ما جديد على خالد ... لكن جديد عليكم !!!
ثم ضاع الأمس منّا ...
مناً وأذى ... ولا زلت أبحث عن سرابيل ... فهل أجد ؟ |
هو محمد أبوعاقلة الزول المبدع الفنان في صمت..
هو مصمم شعار سودانيات وشعار المجلة.. هو عضو هيئة تحرير مجلة سودانيات.. ...... ........ عندما يروق ويحلي يصنع الجميل المدهش... مزحوم محمد دائما... وأنا باقي ليه في رقبتو... أسه ده مقام ترحيب.. ويا محمد الدار دارك.. ماك محتاج مني ترحيب.. لكن جيتك تفرح... هلا بيك... |
يا مراحب يا ابو عاقلة
تحياتي للزوجة اللطيفة وتحيات زاريا لكما معا.. |
الف الف مرحب بيك
و الله رغم انى مدبرسه شديد اليله لكن كون انك جاى من طرف خالد دا براهو شى بيفرحنى |
اقتباس:
انا عارف في الاول ما حتتقبلوني كعضو معاكم الا بعد فترة ... وعندما وجدت الفرصة سانحة دخلت من نفاجها خوفا من الباب ينكسر للموضوع بقية ... سألتني عن سر التواجد جمب برميل الزبالة ... قلت لها انهم لا يساورهم الشك في وقوفي هنا ... كنت منتظر ناس الكنفوي اركب ملـح (الف) معاهم كطفيلي وارجع كداري وعندما كبرت اصبحت (الف) حول نفسي (من مذكراتي كطفل) في ذلك الصيف كنت اتردد كثيرا لكشك التلج لشراء ربع لوح في تمام الخامسة مساء بالتوقيت القديم الآن . نكسره خوفا من تطير من يدك تلك التي فضّت نفسها عشان خاطر واحد وهم وانا عارف مخهن ما بستاهل لكن نقول شنو!!!!!! (علي هامش الذكريات) وجودي في بعض الاحيان ممكن يشكل عقبة أو عتبة ايهما اقرب الى المزاج ودخولي الى الشبكة العكنبوتية ليست حالة مزاجية بقدر ما هو عمل وبحث عن حاجة وذات وزاد أيضاً لا أخفيه سراً ... لا اريد أن أتقمص شخصية محددة أكتب بها ... أو حتى يراني الناس بمنظور ألبس ما يعجبهم ... ولكن !!!! أخلي روحي تقول أي حاجة بدون فلسفة (وتِقِعد) كلام .. ربما دخولي استشفاء من كبت ما ... فمن باب أولى (أكب) العندي وبس . في الساعة ديك بكون مرتاح أكتر منكم كلكم بغض النظر عن وضعكم شنو !!! ما بحب ازعل من أي زول وبالتالي ما بحب زول يزعل مني ... لأنو الضغط والسكري عندي مهمين جدا وبحب احافظ عليهم بقدر الامكان ... لأنو طالما مجدعين في الكرة الأرضية فمافي داعي افور دمي وكل البينا يبقى حكاية ... حكاية في سلك وسيرفر ... وبس خالد ... خلوني استفيد منكم ... انا لسه جاهل . |
اقتباس:
عوقتيني ... وانا جيت متأخر ... معليش جايه ترجعي الماضي ... خلاص الماضي ولى زمان وجفت . لكن الحياة مستمرة ومسكت في يدي ... ما بخلي حاجة توقفني . امكن لى خير وامكن لى شر .. في كلا الحالتين فاتح طاقة تفتح في أي حتة مش مهم ... المهم حصتي من الاوكسجين لسه ما انتهت ... وكل الخيارات مفتوحه لكن برضو عرفت حاجة مهمة ... مهمة جدا ما بالضرورة تلاقيني في اطلس أو ألقاها في ابن عربي وهي الحياة كدا ... ننبسط لم تدينا ... ونسبها لم تاخد مننا .. وفي الحالتين اسمها عمر مرات بنعيشو على الفاضي ومرات بعيش فينا وندمان ... د. بيان محمد ابوعاقلة يسلم عليك وعلى زاريا |
اقتباس:
دي براها محمده لكن خالد ما جابني هو خت لي الحبل في مركبي وليها زمن مطفحه وين ما عارف !!!! وانا عارف ح تجي لحظة ويقول ليها كوني والقى نفسي هنا ... واحسن حاجه اني ما بستعجل على رزق القراية وعارف بلقاهو متين ووين ... لكن لو عارفو بفرح ناس كان جيت من زمان لكن الخوف ما القاك مدبرسه ... وتبقى جيتي حاصل فارغ ... فالتوقيت الصحيح فرصتك الوحيد في أن تصل أولا تصل ... اوتكون او لا تكون ... كوني كما أود ... بسمله* |
اقتباس:
|
اقتباس:
يا تباريح الهوى ... قلبي مفتوح بالجمبتين ... تكوني إنتي ... لا لا حنين لا لا تباريح فهل تباريح بقت ذكرى ... لا اظن |
العزيز محمد ..
يصعب علي أن أعترف أنني ذات المذكوره أعلاه أربعه مرات ومره خامسه تثبت نظرية (تشابه البقر) ولكني ~ أعترف .. بقدرة قادر أصبحت ذكرى باهته ..! الشكر موصول لـ كم من الأحزان و الأحزان .. سعدت بوجودك هنا وأرجو أن يستقر بك المقام هنا (و بي أيضا) .. |
حانت لحظة ميلاد القمر
والقمر بوبا وكل نجيمات الوطن الهُنا تناشد صهوة جوادك بأن لا تخب هنا لكي تقف وترقص كما شاء لها الرقص وأن تري لنا أعيُننا سواتك الجميلات بتصميم راقٍ يرقي لمستوي أن يُري وأعيننا ما برحت تُتاوقٌ إبداعكم التصميمي هنا وهناك لتُعاين إبداعات القلم منكم وهو يُداعب أزرار الكي بورد عبر سودانيات شكراً مِقدار فِعلتكم الجميلة ونصفٌ ونيف شكراً محمد شكراً خالد الحاج |
اقتباس:
ولكن من السهل جدا أن تصبح ذكري في عيون الغير اذا فرطتِ في نظرية الأخذ والعطاء ... التجاوب الايجابي مع الغير ... الانصهار بدواعي أمنية كتيرة لا تخفى عليك ... وكل منّا يعرف مدى حاجتنا للآخر ... وإلا سوف تحكم على نفسك بالإنزواء الغير مرغوب ... تعلمت من تجارب سابقة الكثير لذا لا اود أن اكون ذكرى وأنا على قيد الحياة ... ما بعد ذلك يذكرونني أو لا ... ما فارقه معاي هنالك احزان تُجملنا ... واحزان تُحملنا ما لا طاقة لنا به ... وفي كلا الحالتين (مفرمة) لابد منها فأبكي لكي اراك ... وتكلمي لكي يراك الجميع ... واسقطى كل الذكريات النتنة وتلك التي مرّ عليها الحول حتى تنتعشي وتحشُرين في ذاكرتك المزيد من الجمال ... من يتهاون مع يرقات الحزن ... سوف يكبر معه للأبد ... وهذه معضلة ... ومن ينتصر على غيره قوي ... ومن ينتصر على نفسه أقوي ... ومخطئ من يتصور أن دوره في الحياة ثانوي ... فيا تباريح ... صنفوراتي كتيرة ومحطاتي قليلة ... لذا سوف أمكث هنا لأجل غير مسمى ... وأدروب ولوف ... (دي منكم) |
اقتباس:
ربما أنا تلك الخيل التي تجقلب ساي ويحك !!! ترجلت عن صهوة جوادي فكبا ... ولغاية هسي ما ضقت عافية ولي الحق أن اداقش مهما يكلفني من تمن ... لي مساحة معكم انتم اخضرارها وطقسها المميز ... أستطيع اختيار الطريق ... ولكني لا أستطيع أن أختار من أصادف تلك مشيئة لا دخل لي فيها ... ولكني أعلم ... أنني محظوظ .. حتى في الكوتشينة لذا ... سأنزل من أول بايظ حتى ولو دو ... ناصر ... لو عندك سكر شتتو:D:D:D |
اقتباس:
و يخلط مزاجك بمزاج من تسنيم .. و زول كلامو وسيم .. وأنا بريدو .. |
اقتباس:
أنزل تعال يا حمام شتتَ ليك سُكَر هو مطلع أغنية اشتهر بها الفنان الشاب حمد البابلي وكانت من الأغنيات ذائعة الصيت .. إذن نحن بإنتظار هطولك المطر هنا ليسقي عطش العقل مع إخوات وإخوةٌ لك هنا ليسوا من صُلبِ والدِك ورحمِ أُمكَ |
شكراً خالد.. ومليون مراحب
|
اقتباس:
وزول يدخل عليك زي النسيم زي النسيم الماش ازيك يا باش يا ريحة دعاش والدنيا مسخنة روحي سلبة ... صاح ؟ اجمل حاجة تكون حاجاتك براحه براحة ... عشان انت عارف براك نتيجة العترة التي تصلح المشي والتي تأخر المشي أيضاً والوصول غاية يتحراها الكثيرون برغم أنف السكة ... والمشوار النصو شوك حافي القلب ... والكلمة تفتش عن مخرج طوارئ واسعاف الروح يأخذ من الوقت الكثير يا باش شكراً يا هبّاش ... |
اقتباس:
كان بى سكرك ... كان بى دو ... كان بى آس :D *ناصر رب أخ لك لم تلده أمك ... ومن الأخوات قول كتير وياما شفت ولاقيت ولسه بطن السما طامه ... وانا ريقي ناشف ... ما تقعد تشتت في السكر وتشرب قهوتك مسيخة ... طيب:D |
اقتباس:
مالك زي المجبور على بت عم ؟:D:D:D:D:D ولا بطنك طامه ... على فكرة ... أنا على بعد هاتف منك ... بدون صفرين ورمز دولي ... على الأقل ما ح اقول شليل وين راح ... تحياتي |
يسعد أيامك..
وعفواً.. بالإضافة لي إنو رمضان مسخًن و مافي فرقه إعتمد نظرية أدروب في رمضان " لو ما المضمضة دي.." + مافي فرقه ل" الدار دارك.. أبقى خاشي لي جوه.."بإعتبار إنو حقيقة الدار دارك إعتمدت هذا الكم الهائل من المراحب. لك من التقدير حتى تآمن |
اقتباس:
الجرسة ليك شنو ... لكن ما بطمنك واقول ليك في فرقه لي حاجة . اولاد تسعة وباقي تسعة وابقي عشرة على روحك تحياتي |
يستهويني كل جميل دوماً ...
أشهد الله ان توقيعك جميل جداً ... أهلاً وسهلاً ... ياجميل . |
اقتباس:
ايليا مع تحياتي أخ جلال |
تعرف يا محمد أبو عاقلة يخشو ليك من وين ما معروف
زى ود الموية . . غايتو شجعنى موافقتك لى بى هناك يوم فى الديم عندنا حفلة والفنان ختوه فى بيت تانى وجابوا ليهو تمرنا نادوهو يعمل وصلة .. فتح الباب بالقلبة والعتب وقع فى راسو وطبعآ طرشقت وأهو زى ما قلت أنت البركة فى الأكسجين الفاضل ألف مرحب بيك |
اقتباس:
بهناك ... البت عارفه اي حاجة .. لكن تقول شنو ... فتح جروح والجروح بتروح لو دقيقة !!! بعدين انا بتكيف ليك ساي كدا ... ما اظن فيها حاجة لو قلت ليك كدا دقيقة ياخ ... الفنان مالو ؟ :D:D:D:D طرشقت دوماتو ولا تمرنا ... تعرف : اي بهجة بتتوقف على مصير واحد تاني ... لو مشي ركب راسو .. ضيّع اي حاجة احلى من الحرية مافي ... والسعادة البتجي سهوا محمد سعيد جدا بجيتك |
بقلمك تزدان سودانيات . .
كما ازدانت بتصاميمك. ألف مرحب محمد أبو عاقلة. |
اقتباس:
وما أمر أن تنتزع الكلمة لكي تجامل ... فالكتابة روشتة داخلية لمرضٍ مزمن لا أريد الشفاء منه ... مشكور اخوي عكود جداً جداً حتى نلتقي في حرف ما أو جرف ما بكلمة ... أو بعض ماء |
مرحب حبابك يامحمد الدار دارك ياحبيبنا وأتمنى أن يطيب بك المقام |
اقتباس:
مريت علي كتير قبل ما أشارك ... ولم شاركت غبت ... وسألت عليك بيني وبين نفسي ... اديتني احساس كدا بقولو ليك بعدين ... لم تاخد علي ... طيب ... تحياااااتي |
[align=center]حبيبنا محمد قريب الفحل :D:D
كلي اسف ان تاخرت في الترحيب الرسمي :confused::confused: و العتب على الطشاش و العمى :D:D لكن طبعا مرحبين بيك في الساحة الشعبية و الكمبو و اشلاقات المنبر من زمان و كدة :D:D[/align] |
يا محمد يا ابو عاقلة ....
سلامات ... يلا رحّب بى انت :cool: |
نرحب بالجديد عتيق
إن كان أخو أو رفيق ما دا الحلا خالد وكت الضيق اقتباس:
عارفك من حركات الأصفر والإنقلب أزرق يا كا زول فنون ما رحبنا بيك زمان لكن برضو المابيعرفك بجهلك سماح فيصل في سواطو وسط الأراشيف ياهو بيجيب لينا جنس دا يخلينا صغيرونين وبيني بينك يا أبو العقل والعاقلة الصغر سمح،،،،، وكت الكبر حار يجرح |
يطرشني كان فهمته حاجة
انا جيت لقيت محمد دا سيد بيت ومحككككر في الديوان .............. وخاتي ابريقوا وعصايتو :D الليلة اجي القى بوست ترحيب ............. ودخلته وافتكرته نفسي بقراء في حاجة من الأمس ......... اجي .................. فهمونا بهناك محمد يا رائع في كل الاحوال الماضي والحاضر والمستقبل لك التحية والتجلة ومرحب بيك في سودانيات .... :rolleyes: |
اقتباس:
انا دائما عامل اعتبار للخوة و المودة و العشرة ، و راعي حرمانك و خاشي عامل السن واحد و ستين قيراط :D:D |
اقتباس:
ودا الشجر الكبار ، مليان صمغن أصيل مافي شيتن ليه بيخاوي بوصيك، حضر من حسي وأجمع سنين ولي عمرنا دا ما تجيهو خاوي تعال بي حبوب الضغط والإنسولين والزرق والبيوض ولا؟؟؟؟ تبقى حاوي |
اقتباس:
يا الحبيب الحبوب لك المحبة الصافية كما تعلم :):) ان شاء الله تقضيهو الفة و محنة و خير وسلام :):) بس نحن زعلك تب :D:D ما بندوروا و اجزخانتك الشايلها معاك دي ارميها البحر و كدا :D:D |
اقتباس:
ذكرتني خيمة ناس البكا ... واحد يجي يرفع الفاتحة ... ويقعد ... لا يخلي سياسة ... لا كورة ... لا شمارات ... وبعدالمواضيع تكمل .... يسأل عن اصحاب الوجعة ... يقول للقاديهم (النّوري وشنا) مع انو بوستات الترحيب نفس مبدأ النوري وشنا ... أو (نحنحة) وفي البوريك وشو وعيييك وفي البجي داخل توووش ... وفي كلٍ ... اثبات وجود ... بفكرة او بدونها ... لكن انت كنت فاضي لي ... طشيت معاك في السما التامنة لغاية ما روحي طلعت !!!! إلا نقول ليكم !!! *والف مرحب بيك حبيبنا |
اقتباس:
ويستاهلك الخير يا ود مخير ... (هنا رجعتك عشرين سنة ورا) تحياتي بما تسع |
اقتباس:
ما سمعتي بى الكومر الركبو فيهو مكنة هايلوكس ... وتيب اذا كان الديوان فتحتو بت ... بلا اباريق بلا عصي ... والجلابية بنلبسا من العيد للعيد ... والله لا جاب ليك طرش ... وتسلمي |
| الساعة الآن 11:18 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.