[كيشو]

المشاركة الأصلية كتبت بواسطة كيشو

السلام عليكم يا ود الخير
وليك التحية والتقدير وربنا يكتب لك أجر هذا المحصول، وما أخذته الجمارك كفارة ليك
بس ياخي حساب تكلفة الوابور كلها على الشوتة الأولى دي يمكن ما يكون صحيح، فالوابور دا حيشتغل مرات عديدة؛ وممكن تلقى ليهو إيجار، وعليه تكون حكاية تحميل تكلفته على الإنتاج الأول محل نظر، ولهذا حقو تغير حساب الأرباح من جديد عشان الفرحة تزيد، أو تعتبر الوابور وقع ليك بارد
تحياتي لك ولضيوفك
وتحية خاصة للعزيز قرقاش

المشاركة الأصلية كتبت بواسطة ود الخير

أخي الاكرم عصام, بعد التحية والسلام , تعرف إنت جيت في
وكتك
غير الارض ايجارها اكتشفت انو ممكن تتزرع للصيف ايضاً وذلك داخل قيمة ال10000 فالارض مستأجرة سنة كاملة بي المبلغ المذكور,, والفوئد كثيرة ,, وغير انو في التكلفة المذكورة عمليات الزراعة كلها مدفوعة الاجر باليوميات , غير الشخص الثابت للمتابعة
التكلفة حا تقل الي النص لو في معدات وانت واقف على زراعتك بنفسك

في الاستفسار بخصوص التلاجة , السعر بعد التخزين والحفظ , سعر الشوال بيحصل
أكثر من 300 الف ج

التكلفة حتقل عن النصف كما يلي:
أولاً: الوابور: لا تحسب قيمة الوابور من جمارك وترحيل وصيانة، يجب أن تحسب فقط أجرة الوابور، يعني اعتبر نفسك ما عندك وابور (نحن في القضارف نسميهو بابور أو تَرَكْتَرْ)، أها لو ما عندك بابور حتقوم تؤجر ليك واحد، ومساحتك دي تزيد قليلاً عن الـ (ساعة) كما نسميها في القضارف (الساعة = 5 فدان)، وأجرة حراثة الساعة ربما حوالي ثلاثمائة ألف جنيه بالقديم (شفت الربح بتاعك حيكون كيف؟)
ثانياً: أجرة الأرض: فأجرة الأرض ستنخفض إلى النصف لو زرعت فيها شيئاً جديداً، لأن مدة زراعة البطاطس بي حصادها أقل من سنة، فلا يمكن أن تحمل انتاجك من البطاطس كل تكلفة أجرة الأرض (يعني اعتبر نفكس استأجرت الأرض لزراعة البطاطس بمبلغ خمسة مليون وليس عشرة)