في إعتقادي محمود عبدالعزيز هو الفنان الوحيد القومي حالياً في الساحه الفنيه
محل ماتمشي في السودان بتلقى أغاني محمود وبتلقى جمهور عريض جداً ومحب لدرجة الوله للحوت
أذكر في برنامج قديم قبل الإنفصال في تلفزيون السودان إتصور في جوبا ، جنوبيه جميله سألها المقدم عن فنانها المفضل في الشمال فأجابت سريعاً محمود , سألها المقدم ، ليه محمود فقالت لأنه غنى لجوبا ، المذيع قالليها طيب النور الجيلاني مابرضو غنى لجوبا فقالت ، النور الجيلاني ماذكر أسماء أحياء جوبا في غنيتو
بالجد بتمنى لمحمود إنو يرجع زي زمان لأنو كنز ولازم نحافظ عليهو كلنا ، الحل الوحيد في رايي إنو يتقفل في مستشفى في أوروبا أو أمريكا سته شهور ويجينا راجع محمود البنعرفو .
|