,كونوا بخير ,, |
اقتباس:
اقتباس:
أكان دي (مراقتك) شوف ليك مراقة تانية يا أخوي مقتبسين ليك مقتبسين ليك :D |
طيبان
ياخ بركة الشوفة كبينا الكلام بهناك يا ريت تواصلو لينا إنت وطارق |
سلامات حبيبنا وكل سنة وأنت طيب ورمضان كريم
بالمناسبة أنت أول زول وآخر زول أعيد عليهو السنة .. موقف عجيب السنة دى .. لا بعيد ولا بهنى ولا بعزى .. يكون من شنو ده رديت عليك فى بوست حافظ ومستنيك فى البوست التانى .. مهم شديد ياخ |
:D:D
يا جماعة الإسم ده ما غريب على .. قاتل الله الزهايمر ياخ .. إزيك يا ... أخونا .. |
سلامات يا كيشو العزيز ,,ومشتاقين
طارق دا زول مغرض وأنا عارفو قاصدني ليهو مدّة ,,فيا أنا يا هو ,,:) التلفون شلتو يومتا من طارق ,,بس تقول شنو ؟ أتوقع اتصال مني بكرة كان رمضان ما سخّن بي :D |
يا عم رأفت ,,إزيّك يا مقدس ,,وحبابك ألف والله .
أسمع انت السنة بتاعتك دي بتبدا متين بالضبط ؟ عشان الفتوى تكون مجيّهة ,,:) زي بوست الأستاذ عادل عبدالعاطي دي دايرة ليها زول فاطر ,,دا نوع البوستات البدورليهو مذاكرة شديدة ,,دايرني أجيك بي لياقتي التعبانة دي ؟ أنا ما ورّيتك انّي بقيت عجوز وحيلي انهدّ .؟ :( تعالوا برّة نسخّن معاكم وبعدين نبقى داخلين :) __ ياخي أنا عندي مزاج اتواصل معاك ,,فبالله أجدع لي الاسكايب بتاعك في الخاص ,,ويا هديتك يا هديتني :D |
النور يوسف شخصيّا ؟
ياخي ان شاء الله الحفرة الفي شارع بيتكم دفنوها ؟ شايل همّكم يشهد الله :) الواحد غايتو بقى منظرو جبان بشكل ,,الحمد لله غايتو ,, رمضان كريم ياخي وقول للبنات أنا مشتاق ليهن مع إنو ماظاهر عليّ ولا شي ,,بس أنا اصلا كدة ,,بشتاق في سرّي :( |
بوست موفّق ياخ :) |
مرحباً بطيبان وبالعودة الميمونة بإذن الله.. قلت لي "قريات"!!! ياخي رمضان الخرطوم دا سخن معاي وكدا أكون طالبك بطيخة من بطيخكم الخرافي داك ودا عشان البوست يكون موفق لمن غلط زاتو:D:p |
الله اكرم يا صاحب و مرحبا بعودتك و ايابك ..
و حبابك ما غريب الدار .. |
أهلا يا أشرف السر ,,ورمضان كريم أينما كنتم ,,
حكاية البطيخ دي زي جهجهتني كدة ,,أخوك خلّي بالك لسة مطشّش ,,غايتو لا أسّع واقع الرطب يا المرضي ,,وخالّي الخُطب يا المرضي ( دي غنية دكاكينية كدة كانت عندنا في الحلة) , غايتو انت طالبني بتّيخة ,,:) حبابك يا رجل . |
فيصل سعد يا صديقنا الذي قاعد في راس الدنيا فوق ,,
كل سنة وانت بخير ,,ورمضانكم الطويل دا كريم ,,ربنا يتقبل ,, كن بخير يا حبيب ,, |
وينك يا طيبان
وكل سنه وانت طيب وتصوم وتفطر على ألف خير بس عليك الله ما تعصر على صاحبي طارق دا :D |
حباب طيبان,
تعرف.. لامن يهل واحد من قدامى المحاربين بحس انه الخريف مش مجرد مطرة وطين مبلول, الخريف نداوة الروح يا طيبان فشنو.. الروح الهنا دي طالباكم (ندى) كتير خلاص.. فما تغيبو. |
مرحبتين بعودتك يا صاحب
|
هلا بيك ياهمس الشوق وكل سنة وانت طيبة ، أنا كنت طاشّي طشّة اختيارية كدة ،وفجأة كدة رجعت .
بالنسبة لصاحبنا طارق أنا ذاتي قرّرت أعتقو لوجه الله :) _ كوني بخير |
أهلا ،أهلا بالعروسة وهاد ، مبروك ياخي ليكم ,رغم إنّها متأخرة ,بس بالجد عرفت متأخر جدّا .
تسلمي يا ستّي على عدّنا من المحاربين القدامى ، قلنا ليكم دايرين نمرق الاسفير من المعارك دي وانتي مصرّة تشيلينا البندقية والله غالب :D مطركم تبغّر الحقيقة لله ، ورمضان دا داير ينستر معاكم خلّي بالك ..الله يجعل كل الأيام خريف ويعم الندى الأرواح كان تروى شوية من النشاف الحاصل . __ كوني بخير ,,وسلّمي لي عليكم |
أمير كيفنك عسى الدنيا مستعدلة معاك ..
مرحبا بك دائما يا صديقي . |
اقتباس:
فمافي داعي تدخل الثورة المسلحة دي في اي محل دي كانت أولا صاح ؟ ثانيا وعليكم السلام ورحمة الله وبركاته وهاد ازيك ... ومشتاقين ياربي أنا وأمين جونية وين ؟؟؟ |
عودا حميدا مثمرا يا دكتور
رمضان مبارك تصومو و تفطرو علي خير و أجر |
اسامة معاوية يا صديقنا بلكسمبورج ,,أو أيّا كان اسمها ,,
كيفنك وكيف رمضان معاك ؟ ياخي ترحيبك دا بيدل على انّك زول كويّس شديد ..ومشّي لينا بالله حكاية الندى والسيف دي ،لامن تعرف انت وأمين جونية وين :) وأهلا بيك نيابة عن وهاد ..طالما الاتنين في ضيافتي الكريمة وكدة . __ خشّ العضم أظنو :) |
أهلا يا خالد الصايغ ,وتسلم ياخي على الترحاب .ورمضان كريم ربنا يتقبّل ،وكل سنة وانت والأهل بكل الخير وتمام العافية .
__ أبقى طيب . |
| الساعة الآن 07:13 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.