بوستي برآآآآآآآآآآيا
العزيزات
الحبان قبل كدي خلودي!؟ فتح ليهو بوست وسماهو أو ما معناهو "أحسن وأسو بوست".. سخاني فيهو، لكن قول الحبيب!! مهما يكون أطعم من ضوقت طعم الذبيب،،،،، ذبيييييييييييييييييييب، آها يا ود الخال،، ما دبيب:D:D. عملتا للبوست دآ مقدمة في بوست أبو علي "إعتذار" ... ما حيهمني قبول البوست دآ، قدر ما بهمني عدم زحمة الآخرين في بوستاتهم... آها حسين خوجلي؛ بقول للحبان هشومي وخلود... الزول دآ والله ما عندي نحو آي ضغينة، لا سياسة ولا أصله ولا فصله، لا ما ضيهو ولا حاضرو أو مستقبلو،،، بس كدآ مكجنو،، هو طبعن شخصية إشتهرت عشانا إتعرف وأنا الحمد لله تحت ضل الحيطة وممكن لو كنتا بي شهرتو، يكون برضو حيكجني كدى في وجه الله تعالى... العيون دي ربنا أدانا ليها نشوف بيها والإشارات البتترسل للعقل وين بتتحل المعلومة المرسلة من العين، بيدرس الإشارة وبيحللها وبيقوم يرسلها للقلب البي دورهو بيخلق المحبة والكجينا،، آها أنا ممكن عيوني دايرآ ليها نضافا ولا تكون سلوك الإرسال بتاعت المعلومة متداخلا مع بعضها ولا يكون عقلي disk c فيهو؟! مهكر ولا فيهو فايرس والداتا البرسلها للقلب ما صاح ولا يكون يمكن؟ قلبي بطينو الأيمن ولا الأيسر ولا الإتنين مليانين كجنا بدون سبب.. غايتو خلاصتها؟؟؟ بكجنو كدا لوجه الله تعالى |
بكو
سلامات يا زول امس اتناشر بالليل قلت أجر ليك سلك الا الجيلى قال الليلة بكو دا حقى براى أها خليتك ليهو نرجع لحين خوجلى انت عارف حسين دا .. أنا مسميهو حسين الشاطر .. ومختلف معاهو سياسيا و فكريا و نشاطا و حتى ختت يدو فى خدو ديك ما متفق معاهو يها كل عمايلو دى بس بريدو كدا .. لوجه الله .. و كنت بمشى أحضرو فى الفرع .. ولى فيها برضو مآرب أخرى لكن بريدو ..و ما بقربو .. وعشان كدا صادقت ( كيسو) فى الجامعة .. الزول دا شاطر و بعرف من أين تؤكل أى حاجة و مثقف فى الادب .. لدرجة الجمال .. وشاطر فى التجارة لدرجة القبح .. و عندو بت .. فاهمة و ذكية و فى درب ابوها .. وبرجع ليك للباقى .. |
صباحـك نادي يا بكـور يا الحبـيـب..
يعني كمان ما للدرجـة التفـتح ليها بوسـت .. وإنـت راجل قلـبك أخضـر من عود الأراك جنـب الجـدول .. تجـربـتك العابرة معاه ما كانـت مشـجعـة فربما شـعـرت بتاعلٍ منـه أو معاملـة فـوقيـة فمعـظـم الناس تتـضخـم عنـدهـم الأنا عندما تعـمهـم بعض أضواء الشـهرة إلا من رحـم ربي وغالباً ما يكون من رحـم ربي ده يا إما صاحب عـِلـم ومعـرفة ثرة ، يا إما إبن ناس وولد أصول مأصّل، وأهلـنا قالوا " الما شـفتـو في بيـت أبوك بيـخلعـك ". أها مرة أنا ماشي بأطراف بري وكـنت بفتـش على بـيـت قالوا جنـب طلمبة بنزين النحلة .. لمحـت راجل واقف في الشارع بيودع زوار .. توجهـت ليه أسأله .. فإذا بي أمام المرحوم البروفيسور عبد الله الطيب .. أنا فوجئـت وبادرت بالإعتـذار لللإزعاج .. الراجل سلم عليّ والله كأنه يعرفني وسألتـه عن الطلمبـة .. فقال ليّ الطلمبة قريبـة .. إنت يا إبني من تلاميذي ؟ فأجبـته بأني لم أتشرف بذلك .. فأصر أن أدخل معـه البيـت (أنا بيني وبينك كشكرت على خفيف) قلت ليه معليش لو تسامحني .. فأعاد الرجل بكل أريحيـة دعوته فصحبـته .. رحب بي الرجل أيما ترحيب وأطلعني على مكتبـته وجلسنا في الفراندا وأكرم وفادتي وأحضرت زوجتـة (خواجية) بنفسها عصير الليمون .. الغريب في الأمر أنه كان يحادثني وهـو يكـتب في أوراق ويحافظ على تواصله معي والكتابة التي يقوم بها ... إستأذنت بالإنصراف فصحبني ليس للباب فقـط ولكن حتى طرف الشارع ووصف لي الطلمبة وشكرته وما زلت أشكره.. هذا هـو من رحم ربي. شـوف مثلاً ناس الكورة .. وللا الجعارين الفي غفلة من الزمن لقى نفسه وسط جوقة موسيقى في التلفزيون والواحد ما كمل الإبتدائي وتلقاهـو في الشارع كأنه بلغ الجبال طولا .. يوزع في الإبتسامات للأماليـد ولما يسـلم عليـه أبو شـنب يقتضـب في السلام. حسـع باقي ليك ود العجب بيسـوي سواة البروف دي .. ؟؟ أما حسيـن هـذا فله آلاف المعجبـين والمتابعيـن لخـطواتـه اليوميـة .. وأنا وإنـت يا بكـور ما بـتنقص منه كجيـنـتنا ليـه ولا بتـزيـدو خردلة .. فـدعـه لربٍ يعـلم سـرائره وجرائره .. الخال عاوز يقرأ عشان يعرف .. وده من حقـه طبـعاً ، لكن أها نقرأ لمـتيـن ..؟؟ يعني في ناس من أول قرايـة ليـهـم بتـعرف الطابع المهيـمن لأفكارهـم ومن أين أتو ومن هـم .. وما زلت عند رأيي أنه شخص دعيّ لا ولن يضيف إلى الفكر السوداني سوى بغاث القول. ودمـت يا صديقي صديقاً |
الجميل بابكر..
من الطبيعى جدا ان تتباين الاراء حول اى شخص و ليس حسين خوجلى وحده حتى المتنبئ دار حوله كقير من الجدل..!! الامر الذى يجب ان لا ننكره ان حسين خوجلى له قدرات فائقة فى الحديث و الكتااية فهو صاحل مفردة سلسلة جدا و له قدرات واسعة جدا فى الكتاية و ايضا يشهد له ان صاحب تاريخ ادبى و فنى كبير و ذلك بحكم معاصرته لكثير من الادباء و الفنانين فى ام درمان و التى كانت بؤرة من النشاط الادبى و الفنى...هذا بالطبع بعيدا من السياسة نحن طبعا لم نعااصر حسبن خوجلى ايام الدراسة الجامعية و لكن بالجد انا شخصيا تعجبنى كتاباته بالرغم من اى شئ اخر... اقتباس:
فى الفرع....:D معتصم... كيفك..؟؟ يديكم العاافية... |
اقتباس:
وبالذات لمن تكون واضحة كجنة كدا الف الف معاك فى الجكنة دى حسين خوجلى شدة و لضدة ملأ الاعلام السودانى ضجيجا و جعجعة سااااى ما كان اخير ليهو يغنى واو يشد العود على فكرة قالو على ذمة السمعهوهو صوتو برااااااااى |
اقتباس:
يا خالد الحاج أخوك عايز يغير اسم الدخول |
الحبيب ود مخير
شوف أنا تطربني كتابات حسين خوجلي ويعجبني استنطاقه للضيوف في برامجه ولا يعجبني فيه عدم اهتمامه بما قد يظنه الناس فيه حين يتكلم أو يغرس إصبعه في خده |
اقتباس:
حبيب الشعب أنا يتخيلّي الماعاجباك فيهو عمّتو دي بسسسسس:p تسلم ياملح المنتدى...وسكّرو (بتشديد الكاف):) :D |
اقتباس:
:D مودتي |
[align=justify]د. بابكر تحياتي
قولك في هذا المتحذلق قليل وكرهك له هو كره للباطل فهو خير مثال له و لا تغضبك أقوال تستثنى أدب أخلاقه وتذكر أدب أقواله أدباً ما يعلمه الأدب طائر فكل إنسان يستطيع أن ينمق أقوالاً وينقل من متردم ويقتبس من معين لغة لا ينضب ولكن يصعب على كثيرين من أمثال حسين خوجلي أدب السلوك كما دل بكتباته ذات الألوان الصفراء التي أدت دورها المرسوم بكل قذارة نالت فيها من الأفكار والأعراض ، ولا تحزنك شهرته سيأتي يوم ينسى الناس حسين خوجلي ولا يبقى في أذهانهم له غير صفاقته وقلة أدبه وحذلقته لا تحسبن الله غافل .[/align] |
منو الحبيبة
الحبان دون فرز حسي أنا؟؟ زنقة كلب في طاحونة.. عمر؟؟ ذي الموية يتسرب بين الأصابع رزق؟؟ أفتشو وهو الخايف عليهو ما يبقى ضايع فرحة؟؟ بي شقيقتكم والفي بطنها والكون بي طوله وعرضو ليا ما سايع.. "من سعة" بجيكم واحدة، واحد وبْسَمِع الما قرا وللحتى بي خرفي ما هو سامع ... آدوها صنة;);) ويا عمدتنا حبيبنا بجي ليّْ كيسو؟؟؟؟ ويا كيشو للباطل والإعجاب وعدولي بجيك للعمة الملبوسا... منو، يما جاييك للمية مية ويا ود عثمان للبوؤر والأمور السياسية.. يا هشومي روق ليا وإن كان برآك ذكرتا للمعاملـة من البروف الما الفـوقيـة... :cool::rolleyes: |
اقتباس:
الزول دا بصراحة كان فردة بطريقة انو الريدات كانن صاحبات ..( قديما) .. يلا انسى الموضوع دا ..خلاص ما تجي لينا الهواء من كل الجهات .. لكن زول شاطر .. والصحافة شطارة بعرِف بمرق معلومات من الزول البعمل معاهو لقاء .. و بحضر نفسو للقاء كويس .. و ذكي .. و سمح ..انتو سيدنا يوسف ما كات نبي و سمح .. ما بغرز يدو فى خدو .. لكن كان سمح .. نعم .. بستعرض عضلاتو .. لكن زول قراي .. وزول بعرف هو عاوز شنو ؟؟؟ طيب ما دا النجاح .. الهدف .. الاستراتيجية .. الوسيلة .. الخطة .. تنفيذ الخطة .. |
سلام للجميع،
الراجل شاطر ويعرف من أين تؤكل الكتف ومن أين يبدأ الحرف. بس لو خلاّ كلمة " . . .أنا . . أنا . . " التي يبدأ بها أي جملة في حواراته التلفزيونية، يكون ما عندو عوجة. لاحظ إنّو الكلمة دي بتجي على لسانو عفويّاً (باي ديفولت) وبصورة متكرّرة في أي جملة يبدأ بها تقريباً ، وهي مؤشّر له دلالاته. يعني حتّى لو نبّهوه ليها وحاول يتجنّبها، ما حيقدر . . فالطبع يغلب التطبّع. ود مخيّر الحبيب: ما ظنّيتك إنت من الناس البـ "يكجنّو" البني آدم، دحين أظنّك قاصد مكجّن فعايلو. |
اقتباس:
الحبيب كيشو لو كان ال DHL بيشيل متفجرات وقنابل حارقة والممنوعات التقال؟؟؟ كنتا رسلتا ليك الما بيتشال دآ.. هو إتا قايل ذي دآ بعد ما تقتنيهو بنساب بالساهل كدي.. ظنيتو العمر ينشال ورقم تلفونك ما بينزح وأريتو لو إنشال من بعدو ما أفرح ولا أقول ليك؟؟؟ ماني راديهو، إن تزعل كان أو تفرح ......... آها شفتا عزة رقم تلفونك كيف،، طيب إتا بس خليك معايا أفرح بي فرحي وأفرح ليا لمن الناس يدورو راحي يسعدوني يودرو أتراحي ... اقتباس:
وبطل الجب جبا |
اقتباس:
أنا طلبت حاجة أي حاجة تدل على أني صاحب السبق، دي ما فيها شي :) |
إتنين، إن قالو ليك رأسك؟؟
أهبشو... آهاااااااااااااااا... عمدتنا ود الطاهر وعدولي، القمر الباين نص الأضاهر وهشومي الفيهو شبه ناس المظاهر ومنو، وريدي ليها عيانن بيانن ظاهر وأمينا العام البيهو نهتف نظاهر وكباشي المتواضع فارش قاعد في الآطا وما بيكابر وود عثمان الشاغلو؟؟ مشاغلة عمدتنا ود الطاهر: (هسى شفت بوستيك دا خلا الباش يفك اخرو كيف..؟؟؟ و الظااهر ""الزين كان مكتول"") قالو ليآ رأسك؟؟ دحن بهبشو يا كيشو أخويا ولين يوم توضح ليهم الرؤى؟؟؟؟ الياني صابر |
اقتباس:
زماان كان عندي بوست عن كلمة أنا، عشان عارف ذي ناس حسين ديل الناس ما حيخلوهم بأي أنا تصدر منَّهم وديل ناس أناتم بالشي الفلاني بعدين هناك استخدام غلط مية المية لكلمة أنا "الليلة مسافر أنا أنا وماجبر الخاطر أنا أنا" ذي دا بتقول فيهو شنو؟ |
اقتباس:
من أحب الحلويات لنفسي؛ الكريمكرمل،،مرة سألت نفوس زوجة المرحوم قاسم أخويا وهي فنانة عموما وهذا الحلو من يدها البتزيده حلاوة،، حاجة ما بتخلص... المهم قاسم كان حاضر وهو عندو إسلوب خاص في الحديث، ما تفهم تهكم ولا عدم تصديق بحديثك؛ تداخل في الموضوع قال ليا: بتعرف تعمل بيض أومليت؛ قلتا ليهو: وحريف فيهو كمان. قام قال: طيب ما هو أصلو أومليت وأرضيتو كرمل "سكر محروق"... آها ياها دي وصفة حلو الكريم كرامل;) بعدين الكول، ابريحتن ما حلوة دآ،، الوالد كان بيحبو لي درجة إشتغل فيهو براهو وحسب ما قال: أنو فيهو كريستلات بتعمل على تخفيض ضغط الدم وبرضو قال عن الكركدي: أنه الفيهو لون غير كدآ؟؟ شكك في فايتدو تجاه علاج النزلات، اللهم غير المادة الشادة "الدابغة" الفيهو،، يعني دباغة عديييييل كدى |
عدولي
جبتك بي هنا، لأنو بوستي برآآآآآآيا، لا مقص رقيب ولا إنتقاد حبيب.. آهاااااااااااا؛ عمي شريف الله يرحمو كان طابخ البيت، عندو أمزجة وبتاع مزاج،، في يوم وحمدتا الله يوما دآك، أني ما من كيفيت الشاي.. كان عندنا إستعداد في البوليس "بالمناسبة مدام هشومي زعل من حكاية ضابط جيش، أنا بقدم ليهو الدعوة يكون، كان ضابط بوليس:D:D، أفتكر حمى أخفآ".. مشيت البيت إتغديت مع الأهل وعمي شريف جاب الشاي، أنا خلاص وقكت الإنصراف جاء ومشيت،، ما عندنا فسحة تاني إلا الساعة ستة صباح اليوم لتالي،، جيت البيت وممني نفسي بي عشرة ونسة كدا مع فطرو كآآآرب.. لقيت ليك ناس البيت في نفس الوضع الخليتهم فيهو.. عمي شريف الناس ديل مالهم.. والله ما نئراف، يمكن آيان.. صحيتهم والوالد عليه رحمة الله، قالليا: تعرف يكون شريف دآ ختا لينا حاجة في الشاي.. أخدتا باقي الشاي الفي الثيرموس معايا المعمل "الجنائي".. لقيت مادة التتراهيدروكنابينول، تصقع جيش بي حالو.. أكل عمي شريف كان طااااااااعم ومن يومها شكنا ذي البقى يقين!!! في أنه عنده خلاطات وهي ورا طعم طبيخهو المتميز... أتذكر لمن تقول ليهو: عم شريف عندك كبريتة، يدخل يدينهو الإتنين في جيبه ويطلع كبريتين، يهزهم ويديك البتكشكش، ما التانية بتكون معبايا حاجات وسنو وسنو.. دمتا عدولي جميل بوستك |
اقتباس:
الوالد رحمه الله كان يحب (فن) عرض وتقديم الطعام تعودت والدتنا أطال الله عمرها بأن لا يخلو صحن الشية من دوائر الخيار وصفق الجرجير وأقواس الطماطم على جوانب الصحن دوما... والرجل الله يرحمو طبعا كان مساعد طبي واشتغل فترة طويلة في السلاح الطبي مع الأنقليز وأمضى السنوات الطوال في الحبشة وفي ليبيا مع الجيش الأنقليزي... أيامو الأخيرة جاهو السكري وهو كان بيحب الكاستر والمهلبية والكريم كرمل ديل جدا أها بقا يقول لي الوالدة أعمليهم ويجيبنا ويقعدنا بعد صينية الغدا ويقول أكلوا وكل ما يقوم فينا واحد يقول ليهو ياولد دي حاجة الزول يفضلا؟ :mad: :D تسلم ياحبيبنا |
انت جبتنا كلنا:) ومحل ما انت نحنا بنكون:cool:
الفوتو شوب ماعندك يا ود مخيرgoood قشرتك عينة انت قررتا تعتصم هنا ولا شنو:confused: كلمنا عشان نجيب الشفع ونجي تضامن وكدة وندي الاذاعة خبر اليومين ديل البورد حالتو حالة انقلابات واعتصامات وحرد الله يعين الخال غايتو انا واخياتي تبع حبيب الشعب;) الحقوق محفوظة لي عادل عسوم وكامل تضامنا من داخل حوش نسوانlooool المحاصر من قبل الفئة الباغية:mad: وعشتا يابابكر وسلمتا من الحذف والالغاء والتعديل او حتي الاغلاق والزول المكجنو داك بقينا اتنين;) |
اقتباس:
والله ضحكتنا،، |
[align=center]هنا في شنو ؟؟؟؟
الليلة اللمه في حوش مخير [/align] |
بكور .. أنا إتكلمـت مع فتحي وقال لي إنك كنـت معاه قبل شوية في محادثة .. سجلت ده في البوست بتاع النداء لفتحي .. تسلـم يا الحبـيب دايماً سباق .. معاك حق .. البوليـس أخـف ضرراً من الجيـش .. على الأقل فيـهم البيفهـم لكـم جميعاً كل الأماني المستطابـة |
اقتباس:
أنا، ياني إتو ما بسوى من دونكم شي، أبدن يا ستو بس قلتا الواحد بي جاي، يهترش، يطربق بي براحو،، بعض مرات تلقى مداخلة تكون تشغل حيز كبير وتملى لي سيد البوست مساحتو نضمي غير مثمر وبال معنى،، آهاااا قلتا عشان كدي؟؟ أفكها هنا.... هو يما ما قالو الطفل لمن يبكي بتتوسع رئتو، والحردان عند الكبار برضو بججد النفسيات وتوسع صبرو لي المرة الجاية.. قولي ليا متين إتي والإخيات جايين مع وليداتكن، عشان نحضر الكريكرميلا والبوظة (دي كلمة كتير عاجباني عند الشوام، لبنانيين وسوريين) ونخلي عدولي يشوف لينا طبق أو كمية كدآ بتاعت دركين،،، ومني وعد أني ما حأجيب كول.. تسلمي الحبيبة |
اقتباس:
بالطبع نستصحب الكثير من أخطاء الثقافة الغدُائية في موروثنا الشعبي... هسع الواحد لو قال للناس انو الأصح أن نأكل الفواكه قبل تناول الغدا أو العشا بيقولوا شنو؟ :mad::D أما الاشياء الأخرى فحدث ولا حرج مثال الأحساس الكادُب الدُي يعطيه البيبسي أو المشروبات الغازية بأنها تهضم ماهو الا تبخر غاز ثاني أوكسيد الكربون المدُاب والدُي يؤدي تصاعده الى (البعبعة) والأحساس بأنه يهضم:confused: في الوقت الدُي تزيد فيه المشروبات الغازية من حمضية المعدة فيعمل دُلك الى بطئ الهضم والاصابة بالتخمة بالأخص عندما تكون نسبة الدهون في الوجبة كبيرة! أكثار الناس من تناول (القرفة) ان كان في في الشاي أو في غيره يؤدي الى تحسس واضح في الجلد لأحتوائها على زيت (اليوجينول) الطيار وهو المسبب للحساسية الجلدية... التركين الدُي دُكرته يؤدُي اصحاب ضغط الدم لأحتوائه على نسبة كبيرة من الملح فيه ولقد أعتاد الناس بأن لا يشربوا الماء من بعد تناولهم له وهدُا خطأ بائن فالماء يؤدي الى أماهة الملح وبالتالي تقليل تركيزه في المعدة... هناك الكثير ولكني أود عمل بوست منفصل للأخطاء المتوارثة في ثقافتنا الغدُائية...;) مودتي ياحبيب |
اقتباس:
هاك دي؟؟ المينتوس دي حلاوة نعناع مع المشروبات الغازية بتعمل كدآ [align=center][flash=http://www.youtube.com/v/A3oV4rqjcew&hl=en&fs=1]WIDTH=400 HEIGHT=350[/flash][/align] إتصور الغازات دي كلها في بطن الزول يعني كمية من علم الزرة |
اقتباس:
بابكر وعادل الليلة الشغل صيدلة وكيمياء ربنا يزيدكم من علمو يارب |
اقتباس:
غاز ثاني أوكسيد الكربون المدُاب في البيبسي يعمل كحامض كربونيك مخفف CO2 + H2O= H2 CO3 الCO2 هو غاز ثاني أوكسيد الكربون والH2O هو الماء والناتج H2CO3 هو حامض الكربونيك الحلاوة تعمل على تحرير كامل الغاز (ثاني أوكسيد الكربون) فينطلق بتلك القوة |
اقتباس:
ويدينا من رضاك علينا |
والله
بتجيني بعض مرات خواطر، لقيت أنزلها هنا مش بوستي برآآآآآآآيا وأنا حُر فيهو:p:p:p آها سودانيات دي، بشبها بي الغنا السوداني القديم تلقى اللحن ماشي، متزامن ومتناسق يقوم واحد يدخل ليك صفقة كدآ تشوفها شَترآ وتسمعها منسجمة.. آها دي الباقية هنا؟؟ تلقى الشريف االراقي يعزف في بالجيتار وآمولي ماسكا ليها عود وهشومي في الأورق ومنال حاضنا التشيلو وبدور ورشويا في الكمان والإيقاع وضبط الموسيقى عند عمدتنا وبقية الجوقة، (طبعن تعبير ناس معهد المسيقى، مش يا أبو رحيق؟!؟) ظتابطين اللحن بالتمام.. أقوم أجي أنا:confused::confused: أششششششششششششششتورها.. بالشوف والسمع لكن برضها ماشة.. مش؟؟؟ |
اقتباس:
[align=center]سودانيات تناغم واحلي هارموني وتحية للمايسترو[/align] |
اقتباس:
السؤال محول لفيصل سعد |
دي
بهديها لكل جميلة في سودانيات وهي من أيامنا الزمان يعني حقيبة أمريكان [align=center][flash=http://www.youtube.com/v/-Lox_9f2Cmg&hl=en&fs=1]WIDTH=400 HEIGHT=350[/flash][/align] |
غنا زماااااااااااان عندنا في السودان بيقولو ليهو الحقيبة
وغنا زماااااااااااان وإحنا في أيام الدراسة كان بيشدنا بذكرنا الحقيبة والسودان... كنتا قايل أفتح بوست "حقيبة الفن الأمريكية" لكن قلتا عندي بوستي حقي، أتفسح فيهو وأجتر فيهو الماضي الجميل.. حسن فرح مرحب بيك، فتحي مسعد ياهو حق دفعتك... أبو جعفر، إتشبب لكن دآ حينغوش حالك وخليك تسها وتعترف بي أنو برضو خيطك وهنا يا خلودي، ينكشف المغطى.. ناسي تعالو جاي،،، بالدس برضو ممكن، يا ناس الصبغة وشعر الباروكة وطقم السنون... آآآآآآآآآآخ يا ضرسي؟؟ تاورني;) ببداها بي ملك السوووول ميوزك Otis Redding [align=center][flash=http://www.youtube.com/v/VFQZjBzfH8Q&hl=en&fs=1]WIDTH=400 HEIGHT=350[/flash][/align] |
سام كوك
صاحب السبق في غنا السول ميوزك [align=center][flash="http://www.youtube.com/v/itBwQntrxwM&hl=en&fs=1"]WIDTH=400 HEIGHT=350[/flash][/align] |
اقتباس:
غايتو عندك كستبانات بتعرفا براك ... منكم نستفيد يا السابقون:D |
اقتباس:
لييييييييييييييييييييييييييه:(:(:confused: هو أنا، قلتا شنو؟؟ What'di Say [align=center][flash="http://www.youtube.com/v/thDyO9SCIIw&hl=en&fs=1"]WIDTH=400 HEIGHT=350[/flash][/align] من Ray Charles |
اقتباس:
يا اخوانا الحول السايبري دا شنو:confused::D ما كفاية ماربل آرش البقت بوابة عبدالقيوم :D:D |
بابكر مخير الظاهر عليك دفعة .. كل البتجيبو بكون معاي في التايم ..
مخير الله .... يديك العافي . |
| الساعة الآن 03:55 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.