اليوم يا صديقي كنت شاهداً علي معركة قوامها الحجارة ، فجأةً وجدت نفسي في معركة حتي المعتركين أنفسهم وجدوا أنفسهم هكذا فجأة يتعاركون ـ قلت في سري لهم إنشاء الله المانع خير ولم يجبني أحد .. سالت دماء عزيزة لنفر أعزاء نفر لا يحملون من الغد إلا ما يوعدونهم به ساسة الراديوهات والتلفزيونات والمكرفونات ساسة بكرة حنعمل ليكم مستشفي وبكرة ياجماعة حنعمل ليكم مدرسة عشان شنو ؟ فيجيب الجماعة الله أكبر عشماً في مواصلة الأحلام ليس إلا .
قرطاج تجولت في ثناياها من قبل برفقة محمدشكري وها أنذا أتجول في أزقتها وحواريها معك الآن ـ أما بخصوص البجراوية والباقيات الصالحات من بقايا أجدادنا فيقيني إنو الناس ديل لم يتركوا شيئاً من أتر الأجداد ليكون شاهداً لعظمة هذا الشعب الذي يقتل ولا يموت . فبعانخي ده ما زمنو ؟ وتهارقا ده خليهو ساي والقرشي زول مات في أحداث شغب وودحبوبة زول ساي وعلي عبد اللطيف مافي أصلاً سبب وجيه يخلينا نحتفلبو ـ وعبدالفضيل ألماظ مغامر وعبدالخالق عميل لهنري كوريل ـ وعبيدحاج الأمين وووو حتي أمس جون قرنق ما منهم رجا ده زمن بالضبط كده إسحق أحمد فضل الله والطيب مصطفي والكرنكي والـ.... زمن الحلاقيم الكبيرة ده (زمن ضلالة أونطجية زمن حقارة زمن مهين) . أو كما قال حميد يا صديقي بقرطاج .
والله في .