ابتسامه لله
قالو المسطول قاعد في حافلة المواصلات و بعاين بالشباك
جاتو وحدة سميحه بالشباك قالت ليه وين ( طبعا قصدها الحافله ماشه وين ) قال ليها قااااااااااااااااعدين انتو الما ظاهرين :D :D :D :D |
واحد شحات لقى واحدة سمحة راكبة الحافلة
داير يقول شيء لله .. قال ابتسامة لله .. واحد زار صاحبو اسمه عبدالواحد .. فتحت ليه الباب بت ( بقاقة)* .. سألها : عبد الموجود ..واحد ؟ .. سؤالى الذي لم يجاب عليه خليتو ... * يسأل عنها عكود .. |
شكرا يا عزة على الفكرة الحلوة
وأأمل ان يساهم الاعضاء بما لديهم من نكات ونوادر تزيل عنا إحباطاتنا اليومية ورهق العمل لكني ارجو من الاخوة النأي عن قص النكات التي لها علاقة بقبيلة معينة او منطقة بعد ان اصبحت النكات تجترح من اجل المكايدات اكثر من هي دعابة . وعلى هذا النسق وددت المشاركة بهذه النكتة المعدلة والمنقولة من إحدى المنتديات الالكترونية: واحد حاسد شديد ومعاهو اخر كانوا تايهين في الخلا .. فجأة طلع للحاسد جني .. شبيك لبيك وأنا بين أيديك .. لكن عليك أن تعرف أن أي حاجه تطلبها حا أدي الشخص الاخر قدرها مرتين .. قام الحاسد صنقع ودنقر .. وقال للجني .. بالله قد لي عيني دي .:D |
اقتباس:
النكتة ممكن تعدل فيها لكن ( الغتاتة ) دي ماركة مسجلةما بتتعدل :D:D:D شيل شيلتك الليلة مع ( الليكود ) ودي واحدة . . والله يستر واحد مشى للصيدلية قال للصيدلي عايز لي فياغرا الصيدلي قال ليهو دي يا إبن العم ما بنصرفها إلابي روشتة عندك روشتة ؟ قال ليهو لا والله روشتة ما عندي . . لكن عندي صورة المدام |
قال الشاعر اضحك ضحكة
تمسح دمعة معا يا اخواني الحزينين منكم و السعيدين نمسح دمعاتنا ...... لكن شكلنا كدة حنحتاج خيشة مسح |
قالو في واحد (.........) مات , سالوة قالو ليه ندخلك الجنة ولا النار ؟؟؟
قال ليهم ال(.......) وين ؟ قالو ليه كلهم دخلناهم النار قال ليهم خلاص ختوني معاهم في النار قالو ليو ليه قال شفتو ال(......) ديل ما بخشو حتة ساكت اكيد في مصلحة ,,,,,,,,,,, الشاطر البملى الفراغات عندو جائزة |
سلامات :
غايتو انا بجاوبك و الاجر على الله. الاجابة : يشرب صباحا و عصرا + ق + ي |
مسطول دخل الخلوه.. لمن جا راجع سألوه:
- أها الشيخ أداك شنو؟ - والله هو زاتو ما متأكد.. مره يقول القارعه ومره ما القارعه |
عزه والله الله يفرج همك --انستينا
ما عندي نكته كامله بس جزء منها او تمومه لي نكتتك الفوق ديك الخلو جهنم فجاة ظهرت ليهم حواء الطقطاقه--فسالها كبيرهم --انتي يا حوه جابوك معانا هنا قالت ليهم --ابري واستبري لا اذيت زول ولا كتلت زول وربيت يتامي جيت هنا عشان احرر دلوقتي وراجعه للفردوس وغفر الله لنا ولكم |
الصديقه عزه
شكرا جميلا حين تشهرين البسمه في وجه الزمن العبوس وقالو في واحد مسطول قالو يعرسو ليهو يوم العرس من الصباح شرب ليهو سجاره كبير وكان اخر مزاج بعد الحفله اتنهت والناس مشو قبل لقى العروس قال والله انا بي جوتطم دي عارفم حاينسو ليهم زول |
قال ليك مسطول قاعد مع مثقفاتية شابكنو ليك إندياح وتأطير وبلورة
وشفافية .. وما لاقي حاجة يقولها .. واحد قال ليهو يا أخينا مالك ساكت .. قول حاجة رد عليهو: ما من الحاصل حولنا دا .. يعني مثلا قل لي ماذا تقرأ .. أقول لك من أنت قال ليهو: ماذا تقرأ المسطول رد عليهو: من أنت؟ |
اشترى بخيل ثلاثة برتقالات .. قطع الأولى فوجدها متعفنة فرماها .. وقطع الثانية فوجدها أيضاً متعفنة فرماها ... فطفأ النور وقطع الثالثة و أكلها !
|
قال ليك واحدة بتبيع شاي قدام جهاز المغتربين جاها ليك واحد من المغتربين الناعمين بتاعين الخليج قال ليها يا خالة عندك قرين تي قالت ليهو لا عندي قرين كارد،،،
والعهدة على الراوي قال فعلا الحاجة دي عندها قرين كارد ،،، |
الاخ / نزار
تاوقت لى كمين يوم ما شفتك ، حمد لله على السلامة ... بمناسبة المساطيل :- مسطول امو شاكلتو ، مشى البقالة اشترى كرتونة لبن بودرة ، جاب ليها وقال ليها اعتبرى البيناتنا انتهت ... |
سلامات يا ريس
والله مستاقين،،، لكن بتاعت لبن البدرة دي قوية،، انت عارف المسطول ده اكون امه كانت ما بترضعو فلهمة بنات الزمن دة!!!!! يا خي اظهر وخلينا نعرف اخبارك ولو في الخاص،،، محبتي تخريمة معليش يا عزة كمال خرمنا من البوست شوية،،، |
| الساعة الآن 05:21 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.