[قيقراوي]

اقتباس:
المشاركة الأصلية كتبت بواسطة مبر محمود
بالنسبة لسبب كتابة الأغنيه هذه، فالإحتمالات مفتوحة علي مصرعيها، قد يكون ما ذكرته أنا صحيحاً أو قد يكون ما تذكره أنت صحيحاً .. عموماً وكحال كل الأغنيات السودانية هنالك دائماً ثمة عدة روايات..

عندما سمع عبد الله الطيب هذه الأغنية تساءل: اين هي الفتاة السودانية التي شعرها بلون الذهب.. ثم أضاف: كان الأجدى لأبو أمنة أن يقول: سال من شعرها الودك!!



تحية تليق يا مبر على ما نثرته من علم صاااافي

في مسألة الشلوخ كلامك صحيح .. صدقت و انا من المستعجلين.
معاك انو الشعراء قد يعجبوا بأي حاجة و لا اصدق من شاهدهم من اهلهم :
مستشفاً في كل شئ جمالاً .. اللخ اللخ .... او كما قال.

بروف عبد الله الطيب الله يرحمو ياخ ..
لكن اظنو وقع فيما تحاشيتو انت طوال البوست .. من وين حكم انو السودان كووووووولو ما فيو بت شعرها احمر؟

شنو قسمتها 50% في صحة الرواية؟
لما يتكلم سيد الشئ ذاتا النبي الذي يوحى اليه عن سبب نزول وحي الشعر .. يبقى خلص الكلام .. و لّ شنو؟

[ وشوشني العبير فما ابيت .. و ساقني الهوى فانتشيت ]

ح اروي ليك سبب نزول وحي " وشوشني العبير "
من الذاكرة لمقابلة تلفزيونية مع ابو آمنة حامد همسلف .. بشحمه و لحمه ، و كان معاه هلاوي..
ذكر حرفاً انو كتبها في محبوبته، زوجته بعدين.
و ذكر انو لو قدّر له اعادة كتابتها، لكتبها [ وشوشني العوير ... ]
و التفت الى هلاوي .. و قال : [ يا ريتني لو أبيت !]
رواه قيقا راوي

يلا يا شابات دي منصة .. لا تاخذنكم بأشتر او مدوزن أي رحمة .. البصل ريحتو وااااحدة!!
بعدين يا مبر - شوف ليك جنس رفع كلف؟ - اسي كلام انو الشعراء بجعبم اي شئ دا ما بنقص من الـ 50% اللتك، و يكب لي جالون في نصي انا؟ .. لي هناك اديتو شوف و بصيرة نافذة فوق الحجب. و اسي هنا جيرتها لموديل اجنبي؟ .. ليه ما تكون زولتنا ، بس اتماهى مع خيالو دا و تماها موية . وصبغ شعرا احمر .. يكون اداها كوز كوزين .. المافي شنو؟