اقتباس:
المشاركة الأصلية كتبت بواسطة صديق عيدروس
حياك الله اخونا حسين
يااخوي الخوف على مولانا كيشو ،، فانا قبل ما اقول البغلة في الابريق حسن فرح ختاني في القائمة ،، في زمنا ده عشان تختبر وطنيتك ونضالك لازم تصبح وتمسي بشتم ولعن الكيزان والحكومة ،، ولازم ايضا تشيد بنضال الحركات المسلحة الخمسة الرئيسية والعشرين حركة المتفرعة منها وكذلك بنضال الجبهة الثورية والجبهة العريضة وكل الجبهات الجهوية الاخرى وبنضال ونزاهة اخواتنا في مبادرة لا لقهر النساء ،وتؤمن وتعتقد في صحّة كل تقارير وفيدوهات الاغتصاب ووحشية وهمجية الجيش المكون من جنود وضباط وضباط صف اتوا من عالم اخر وليس من قرانا ومدننا واريافنا
|
--------------------------------------------------------
صديق سلامات
يا خوى والله لو قلبت هوبة انت القائمة دى جواها جواها ومافى زول دفعك نحوها..... انت بنفسك باستنتاجاتك المغلوطة واحكامك على الآخرين بتورط نفسك .... هسع انت رميتا فى حسن فرح ونسيت انك بادرت بالبهتان ووصفتنى بطالب لجؤ وانا مواطن سودانى احمل جواز سودانى وجنسية سودانية حتى اليوم اتيت لهذا البلد بعد ان اوصدت حكومتكم الابواب امامى حينما رفضت استخراج جوازات سفر لبناتى حتى استطيع مغادرة الجزائر للسودان بعد ان اشتعلت الحرب الاهلية هناك حيث كنت اعمل استاذا جامعيا لمدة 12 عاما واسدد الضرائب للحكومة...لم اجد مفرا من الذهاب الى بلد الزوجة حتى اوفر تعليما لبناتى وعملا لى وبحمد الله التحقت بالجامعة هنا وبناتى اكملن تعليمهن وتوظفن وتزوجن ورزقن بالاطفال واقسم بالله العظيم لم افكر حتى للحظة واحدة فى طلب اللجؤ بالرغم ان عدد السودانيين الذين هربتهم المافيا من السودان عبر روسيا الى استونيا بلغ حوالى 25 ولا زالت اعدادهم تتزايد و كلهم حصلوا على اللجؤ وقد كتبت انا هنا عن هذه القضية ...فارجو الا ترمينا بالبهتان ويكفينا ما نحن واهلنا فيه من معاناة
بعدين حديثك عن التطهير العرقى غير امين ولك ان ترجع لحديث البشير نفسه الذى اعترف بما ارتكبه هو وعصابته من جرائم فى دارفور