[ناصر يوسف]

المشاركة الأصلية كتبت بواسطة زول الله

- اها يازول واصل
- طيب

بعد انتهت المسيرة الناس جات راجعة الحلة


عملنا اجتماع واتحاسبنا على المصاريف كلها وإستلمتَ الباقي من الشباب وإكتشفت انو المبلغ الإنصرف لايساوي ولا حتى ثُمن الميزانية الطالعة الإستلمتها اليوم داك.


المهم يوم السبت


مشيت عشان أرجع الباقي ومعاي ورقة فيها تفاصيل المنصرفات كلها وفي بالي إني ح أحصل على مكافئة كبيرة من العالم دي.


لما وصلت لقيت زولي المحترم داك واقف

ومديت ليهو الورقة بتاعة المنصرفات


المهم صاحبك عاين للورقة بي طرف عينو كدا ورماها تحت مكتبه وقال لي شكراً جزيلاً جزاك الله خير على المجهود ونحن طبعا ماحنقصر معاك ان شاءالله وانت حتكون من أدرعتنا اليمين وشغلك نضيف ماشاءالله عليك

عارف يافردة انا طلعت من مكتب الزول داك وفي جيبي كم؟؟؟ ماحتصدقني
المهم حاول اتخيل اني اشتريت منها موتر هوندا جديد وفتحت بيها دكان في الحلة الجنبنا وبنيت منها الحيطة بتاعة حوش ابوي البي ورا عشان المطرة وقعتها وبرضو كان لسه باقيها موجود.

ودي كانت اول دفعة من قروش الكيزان تدخل جيبي

يووووتبع


اقول قولي هذا واستغفرالله لي.......................

قووووووووول واحد يا ود الخير

المشاركة الأصلية كتبت بواسطة ود الخير

بالمناسبة انت كنت أأمن زول لتطوير منطقكتك والحلال المجاوره ليها ، وأبداً الكيزان "مصطلح الكيزان دي بتريح ناس كتار" لكن الصاح يا زول الله أقول ليك السوداني المربوع أب موتر دا رب العباد نزلو ليك من فوق عشان يفتشك ويجعلك السبب في انارة الحلة وبدل 100 كرسي انت الزول النضيف دا تعملها الف ،، وبدل جننيتر تجيب مولد كبير ! ولاحقاً تكوّن لجنة من نضاف الحلة لتوصيل الكهرباء للمنطقة ،،

انشاء الله السودان كلو يبقى حرامية زي الكيزان !


آلة كاتبة ، وزير وفرشات للصلاة في التسعينات !!


لله درك يا إنقاذ !

كانو بيفتشو لي رجال ، كانو بيفتشو لمنقذين ، كانو بيفتشو لدماء حارة نضيفة توصل القليل من الميزانية للقرى والمناطق البعيدة ، الميزانيات دي يا زول الله لغياب الضمير ولكثرة ضعاف النفوس ، من زمن الاستقلال الى حضور الناس ابان مواتر ديل وتفتيشهم في الأحياء عن منو الامين النضيف السمعتو كويسة عشان يسلموهو الفرشات والزير ، كانت الميزانيات دي حدها بوابة وزارة المالية وتوزع ، وأنتو في القرية بيصلكم وتقبلو تحيات الريّس !!

قول 2 يا ود الخير

المشاركة الأصلية كتبت بواسطة ود الخير

سويتوها لينا كلها حوش المهدي وحوش منو ما عارف وأي واحد عمل ليهو مدرسة جنب حوشو يعلم فيها اولادو ! وحريقة تحرق الباقي ،، لكن جوكم ابان قلباً حار ديل ،، وقالو كدي ! اول حاجة شلعوها ليكم ترابيز الحكام الوارثنها دي ،، والقائد كان في الشارع ومع الشعب ! تقولي شنو ؟ وتقول لي منو!؟

ادفعو ضريبة الوطن دا يا عمك ، وبطلو إدعاء النضال !!

قووووووووول 3 ااااااااااااته

يا ود الخير يعلم الله ماك نصيح
ماك نصييييييييييييييح

ياخي الله ينعل ابو الإنقاذ علي أبو اليوم الخلاها تقعد لينا في حلقوم بلدنا دي ياخ

ثُم ياخي إحترم قرعوباتنا دي ياخ الله يرضي عليك ،،، إحترم عقولنا ودقنوساتنا دي ياخ

بلا إنقاذ بلا سجم رماد ياخ