يا قـــــــــاسم أمين ...كيف أرحب بك؟
بعد الحنك العاضي بتاع نورت المنتدى وماعارف ازدان عقدنا بك ؟؟؟
|
شواذ اخر زمن كمان بعرفوا الواجب
دا ربنا ليهو حاجات يا جدع والله يا قاسم يا ود امى نرحب بيك بس ما قادرة ادس الخوفة يعنى زول يحتفى بيهو المدعو ربطة بصراحة بصراحة بكون بين قوسين الى ان يتبين الخيط الابيض من الاسود عموما منور المنتدى وحبابك الف |
كدي النبداها معاك بقطيعة قبل الترحيب...;)
حاولت اتقاء الشر والتزاوغ من مسئولية الترحيب بك وما يترتب عليها من سك للبوست وشيل وش القباحة في لآمتك البعرفا ... حنست عكود قال لي:" مابتحمل مسئولية زي دي والله" ومعاها كتف ... حافظ حسين مارد علي لكن صر وشو وعاين لي من فوق لي تحت كده ومرقت منو "هه!!!" قربنا نخليك تجي خاشي سكتم بكتم "لاموية ليمون لاهزّة كانون" لكن ماكنت كمان بضمن انك تجي مفنجط وتقع في المنتدى كـالثور في مستودع الخزف :D (ماقلت ليك بتسدى فيك حنك التور ده) فشنووووو .. البتجي من السما |
قاسم أمين لمن لايعرفونه....
لئيم - قطيم - بايخ غايتو الاسم سالم :D |
اقتباس:
ويقوم الجيلي يجيب ليك جردل نشاء تعصرعلى هناي داك يقوم هناي التاني يجي بي نخيله ويدور العرضة تقوم هناية ديك تجي تزغرد وهناية التانية شايلة شيتها لي الجيلي يقوم يغرود ليها عيونه ويقول ليها بحبك يابت تقول لي سجمي دي هسه بشتنة شنو البشتنتني ليها دي ينط هناي داك ديني انا ياخ وهناية دييييك الهنان يكتلها وتقطعوا في مصارينها ويقوم المحتفى بيه ينتهز الفرصة ويفتح لي بوفي لمديدة الحلبة يقوموا ناس طيبان وادم يجيبوا كورهم ويجوا:p |
اقتباس:
والله بخيت وسعيد .... بالجمبة كده: ياسرور ياخ خوفة شنو الكلام الفوق ده دعاية ساي ، الزول ده حبووووووب وولوووووف وودييييييع وظرييييييف وحلااااااااااااتو كدي حاولي أتلائمي عليهو ;) والله قاسم ده يشكّل فولترون مع رأفت ميلاد تاني لو اشتقنا ليك الا نلقاكي في منتدى الرياح الهوج داك :D:D:D:D |
اقتباس:
كده لكن بيسهد عذابي طائفة من الشمّات ، كتّرتي علي الهنايين والهنايات ياخ لكن الشي المحيرني انو الجيلي احمد مالو ماطلع هنااااااااااااااي؟!!!! ياخ البوست داك من شدة ماشتتو فيهو سكر لمّا الحمام بالجمبة كده: عليك الله ياجيجي ماتجي خاشة بعد سونيا الساحرة في أي مداخلة بتعاديك ياخ:D بالجمبة التانية: والله ترحيبك يليق بقاسم وشبهو أساسا هو برضو "هناي" |
عندما تختفى الشمس وراء الفيب
وتأتى السماء بمصابيحها .. وترسل النسمات اشارات الحضور حينها حينها فى شنو مالكم منططين عيونكم كده ؟ الزول اصووو ماينداح ويكون مهذب مع الضيوف ;) والله قولنا نعمل الواجب مع اسيم فردتنا القاعد يقيف معانا قاسم نصير الحسس شرفتنا كتتتتتتتير يعلم الله عيبك الوحيد قالتو ليك الساحرة سونيا :D |
قاسم أمين مرحب
يا الجيلي و الصادق البديري أنا دايركم في خدمة في هذا البوست الي حين عودة الجيلي و صحبه نستغل هذا البوست و الله يا مهند الليله حسين ابراهيم و بين قوسين يعتبر والدي المباشر ضرب لي تلفون أتكلم 7 دقايق ... التلاتة دقايق الأولي عن الفيديو و الباقي عن قطع السمسم .... يا خي في دي فضحكم فضيحة إنت و أشرف .... المهم دار بين الحوار التالي: و الله السنة دي عمال سمسم يلقوهم وين ما عارف؟ خير يابا السمسم خلاص مرق؟ هو: ايوا مرق و بعدين انا السنة كترت الزراعة, زارع لي 3 جدوع أنا: خلاص يا أبو العلا (هوي دي في سري)....و في الجهر قلت: ما مشكلة, خلاص انا برسل ليك قروش الحصاد هو: المشكلة ما في القروش يا ولدي. بقول ليك عمال ما في أنا: خلاص يابا أنا بسوق صحباني ناس أشرف و مهند نجي نقطعه ليك هو ضاحكاً و بشماتة لا تخفي علي أحد قائلاً: منو و منو؟ أشرف و مهند يابا يا ولدي اشرف شنو و مهند منو البقطعوا سمسم,..... هكذا كان رده و الله كلمة متضامنين دي حسيت بيها طلعت من التلفون لكن شكلها وقعت في مدني ما لحقت تصل الخرطوم.... و واصل قائلاً: غايتو لو ناسك بدوك إجازة تعال لي أنت, و بعدين كلمت أخوك المنعول دا يجيني كان يسخي و عندنا في الأسرة ملعون واحد و الله ما انا... و الله يا أشرف و مهند اسماكم عملت ليكم السمعة يا قاسم تاني مرحب |
اقتباس:
الحمد لله الطلع الموضوع هظار... ياخ انتو قايلاتنو قاسم امين بتاع تحرير المرأة؟؟ بالله التراحيب كلها حسس ومعاهم سونيا:D بركة الجا حافظ حسين لتمثيل الفرع الرجالي بالمنتدى |
اقتباس:
والله التضامن مابناباهو الا الفي حسين ابراهيم انعرفت ، هسي عمك حسين ده كان حلفنا ليهو وللا اتدردقنا ليهو عديييل في لوري مصاحف بصدق اني تربلت لامن ديني طلع؟؟؟ غايتو الله يسامح باولينا على الاسم لكن كلامو في أشرف صِحْ....:D قلت لي شنو؟ مرحب ياقاسم ؟!!;) افتلو البوست طلعو ميتينو |
الترحيبات لقاسم أمين
والتحيات لعم حسين :D |
مرحبمبك قاسم امين -ومعاها- حبابك ألاااف
الدار دارك تب قشة ماتعتر ليك - ثم احيي عمنا حسين وأثني على كل حرف قاله اشرف ماعندي عنو علم لكن كلامو الفي الرباطابي دا ماظنيتو يقع الواطا فتلة بي عشميق راسو عديل^-^ اقول قولي هذا واستغفر الله لي............ |
المتواجدون
أمين عام سودانيات, مي هاشم, مرافي, البديري, بدر الطائف, رئيس مجلس إدارة سودانيات, سماح محمد, سارة, زول الله, عبد العظيم السعيد, عكــود, wadosman, نبراس السيد الدمرداش, وجدي الأسعد الأسعد بعد الهوا الفوق يتخارج ينجي البوست دا الجيلي هسي ما تجي الدنيا كاتمة و الطارة برة قاسم أمين الف مرحب |
اقتباس:
والله اتلومت وماواجبتنا ياكوكي;););) بالله طلب من المشرف الفني دايرين لينا مع الوشوش البجمبة دي وش بهز كتافينو ...... |
| الساعة الآن 03:47 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.