[imported_شبارقة]

السلام عليكم العزيزين عبد المنعم وبابكر

والله ده بوست موضوعي جدا ً (بس لو خليتو إبرتكم تشيل خيطين )

والله يا أخوان المناكفة ما سمحة ... وشايفكم دائما ً محدرين لي بعض (حتى إن غم علينا وضلـّمت )

نرجع للموضوع ... ونتسآل ... هل ممنوع الواحد يدخل بحسابين ؟ (طبعا ً أنا عارف الإجابة لكن عاوز أبدأ معاكم نقاش) ... طيب هل تستطيع الإدارة ممثلة في الأمانة العامة والمشرفين أن تعرف إنو (فلان أو فلانة) عندو أكتر من حساب؟ هل تستطيع أن تتبعه عن طريق وسائل تقنية ؟ مثل الـ IP والـ ID إلخ ... طيب إذا عندو أكتر من حساب المشكلة شنو في ذلك ؟ طيب إذا في مشكلة أو ح تنتج مشكلة من ذلك ح نعمل للزول ده شنو؟ وح نعاقبو بي شنو ؟ وماذا تقول اللائحة في ذلك

في إنتظار أصحاب الإختصاص والعالمين ببواطن الأمور ... وشكرا ً لكم.