مصر (لا) أخت بلادي (لا) شقيقة
* من هناك جاءتنا الغزوات. وتبادلنا معهم منذ آلاف السنين حروب الكر والفر وبعضاً من سنين التعايش. * حَكَمهم تهراقا وبعانخي. وتعدى بعض فراعنتهم على بقع من تراثنا. * من هناك جاء الاحتلال التركي ثم البريطاني. * بعد استقلالنا بدأوا يمكرون بنا لاستعادة احتلالنا من جديد شيئاً فشيئاً وما حلايب عنّا ببعيد. * ظلوا دائماً خميرة عكننة للسودان وعطلوا علاقاته بالعالم من حوله وتسببوا في تشجيع اقتتال السودانيين مع بعضهم. * يدخل تجارهم ليستثمروا في مجالات لا تعود على اقتصادنا بأي فائدة ويمتصون من دماء اقتصادنا المتهالك. * والآن يريدون أن يمتصوا ما تبقى من خيرات أجيالنا، فمن هنا تجد من يضع عينه صوب المياه الجوفية، وآخر يبحث عن توطين أهله في أفضل الأراضي السودانية الصالحة للزراعة. وآخر يأتي بما لم تسمع أذن ولم تر عين وما خطر على قلب بشر. * وما زال في القلب ألم من مصير حلفا. * ونحن ؟؟؟؟؟؟؟؟؟؟؟؟؟؟؟؟؟؟؟؟ .................................................. ....... |
الأخ هاني سلام
أكثرُ الذي تفضّلتَ بذكره هنا، ينطبق عليه بإطمئنان، المثل القائل: أسمعُ طرْقاً على الكي بورد ولا أرى طحيناً! اقتباس:
اقتباس:
اقتباس:
اقتباس:
اقتباس:
ما جئتَ به يا هاني، من أمثلة، لا يُعضّد مذهبك ولا يمثّل حجّة بيدك في هذا المقام. شكراً لك على أية حال أنْ جاء استشهادُك بأحد مقاطع الأنشودة الجميلة (آسيا وإفريقيا) للأستاذين تاج السر الحسن والكابلي: مصرُ يا أختَ بلادي يا شقيقة يا رياضاً عذبة النّبع وريقة يا حقيقة.. |
الأخ الكريم والمحترم هاني
استلاب كبير حاصل لكتير من السودانيين تجاه الثقافة المصرية دا نتاج عقود من جهل الذات بالنسبة للسودانيين اسهمت فيه عوامل كتيرة مقابل تضخيم للذات لدي الطرف الاخر المصري بفهم عقلية غالب النخب الحاكمة في السودان علي مر الفترة بعد الاستقلال والطامحة للتمسح بالعرب مقابل طمس الذات السودانية الافريقية - او قل النوبية - في غالب تجلياتها ، بفهم العقلية دي اقول من الصعب لوم الناس العاديين في تحديد علاقتهم بمصر كدولة خطرة علي السودان ، رغم ذلك هناك الكثير من الوعي عن خطورة الامر دا وان لم يتبلور بطريقة علمية في احايين كتيرة ، يعني بيكون اغلبو علي شاكلة انطباعات عاطفية لجهة انو المصريين مستهبلين وانهم ضايقونا في الوظائف في الخليج بالوشاية والتزلف وكذا ... دي كلها بتبقي انطباعات من السهل دحضها بتساؤلات من شاكلة تساؤلات الاخ قيس اعلاه ، قلت الكلام دا كلو كدعوة لتأسيس البوست دا علي ارضية صلبة من المعلومات وعدم الانجرار خلف العاطفة .... ربما - وهو أكيد - لا يحق لي كمتداخل تحديد اتجاه البوست ، لكن خليني اضع ليك وللقراء الرابط دا للمزيد من الاطلاع : http://www.sudanray.com/showthread.p...80%98%E2%80%98 مع أكيد مودتي واحترامي ... |
انت القال ليك منو ياهاني مصر قالت هي أخت بلادك ولا قالت شقيقتا ولا دايرا تكون؟؟
ياخ أنا ما فاهم ليه الناس بتتناسي ان مصر في كل الأزمنة البتقول عليها بوابة لدخول الأتراك والانجليز كانت مصر مستعمرة..الأتراك جكموها وحكموا دول في أوروبا لغابة ما اتهزموا في بيلا هورا بالقرب من براغ وبعد داك تحول الحكم العثماني لي حكم مملوكي في مصر في عهد محمد علي باشا.. تعرف المرة الوحيدة المصر حاربت فيها السودان كانت في الحملة الانتقامية من المك نمر والباقي كلو كان شغل انجليز صولو.. حتجي تقول لي حلفا حأقول ليك حاسب طلعت فريد وحكومة عبود وحلايب أرض سودانية مافي شك لكن ياخ القبائل السودانية العايشة فيها وأقصد العبابدة والبشارية اختاروا يكونوا مصريين وحقو تحاسبم هم.. هناك الكثير من الساسة السودانيين ومنهم محمد ابراهيم نقد والصادق المهدي بقولو حلايب أرض مصرية تعيش فيها قبائل سودانية..يللا ياخوي شوف الصادق المهدي اللسة حي وحاسبو علي كلامو.. بعدين بالمرة وريني في كم طبيب وكم مهندس وكم محامي درسوا واتخرجوا في مصر وكم مدرسة كانت في السودان تابعة للبعثة التعليمية المصرية.. ياخي حكومة الانقاذ قبل كدا فرضت جمارك علي الكتب التعليمية الكانت المدارس المصرية بتصرفا بالمجان للطلاب السودانيين وبرضو حضرتك تقول لا أخت بلادي ولا شقيقة:eek::confused: |
المحترم الصديق عمنا فتحي
مدخلك كويس جداً في تحليل العلاقة السودانية المصرية : فعلا، مصر لا قالت هي اخت بلادي ولا قالت هي شقيقة ! ودا بيرجعنا لي حتة الاستلاب السوداني والتمسح بالاخر العربي كان او المصري ، قال شنو : امة اصلها للعرب والي العرب تنسب الفطن ! دا ياخي في النشيد بتاع انا سوداني انا !!!!!! أها ، قصة انو القبايل في حلايب اختارت تكون مصرية دي مسألة فيها نظر ! بافتراض صحة الامر دا رغم ما يمارسه الامن المصري والاستخبارات في المنطقة دي فهل اذا انا ومعاي مجموعة من الناس اخترنا نكون امريكان دا مبرر لأنو الحكومة تدي المنطقة النحن عايشين فيها للأمريكان ؟ عارف انو الموضوع معقد اكتر من كدا لكن في مواقف قوية لكتير من اهل الشرق - شرق السودان اعني - تجاه المسألة دي . قصة كلام الصادق ونقد دي سمعت بيها وما عندي ليها تأكيد ، لكن حتي لو كانت فدا يؤخذ في اطاره ، بمعني انو اذا كان نكاية في الانقاذ فدي انتهازية سياسية بائنة ، عموما انا القدامك - او القدامك حروفي دي - ما عندي اعتراض لو ثبتت تبعية حلايب لدولة الاستعمار المصري اذا دا حصل بعد تحكيم دولي في ظل حكومة سودانية حريصة علي البلد ! المصريين ظلوا علي الدوام بيرفضو مسألة التحكيم في حلايب . بعدين قصة عبود دي فعبود بالتأكيد مخطيء , وهو برضو في درجة من الدرجات جهل بمقدرات السودان وتاريخو ، انا شخصيا لا الوم المصريين في الحتة دي ، لكن كمان ما باقول انو عشان عبود غلطان مرحب بالمصريين ! عموما انا باشوف انو الموضوع اكبر من حلايب وحلفا وياريت يا فتحي لو تلقي زمن تدخل الرابط الانا ختيتو فوق ، مع يقيني انو انت شخصيا بتكون علي معرفة واطلاع علي جزء كبير مما ورد فيه . بعدين قصة السودانيين الدرسو واتخرجو في مصر دي هل هي لسواد عيون السودانيين ام مراعاة لمصالح الدولة المصرية ؟ غايتو اغلبهم في النهاية بيجو مستلبين تجاه مصر ومشتاقين للرجعة لخان الخليلي وشارع شنو كدا ما عارف وهلمجرا .... دا برضو اسبابو كتيرة ودا ما مجالها هنا ... ثم اخيرا احترامي الذي تعرفه . |
اقتباس:
احترامك بعرفو بالحيل يا أعز الأصدقاء وهو متبادل كما تعلم ويعلم ود الزين وكمان الطيب عشان ما يزعل.. نرجع لي كفل الموضوع..اختيار القبائل لمصر دي حاجة أنا مشيت وسألت شيوخ القبائل بنفسي وكان رأيهم واضح وهو ان السودان لم يقدم لهم شيئا بعكس المصريين البنو ليهم مدارس ومستشفيات خلتم لأول مرة يعرفوا معني الاستقرار.. بعدين حكاية انت ومجموعة اخترتو تكونوا امريكان فأفتكر دا مثال بعيد عن الواقع عشان أمريكا ما عندها حدود مع السودان.. موضوع كلام الصادق دا كان اجابة علي سؤال أنا شخصيا طرحتو عليهو وهو هل حلايب مصرية ولا سودانية وكانت الاجابة كما ذكرت سابقا.. مهما كانت أسباب المصريين في موضوع تعليم السودانيين أنا شايف ان المهم هو النتائج وليست الأسباب.... مادام كل زول في مكانو والناس القاعدين في حلايب مرتاحين كدا ومصر سبق وأن اقترحت علي السودان أن تكون منطقة مثلث حلايب شلاتين منطقة تكامل والسودان مازال يماطل أما الاحتلال الأخير فكان مسبب..كيف يمكن أن تأتي بشركة للتنقيب في منطقة هي محل نزاع ثم تضيفها الي مناطق الانتخابات دون الرجوع للطرف الآخر.. أخيرا يادكتور الفرقة السودانية المرابطة علي الحدود تأكل وتشرب من ما يزودهم به الجيش المصري وهذه حقيقة يمكنك التأكد منها بسؤال أي شخص يعمل بالقوات المسلحة السودانية..وابن خالي كان ضابط يعمل في المنطقة وهو عصام محمود وأحمد زين يعرفه شخصيا.. شيئ آخر لابد أن يأتي اليوم الذي تحل فيه قضية تبعية حلايب وسيكون الطرفان راضيان,, لك ودي واحترامي ومعزتي..دي ما الغنماية ياوليد :D:D:D |
تاني جيتك يا عمك
قصة انو الناس ديل اختاروا انهم يكونوا مصريين دا لا يبرر التنازل عن الارض للمصريين . ممكن ببساطة الناس ديل يمشو مصر زي ما اي واحد بيختار اللجوء السياسي لبلد معين ! صحي هنا في حدود مشتركة لكن دا لا يلغي اساس الموضوع ، بالطريقة دي الفلسطينيين جزء كبير من قضيتهم ح ينهار ، بمعني انو الاسرائليين بالمنطق دا ح يكون عندهم حجة قوبة بأنهم اشتروا الارض دي وغير ذلك من دفوعاتهم ، وبالاشارة لاسرائيل فلاحظ مدي استلابنا للعرب في عداءنا غير المبرر لاسرائيل مقابل التسامح مع مصر المحتلة لأراضينا . حاجة تانية هل تعتقد انو الحكومة المصرية قامت بالتنمية دي كجزء من خطتها العامة والا لأسباب استعمارية ؟ خليك من حلايب دي هسه ، قبل فترة قريت في واحدة من الجرايد هنا وفي النت عن التوغل المصري في شمال السودان في غير منطقة حلايب ، هل دا ليه أي تبرير ؟ ح افتش المقال واجيبو هنا عشان ما يبقي كلام ساكت . قصة انو مصر اقترحت المنطقة دي للتكامل دا اول مرة اسمعو ، العارفو انو الحكومة السودانية هي البتقترح كدا كل مرة ودا سلوك مشين بالنسبة لي من قبلها انك تعرض ارض سودانية للتكامل ! مسألة انو الاحتلال الاخير كان مسبب فدا يوضح حقارة المصريين فينا ، هل اتهام الحكومة السودانية بالضلوع في محاولة اغتيال الرئيس المصري السابق في اديس ابابا يرد عليه باحتلال جزء من السودان ؟ مسألة القوة السودانية في حلايب وتموينها فدا معروف بالنسبة لي ، وطالما المنطقة محتلة فدا الحيحصل وح يحصل أسوأ منو ! كلامك الاخير عن انو يجي اليوم البتتحل فيهم القضية ويكون الطرفين راضين فدا صعب التحقق في ظل المعطيات الماثلة ، حتي اذا اتحلت قصة حلايب فدا ما أس القضية ،والكلام دا قلتو في مداخلتي السابقة ، ح تظل هيمنة الجانب المصري علينا في مسألة المياه وعلاقاتنا بالخارج ودا طبعا ناتج عن ضعف حكوماتنا المتتالية ، دا بالاساس ناتج عن ضعفنا نحن لأنو الحكومات دي في النهاية مننا ! بأشدد مرة تانية انو الاساس في المسألة دي ما حلايب المحتلة بل السلوك المصري تجاهنا كدولة وشعب أيا كانت مبررات السلوك دا من قبلهم . ويا عمك معزتك دي حتي لو البتقول ميع ديك برضو مقبولة منك :D:D:D:D:D |
وانا ذاتي جيت..هسة في ذمتك احنا حاقرين بالمصريين وبنقول هم الحاقرين بينا وعاملين الهيلمانة دي كلها ومخليين الفشقة محتلة:confused::confused: طيب ليه ياخ؟هل عشان الحبش ما بهزروا وعندهم استعداد يخشوا في حرب ويحتلوا كل المدن الحدودية ولا الحصل في الصومال نسيناهو؟
ياوليد انا عايش مع المصريين لي 18 سنة وشايف انهم بيحبوا الشعب السوداني بدون اي اطماع كما يتبادر لذهن السودانيين البيكرهو المصريين كراهية غير مبررة ولي هسة ما قادر افهم ليه كل الحب دا يقابل بكل هذه الكراهية..بعدين موضوع الشمالية دا حقو تغوص فيهو أعمق من كدا فالحكومة السودانية هي البتدي والمصريين كان ما أخدو البدوهو ليهم يبقو عورا وهم ما عورا,,يعني برضو وكالعادة احنا البنفرط في حقنا ونجي نهاجم المتلقي وننسي الواهب,,:confused::confused: |
المحترم صاحب البوست هانى وضيوفه
يجب التفرقة بين مواقف الحكومات المصرية والشعب المصرى أنا من مواطنى حلفا منذ أربع عقود زاقوا أهلى مرارة الهجرة من حلفا لكن لا نلوم موقف عبد الناصر لأنه فضل مصلحة شعبه لكن يجب أن نلوم عبود حاكمنا ورئيسنا الذى فرط بثمن بخس فى أرضينا ولم نجنى من بناء السد سوى التشرد وفى عصرنا الحالى يكرر البشير خطأ عبود وفرط فى حلايب تكفيرا عن محاولتة إغتيال مبارك وفى نفس الوقت الذى فضل فيه مبارك مصلحة شعبة بدلا من الإنتقام وضم حلايب إذا المشكلة فى حكامنا الذين يفضلون الكرسى عن مصلحة شعبهم وليس ذنب المصريين. يجب ألا ننسى أن مصر فتحت جامعاتها ومعاهدها للسودانين وقت أن كان فى السودان لا يوجد غير جامعة الخرطوم . مصر التى عاش ويعيش وونشئ فيها ملاين السودانين وأنا أحدهم لم نشعر خلالها بأى غربة أو عنصرية فكنت دائما يقع الإختيار على رئيس للفصل بالإنتخاب والمندوب الرياضى على مدار دراستى ولعبت الكورة فى أحد أنديتها (طلعت حرب - الجزيرة) . مشكلة المصرين عدم معرفتهم شئ عن السودان وهنا يوجه اللوم للأعلام السودانى . |
العم فتحى السودانين لا يكرهون المصرين ولكن هناك مواقف سيئة فردية مرت للبعض جعلتهم يحكمون على المصرين جميعا إنهم سيئين.
هذا اللينك من سودانيز أونلاين فيه إستفتاء على حب مصر http://www.sudaneseonline.com/cgi-bi...msg=1348813681 http://www.sudaneseonline.com/cgi-bi...3681&page=1&pb= |
الليلة غايتو سهر الجداد :D:D:D
المحاضرات البجهز فيها ان شاءالله اقدر اتمها :D:D:D طيب ، يا عم فتحي أنا من الأول كلامي كان محدد : أنا الوم ناسنا قبل ما الوم المصريين ، صراحة لا تهمني مآلات مصر ومآلات شعبها الا بقدر تأثيرها علي السودان وعلي كسوداني ، انا واحد من الناس علاقتي ضعيفة بالفن المصري والثقافة المصرية في عمومها ، لا يمكن طبعا تجاوز اشخاص كأمل دنقل مثلا في الشعر أو صنع الله ابراهيم في الرواية ، ودا طبعا ما موضوعنا ، لكنو ذا علاقة بالباراغراف الفوق دا ، طيب تاني ، الفشقة موضوعا مختلف ، الحبش لم يدعوا انها ارض حبشية او علي الاقل لم يحاولوا تحبيشها ! انا لفيت كتير في مناطق القضارف الحدودية دي ايام شغلنا في الكلازار والموضوع هنا مختلف ، بالنسبة لمسألة الدخول في الحرب دي فأعتقد انو المصريين هم الاقرب للدخول في حرب مع السودان وليس الاثيوبيين ، وبالمقارنة اذا كان في حرب بين اثيوبيا والسودان فهي في الغالب ح تكون محدودة بخلاف الوضع لو قامت مع مصر . مسألة انو السودانيين بيكرهو المصريين كراهية غير مبررة فدا ما صحيح علي اطلاقه ، ارجع للرابط الفوق القبيل وشوف تاريخ العلاقة ماشة كيف ، غير كدا هسه قريب دا ياخي ايام كورة الجزائر ومصر في الخرطوم شفت الناس دي استهزأت بينا كيف؟ ياخي في واحد مذيع قعد يكورك صحوا الرئيس ! فتأمل . اكرر انو المسألة ليست كرها في المصريين ، المسألة حبا في السودان المسكين دا ياخي. ليه تبيحوا للمصريين انهم يستغلو ضعف حكوماتنا وتشوفوهم عورا اذا ما استغلوا انبطاحاتها وتستنكروا علينا اننا ما نحب الناس البيمارسوا السلوك دا علينا ؟ مالكم كيف تحكمون ياخي ؟ مسالة محبة المصريين للسودانيين دا موضوع ما باقدر افتي فيهو ولا بيهمني عموما باعتبار الشواهد والممارسات تلغي ذلك ، يعني ناس يحبوك وجيشهم يحتل جزء من بلدك ! يعني هل ح يكفي للاسرائليين انهم يحبوا الفلسطينيين ويعاملوهم كويس والقصة تنتهي ؟ عموما فيما خص الحبش فانت لما تمشي في شوارع اديس برضو ما بتحس انك غريب ، غير كده عادي انت ممكن تسمع محمد وردي من الاذاعة الاثيوبية والناس ديل بيحتفو بيك جدا لما يعرفو انك سوداني ... الحبش ديل عموما موضوع تاني وكنت قريت بعض الدراسات او الاوراق البتقول انو الجعليين والشايقية اصولهم حبشية ، في دراسات تانية برضو بتشير الي انهم نوبة مستعربين ، في كل الاحوال اثيوبيا موضوعها مختلف. اخيرا يا عم فتحي اكرر، لا يهمني المصريين الي درجة ان اكرههم او احبهم، لا أكرههم - وهذا لا ينقصهم شيئا وكذلك لا يزيدهم - ولكني لا أحبهم - ودا برضو لا ينقصهم شيئا ولا يزيدهم - ، لكن بالمقابل ح اكون حريص انو اساهم بما اقدر انو الناس - السودانيين قصدي -تعرف نوايا الناس ديل وممارساتهم تجاهنا كارض وشعب . احب اضيف هنا انو انا مصدق تماما كلامك في معاملة الناس الطيبة ليك هناك لكن دا ممكن يتغير اذا الحكومة بتاعتم رأت انها محتاجة تعبي الناس ضد السودان - ودا ما حاصل لغاية الان لأنو الدايرنو بيلقوه بلا مقابل ! |
اقتباس:
وانا شفت لقاءات مع الناس ديل بتثبت القصة دي وبتثبت تشبثهم بمصر |
معليش ياوليد عشان خليتك ومشيت نمت ودا يمكن عشان ما بحب الجداد..بذكرني بي أبطال كمال الأجسام,صدر منفوخ ووراكين وبي تحت ساقين زي المساويك:D:D
انت يازول كايس مشاكل ولا شنو:confused:جعليين أصلهم حبش:confused: طيب ما تمشي عين شمس ولا عابدين عشان تفتكر روحك في العباسية:D حتة مصر أقرب للدخول في حرب مع السودان دا كلام ما صحيح وبعيد جدا عن الحقيقة ..أيام المشكلة بتاعة حلايب الخلقا عبدالله خليل لتصفية حسابات بينو وبين مجلس قيادة الثورة المصري عشان ما دخلوهو معاهم في المجلس لما كان ضابط في الجيش المصري ونقل القوات السودانية الي الحدود جمال عبد الناصر أصدر أوامر للقوات المصرية بعدم اطلاق أي رصاصة علي الجيش السوداني مهما كان السبب.. دا جمال عبد الناصر الاشترط علي الانجليز مغادرة آخر جندي انجليزي أرض السودان قبل مصر ودا الحصل بالضبط,السودان أصبح خالي من الانجليز قبل مصر..أما موضوع كورة الجزائر فدي أمور فردية من أشخاص جاهلين زعلم انو مصر تطير من كاس العالم وما تنسي ان مصر هي الاختارت السودان عشان تتلعب فيها المباراة لكنهم اتفاجئوا بوقوف الجماهير السودانية وتشجيعهم للجزائر ومنع المشجعين المصريين من دخول الاستاد ومهاجمتهم لحافلة تقل مصريين وتحطيمها بالحجارة وان كان هذا ليس سبب للتبلي علي مصر باطلاق حكايات كاذبة زي حكاية المطرب محمد فؤاد وأكاذيب ابراهيم حجازي المكروه حتي من المصريين.. العلاقة بين مصر والسودان علاقة أزلية لن تزيلها مؤامرات الحاقدين ولا تنسي ان الكتيبة السودانية هي الكتيبة الوحيدة التي عبرت قناة السويس بجانب المصريين في حرب 73,, |
اقتباس:
آي حقيقة لكن البقنع ابن مروان شنو:confused::confused: |
انتو هاني دا كب مديدتو وطفش مشي وين:eek::confused::confused:
|
| الساعة الآن 11:50 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.