سودانيات .. تواصل ومحبة - يدفق لي أملي المليان

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - يدفق لي أملي المليان (http://www.sudanyat.org/vb/showthread.php?t=10136)

يدفق لي أملي المليان

بفتش عن كلمات أغنيه (بلابل الدوح ) أظنها من أغاني الحقيبه ، سمعتها بصوت مصطفى سيد أحمد وتسائلت كيف لم أنتبه قبلا لكل هذى الغوايه المدسوسه في كلمات الأغنيه..!

يمثل لي الورع التقيان.. يدفق لي أملي المليان

لعلها ذات الغوايه التي جعلت الفتيات (يختمرن) باللون الأسود بعد الأبيات الماكره:
قل للمليحة في الخمار الأسود ... ماذا فعلت بزاهد متعبد
قد كان شمر للصلاة ثيابه ... حتى خطرت له بباب المسجد
ردي عليه صلاته وصيامه ... لا تقتليه بحق دين محمد

إن شاء الله ألقاها عندكم ..ومشكورين مقدما ..

اقتباس:

المشاركة الأصلية كتبت بواسطة ذكرى (المشاركة 132929)

إن شاء الله ألقاها عندكم ..ومشكورين مقدما ..

والله يا ذكرى الاغنية دي عجيبة وحولينا بيقولوا اجتمعوا
اساطين غناء الحقيبة شعر ولحن وغناء
كتبه الشاعر العبادي ولحنا الحاج محمد أحمد سرور
والحاج ده قالوا ملحن تلاته ارباع الحقيبة بسرعة
وبداهة ودقة متناهية في التلحين اما المغنى الغناها
حسب الذاكرين انو حكاية لوحدها وهو الامين برهان
الذي تبرهن وعلاء في الغناء لمرتبة تقاصر عنها كل
مغني ذاك الزمان .
والحكاية الاعجب انو في الثلاثينات الاغنية دي اتسجلت
بصوت الأمين برهان في القاهرة وكان الكورس البيشيل
وراهو هم (كرومة وسرور ) بالله ما كلام يحير ويدلل
علي انو الثلاثي ده كان قمة القمة ؟

طبعاً أنا ما عجوز شديد بس بحب القصص وسمعته القصة
دي من التلفزيون والاذاعة .

بلابل الدوح ناحت على الاغصان
طرب وسرور ماحت غصون البان
فتح الياسمين زهره المنصان
وفل النرجس والكون صـــــــان
غار الرمان مال الاغصـــــان
لولا ثماره ورمى القمصان
اتمثل لي حبيبى عيان
حاولت اقطف زهره النديــــان
منعنى تقى الورع التقيان
اتدفق لي املي المليان
مر بالروضه وصفى لحوارها
ولع خده وطفى انوارها
فضح الاغصان شوف نوارها
غمض خجلا وحيا اتوارى
خلفنى انوح عيني غرقن
بي نار الشوق واعضاي حرقن
يا ديسه حكيت حظي الزرقن
يا شموس افراحي متى تشرقن
حين ولى وفات يلعب فرعه
ما ليه الهادل نام في درعه
ودعيني اللاج يجلب ضرعه
ما اقسى الحب واصعب شرعه
ربيع الحظ بها حيالك
دمت ودامت ايام زاهيالك
علي بعيد لثم اذيالك
رد لي النوم لاجل خيالك

تحية صباحية
وبلابل الدوح عشان خاطر مصطفى سيد احمد الاطربني امبارح وعشان خاطرك يا ذكرى :)

[rams]http://sudaniyat.net/up/uploading/blabl.mp3[/rams]

مشكور كتير يا سفيان على الكلمات ، حقيقي كلماتها عجيبه ومعانيها أعجب ..
تواضع مابعده تواضع غناء سرور وكرومه كـ كورس أين منه فنانين زمنا ده ..!

اقتباس:

المشاركة الأصلية كتبت بواسطة سفيان بشير نابرى (المشاركة 132998)

طبعاً أنا ما عجوز شديد

عجوز شويه بس ؟ :)

رشويه..
بالتبادي دي فرصه أقول ليك إني معجبه جدا بكتاباتك وبروحك الخفيفه الطيبه وبتابع دوما ماتكتبيه ( برغم بخلك :rolleyes: )..
و ألف شكر على تزيينك البوست بحضورك وبالأغنيه المدهشه دي ..
يسلم خاطرك ياستي ..