بصاقهم دم
 

للمتشككين في إنو كيس أم التيمان فاضي :
كونك تجي بي جاي ، وتحك صنقورك ساي في إنو أمهم دي قاصدة شنو بالكلام ده ! أنا بعتبر دي رياضة ذهنية تُحمد عليها.. حكوا نافوخكم ده شويه يرحمكم الله

و الله يا بنج حكيناه لكن غير الدم ما جاب حاجة
ينوبك ثواب وقت دقيت سدرك تجسر لينا

صدق شليل

رغم أن ما كتبت أعلاه يعد كتابة حسب فهمى سياسية تدل على حالة ناتج ديكتاتورية سافحة و سفاحة ..

يابنج إنت زول أديب ياخ.. أنا الزول القليل أديب ده أول ما قريت - بين الاسنان بقايا إنسان - وصلتني رسالة إنك تلوك سيرة زول وتتفن عفنك ، وما تقوم قايمة لأي قيمة أخلاقية كويسه ، يقوم العفن والنميمة والقطيعة بينك وبين الآخر.

و أنا الفهمتو إنو ناس الحيكومة أكلونا و ما نظفوا أسنانهم من بقايانا لأنهم لسه نهمين للبقية ..

شفت كيف ؟

أيوه يا هندسه..
كل زول وقرايتو ، وتعدد القرايات يشير لإنو الكتابة دي نجحت في إنو تلاقي القبول

وفي الليلة القمراء لا يفتقد الليلُ!

في س أون لاين، في واحد بارد جداً، وكيسو أفضى من نجمة ليلة اكتمال القمر بدراً، اسمو ص غريبة.. الزول دا شاغل الدنيا والعالمين وبقى موضوع البورد في الرايحة والجاية، مع إنو مجرّد الرد عليهو أنا شايفو قلة شغلة.
الآن، هنا، وبـ لوك مختلف قليلاً، وبقدرة قادر، أصبحت أم التيمان الشغل الشاغل للجميع.
اللهم لا نسألك رد القضاء...

ومناضل!
هسع يا شليل، لو قالوا ليهم: النص دا، كتبو محسن خالد ولّ مُريد البرغوثي أو حتى عادل عبد العاطي، كانوا ردمونا بيهو كتوقيع!

صلاح غريبة بمارس بهناك إغاظة سياسية والبردوا عليهو قاعدين يفرغوا من غضبهم تجاه الإنقاذ.
أم التيمان بتكتب هنا بمنتهى الجمال والحب تجاه الآخرين، يختلف الناس حول القيمة الأدبية لما تكتب، وآهو نحن قاعدين نعصر في ناس حافظ عشان نعرف قراءتهم الحقيقية لما تكتب أم التيمان، ودا كلو دليل صحة على حرية الكتابة والتلقي.
مداخلتك دي، بالرغم من إنها تتمتع بحقوق مظلة حرية الكتابة، إلا انها تجنح للتطرف والإقصاء.

غايتوا طلعت اديب ساي والله:p

انا غايتوا لو في محلها كنت عملت فاصلة بين الرسالتين معنهم رسالتين لذات الهدف
فى الليل و القمر بدر..
بين الاسنان بقايا انسان
بصاقهم دم......

فى المدافن
اغصان الشوك تنمو
على جماجم الموتى

اها انشاء الله الرسالة وصلت ياناس الملمات:(

يعني أسّي الناس القرت بقرايات مختلفة دي تكون مالا؟
بيتهيأ ليها
ولا في شئ مكتوب هنا
وصّل ليها فكرة، حسب ميولها خاصة الفهم
الكتابة دي بالذات عجبتني أهن:D

بس ليه بدّلتي العُشَر بالشوك في تعديلك للبوست؟؟:p

بالمناسبة قيس، بدرك المكتمل هو الكيسو فاضي
اساسا القمر دا اشاعة ساي
والشايفو دا مابحقو
لكن النجمة، ياسلام عليها:) رغم رؤيتنا لصغرها من بعيد إلا انو نورها دا بضراعها وحقها
أُقدّر جدّاً، الضوء الضئيل جدّاً المنبعث منها..عكس الانعكاس

:p