[صديق عيدروس]

المشاركة الأصلية كتبت بواسطة نزار حسن علي

عيدروس تحياتي
المشكلة يا عيدروس لو عندنا نظام وانضباط وترتيب مهما كنا دولة متخلفة في كل شئ ما في خوف من دخول الاجانب السودان لانو عليهم واجبات وليهم حقوق حسب القانون في اي دولة افريقية فيها نظام معمول به بغض النظر عن النظام السياسي اما الدول المتفلته بقصد بيها لا عندها ظابط ولا رابط تجد الجواز بسهولة جدا بدليل في مهندس سوداني لاقيته صدفة في الدوحة قال لي دخل بجواز من النيجر قال لي قدمته للسفارة ودفعته 200 دولار فقط دي الدول المتفلته ونحنا دخلنا في المعمعه دي برضو هنا كميات ماخدة جوازات سودانية وما شافو السودان ده من كلامن معاي بسالن هل شوفتو السودان يقول ليك لا دفعته مبلع كده واتحصلته علي الجواز السوداني معانا في الشركة اريتري وزوجته جوازات سودانية والجواز الجديد كمان رايك شنو المشكلة مافي دخلو كم لو في نظام محترم وقانون محترم مافي مشكلة لكن قصة جايطة كده نحنا بقينا فيلم هندي ما معروف فيهو شئ وما مفهوم منه شئ هسة بالله مش كارثة الشغالين معاي ديل يدوهم جواز وعم حسن ما يطلعو لبناته جوازات سودانية غايتو الله غالب

حياك الله اخ نزار
اتفق معك تماما ماعندنا ترتيب ولا تنظيم ولا احصاء ،،، السنة الماضية على ما اظن ديوان المراجع العام احصى حالات كثيرة لناس ميتين منذ زمن ومازالت علاوتاهم ورواتبهم ماشة ،،اما مسالة الجوازات فانا ايضا اعرف مجموعة من الاريتريين تحصلوا على جوازات سودانية بكل سهولة
وكل هذا ليس مسؤلية الحكومة او السلطة الحاكمة وحدها ،، هذه مسؤوليتنا كشعب نحتاج لدروس في الوطنية والانتماء ،، وهذه تحتاج للمراجعة والمحاسبة لكل من اجرم او تامر على هذا البلد