ممتاز والله.. التحيه ليك ولجماعة( ترتار) وهي بتوصًل رسالة مجتمعيه مفادها البديل.. أنا.. أو إنت .. أو أي زول قدر المسئولية.. هرمنا ، وسال لعابنا ونحن نشوف الربيع العربي وكل مرًه نقول الدور الجايي علينا.. ولمن ما يجي الدور علينا .. نخدًر نفسنا بتجربتي إكتوبر وأبريل.. التجربتين إللي لا يحتسبوا مقارنة بالشعوب الثورية الصاحية ولحدي الليله طالعه الشارع حتى بعد ما أسقطت حاكمها..
مشكلتنا يا سماح إنو نحن شعب ما بنسك حقوقنا ومكتسباتنا.. الفريق عبود مما حل المجلس العسكري الناس رجعت بيوتها ، وسلًكت إضنينها للإكتوبريات ولحدي الليله بتدندن بالأغاني دي.. وبكل أسف كررت تجربتها في أبريل مع ميري مختلف ( سوار الدهب )..
عايزين نرمي التاريخ ده ورانا.. كرهنا إجترارو ( في قعداتنا وبين كاساتنا..) وعايزين دماء شابًه جديده.. وأثق تماماً بمقدورها على إحداث التغيير.. بس نحن كيف نخت إيدينا في إيدين بعض.. ونكون واقفين بدون تململ للنهايه.
--
مودتي.
|