اقتباس:
المشاركة الأصلية كتبت بواسطة سر الختم إبراهيم نقد
تحية تاني يا ود الخير
محصول وفير بإذن الله
غايتو إذا البطاطس كترت عن الطلب مافي مشكلة ما تعمل مصنع شيبس" البطاطس المجففة" البحبوها العيال والنسوان.
الغريب مرة سألت أحد أقربائنا لماذا توقف مصنع الشيبس الذي يعمل فيه محاسباً والذي يملكه أحد المهندسين المخضرمين فأجابني ماقادرين نشتري الخام أوبالاصح نستورد الخام ومن وين تستوردون الخام قال: من السعودية؟؟ اتخيل من السعودية خام البطاطس.
اعمل مصنع شيبس ولتحيا الرأسمالية الوطنية.
شرطاً تدفع العليها.
|
حبيبنا سر الختم ...تحيه عطره ليك ولاحبه المنتدى ...
البطاطس انواعه عديده وكثيره ..وهى بمعنى الكلمه حرفيا اشكال والوان ...النوع العندنا فى السودان نوع لاينشف بعد القلى فى الزيت ...يعنى بعد ما تحمره برضه تلقاه لين ..
هناك نوع من البطاطس ...اسمه دايموند ..وهذا بمجرد ان يخرج من الزيت يكون ناشف يتكسر ..وهذا هو النوع المطلوب لمصانع الشيبس ..
فعلا كان هناك مصنع وحيد لصناعه شيبس البطاطس فى السودان ( نسيت اسمه ) واغلق فجاءه ...ولا اعلم مالذى فعلوه فى الماكينات التى لديهم ...اتمنى لو تزيدنى معلومات من قريبك هذذا ..
الشيبس نفسه خشم بيوت ...فهناك منفخات الذره التى تنكه وتباع ...وهناك الجيل الثالت من الشيبس ..وهو يصنع من خامه البلت التى تصنع من دقيق ونشاء البطاطس ...يعنى البطاطس نفسه بيطحن ويتعمل دقيق وايضا يستخرج منه النشاء ..ونشاء البطاطس من اغلى انواع النشاء ..