الديوان الثالث لأزهرى .. " أمّا بـَــعْـد "
 

فى بوست آخر ..

http://sudanyat.org/vb/showthread.php?t=20107

أناقش ..ديوان ازهرى الثاني ( طوبى للغرباء) ..

و هنا الديوان الآخر ( أمــّــأ بعد ) ..

القصيدة الاولى مهداة مني لعكود ..

[rams]http://www.sudanyat.org/upload/uploads/hadalesheg112.mp3[/rams]

أمّا بعد
تشبه وَِعْد
و وَِعْد بتشبه وِشْ السّعد
وَِعْد بتتضحك من آلاما
وتِحِت أقداما بيصحا الورد
و وَِعْد بتتدخل زىْ الضُل
ويعلن خـَطـْوَها صوت الرعد
و وَِعْد الأرض .. البحر .. الجذر ..المد
هى المخلوقة من الصلصال
و ماخِد ريقا مذاق الشهد

و أما بعد
وَِعْد رذاذ المطر الرشا
من احلام الغيم الشايل
ووَِعْد لَتيبة الوادى الهـَـشِّـة
حتِّتْ من ضحكاتا سنابل
ونزعت من إحساسنا الوحشة
ومن ساحات الحرب قنابل
وهى بتدهشنا أقاصى الدهشة
غير ماتطلب أي مُقابل

و أما بعد
كتَبَت فى صفحات الريح
خِفة روحا وإيدا البضّة
وسكَبـَت حِسَّها فى التاريخ
كل الدنيا إتفتحت روضة
وكشفت وَِعْد حجاب الليل
فجّ الضو من أول ومضة
الأطفال احتلوا العالم
ورتبوا كُلْ حالات الفوضى

و أما بعد

بمبر..
وقاية..
تنكة..
رشر ريش..
حبة فشار..
وعنقوليب الزمن المر..
وأخر كيف..

متابعة لحام..

أما بعد ....

لكما كل الأحترام والتقدير

زيو بالله ..

ومنتظرين البعد البعد:D

اقتباس:
المشاركة الأصلية كتبت بواسطة سجمان http://sudanyat.org/vb/images/buttons/viewpost.gif

اقتباس:

بمبر.. وقاية.. تنكة.. رشر ريش.. حبة فشار.. وعنقوليب الزمن المر.. وأخر كيف.. متابعة لحام..

سجمان ..

اتحكـّر ياخوى إن شاء الله الزول الرايع دا ما بقصَّر معاك ..

اقتباس:
المشاركة الأصلية كتبت بواسطة همس الشوق http://sudanyat.org/vb/images/buttons/viewpost.gif

اقتباس:

أما بعد .... لكما كل الأحترام والتقدير

و ليك الشوق و همسو ..

اقتباس:
المشاركة الأصلية كتبت بواسطة الرباطابي http://sudanyat.org/vb/images/buttons/viewpost.gif

اقتباس:

أزهري ..... صاحب حوش براهو

اتفضل ..

على كيفك تفوت
على كيفك تعال
أدخل براحات البيوت
فى العتمة او نصة نهار
لمتين مبارياك غربتك؟
ملت حدود الرحلة
حالات الدوار
يوماتى بتلاقيك مدن
يوماتى راجيك كم مطار !
قـِست الديار! .ولا الرحيل
والغربه نسوك الديار؟
صالِبني فى وجع النهارات
غُربة وهواجس وانتظار
مرات أشوف بُعدك حقيقة
ومرات أحسُو هِظَار هِظَار
كان إعتذارك بالغياب
عن بيتنا محتاج اعتذار ..

بعادك سلـَب حِسِّي ، وسرق
من الغناوى الصوت
فما ضرِّاك لو رتـَق غناك
جرحى وعلم الشوق السكوت!
لو نسيم من عطر البلد
تعبر بحلتنا وتفوت
كان تنفلت من ضحكتك
ضحكة ، وترك برّاحة
فى نيم البيوت
على كيفك تعال
على كيفك تفوت

حينما يتحدّث صديقٌ عن صديقه..
ليس علينا سوي توقع أن يمتزج الكلام بعُشرة عمرٍ طويل..
لا تشوبها إلا المودّة..
نتابع بكلِّ الحواس.
تحيّاتي يا باش.
لك أن تواصل.

أنا والليل فى الحِسبة اصحاب
بينا صلات الهم والدم
والأشواق.. الباب فى الباب

يامنداح فى الروح بالفِطرة
طال الليل والهوى غلاب
ليه قلّبتَ مواجع الذكرى
ولِسه الشوق بالشوق ما طاب
لسه الآهة بتلد الاهة
وتقعد تحرق فى الأعصاب
لا بداويها الكِىْ بخلاف
ولا بتتباصر بالاعشاب

و أنا والليل فى الحِسبة اصحاب

يوم فى الليل بين صاحى ونايم
بدت أشجار فى الدم تتمشِّى
شفتها فى ما شاف النايم
تاكت باب الروح بالرعشة
وانا غفلتها ذى لبلابة
واتسلقتّ جدار الدهشة
وبينى وبين عينيها حجاب

و أنا والليل فى الحِسبة اصحاب

عبَـرت زى الطيف فى العتمة
وفجأة اشتعلت فى الكابوس
ورجمت جن الليل بالنجمة
وضجّت وبقَّـت زى فانوس
و مرّت بيا مرور النسمه
وانا بين صاحى وبين مهووس
فاضت روحى معاها تساب

أنا والليل فى الحِسبة اصحاب
بينا صلات الهم والدم
والأشواق .. الباب فى الباب

اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/buttons/viewpost.gif

اقتباس:

حينما يتحدّث صديقٌ عن صديقه.. ليس علينا سوي توقع أن يمتزج الكلام بعُشرة عمرٍ طويل.. لا تشوبها إلا المودّة.. نتابع بكلِّ الحواس. تحيّاتي يا باش. لك أن تواصل

.


يا رشيد الوجهة ..

قصايد " وضاحة " عشت مولدها و أدرك أسباب النزول .. كلمة كلمة .. زنقة زنقة ..

أما هذه فللى فيها شنآن ..