اغنية وفيديوكليب جديد ..لوطني.. وناسه احبه واتفاءل بيهو رغم جراحاته وعذابه
 

آخر أنتاجى اغنية للبلد من كلمات الشاعر بشرى سليمان
والفيديو من إخراج اخونا حسن مصطفي.
هى دعوة.. كفاية حرب ودمار.. حان الوقت لتضميد الجراح والعمار والنمو.. علها تجد آذان صاغية...

إبراهيم عبد الحليم..

شكرا الجميل زول الله

وانا اكتب البوست تمنيت ان اجد مداخل ومساهمة منك لتقديرى العميق لشخصك وفنك:biggrin:.

شكرا تانى وتالت يا فنان:biggrin:.

د. ابراهيم

سلام وشوق

بالرغم من إنو الفيديو ما اشتغل معاي

لكني أثق في الزميل المخرج الفنان

حسن مصطفي

أتمني إنو الشبكه تتصلح عندي وأقدر اشوف العمل

بالنسبة للأعمال المعاي ... برضو مشكلة شبكة مانعاني من عمل أي ابلودنق في الوقت الراهن

لكن في حالة استعدال الشبكة ... توقع مشاهدتها عبر تلفزيون سودانيات قريب انشاء الله

الحبيب الفنان ابراهومه
اغنيتك من ناحيه جميله ...قطع شك فايته الجمال بى غادى .... فهى كفكره شئ مطلوب ان نغنى لبلدنا خصوصا فى زمان الاستلاب الذى نعيشه الان ...ربما عن جهاله ....وربما لامور يعلمها الله ...المهم جيرانا الحلبه عندهم لو حصان (اعزكم الله ) صهل يقولك ده بغنى فى حب البلد ويسجلوا ليه ويذيعوا ليه اذاعه وتلفون وصحاقه ..ياريت لو نحاكيهم فى الحته فى اليومين العايشنهم ديل ...
من ناحيه الصوره ...جميله ونضيفه والاضاءه حلوه ..انما الخيال هو الذى ينقصنا دائما ..يعنى اغنيه بتتكلم عن جنان بلدنا ...اى حدائقه ومزارعه ..اعتقد ان الجنائن والمزارع تستحق اكثر مماقدم من لقطات ...مع ملاحظه ان الفواكه التى ظهرت فى الصوره عند بائع الفواكه ظهرت بكراتين بلد اخر ...يعنى ما حقتنا زى المشمش ولا البرقوق مثلا ..المهم ان بعض الفواكه ليست من انتاجنا ...
اما الجميل ...فهو اليونيفورم الذى كان تقريبا لباس الجميع ماعدا المغنى (؟؟؟؟؟؟) ..ولعل كليه الطيران تعنى الامل بان نرتقى ونطير الى العلا بسرعه الف وهو امر مقبول .. مالم افهمه هو كبرى العزوزاب ...برغم انه اعجبنى ..
شئ اخر بالامس قراءنا فى الصحف ..تهديد وانذار من جهه حكوميه اخذت موافقه من مجلس الوزراء ..
انه ممنوع الغناء والتمثيل والرقص والعزف والتلحين بدون اخذ اذن وبطاقه عضويه من هذه الجهه ...وان شخص يخالف هذا الامر فهو موعود بما لايرضاه ...هو ومن استخدمه من نادى او صاله او حفله او مكان فرح ..
فكدى بالله ورينا ترخيصك ...:cool:

الجميل ناصر

والشوق نمده ليك.
وثق انني واثق ومقدر لمجهودك واتمني ان يجد القبول لدي اعضاء سودانيات:biggrin:.

المرة الجاية لازم نقابلك ونقالدك:cool:.

الحبيب قرقاش

شكرى لهذه المداخلة المضمخة:like2:.

كانت هناك افكار كثيرة لتطبيقها مثلا حصان الكارو بس عامل الزمن واجازتى كانت قصيرة ما كفتنا. كذلك السودانيين ربنا اصابهم ببيروقراطية لايوجد لهامثيل. حتي المزارع التى علي قفا ما يشيل رفضونا لدرجة مافى:075:.

بالنسبة للجان النصوص فعمرها ما قدمت فنان ولن تقدم. بس تعويق للمسيرة. ارجع للتاريخ وتأكد من كلامى ده.
هناك الان خمسة الف فنان عندهم بطاقة.. وينو فنهم؟ ... الاجترار والتقليد؟
بل المؤسف ان بعض الفنانين عندهم البطاقة واعلي درجة فيها ويغنون الان بنفس اغانيهم الهابطة واكثر فلقد تم تقنين غناهم من قبل مجلس المهن الذى افترع خصيصا ليحارب الغناء الهابط فتأمل:mad:.

عزيزى قرقاش ممتن لك جدا علي هذا النقد وسعيد انك درست الاغنية والكليب جيدا واعطيتنى وجهت نظر قيمة للغاية وممتازة:biggrin:.

دم بخير