[برونزية]

المشاركة الأصلية كتبت بواسطة بابكر مخير

يا لون أهلي
يا البرنزية،،
بحاول وعارف ما بقدر، بس حسي وهاشم طه بقى مسئول محايد، بقدر أداخل،،
ودي محاولة، فاشلة،،، لكن نعتبرها مداخلة "نص"
قال:::

إشتقتا ليك
وإتا الجمر الياني متوهض حرقتو
وحيد والعذاب يغالبني لرفقتو

إشتقتا ليك
يا الجواي في القلب، وأعاين أفتش سكتك
ما الوهم خلاني قايلو شالك بعيد، ودرك

إشتقتا ليك
شوقن لا حد ليهو لا بيوصف بِقدُر
دا قربك، مناي راجيبو ليلة قدْر

إشتقتا ليك
وشوقي ليك، في اليوم كل ثانية وكل لحظة
لِنظرة من لحاظك، بصة أو حتى لحظة

إشتقتا ليك
للعيون وللجفون والخدود العليها رشمة
للسنون الناصعة فيها الفجة باقيا رسمة

إشتقتا ليك
هبت نسيم، لفحة دعاش، ريحة مطر
لي سكنت جنان وسط الملايكة بطول العمر

قال محاولة نص ومال لو كانت كاملة
كان ح يكون كيف
ودمخير يا راجل
عذبت الشوق وشوق الشوق
وما خليت لينا فرقة نشتاق بها
تسلم يارائع على هذه المداخلة المليانة
ولك كل الميداليات البرونزية
شايف رشا قالت شنو؟
ودى