[أسعد]

يا فنان
اسمعني النحدثك
قال ليك اليوناني الثري نيراكوس وفي وجبة غداء بتاريخ 2004/12/2 كان قاعد مع اصحابوا وبتفاخر بي ثروته العظيمة وفجاءة قام طلع ليهم عملة نقدية معدنية قديييييمة وقال ليهم شوفتوا العملة دي انا ما ببدلها بي قروشي كلها لانو دا قرش الحظ حقي ورثتو من اجدادي وفي تلك الاثناء كان بجدع فيهو فوووق وبمسكو تاني -نظام مباهاة-، اها مرة جدعو فوووووق وعاوز يمسكو بي خشمو يقوم ظيييييييطك القرش يدخل ليهو جوة حلقومو ويتبلع جووووة، قام قال ليك استدعوا افضل الاطباء ما عشان خايفين علي نيراكوس لكن خايفين علي قرش الحظ، المهم الدكاترة جو وكشفوا عليهو وادوهو حقن مسهلات تقيلة عشان يمشي الحمام ، اها طبعا نيراكوس كان زهجان زهجة شديدة ومسك ليك في الوسكي دا شراب تقيل لمن وقف لط، اها اتعصر بولة وقام خشا الحمام بتسيير وعمل ليك ببببببب طططططططط رررررررط وقام علي حيلو جرا السيفون ومرق، اها اصحابو قابلوهو في باب الحمام منتظرين ، قام عاين ليهم كدة واتذكر انو مفروض يطلع القرش هنا قام كورك فيهم (ميتييييينكم لي ميتيييين ابو حلتكم يا ...............* البتاع دا انا فكيتوا في المجاري اجروا حصلوهو)
اها قال ليك قفلوا مجاري المركز التجاري دا وبقوا يصفوا في الفضلات دي تصفية وما لقوا حاجة.
اها قال ليك لمن طلع خبر تصدير الفضلات اليونانية للسودان في سنة 2005، يقوم الاقتصاد السوداني ينتعش انتعاش لا نظير له، قال ليك القروش الدخلت السودان سنة 2005 عمرو السودان ما شاف زيها ، ودا كلو سببو ( ترحيل فضلات يونانية فيها قرش الحظ)
من جهة اخرى قال ليك لمن اترحلت الفضلات دي والاقتصاد اليوناني بقى جاري هواء تقيل لحدي ما وصل ليهو حال اليوم.

في الحلقة القادمة ح احكي ليك كيف مرق قرش الحظ من السودان لدولة خليجية


* النقط هي نفس النقط حقت حافظ الزمان ديييك