اقتباس:
المشاركة الأصلية كتبت بواسطة زهير ابو سوار
اقتباس:
المشاركة الأصلية كتبت بواسطة على ماجداب 
ابو سوار ازيك ياخ
عارف خلينا نسميها الرغبه فى الجمال ..الجمال بذاتو.. جسد المرأه صدقنى عندو جمال مجرد وموصف روحو اولا زى الطبيعه والأدب .. بدليل انو المرأه نفسها قد تحس جمال جسد مرأه أخرى (ماتمشى بعيد سمح).. دا الجمال الجمال الاصيل قبل الجنس يابو سوار موضوع العاطفه وربطو بالجنس دا قصه تانيه طويله كدى
طيب يا ماجداب لو في زول (مخسي ) يعني والرغبة معدومة عنده تجاه المرأة وهو في نفسو زول فنان وعنده خيال قبل ما يخسوه يعني ، بعد كده حيقدر يستلهم مكامن الجمال الحسي ويمرق العندو واللا يخت الخمسي فوق الإتنين ويتمحن ...!!!
بعدين انا فعلا مشيت بعيد في حكاية إحساس المرأة تجاه جسد اختها ..
لكن انت قفلتني بالقوسين وحشيتها قبضة في خشمي ..
فعلا الربربة هي ديدن الثقافة الشرقية عموما وخاصة العروبية ..
زمان غايتو لو في واحدة دايرين يعرسوها يحبسوها ويسوا ليها المديدة والنشأ عشان تبقي قليدي وما تكون ممصرنة ..
دي كانت مقاييس الجمال الحسي في الذهنية السودانية والمحيط الحولها ..
يعني لو دايرين نقارن بين جوليا روبرت وإلهام شاهين أكيد جوليا خسرانة بالمقياس الشرقي وحتطلع مشطّبة .. |
يابو سوار ..كيفنك
تعرف لما قلت ليك الجنس ماهو المعبر الوحيد عن الجسد ..معناها الجنس يعبر ايضا ما نكرنا دورو اصلا .. وضربت ليك مثل بالتشكيلين وبالذات الكلاسيكيين ناس رسم الهيئه اعمالم كتير جدا بتلقى فيها جسد المرأه كاملا لكن رسوماتم دى عمرها ماجات فى مجلة بلاى بوى ليه.. ببقى كلامى مصر عليهو حتى ال... او العميان جسد المرأه عندو يعبر عنه الجنس ويدخل فى رحابة مخلوقات الله الجميله العاديه دى زى الطبيعه البتعجبك وتقوم تصورا..
انا مصر على النقطه دى لأنو مسألة إنو الجنس هو الموصف الوحيد لجسد المرأه عند الرجال هو مدخل المرأه لرفض التشيئ والتقييس من الرجل ..
وبالنسبه لموضوع المديده والنشا بتعرف انو السودانيين ذاتم وكالعاده مختلفين فى الامزجه على اساس المنطقه والقبيله .. شكل المرأه المفضل فى جنوب السودان يختلف تماما من الموجود فى الشمال وتحديدا ايضا الشرق يختلف بسمات تخصه والغرب جواهو منقسم لى كتير من الأمزجه