حاجة الزينة ياوهج الرتاين الماخبا
 

لان بعض الموت يشعل فتائل الحياة
فليكن موتك وقودا وزنادا وطلقات
في وجه من اغتالوك يااجمل الامهات

باي الدموع نبكيك يا امنا الريح
يا هاجر المتعبة
هل قد آن أوان الرحيل
لم يحن بعد.... لكن كتلوكي الناس القصر
تجار الطب و الدين
كتلوك بالإهمال
و يا السر و أخوانه لكم لا نملك سوي دموعنا
و يا حجة الزينة وثير المرقد ليك
و شكراً يا أمال الشايله هموم الناس

الزينة كتلوه تجار الطب و الدين
المرة دي عشان ما يجي طاير لي واحد يقول لي وقت تتكلم في المستشفيات الخاصة مفروض تكون علي بينه بقول لي اي واحد زي دا ورا مؤمن بالمستندات
الزينة كتلوها ناس الزيتونة ما غيرهم
كتلها كمال ابو سن الحي الدنيا
كتلها بالاهمال ما أكتر
عمل ليها عميلة و قفل تلفونه و مشي لندن
الجرح اتفتح
و نائب الاخضائي كان شغال ممرض ما أكتر
و الكلام كتير و أكتب يا مهند و اكتب يا قتية و يا معز و يا سارا
انا خلاص الفيني كملت
بس مستني اطباء المنبر حيجوا يدافعوا عن باطل زميلهم دا كيف؟

"السر" بكى ... بكى مابكى ...

وحين يخبرك أحدهم أن طبيباً ضخّم أنين والدته ليغالط الأصوات جميعها في أذنيك!لاتملك الا أن تبكي في صمت وتختار مجلساً آخر توقد فيه سيجارتك وروحك وتخوض في مواضيع على شاكلة "كورة بكرة دي كيف؟"!

بكاهو قدرتو تنتهي ...بكاهو يرجى المعجزات ...

والقدرة تضعف بين القاهرة وقهر الزيتونة ، والطبيب القاهري الرزين يسأله وحاجباه يغالطان شعر رأسه جغرافيا :" أوصل الطب في السودان الى هذه المرحلة المتدنية؟"
فيعود ليبيع قطعة أرضه التي ثبتت جذره للأرض ليخرج من جسم الزينة ماأدخله الطبيب الخرطومي ...

لم يدري القاهري الرزين أن من قام بالعملية طبيب موقوف لكنه متحرك بحكم قوانين القوة والوزارة والزيتون ...

اسمها الزينة محمد أحمد ........ محمد أحمد ......

الزينة ياكمين بشر ...صحي الموت سلام ... مايغشاك شر ...

لاحول ولا قوة الا بالله
لها الرحمة والقبول

الموضوع شنو؟؟ وحصل كيف لو عندكم تفاصيل:confused::confused::confused:

سارا الموضوع في منتهي البساطة
الزينة مرأة فلاحة من ريفي الشمالية
المناصير المهجرين
جاها فشل كلوي كعادة كل ناس الشمالية
جابوها الخرطوم غساة غسلتين قالوا ليها بحتاجي لزراعة
اولادها التلاتة دقوا سدورهم و قالوا حنتبرع لامنا بكلية
كلية مصعب لقوها مطابقة حسب الطب السوداني
مصعب قنع من الكلية و ادوها لامها بواسطة كمال ابو سن حي الدنيا
الام بعد الزراعة حالتها ساءت
اولادها باعوا حواشة التعويض و بيتهم و سفروها مصر
ناس طب القصر العيني قالوا ليهم الكلية دي اصلا ما مطابقة
و ادوها العلاج
قالوا ليهم نزيلها و الازالة بقروش كتار
الاولاد قالوا ليخم نمشي السودان نرتب حالنا و نجي
بواصل تاني

الزينة ... والزيتونه
الزينة
ما قتلت مقهورة
بل عاشت مقهورة
مرضت ليلا
قتلت صبحا
دفنت ليلا

احس بتلك العبرات في حلقك أمال
فلنأمل ..... أن يضيئ مقتلها

ما يُقال في هذا الزمان المُغتال
برصاص الفُجار
ما يُقال والشر استطال
والناس في شُغلٍ
بالخواء والإتجار
ما يُقال من أسفٍ
يا زينة الروح
وقد غادرتنا المرءوة
واستشرى فينا
العسسُ والجُناةُ
والأشرار...






ما يُقال..


..