اقتباس:
المشاركة الأصلية كتبت بواسطة قيس الصديق شحاته
في س أون لاين، في واحد بارد جداً، وكيسو أفضى من نجمة ليلة اكتمال القمر بدراً، اسمو ص غريبة.. الزول دا شاغل الدنيا والعالمين وبقى موضوع البورد في الرايحة والجاية، مع إنو مجرّد الرد عليهو أنا شايفو قلة شغلة.
الآن، هنا، وبـ لوك مختلف قليلاً، وبقدرة قادر، أصبحت أم التيمان الشغل الشاغل للجميع.
اللهم لا نسألك رد القضاء...
|
صلاح غريبة بمارس بهناك إغاظة سياسية والبردوا عليهو قاعدين يفرغوا من غضبهم تجاه الإنقاذ.
أم التيمان بتكتب هنا بمنتهى الجمال والحب تجاه الآخرين، يختلف الناس حول القيمة الأدبية لما تكتب، وآهو نحن قاعدين نعصر في ناس حافظ عشان نعرف قراءتهم الحقيقية لما تكتب أم التيمان، ودا كلو دليل صحة على حرية الكتابة والتلقي.
مداخلتك دي، بالرغم من إنها تتمتع بحقوق مظلة حرية الكتابة، إلا انها تجنح للتطرف والإقصاء.