اقتباس:
المشاركة الأصلية كتبت بواسطة الرشيد اسماعيل محمود
سلامات يا تماضر..
الحيرة وين..؟؟
إبتذال المفاهيم دي لازماني براي..
أنا قلت بعيدا عن التركيز علي الأسئلة من شاكلة كيت وكيت، علي أساس أني ما حأجاوب علي سؤال، ولكن بحاول أجمِل وجهة نظري في حيثيات.
يعني إذا ركزت عليها-أي الأسئلة- حأقوم -حسب وجهة نظري-بابتذال المفاهيم الأنا معتقد فيها فيما يخص الموضوع ده..
عشان كدة قلت أحسن اقوم أمسك الموضوع من جانبه الجوهري كثقافة متجذرة.
وهذا كلّ ما في الأمر.
قصيدة الأعشي ودّع هريرة إنّ الرّكب مرتحل..
طبعا جدل كثيف دار حول هل توجد لام قبل ريث ولا لأ..
اذا وُجدت لام يبقي النفي يلحق بالإثنين وده حيقرّر إنو السحابة بتمشي بين بين.
وأنا شايف انو السحابة بتمشي برّاحة..وتصوير المشية يعني قادلة..
زي قدلة السحاب..
ــــ
بالله إنتو درّسوكم ليها في الأساس..!!
أهن..
|
صباحاتك ورد رشيدو،
ماهو وجهة نظرك دي الأنا علّقت عليها..فماعارفة قصة لازماك براك ومعتقد فيها تعني ماأناقشك فيها يعني ولاكيف؟؟
كلامي الأوّل كان انحياز لاجابات الأسئلة على انها تفتح مداخل واسعة لفهم الناس حول المقاييس بتاعة الجسد المثالي البتتحكم فيها حاجات كتير منها الثقافة زي ماقلت ،
أمّا وجود ال لا من عدمها ف دي مامرّت عليّ ..
والمعنى لاقياهو متسق تماما مع وجودها ياخ عليك الله شوف السحابة بتمشي كيف؟ لابررررراحة..ولابسراع..بس ياهو وصفو ده
مادرسونا ليها في الأساس بس زمني الهناك أدّاني ليها أبوي..أهن؟