الفرق مابين HT و HD
 

اولا التحيه لكل اعضاء المنتدي

كل بيت سوداني قديم به مزرعه صغيره بداخل الحوش ومقسمه علي قطع صغيره ولكن عندما حضرت الي العاصمه في 2001 وجدت كل حوش به ضفيره او سراميك بمختلف الانواع

هكذا هو حالي عندما كتبت اول مداخله لي بالمنتدي لم اجد مكان رد لكل شخص علي حسب تفاصيل ترحابهم وتقبلهم بوجودي معهم لكم التحيه مجددا

دعونا نتحدث عن ال HT اولا

انهم اصحاب الرساله الاولي H و T و | | |

وربما توجد رموز اخري لن نتعرف عليها

… ..

دارجي


طقت الديك 111 بترجاك مصنقره في ككر الخشب وبتقلي في بنات الضحي قبل الشمس تشرق وعمك بيكون ظبط راسو وشنق الطاقيه واداها كم لفه كده لحد مابقت زي الطبق
هنا يوجد حوار بينهم مع ضحكات صغيره ولفتات بارعه بينهم حتي لايفهم من حولهم بينك وبين نفسك تقول ياربي الحاج ده مالو جنا ولاشنو
تقول تعاين فيهم يمين شمال تحاول تنظر قبل تكمل شاي الصباح يقول ليك خت شاهيك هنا قوم شد لي الحمار انا مستعجل
بعد ماتدي المهمه تلقي شوال العيش جنب الباب راجيك
ياااااولد جهز كيلتين واتلهم الطاحونه وكان لقيت الصف طويل قولوا ابوي قالك فيو الفطور
وانت بيجاي عرقك يتخلت وماشي كيلو ونص ولسه ماوصلت الطاحونه وبينك وبين نفسك تقول هسي كان مشيت لي الهادي ده ماكان اداني الحماره حقتو هسي في داعي للتعب ده وتتزكر انو الحاج ماشي بي هناك للطاحونه وعايز يعسمك بيو
حكايات من الماضي يسجلها التاريخ علي صفحات خدودهم النائره بصدقهم وتواصلهم وتالفهم لن تعني لهم الدنياء شي سوي الابتسامه والهزار والشوره وراي العمده في كل تفاصيلهم


مافي زول يقول لي مشيت للعمده وقال لي مابمضي



وال HD تلفزيوني بجيب ضلمه كباسة شينه جت