[ود الخير]

المشاركة الأصلية كتبت بواسطة زول الله

بعد القهوة وإعادة تسليح الشيشة واصل الحكي وقال:

اليوم التاني جابو لي برميل بتاع جاز عشان الجنريتر ونزلوهو في بيتنا
ومشو أجرو لينا بيت في الحلة عشان يكون مقر الفرعية وأدونا مكرفونات اتنين والجهاز بتاعهم وبرضو ادونا زي 100كرسي وطاولات كبيرة وصغيرة ومعاها فرشتين كبار للصلاة و زير بتاع موية والحاجات دي جابوها بي دفار وصاحبي السمين المربع المرة دي كان سايق موتر سوزوكي اسود جديد






اقول قولي هذا واستغفرالله لي..................

جننيتر ، برميل جاز ، 100 كرسي ، ايجار دار ، مكرفونين والجهاز بتاعهم ، وطاولات صغيرة وكبيرة ، وفرشتين كبار للصلاة ، وزير بتاع موية ، والترحيل بي دفار ، وآلة كاتبة ! ، ومكنة تغليف ، ومبلغ معتبر ، أكتر من الحوجة ! وزول بي موتر متابع وصول الأشياء دي لي زول الله ، " بالمناسبة انت كنت أأمن زول لتطوير منطقكتك والحلال المجاور ليها ، وأبداً الكيزان "مصطلح الكيزان دي بتريح ناس كتار" لكن الصاح يا زول الله أقول ليك السوداني المربوع أب موتر دا رب العباد نزلو ليك من فوق عشان يفتشك ويجعلك السبب في انارة الحلة وبدل 100 كرسي انت الزول النضيف دا تعملها الف ،، وبدل جننيتر تجيب مولد كبير ! ولاحقاً تكوّن لجنة من نضاف الحلة لتوصيل الكهرباء للمنطقة ،،

انشاء الله السودان كلو يبقى حرامية زي الكيزان !


آلة كاتبة ، وزير وفرشات للصلاة في التسعينات !!


لله درك يا إنقاذ !

كانو بيفتشو لي رجال ، كانو بيفتشو لمنقذين ، كانو بيفتشو لدماء حارة نضيفة توصل القليل من الميزانية للقرى والمناطق البعيدة ، الميزانيات دي يا زول الله لغياب الضمير ولكثرة ضعاف النفوس ، من زمن الاستقلال الى حضور الناس ابان مواتر ديل وتفتيشهم في الأحياء عن منو الامين النضيف السمعتو كويسة عشان يسلموهو الفرشات والزير ، كانت الميزانيات دي حدها بوابة وزارة المالية وتوزع ، وأنتو في القرية بيصلكم وتقبلو تحيات الريّس !!