ياناس أمدرمان لماذا كل هذه العنصرية؟
الكلمات التالية كانت ردا على الأستاذ المرحوم عبد الله محمد زين في الفترة التي كنا نتحاور فيها على صفحات جريدة الخرطوم عندما ادعى بأن كلمات أغنيتي الحقيبة وجه القمر سافر والناعسات عيونن من نظم الشاعر العظيم المرحوم صالح عبد السيد أبو صلاح وليستا من كلمات والدي المرحوم مسعد حنفي.
والأستاذ عبد الله محمد زين هو شاعر أغنية أنا امدرمان وهو من عشاق امدرمان المتعصبين لها. فكتبت هذه الكلمات رافضا عنصريته وتعصبه لمدينة أمدرمان.فقلت: وزي ما قال عادل امام ماحنا كمان جدعان أوي:) ================= يا عبدا لله ود الزين زمان سويت أنا امدرمان نسيت باقي الوطن كله والخرطوم نسيتا كمان نسيت بحري ونسيت شمبات كأن البقعة هي السودان دحين أسمع كلامي الجاي كلام أخوان و كلو حنان أنا البعشق تراب بلدي أنا الخلوة أنا الحيشان أنا الحلفاية والجيلى أنا سواكن وبور سودان أنا الفاشر أنا نيالا وجزور الغابة في شيكان أنا توريد وأنا ملكال أن نيمولى وكمان جيزان أنا خرطة وطن كامل أنا العزة أنا السودان تغيب عنى وترجع لي تلاقيني ديمه بيك فرحان تلاقى صغاري في الخلوة بيقروا ويحفظوا القرآن كفاك البركة في ترابي و قراية الفقرا في أم ضبان أنا خير الأرض كله بلد ما فيها زول جيعان وكان جنياتي ضلوا سبيل بيرجعوا تانى يبقوا حنان (فتحي) |
ياحبايب ما تزعلو الكلام دا مقصود بيهو ناس معينين هسع بجوني ناطين سالين لسناتم دايرين
يشاكلو لكن انا طبعا حأزوغ واسيبهم يتهروا بي غيظم بالمناسبة انا من بحري لكين 90% من اصحابي من أم در وأهل أمي من بيت المال ونسايبي ناس موللة الصياغ من حي العرب يعني نص انتماء لكن المشكلة ناس بحري وامدرمان مكجنين بعض بدون سبب وأنا ما معاهم في دي لكن العنصرية الزايدة مرفوضة وأنا ردودي حتكون بس علي الناس الما قاصدم بي كلامي الفات لكين القاصدم احسن من هسع ما يتعبوا روحم ويريحوا الكيبوردات |
والله يا فتحي انت عزيز علينا معزة ناس امدرمان --وتابعت انذاك حوارك مع المرحوم عبدالله محمد زين --ويا خوي امسحا فينا
بس حقيقي ناس امدر ما عنصريين بس بنحب بعض شديد واناريو طلع تلاته ارباعك مننا وعشان كدا الظرف دا كلو -- مع الود |
ما قلت ليكم هسع بجو ناطين لكن انا اتعلمت اني ما احرج الجنس اللطيف ولذلك استثنيت أم راشد من القرار0 فضلوا. الباقيين ومافي استثناءات تاني0
|
اقتباس:
تلقاها عند الغافل |
شفتو ما قلت ليكم برضو ما قدر يصبر وعامل فيها شيطان ودخل بي ضحكتين وكلمتين
|
شفتو ما قلت ليكم برضو ما قدر يصبر وعامل فيها شيطان ودخل بي تلاتة ضحكات وتلاتة كلمات حسبتها في الاول غلط
|
اشوف نعيم دنيتى و سعودا
إمتى أرجع لى ام در و اعودا أشوف حبيبتي و انظر خدودها عساها ترحم و تكون ودوده إمتى أرجع لى ام در و اعودا نحن نحب السودان كله دون فرز، و نعشق امدر على وجه الخصوص فقط لا غير دون كراهية اي جهة ثانية، فخلوا روحكم رياضية و ما تغيروا من غير ذنب و اسباب. :cool::cool: لك كامل الحب يا ود بحري يا خواجة :D:D و زي ما قال صاحبك، تلقاها عند القافل جوكر في كرتين :D:D |
يافيصل ياخوي هو في حاجة جابت السودان لا ورا غير الكشاتين دي واحنا ذاتنا بقينا جواكر
|
اقتباس:
والله عالم بنا وعارف الميضنة ساسها مما إنبنى ماها لي ربنا ميضنة بشتنة والرسول كجنة ميضنة كشتنة والله قد لجَّنا من مياضن الدمار الله هوي نجَّنا وأبني فينا الوقار لي جنا الكم جنا إنت فارج الكروب للبطولبو العنا يا مخارج الدروب من متاه الضنا حكمتك في القلوب بس ندور نتْبِنَا إنت ياك طبَّنا وياك خلاص قلبنا من دواس شعبنا سو رصاص حربنا فاس لقى وعبَّنا بالصلاح رضّنا لي فلاح أرضنا نبني للميضنة التبر فرضنا التصون عرضنا وما تضر بعضنا " إنها السودنة منّها الهودنة ويبقى يا حاكمين كلمة العالمين مافي من يلكنة وحكمة الآدمين مافي من يسجنة ولاَّ ماب ننكتم ننهزم .. ننهزم إلاَّ ماب ينحكم بالضلال شعبنا فنم لا تهم كشكشة كوزنة والبغُش الغبش ماب يغش ربنا حزب من كذب ماب يقوِّم بناء وبناء منخرب ماب يعمِّر بنا [/align] |
يا فيصل ياخوي
الله يجيب دعواتك ويودر خوفك قول يامين0كلام ظريف ومرتب ذكرني ميضنة جامع ود نوباوي وما تخاف كل أول وليهو آخر واحنا المقعدنا علي الكي بورد شنو غير قلة الشغلة ولو ما عملنا كدا ببقي حالنا زي الكتبتو ليك في البوست الهديتك ليهو وخايف تخش تعاين |
عمنا فتحي ،،،،،،،،، لك التحية عذبة نقية
والتحية موصولة للناعسات عيونن ... أم درمان ربما ارتبطت بالقومية السودانية لذلك قد ترى مايشبه التعصب من أهلها ولكنه لم يصل الى حد العنصرية ،أنا ياعم فتحي من مواليد هذه المدينة العظيمة ولا أخفيك سرا أننا أصبحنا نحيا على النوستاليجا .. لك العتبى حتى ترضى ولمدينة بحري الجميلة (في بحري سر الهوى وغير بحري مالينا دوا) ... تخريمة باليمين: اقتباس:
|
اقتباس:
والناعسات عيونن أنا سألت الوالد الله يرحمو قلت ليهو دي منو لكنو أبا يقول لي وفي الحقيقة أنا ما فاهم السر في حب الناس للناس العيونن نعسانة:confused:أظنهم راجينهن ينومو:D:D |
اقتباس:
|
[QUOTE=Hassan Farah;81948]فى البداية ارحب بالاخ فتحى سعد فى هذه الدار-- شرفت ونورت يا استاذ- واضم صوتى اليك-- بعض ناس امدرمان عنصريين--اها يا ود اخوى الرباطابى-- عمك جابو للقراية فى الاحفاد من الرباطاب د وعمره 6 سنين--واول جملة سمعها- ها العربى دا-- هذه العنصرية دفعتنى لان اواجه الامدرمانيين وغرورهم واعتبرهم اضينات ساكت---[/QUO
العزيز حسن فرح شكرا ليك علي الترحيب والدعم اللوجستي مع اولاد امدرمان وخلينا نعمل هدنة شوية ونقول يعشقون امدرمان الي درجة العنصرية ضد كل من هو ليس امدرماني0والرباطابي دا راجل طيب وبعدين ديل ناس عندهم ضهر بي جاي شوقي وبي جاي ود مخير 0غايتو أخير نلزم الصبر ونبقي احنا عنصريين وناس امدرمان ما يقطعوا الكبري وكل زول بي عزو يرتاح0 |
أها ياحسن فرح أنا خليت ليك خط رجعة كان الجماعة جوك ناطين قول ليهم أنا قلت (بعض) ناس أمدرمان ما قلت كل ناس أمدرمان0ولا رأيك شنو يا (حسين) دي بدل (سعد)
|
عمنا حسن فرح .. نهارك بي بشاشاتو
مازلت معترضا على اللفظ (عنصرية) ... أهل أم درمان يعتبرون انهم ينتمون الى أم درمان أكثر من انتمائهم حتى لقبائلهم ، ولايخفى عليك أن الزمكان الذي بامكانه أن يحطم النعرات القبلية (أم درمان قبل الفيضان) لهو زمكان جميل ... وربما يكون من متنفسات هذا الظهور عمليات التصاهر والانصهار المختلفة التي شملت جغرافية واسعة في أحياء حي العرب وأب روف وبيت المال ...... الخ . هذه العصبة التي خلقت تعصبا وليس عنصرية ....... فمن كل هذا تصبح ياعم حسن عريبي ساي اذا جيت أم درمان قبل الفيضان :D:D تحياتي النوادي... |
اقتباس:
أنا زاتي قلتا يكونو راجينهم ينومو لكن وقفتا هنا ولو تقدمت لاحترقت:p |
[media]http://sudanyat.org/hageeba/sudanyat.org.ss019.wma[/media]
|
الله يفتح عليك ياخالد والفنان دايما تحركاتو بتكون كلها فنانة. لكن البتغني دي منو؟
|
اقتباس:
ديامية أصلية ورحلت إلي الصحافة مؤخرا.. بينا صداقة قديمة من الديم وعندي تسجيل قديم وهي تغني لي (سخسيا) وبالإسم :o والله كانت أيام حلوة .. بالمناسبة يا فتحي قبل عامين دفعوني 6 مليون قالو سعر قطعة أرض في أمدرمان ويعميني ما شفتها وما عارف بكانها وين عشان ما تقول لي وصفها. يعني بقيت منكم وفيكم الله يديني القريشات أبنيها :( |
اقتباس:
|
اقتباس:
بكانا بوين؟ ما عليك إن قالو ليك أوصفا؟ قول دي متحكرا في محلن زين دي في أمدرمان، دي في الجنة، في البقعة يا سامعين مرحب بيك معانا وبختهم وليداتك، قدرت تنسبهم لي بلد الأمان الغالية أمدرمان وفتحي لو دار ما بخليهو يشتري حتى لو بي عشرة بليون همسة سميرة دنيا ما أظنها من أمدرمان وكان يكون جميل لو مننا لكن بتنا ندى القلعة وولدنا عاصم البنا وعبد الله أخونا وعمنا * المرحوم عبد الله محمد زين، حبيب وشهيدا لأمدرمان |
همسة
سميرة دنيا ما أظنها من أمدرمان وكان يكون جميل لو مننا لكن بتنا ندى القلعة وولدنا عاصم البنا وعبد الله أخونا وعمنا * المرحوم عبد الله محمد زين، حبيب وشهيد لأمدرمان __________________ ياخي ما قال ليك من الديم انت مالك جنك لفحي0اصبر فان الله مع الصبرين اذا صبروا |
[QUOTE=خالد الحاج;81959]
العزيز خالد حاولت اطلع الرابط بالاقتباس زي ما قلت لي لقيت برضو بيديني البوست كامل مع اني عايز بس الاغنية في حالة حبيت اهديها لي زول00افيدنا افادك الله |
اخى فتحى سعد -اولا الشكر لخالد الحاج فقد سلط علينا ضؤ القمر السافر بأدإ سميرة دنيا العذب -- بعدين يا ناس امدرمان-- انا براى البتهمكم-- امال حملة التهميش العصفت بالبلد دى سببها شنو--زميلنا غاذى سليمان كان زمان يعيش فى حى الرباطاب جوار ميدان الربيع= حكى انه شاف ولد من عندنا جابوهو جنازه من الرباطاب دخلوهو المستشفى بعد فترة شافو فى الشارع صحتو زى الحصان-- قاليهو ما خلاص ترجع السافل-- الولد شعر بالحقرةن --فرد--اها- انا انما كملت رغيف امدرمان ده تب مانى راجع---
|
اها خمو وصرو-- جوكم-- قوة -قوة خرطوم جوه--امدرمان جوه--
http://sudanjem.com/Video/JEM_VTS_01_04_2.htm |
http://sudanyat.org/hageeba/sudanyat.org.ss019.wma أنا يا فتحي عطلت وظيفة (الماوس اليمين) . بعض الإخوة ينقلون من سودانيات ولا يشيرون للمصدر وهي قصة بتوجع البطن. علي كل حال يمكنك إستخدام (control + C) لعمل كوبي و (control + V) لعمل لصق . بعد التظليل طبعا . |
اقتباس:
كيف الواحد ينزل غنية في سودانيات كيف غتاتة شوايقو لا من يوم جيت إشتريت قطعة أمدرمان إكتسبتها |
اها خمو وصرو-- جوكم-- قوة -قوة خرطوم جوه--امدرمان جوه--
سؤال برئ: الناس ديل منو البمولهم وكان قلنا السلاح غنايم من الجيش طيب باقي المصروفات(ملابس00أكل000عربات000تكلفة معسكرات زائد ذخيرة0 وما هو المقابل لهذه المساعدات00وما هدف تلك الجهة والتي هي بالطبع جهة أجنبية من تقديم تلك المساعدات فنحن لسنا بهذه السذاجة كي نصدق انهم يفعلون هذا لوجه الله أو حبا في شعب دارفور الذي لا يعلمون عنه أكثر من ما يقرأونه في تقارير مخابراتهم المغلوطة ويكفي أن ننظر لما يحدث في العراق حتي ندرك حجم الكوارث التي من الممكن تتسبب فيها تلك التقارير فيقع شعب ضحية كارثة يبلغ حجمها أضعاف الكلرثة التي عانوا منها0 نحن نقف مع الاخوة في دارفور في نضالهم المشروع ضد حكومة الظلم ولكن دون أن نتحاشي الوقوع في حفرة ثم نقع في بئر عميق بلا قرار0 |
الكلام دا انا بقولو من زمااان تعصب لي ام درمان
مع انو بلتمس ليهم العذر لانو الوطن بقعة بشكلها الانسان في داخله كيفما شاء يسكنه والدليل اننا نعيش السودان بي الرغم من البعد فلا بأس ان تشكل تلك البقعة لدي البعض كأم درمان في اعتقادي ان ام درمان تجربة حب لن تتكرر لكن العنصرية حاصلة واهل ام درمان يرفضون كل ماهو غير امدرمانى ودا كلام مامن فراغ لانو انا عايشة في امدرمان واهلها كانو بيشاكلوووني لما اقول انو انا ساكنة ام درمان لكن انا من شندي |
وشهد شاهد من أهلها 0أها دي ساكنة أمدرمان وبتقول الحقيقة بكل شجاعة والغريبة طلعت بلدياتي يعني شنداوية بس يانسايم :عطرة ما بتقرب لي ولا كانوا أهلي بيسووا الفراد عشان مخك ما يمشي لي بعيد لكن أبوي ذاتو مولود في شندي ولكوندة عباس حنفي سيدها عمي وهاشم عباس صبحي نسيبي
|
اقتباس:
انا زااااتى شايقية وزرعونا في شندي علشان نلطفها نسقيها بي شوية محنة وجمال من بتاااع اهلي الشوايقة وفرااد شندي مشهورة في الاجازة لازم اشتري لي اتنييين والغريبة انى مابلبس توب |
عزيزي فتحي لك التحية والمودة
شوف يا حلبي انت آخر انسان يتكلم عن عنصرية أم درمان كدي ناخدها واحدة واحدة روعة أم درمان أنها تنبذ العنصرية والجهوية تجي من أي مكان في العالم تقبل بي طريقة الحياة والكلام والسلوك الأم درماني أنت تصير أم درماني عشان كده أنا قلت قديما "يا بلدا زي نهدا ما عرف شقريب حلوة زي الحجري الفي الشلوح عسليب فيك العليل بيطيب وانت للمريض محريب جراب العرد تشيل وابدا ما بتابي غريب ساكن البقعة ما بضوق المر وزول أم در كان ما نفع ما بضر الحنقوق نوعين الانتاية والضكر والخلق شكلين فيهم البعرف أم در" أول شي إنت أم درماني اكتر مني بدليل أمك الله يرحمها خالتنا أمينة بت الهندي كانت من بيت المال ومن عباءة بيت المال خرجت أم درمان . وناس بيت المال ديل احن ناس في العالم ، أنحن اطفال يلقونا نسوان بيت المال في الشارع يقولوا ليك تعال يا ود حشاي النشمك ويحضنوك لامن ضلعوك تقرب تتكسر ويقولوا لي نحن أهل الحرم أم حبوبتك زينب بت الحرم وزينب يت الحرم كانت جارة جدك المطبعجي الذي كان له بيت طوب وسط بيوت الجالوص. بيتهم يفتح علي حوش نقد والد الإداري الدرديري والدكتور عزيز نقد. من جيران جدك آل أبوجبل وآل أبوالقاسم زال النصري وال شمشوم وال الدعيتة اهل هاشم العطا وال خال العيال وال حمد. وجيران اللواء صديق حمد وآل أبو شقة وآل سوركتي وآل جارنتوت والبلوك . والدك رحمة الله عليه الرجل الوسيم الذي طاف كل السودان وكانت له صولات وجولات لفا ودور وجا أخرتها أم درمان وأنت ذاتك ما لفيت الدنيا دي كلها شمالها وجنوبها إتزوجت من حي العرب اللي هو وادي عبقر بتاع أم درمان . وأم أحمد لو لم تكن بت أم درمان ما كان قدرت عليك . وأولاد ملة هم احد ركائز أم درمان وجيرانهم في حي العرب (حيث الطرب) جيران إبراهيم عوض والتاج مصطفي وسيد عبد العزيز و عبد الرحمن الريح وميرغني المأمون واحمد حسن جمعة وعبيد عبد الرحمن وعمر احمد (كان بدري عليك) والرائع عبد الله محمد زين رحمة الله عليه. عنصرية شنو يا فتحي قبل شهر أنا مش قلت ليك امش قابل عثمان أحب زول إلي نفسي واقرب إلي من أشقائي وهو الآن موجود معاك في القاهرة . والد عثمان ناصر بلال كان بمثابة الوالد بالنسبة لي ويحمل اسمه احد أبنائي وهم مجموعة أكثر من خمسة عشرة ابنا وابنة من أم واحدة وكنت أعتبر منزلهم منزلي والقليل من الأدب الذي تعلمته تعلمته في منزل عثمان ناصر وهم من أعالي النيل ونحن رباطاب هاجر جدودنا بسبب ضيق العيش في السافل وجمعتنا أم درمان وصرنا أهل وأقرباء. وكانت والدتي رحمة الله عليها عندما ننادي عثمان بود المكة كانت تقول ده ود الملكة وهو ذاته أمير. الطيب سعد الفكي أتي من الشريق في الرباطاب والتقيت به صدفة في الجنينة قدام المجلس البلدي وكان يكبرني بثلاثة أو أربعة سنوات وصار احد سكان منزلنا وشقيقنا ولي ابن يحمل اسمه وله ثلاثة من الابناء يحملون اسمائي واسماء اشقائي الشنقيطي وشوقي واسعد وفي البداية كانوا ينادونه بالطيب العربي نسبة للهجته الرباطابية ثم صار من اهم الشخصيات في العباسية وصار رئيسا لنادي الربيع اقدم من الهلال والمريخ وتوقيعي في سودانيات " العيد الما حضرو بله اريتو ما كان طله النسيم بجى الحله عشان خاطر ناس بله انبشقن كوباكت الصبر وتانى ما تلمو حتى مسله قالوا الحزن خضوع ومذله ليك يا غالى رضينا كان ننذله" لم احزن علي أي بشر ولا أزال ابكي ويبكي القلب كل يوم علي توأم الروح بله جمعتنا أم درمان وسميت احد أبنائي الكبار عليه أتت والدته من أعالي النيل وهي من الدينكا ووالده من النوبة الميري إلا انه أم درماني 100 % كما ذكرت في كتاب حكاوي ام درمان اننا كنا جيران لمدام أوجين وهي من آل كوركجيال وهم أرمن لم يجمعنا معهم إلا الجوار ولكن لما أمي كانت تقول نادوا أخوانكم للأكل لم نكن نحسب أن البنات شوشيك وهينازان واناهيد واستفان او أبناء اختها الذين كانوا يسكنون معها قاري وارتين بمثابة أشقاءنا وأخواننا ولم نفترق عنهم ليلا ولا نهارا الي ان انتقلوا الي الخرطوم وكنا نسخر منهم في بعض الأحيان لأنهم قد سكنوا في الحواتة في النيل الأزرق وكانوا يؤمنون بالفقرا والسحرة وهذه من الأشياء التي كان أهل ام درمان قد تعدوها. وحتى بعد ان انتقلت مدام اوجين الي لندن بهد ان تزوجت ابنتها من مدرسها في الأحفاد البريطاني لم تنقطع صلتنا وكنا نزورها عندما نتواجد في لندن . إنت يا حلبي بعد ما نحن سافرنا من أم درمان صحبانك كانوا منو مش أولاد أم درمان ؟ شفت أحلي من خوة أولاد أم درمان أصدقاءك طه إمام عبد الله وعثمان عبد المجيد كوارع ومحمد المهدي مسعود الحلو ابن عمة بابكر مخير مش قبلوك وشالوك في راسهم وحبوك نحن ما عنصريين نحن رائعين وروعة ام درمان انه ما عندها سيد تجي تخش فينا تبقي سيد البلد ما عنصرين مميزين مميزين يا فتحي وأنت عارف وكان مغالطني أسأل الناس القريبين ليك أم درمان كانت تقبل أي انسان اذا عاش بقوانينها واخلاقها . ــــــــــــــــــــــــــــــــــــــــــــــــــ ــــــــــــــــــــــــــــــــــــــــ الشقريب : هو انشطار الجلد او تشققه نتيجة لترهل او حمل الحجري : هو البطيخة او الشمامة التي في اول الشلح وهي الاجود والاحلي والشلح هو العرق الحنقوق : الجزء السميك من الزعف العرد والمردس نباتات يدبغ بها الجلود وجراب العرد هو اقوي واجمل جراب ولهذا يقولون عن الشخص القوي الذي يتحمل فلان جراب عرد |
الي عزيز أعزائي وعزيزي شوقي
=========== حي ووب جاني اللا بسكت ولا بقول الروب0 يازول انت الجابك شنو ناطي ما تخليني الاعب الناس ديل شوية أنا جيت لقيت في ناس عاملين ليهم حرابات ثنائية واقعين سلخ في روحهم قلت أفتح لي شي يلهيهم شوية0 وأخونا المرحوم عبدالله محمد زين ما انت كنت السبب في شبكتي معاه لما في شقتك الفي المهندسين مليتو لي راسي انت والمرحوم حسن عطية لاعب الهلال الراحل وقلتو لي لازم ترد عليهو0 خليتوني ادخل لي في معركة كلامية مع الزول دي استمرت لي شهور عديدة0 أما أخونا المرحوم حسن عطية فقد دامت علاقتنا الي يوم سفره الي السودان بعد أن قمت باقناعه بالرجوع الي السودان حيث وافته المنية فندمت علي رجوعه وقلت في نفسي ياريتني ما قابلته عند شوقي 0 نفس الشئ مع المرحوم بلله الذي من ما سمعته من حكاوي بلله منك قمت بالاتصال به عند ذهابي الي السودان فوجدت شخصا عظيم الأدب لم أصادف مثله بين من عرفتهم في ربع القرن الاخير أما عمك عثمان فقد اتصلت به عدة مرات وهو أيضا قد اتصل بي ووعد بزيارتي بعد أن وصفت له البيت ولكن يبدو ان اقامته في 6 اكتوبر مكسلاه شوية وبيني وبينك أنا ملاوز الراجل أقعد معاه تقوم تحصل ليهو حاجة أحمل نفسي المسئولية0ربك يستر0 لقد صدقت في كل ما ذكرته وأنا قد قلتها واضحة بأن 95% من أصحابي هم من أولاد أمدرمان (عجايز أمدرمان حاليا)فلا أحتاج الي تذكيري بما اعترفت به ولا تنسي اني كنت محظوظا في اختيار خيرة ابناء أمدرمان لأصادقهم0 وأذكر انه في مرة قال لي طه امام ياخي دي حكاية عجيبة يمشوا أولاد أمينة يجيني برضو ود أمينة واحد أبتر والتاني هندي والغريبة كلهم يسافروا لي نفس البلد ضرتي الجديدة:D:D ود امام كان في ملكوت تاني في يوم وداعي وكان معاي مجدي أخوي الذي استمر مع طه حتي يكون هناك دائما ود أمينة موجود معاهو وبعد سفر مجدي حمل اللواء شقيقي الأصغر سمير0 ومن أعز الأصدقاء الذين تاهت عنك ذكراهم التجاني سلوم وأخوه صلاح والمرحوم الفاتح التجاني وقريبهم حاتم وأعز العزاز محمد عبيد أرباب أونسي (زوربا) في آخر سفرة الي السودان كنت في حي الشهداء ازور أخو زوجتي حسن شفيق صاحب المعهد الدولي في الشهدا وبينما كنت أتوجه الي سيارتي رأيت منظرا غريبا رأيت رجلا يمشي وخلفه امرأة وخلفهما ثلاث بنات صغار السن وكانوا يمشون خلف بعض في طابور مثل الجنوبيين الذين يمشون هكذا حسب العادة في المشي داخل الغابة لضيق الطريق بين الأشجار فاصبحوا يمشون بنفس الطريقة حتي داخل المدن0(هذا الشرح لابد منو حتي لا تعتقد بأني أستهزأ بحبايبك الجنوبيين) وأنا لعلمك أكره تعريفهم بالجنوبيين . المهم عندما دققت النظر وجدت أنه التجاني تايجر فناديت عليه فتوقف والتفت ثم قال فتحي مسعد معقولة وجاء مهرولا واحتضنني طويلا بقوة من ضاع منه شخص عزيز فوجده ولا يريد أن يتركه بعد أن وجده00وبدون شعور صدقني ياشوقي سالت الدموع علي خدودي ولم أستطيع أن أتمالك نفسي لعدة دقائق أما هو فقد بدأ يحكي لي ما حدث معه بعد سفري وذهابه الي السعودية ثم رجوعه وزواجه وكانت المراة التي معه زوجته مع بناته وكانوا ينظرون الينا بتعجب وأعتقد انها كانت المرة الأولي التي يرون فيها صديق حلبي لأبيهم0 وفي آخر سفرة الي السودان كنت يوميا في بيت شقيقنا المرحوم شنقيطي حيث أقابل الكثير من الشلة القديمة فكنت تري علي يطبخ الحلة ودكتور سهل يوزع في الفتاوي وكامل ابراهيم حسن وحضري يتناكفان علي جنب0 كانت اجازة لن تنسي0 شئ أخير زوجتي الأستاذة آمال شفيق همام وأقول أستاذة لأنها معلمة من خريجات معهد المعلمات بالأبيض وأكيد قد قامت بتدريس بعض عضوات هذا المنتدي لذا وجب التننويه0المهم هي شنداوية المولد كردفانية النشأة بحراوية العمل يعني ما تدخلها في حسبة ناس أمدرمان وهي كما تعلم ابنة عمتي وأبوها صعيدي من اخميم محافظة سوهاج وابن عمها مصطفي همام هو الارهابي الذي مازالت الحكزمة المصرية تبحث عنه وأبوها هو شفيق احمد همام من مواليد شندي ايضا0 أما الوالدة رحمها الله فهي من مواليد الدامر كما أظن وعاشت طوال عمرها في نفس البيت الذي ولدت فيه أنا في حلة حلب(حمد) وأمها من سلالة المطبعجية ذوي الأصول التركية ولي جدة مدفونة في قبب الأتراك المواجهة لميدان أبو جنزير مقابل النادي العربي القديم الذي خلفه نادي الخريجين0وأبوها هندي من لاهور قبل تقسيم الهند الذي جعل لاهور من مدن باكستان0 شفت يا شوقي التركيبة العجيبة دي:confused:أظن بعد دا لو فتحت خشمي الجماعة حيقولو لي وانت مالك كما قالها لي في براغ المرحوم عمر الدوش عندما تدخلت لفض شجار بينه وبين أخونا دكتور حسن عبد السلام فقد قال لي انت الدخلك شنو احنا سودانيين في بعض نتضارب نتطاعن انت ما ليك دعوة وترك حسن وحول المشكلة معاي أنا فاعل الخير0 وجيت انت هسع كشفت أوراقي كلها وبعد دا الا الزول يعمل حسابو شديد عشان مافي زول ينط ليهو في حلقو0 سعدت بمداخلتك وان كنت أتمني لو كانت تأخرت شوية عشان آخد راحتي في الجماعة ديل لكن انت دايما كدا لا ترحم لا تخللي رحمة الله تنزل0 لك كونتينر أربعين قدم مودة0 فتحي(أبو أحمد) |
يا حنفي كان داير تعرف العنصرية الصحي صحي، اخد ليك لفة في كرش الفيل ولا كرتون كسلا ،، و هناك ... السالم فشفاشو وارم...:o:o هسي عليك امان الله لو نحنا عنصريين جورج مشرقي و ابونخلة و العدني و رمسيس و العتبانية و القبانية ما كان بقوا معاكم في بحري ست الهوى :D:D:D
بعدين بحري ذاتها امتداد البقعة على وزن الخرطوم عاصمة الثقافة و كدا :eek::eek::eek:.:D:D:D |
اقتباس:
طلعت الحكاية كياشة مني ساكت والطريقة أتاريها سسسسسسسسهلا وما إحتجت لي رأفت عشان يسأل ولدو |
أخوي الصغير سنا فيصل سعد خليني كدي أمشي أصللي الجمعة وأرجع ليك بي رواقة وفي الوكت دا فكر انت غير العدني والقبانية في منو من ناس أمدرمان
|
يا حنفي كان داير تعرف العنصرية الصحي صحي، اخد ليك لفة في كرش الفيل ولا كرتون كسلا ،، و هناك ... السالم فشفاشو وارم... هسي عليك امان الله لو نحنا عنصريين جورج مشرقي و ابونخلة و العدني و رمسيس و العتبانية و القبانية ما كان بقوا معاكم في بحري ست الهوى
بعدين بحري ذاتها امتداد البقعة على وزن الخرطوم عاصمة الثقافة و كدا . =========== أها جيت راجع0 انت يازول بايتة معاك ولا بتنطط مالك من كرش الفيل تنط في كسلا وبعدين لعلمك العتبانية أصلهم من بحري ولسة في بحري من ما الله خلقني ساكنين جنب كنيسة ماري جرجس وأبو نخلة في الخرطوم ورمسيس اصلا في بحري وكان عندو أكبر بقالة في سوق بحري هو وأخوهو الفونس بعدين ما دام بتعرف العين مالك نسيت ود عوضون البقي شيخ محايات وعباس ريحان قون التحرير الزمان أبو موتر واسحاق الحلنقي قبل ما يرجع السودان وأزهري الشيخ(أبو بكر ) الشغال في المحكمة وعامر الشلالي الفي البلدية ألخ ألخ ألخ0 كدا القسمة بقت 75% انت و25% أنا ,وبعدين مالك ما جبت سيرة كفيلي ولا اقتنعت وما قلت لي دكتور مهدي دا آدم!!1 ok |
بعد إنتصار شوقى بدرى على حلب بحرى
يحيكم أقباط المسالمة إنتصارآ لأمدرمان [media]http://www.sudaneseonline.com/video/janayn.MP3[/media] المصيبة حسن خليفة عطبراوى وأبوداؤود من بحرى :D:D بس خليل فرح بربري من أندينا من أمدرمان |
| الساعة الآن 04:46 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.