[هيثم علي الشفيع]

المشاركة الأصلية كتبت بواسطة مبر محمود

تحياتي يا الرشيد
يعني نفهم من مداخلتك الطويلة دي إنو الإحتفاء بالجسد يعني عندك وعند السودانيين الإحتفاء بالجنس
وإن سمراء عندما أطلقت هذا العنوان على بوستها هذا، كانت تعني بالأساس "الإحتفاء بالجنس"

لو أنا غلطان صلحونا يا أخوانا

مُبر وبقية المتداخلين

صباحكم خير

تعرف لما قريت مداخلتك الأولى -الردّ عليها الرشيد - كنت عاوز أخش وأقول ليك نفس كلام الرشيد عن ارتباط الجسد بالجنس عند غالبية السودانيين-لاحظ غالبية دي بتقبل لحد 99.9%- والعرب والشرقيين بصفة عامة
أما أولئك -الخواويج "دي جمع خواجة" - فلا يشكل الجنس لهم أي هاجس لأنه مُتاح بشكل كبير-سواء بالنظر حولك أو بالممارسة- منذ فترة المراهقة ولا عيب البتة في أن تتزوج بفتاة بعد أن يكون لكما أولاد، والعكس بالعكس لدى السودانيين وأهل الشرق.

وعجبتني جداً فكرة الرشيد بتاعة الجوع البيلهيك عن أي شيئ ما عداه.

نرجع لكلامك:

ممكن جداً سمراء تكون -كمثقفاتية "دي صفة ما سخرية"- عاوزة تناقش الموضوع من كل جوانبو ، حتى الذكرها آخر المواني ،
وممكن تكون -كشرقية- قاصدة برضو الإحتفاء بالجنس..

لكن ردود ومداخلات الناس بتؤكد فكرة الغالبية الرابطة بين الجسد والجنس -لأنهم ببساطة سودانيين شرقيين-

يبقى يا عزيزي لاغضاضة -البتة- في الإعتراف بأن أحد محاور الحوار الرئيسية هنا يتعلق بالجسد الجنسي...

فاهمني ولاّ أنا خرمجت؟؟؟