تقولو لى هناى .... شايقية بس
[media]http://www.youtube.com/watch?feature=player_detailpage&v=UlP3CMje7n0#t=17 s[/media]
http://www.youtube.com/watch?feature...3CMje7n0#t=17s |
يا اخونا فى جمال اكثر من كده:cool:
|
يا سلام يا أمير ياخي!
لو ملاحظ الحفلة كانت عصريّة والتفاعل كان عفوي خالص، وده الزاد الحكاية جمال. يعني والله أعلم، تكون حفلة طهور أو مناسبة ما دون حفلة العرس وحفلة الحنّة. الحفلات المتل ديل دايماً بتكون أطعم من الحفلات الرئيسيّة. نوع الحفلات دي ياها القال فيها حسن الدابي: مسّخت عوم البترطن في جروفها يا خلّاي فجّولي اللشوفا تسلم يا أمير. |
اقتباس:
تثير فى الزول قشعريرة عديل كده:D طبعا ضوء النهار خلى الملامح ما واضحة بس الجواب يكفيك عنوانو ...:o يا اخى ناسكم ديل يقتلو الزول وهو واقف على رجليه |
اقتباس:
أمير الامين، انت نازل اجازة متين؟ looool |
اقتباس:
حجل بالرجلlooool |
صديقي الامير
اتفق مع العمده بان الحفله عصريه والمناسبه اقل من زواج لكن يبقي الابداع والتناغم وجمالية لوحة الرقيص رغم رداءة الصوره والصوت . وعشان تموت واقف بالجد نسق مع العكود حتي ترتوي من تخمة الابداع والجمال رغم ان رفاعه وطن جمال لايضاهي |
غايتو أنا ما شفت الشريط؛ كفاية أمير طلع من طورو :)
|
اقتباس:
بس يوم واحد ما "ترترو " لينا زى ديل :D باين عليهم تايوان ::D او تكون داخلاهم هرشة من الشكرية:D طبعا رفاعة هى منبع الجمال بس السودان "ولّادة" يا اخ |
اقتباس:
بضمن تكون معانا انا والعمدة:D:p |
اقتباس:
إبداع يا أمير والحاله في إشلاق.. وارد البلد يعمينا في :D |
سلامات يا امير
طبعا واضح انك ماشايقي :D تعرف، الفيديو الجبتو ده نهائي ماليهو علاقة بي غنا الشوايقة ورقيصهم الاصلي ... صدقني غنا الشوايقة ورقيصهم حاجة مختلفة تماما من الشي الفي الفيديو ده :( انت ياعكود ماتدي الناس ديل راسهم :) من المؤسف ياعكود انو تبقى الواجهة لغنا الشوايقة وفنهم وتراثهم امثال هؤلا الفنانين القاعدين يشوهو في الايقاعات والاغاني بشكل لايطاق ابدا اسي العلاقة شنو عليك الله بين الغنا الفي الفيديو ده وغنا ناس محمد كرم الله والنعام آدم؟ تحياتي ورمضان كريم للجميع |
سلام يا خالد ورمضان كريم؛
أمير هنا عجبو الإيقاع وتناسق الرقيص مع الرِتم، وده جزء من لوحة إيقاع الدليب. وده الجزء البيخلّي الزول شعرة جلدو تكلّب ويركز للبُطان. اللوحة الكاملة، تضيف على الجزء الفوق ده، الكلمات واللحن والصوت والأداء. متل غناء النعام وود كرم الله والنصري وبقية العقد العجيب! دحين ياخوي، البيعجبو الجزء، خير وبركة، وإن شاف اللوحة كاملة، خيرين. --- ياخي ما تدينا طلة في رمضان ده. |
اقتباس:
حفلة فى ابوروف والفنان البيعو ..اها قام غنى ليهو اعنية من حقت ناسنا ديل وقامت واحدة "عامت" ما رقصت "عامت" عديل تعال شوف جرسة البيعو وناس كتار زينا:D:p الاصلى ما بناباهو بس شكلو بدرو واسطةlooool |
اقتباس:
اى ما شايقى بس شقيت البحر:D والاذن متعودة على سماع اغانى عثمان اليمنى وود النصرى والنعام واحسب ان اجمل صوت صوت محمد كرم الله.. بس النصحية العين ما متعودة على "ترترة" بناتكم ديل...:( |
| الساعة الآن 11:03 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.