اقتباس:
المشاركة الأصلية كتبت بواسطة AMAL
تكبر الدقن عينة دعوني اعيش
تدور علي اقرب كوافير لزوم البتاعة الفي الجبهة ديك
بالعدم تدقش اقرب حيطة 
دا من حيث المظهر وكدا
بالجنبة
انا زاتي قلتا قصة تغيير الاسم دي ما لي خير
حليلك يارباطابي |
بي مناسبة الجبهة دي
في موظفين في ميز
بالله اول ما الشمس دي تقع يصلو المغرب و العشاء
يجيبو جالون العرقي و يجوغروا
ها نقلو زميلا ليهم
الجماعة متوجسين من النديم الجديد
ربنا ما خيب ظنهم جاهم واحد بي دقن كبيرة و غرة صلاة
غايتو اليوم الاول قضو ساي التاني على مضض
اليوم التالت ختو الجالون في المطبخ و مرقوا كراسيهم الشارع
يونسو في زولك تمام وكل شوية :يا فلان عليك الله قوم شوف الحلة
فلان يمشي ياخد جغمة و يجي و هكذا دواليب
اخينا الملتحي نقشم حلف يمشي على الحلة دي
يا زول انتا ضيفنا ماممكن
يازول ضيف شنو على بالطلاق الحلة دي ما يمشي ليها زول تاني غيري
مشى وجا
الجماعة المشو بعدو لقو الجالون سكنو العنكبوت
يا شيخنا ده شنو انت بي دقنك و علامة الصلاة
يا جماعة الدقن دي جيفارا عندو
أها غرة الصلاة دي شنو
غرة الصلاة دي بول حيط ساي
الجماعة انشدهو كيف يعني
والله انا بشرب لامن يغلبن أقعد و أقيف
بقوم اتكل راسي بالحيطة و جرررررررررررر