[عابد عقيد]

المشاركة الأصلية كتبت بواسطة bayan

سلامات
والله الزول حزن جدا لما حدث
من يحاول تسيس الموضوع بضل الطريق
الزول دا بس زول زعلان من البحصل بهناك...وكاتب كلامو
الحكومة ذيها وذي الاحزاب ما بتاخد السايبر بصورة جادة عشان تحاول توقف منبر
بفضح المعارضة واكاذيبها اكثر يلمعها..وليكم بقصة قتيل الفاشر
نموذجا اسع دي بالله معارضة يحاربوها في السايبر؟
وقبل كدا لنفس الاسباب دي جات مجموعة هكرت المنبر
المؤسف ان الهكر اقصائي مثله ومثل من يكتب في المنابر
يعني عقلية ما منفصلة ...
مثل مافي بعض الناس بيشتكو الناس ويطالبو بفصلهم في ناس حايمة برة
وعندها قدرة بتوقف بورد كامل...وهكذا دواليك والعقلية السودانية..
علما ان بورد سودان نت ايضا هكر وتم ارجاعه..
وهكر لان هناك من سب الدين فيه...
يعني الحكومة البتسب الدين يوميا لما تتاجر بيه
ما اظن تفرغ ليها ناس عشان يشيلو العدة عشان زول سب الدين
دا زول فرد او شلة لا غير..مغيوظ من كمية الحاجات البتحصل
وعايزة اضيف انه المنابر دي مكان لتبادل الرأي في مكان محدود جدا
ولا اثر لها في واقع حياة الناس ولا الحكومة
الا الكتاب والقراء الذين لا يمثلون عدد كبير..ولاعدد مؤثر

وسلامات يا لنا

د. بيان عساك بخير
اراك تتحاملين كثيرا علي المعارضين من عضوية سودانيزاونلاين فهولاء يوجد بينهم اصحاب اقلام
واعية والمسألة ما مسألة تلميع او فضح المعارضة فكل انسان بنطلق من فلسفة معينة وفهم محدد للمعارضة
وفي كل الاحوال ما علينا الا احترام الراي الاخر ولّ مافي داعي للمنابر الحرة .
وزي ما قمت بصياغة التبريرات للحكومة بنفس المعيار ممكن نسرد اسباب تدع الحكومة او المناصرين
لها في قائمة الاتهام وابسط الاسباب انو الحكومة كانت في يوم من الايام تمنع الناس من الاستماع لبعض
اغنيات الفنان مصطفي سيداحمد وهل تفتكري تصرف بالصورة دي ما جدير انو يخلي الحكومة في
قائمة الاتهام ؟
عموما وبغض النظر عن من قام بهذا السلوك الغير اخلاقي ---- فهو مدان .
ولا لتكميم الافواه باي شكل.

مودتي